احتساب عدالت راولپنڈی کے جج نے بانی پی ٹی آئی کے دانتوں کے چیک اپ کی درخواست منظور کرلی۔
اے آر وائی نیوز کے مطابق راولپنڈی کی احتساب عدالت نے 190 ملین پاؤنڈ کیس میں بانی پی ٹی آئی اور اہلیہ بشریٰ بی بی پر فرد جرم عائد کردی۔
بشریٰ بی بی اور بانی پی ٹی آئی نے صحت جرم سے انکار کردیا جس کے بعد احتساب عدالت نے آئندہ سماعت پر پانچ گواہوں کو طلب کرلیا۔
دوران سماعت بانی پی ٹی آئی نے روسٹرم پر آکر کہا کہ ہم اس کیس میں تاخیر نہیں چاہتے 8 فروری سے پہلے نیب کو جلدی تھی اب ہم چاہتے ہیں کہ ریفرنس جلد مکمل ہو۔
جج نے کہا کہ خان صاحب آپ پہلے یہ بتائیں کہ آپ کے دانتوں کا چیک اپ ہوا کہ نہیں؟
بانی پی ٹی آئی نے کہا کہ ابھی تک دانتوں کا چیک اپ نہیں ہوا۔
عدالت نے بانی پی ٹی آئی کے طبی معائنے اور دانتوں کے چیک اپ کی درخواست منظور کرلی۔