Tag: جدہ

  • بینظیر انٹرنیشنل ایئر پورٹ پرمسافرسے ہیروئن برآمد

    بینظیر انٹرنیشنل ایئر پورٹ پرمسافرسے ہیروئن برآمد

    اسلام آباد: سیکورٹی فورس نے بینظیر انٹرنیشنل ایئر پورٹ پرچیکنگ کےدوران جدہ جانے والے مسافر سے 2کلوہیروئن برآمد کر لی۔

    تفصیلات کے مطابق بینظیر انٹرنیشنل ایئر پورٹ پر اے ایس ایف کے عملے نےجدہ جانے والےمسافر کے سامان کی تلاشی لی جس میں سے دو کلو آئس ہیروئن برآمد ہوئی جس کے بعد ملزم کو گرفتار کر لیا گیا۔

    اے ایس ایف ذرائع کا کہنا ہے کہ گرفتار ملزم نبی اللہ کا تعلق ضلع صوابی سے ہے جو نجی ایئر لائن کے ذریعے جدہ جارہا تھا ایئر پورٹ پر اس کے سامان کی تلاشی لی گئی تو لاکھوں روپے کی ہیروئن برآمد ہوئی جس کے بعد اسے حراست میں لے کر تفتیش کی جارہی ہے۔

    مزید پڑھیں: لاہور،علامہ اقبال ایئرپورٹ پرمسافرسے ڈیڑھ کلو ہیروئن برآمد

    یاد رہےکہ گزشتہ ہفتے اینٹی نارکوٹکس فورس (اے این ایف) نے خفیہ اطلاع پرکارروائی کرتے ہوئے علامہ اقبال ائیرپورٹ پرایک مسافر کے سامان سے بھاری مقدار میں ہیروئن برآمد کی تھی۔

    واضح رہےکہ گزشتہ دنوں کراچی میں کسٹم حکام اور اینٹی نارکوٹکس فورس نے مشترکہ کارروائی کرکے 60کروڑ روپے کی منشیات قبضے میں لی تھی۔

  • ہیلری کلنٹن کا خفیہ ہتھیار: پاکستان سے تعلق رکھنے والی مسلمان ہما عابدین

    ہیلری کلنٹن کا خفیہ ہتھیار: پاکستان سے تعلق رکھنے والی مسلمان ہما عابدین

    واشنگٹن: امریکا کے صدارتی انتخابات اگلے ماہ منعقد ہونے والے ہیں اور امریکی عوام کی اکثریت سمیت دنیا بھر کے امن پسند افراد ڈیمو کریٹک امیدوار ہیلری کلنٹن کے صدر بننے کے خواہش مند ہیں۔

    اب تک کے سروے اور رپورٹس کے مطابق ہیلری کلنٹن کو ڈونلڈ ٹرمپ پر برتری بھی حاصل ہے۔ ہیلری کلنٹن کی ٹیم میں جہاں بے شمار باصلاحیت اور ذہین افراد شامل ہیں وہیں ایک خاتون ایسی بھی ہیں جو اپنی بہترین صلاحیتوں کے باوجود صرف اس لیے ناقدین کی نظروں میں کھٹکتی ہیں کیونکہ وہ مسلمان ہیں۔

    huma-5

    جی ہاں، امریکا کی ممکنہ آئندہ صدر کی ٹیم میں شامل خاتون ہما محمود عابدین نہ صرف مسلمان ہیں بلکہ ان کا تعلق پاکستان سے بھی ہے۔ ہما ایک طویل عرصہ سے مختلف امریکی سرکاری عہدوں پر اپنی خدمات انجام دے رہی ہیں۔

    ہما کے والد سید زین العابدین ایک بھارتی مصنف ہیں جبکہ والدہ صالحہ محمود عابدین پاکستانی ہیں جو امریکہ جانے کے بعد مختلف اخبارات و رسائل سے وابستہ رہیں۔

    مزید پڑھیں: صومالیہ کی پہلی خاتون صدارتی امیدوار

    ہما کی پیدائش امریکی ریاست مشی گن میں ہوئی تاہم دو سال کی عمر میں وہ اپنے والدین کے ساتھ جدہ چلی گئیں جہاں انہوں نے اپنی ابتدائی تعلیم حاصل کی۔ اس کے بعد وہ امریکا واپس آگئیں اور مختلف تعلیمی اداروں سے اعلیٰ تعلیم حاصل کی۔

    ہما کی پہلی جاب وائٹ ہاؤس میں تھی۔ انہوں نے 1996 میں وائٹ ہاؤس میں انٹرن شپ سے اپنے کیریئر کا آغاز کیا جہاں انہیں اس وقت کی خاتون اول ہیلری کلنٹن کی ٹیم میں شامل کیا گیا۔ یہیں سے ہیلری نے ان میں چھپی صلاحیتوں کو پہچانا اور ہما کو مستقلاً اپنی ٹیم میں شامل کرلیا۔

    huma-4

    اس کے بعد سے ہیلری نے جب بھی کسی سیاسی عہدہ کے لیے جدوجہد کی، چاہے وہ سینیٹر کا انتخاب ہو، 2007 میں صدارتی امیدوار کے لیے نامزدگی کی مہم ہو یا موجودہ صدارتی انتخاب کے لیے چلائی جانے والی مہم، ہر ناکام اور کامیاب سفر میں ہما ان کے ساتھ رہیں۔ سنہ 2007 میں ایک مشہور صحافی ربیکا جانسن نے ہما کو ’ہیلری کا خفیہ ہتھیار‘ کا نام دیا۔

    اوباما کے پہلے دور صدارت کے دوران جب ہیلری کلنٹن سیکریٹری خارجہ رہیں، ہما اس وقت ان کی ڈپٹی چیف آف اسٹاف رہیں۔ یہ عہدہ اس سے قبل کسی کے پاس نہیں تھا اور ہما کے لیے یہ خصوصی طور پر تخلیق کیا گیا۔

    صرف یہی نہیں ہما کو خصوصی رعایت دی گئی کہ وہ دارالحکومت واشنگٹن میں رہنے کے بجائے نیویارک میں اپنے گھر میں رہ کر بھی کام کرسکتی ہیں تاکہ وہ اپنے شوہر اور بچوں کے ساتھ زیادہ وقت گزار سکیں۔

    ہما پر نہ صرف ہیلری کلنٹن بلکہ بل کلنٹن بھی بے حد اعتماد کرتے ہیں جس کا اندازہ اس بات سے لگایا جاسکتا ہے کہ ہما کلنٹن فاؤنڈیشن کا بھی حصہ ہیں جس کا سرکاری امور سے کوئی تعلق نہیں۔

    huma-3

    ہیلری کے دیگر رفقا کا کہنا ہے کہ ہما ایک ذہین اور نہایت باصلاحیت خاتون ہیں۔ جب ہیلری سیکریٹری خارجہ تھیں تب وہ مشرق وسطیٰ کے معاملات پر ہما سے مشورے لیا کرتیں۔ ہما کو مشرق وسطیٰ کے معاملات پر گہری نظر تھی اور وہ نہایت دور اندیش تجزیے پیش کیا کرتی تھیں۔

    تقریباً اپنی تمام عمر امریکا میں گزارنے کے باوجود ہما اپنے بنیادی تشخص کو نہیں بھولیں۔ وائٹ ہاؤس میں انٹرن شپ کے دوران وہ ’جرنل آف مسلم مائنرٹی افیئرز‘ نامی رسالے کی نائب مدیر بھی رہیں جس میں امریکا میں رہنے والے مسلمانوں کے مسائل و موضوعات کو پیش کیا جاتا تھا۔

    سنہ 2012 میں کانگریس کے چند ری پبلکن اراکین نے الزام عائد کیا کہ ہما کا ایک بھائی بھی ہے جس کی شناخت کو دنیا سے چھپایا گیا ہے۔ انہوں نے دعویٰ کیا کہ اس کا تعلق مختلف شدت پسند تنظیموں سے ہے اور ایسے شخص کی بہن کا اہم سرکاری عہدوں پر تعینات رہنا امریکی سلامتی کے لیے سخت خطرات کا باعث بن سکتا ہے۔

    تاہم اس الزام کو کانگریس کی اکثریت اور امریکی عوام نے مکمل طور پر مسترد کردیا۔

    huma-2

    ہما ہندی، اردو اور عربی زبان پر عبور رکھتی ہیں۔ انہوں نے ایک کانگریسی رکن انتھونی وینر سے شادی کی جس سے ان کا بیٹا بھی ہے تاہم 6 سال بعد انہوں نے اس سے علیحدگی اختیار کرلی۔

    پاکستانی اور دنیا بھر کی خواتین کے لیے عزم و ہمت کی روشن مثال ہما کہتی ہیں، ’میں اپنے مقام سے خوش ہوں۔ میں نہ صرف تاریخ میں ذرا سی جگہ حاصل کرنے میں کامیاب رہوں گی، بلکہ اس مقام پر رہ کر میں لوگوں کی مدد بھی کرسکتی ہوں‘۔

  • سفارتخانے کی بے حسی، جدہ کی شمسی جیل میں‌ 170 پاکستانی قید

    سفارتخانے کی بے حسی، جدہ کی شمسی جیل میں‌ 170 پاکستانی قید

    جدہ: سعودی عرب سے سیکڑوں پاکستانیوں کی وطن واپسی کے باوجود مختلف شہروں میں کئی سو پاکستانی مختلف کیمپوں اور جیلوں میں قید ہیں جن کا کوئی پرسان حال نہیں، جدہ کی شمسی جیل میں اس وقت بھی 170 پاکستانی موجود ہیں جو امداد کے منتظر ہیں لیکن ان کی مدد نہیں کی جارہی۔

    Pakistani in KSA by arynews

    نمائندہ اے آر وائی نیوز کراچی صلاح الدین کے مطابق جدہ کی شمسی جیل میں اس وقت بھی 170 پاکستانی باشندے مختلف الزامات میں قید ہیں لیکن پاکستانی سفارت خانے کی جانب سے ان کی رہائی یا الزامات غلط ثابت کرنے کے لیے کوئی کارروائی نہیں کی جارہی۔

    یہ بھی پڑھیں:سعودی عرب میں پھنسے مزید سیکڑوں پاکستانی مشکلات کا شکار

    نمائندے کے مطابق یہ تمام تر پاکستانی شہری معمولی نوعیت کے جرائم میں قید ہیں اور متعدد قیدی ایسے ہیں جنہیں کفیل کو ادائیگی نہ کرنے یہاں قید کردیا گیا حالاں کہ انہیں ڈ ی پورٹ کرکےوطن واپس بھیج دیاجانا چاہیے۔

    اسی سے متعلق:سعودی عرب کی جیلوں میں پاکستانی خواتین بھی قید، رہائی کی منتظر

    ایک قیدی نے اے آر وائی نیوز کو بتایا کہ کفیل نے مجھ سے پیسے مانگے، پیسے نہ دینے پر اس نے جیل میں قید کرادیا۔

    یہ بھی پڑھیں:سعودیہ میں محصور پاکستانیوں کو کوئی مسئلہ درپیش نہیں، پاکستانی سفیر

    قیدیوں نے حکومت کے ساتھ ساتھ پاکستان تحریک انصاف کے چیئرمین عمران خان سے بھی رہائی کی اپیل کردی کہ ان کی رہائی کے لیے اقدامات کیے جائیں۔

    یہ بھی: سعودی عرب کے حراستی مرکز میں ہزاروں پاکستانی محصور

    نمائندہ اے آر وائی نے مزید بتایا کہ اس حوالے سے موقف جاننے کے لیے سفارت خانے سے رابطہ کیا گیا لیکن انہوں نے کوئی تسلی بخش جواب نہیں دیا۔

    سعودی عرب کی جیلوں میں قید ہزاروں پاکستانیوں کو واپس لایا جائے گا، دفتر خارجہ

    قبل ازیں دفتر خارجہ نے اعلان کیا تھا کہ پاکستانی باشندوں کو واپس لایا جائے گا تاہم درجنوں پاکستانی واپس آ تو گئے تاہم کئی سو ابھی تک پھنسے ہوئے ہیں۔

    سی ای اواے آروائی سلمان اقبال کا سعودی عرب میں پھنسے پاکستانیوں کے لیےاہم اعلان

    سی ای او اے آر وائی نیوز سلمان اقبال نے پاکستانیوں کی مدد کے لیے اعلان کیا جس پر شاہین ایئر لائن نے پاکستانیوں کو مفت وطن واپس لانے کا اعلان کیا۔

    سعودی عرب: شاہ سلمان کا پریشان حال پاکستانیوں کو تنخواہ دینے کا حکم

    ایک کمپنی میں پھنسے پاکستانی باشندوں کوتنخواہ نہ ملنے پر شاہ سلمان سخت برہم ہوئے اور تنخواہ کی فوری ادائیگی کا حکم جاری کیا۔

    وزیراعظم کا سعودی عرب میں پھنسے پاکستانیوں کے لیے امداد کا اعلان

    وزیراعظم نے مسئلے کا نوٹس لیتے ہوئے انہیں وطن واپس لانے اور سفارت خانے کو وہاں ان کی مدد کرنے کا حکم دیا تاہم سفارت خانے نے وزیراعظم کے حکم کو بھی پس پشت ڈال دیا۔

    سعودی عرب میں پھنسے پاکستانی محنت کشوں کی دعائیں رنگ لے آئیں

    پھنسے ہوئے پاکستانیوں نے جب دعائیں کیں تو وزیراعظم نے نوٹس لیا اور ساتھ ہی سلمان اقبال اور شاہین ایئرلائن نے بھی مدد کا اعلان کیا۔

    دمام میں پھنسے پاکستانیوں کی مدد کی جائے، لارڈ نذیرکا سعودی سفیر کو خط

    اسی دوران برطانیہ میں لارڈ نذیر نے بھی ان غریب الوطنوں کے حق میں آواز بلند کی اور سعودی سفیر سے بذریعہ خط مطالبہ کیا کہ ان کی مدد کی جائے اور وطن واپس بھیجا جائے۔

  • واشنگٹن:جدہ میں امریکی شہریوں پر حملےکا خطرہ ہے،امریکی محکمہ خارجہ

    واشنگٹن:جدہ میں امریکی شہریوں پر حملےکا خطرہ ہے،امریکی محکمہ خارجہ

    واشنگٹن : سعودی عرب میں امریکی سفارتخانے نے جمعرات کے روز کہا کہ انہیں اطلاعات موصول ہوئی ہیں کہ جدہ میں امریکی شہریوں پر حملے کا خطرہ ہے.

    تفصیلات کے مطابق امریکی محکمہ خارجہ کی جانب سے جاری کیے جانے والے سفری انتباہ میں امریکی شہریوں کو محتاط رہنے کی ہدایت کی گئی ہے،امریکا کا کہنا ہے کہ جدہ میں امریکی شہریوں پر حملےکا خطرہ ہے.

    امریکی شہری خاص کر ہجوم والی جگہوں پر جانے سے پرہیز کریں،محکمہ خارجہ نےسعودی عرب کا سفر کرنےوالے امریکیوں اورجدہ میں مقیم اپنے شہریوں کواضافی احتیاط برتنے کی ہدایت کی ہے.

    امریکی محکمہ خارجہ کی جانب سے سفری انتباہ میں امریکی حکام اوران کےاہلخانہ کو کہاگیاہےکہ وہ یمنی سرحدی علاقوں سےدور رہیں.

    *جدہ : امریکی قونصل خانے کے قریب خودکش دھماکہ

    رواں ماہ چار جولائی کو سعودی عرب کے شہر جدہ میں خودکش حملہ آور نے خود کو امریکی قونصل خانے کے پاس دھماکے سے اڑادیا تھا،جس کے نتیجے میں حملہ ہلاک اور دو افراد زخمی ہوگئے تھے.

    یاد رہے کہ جدہ میں امریکی قونصل خانے کے قریب دھماکہ امریکہ کے یوم آزادی کے موقع پرہوا تھا،اس سے قبل2004 میں جدہ ہی کے امریکی قونصل خانے کو حملے میں نشانہ بنایا گیا تھا،جس میں نو افراد جان کی بازی ہار گئے تھے.

  • جدہ : امریکی قونصل خانے کے قریب خودکش دھماکہ

    جدہ : امریکی قونصل خانے کے قریب خودکش دھماکہ

    جدہ : سعودی عرب کے شہر جدہ میں ایک مشتبہ خودکش حملہ آور نےامریکی قونصل خانے کی عمارت کے قریب خود کو دھماکے سے اڑا دیا.

    تفصیلات کے مطابق جدہ میں ایک مشتبہ خودکش حملہ آور نے امریکی قونصل خانے کی عمارت کے قریب خود کو دھماکے سے اڑادیا،جس کے نتیجے میں دو پولیس اہلکار زخمی ہوئے ہیں.

    امریکی قونصل خانے کی عمارت کے قریب خودکش دھماکے کے بعد سیکورٹی حکام نے علاقے کو گھیرے میں لے لیا.

    سعودی عرب میں امریکی سفارتی قونصل کے حکام اور وزرات داخلہ فوری طور پر اس واقعے پر بیان دینے کے لئے نہ پہنچ سکے.

    دھماکہ فجر کی نماز سے پہلے ہوا،جس کے بعد مسلمان رمضان کے مقدس مہینے میں روزہ رکھ کر اپنے روز مرہ کے کام شروع کرتے ہیں.

    امریکی قونصل خانے کے قریب دھماکہ امریکہ کے یوم آزادی کے موقع پرہوا ہے.

    یاد رہے 2004 میں جدہ ہی کے امریکی قونصل خانے کو حملے میں نشانہ بنایا گیا تھا،جس میں نو افراد جان کی بازی ہار گئے تھے.

  • وزیراعظم نوازشریف اورجنرل راحیل شریف کا جدہ ائیر پورٹ پر پُرتپاک استقبال

    وزیراعظم نوازشریف اورجنرل راحیل شریف کا جدہ ائیر پورٹ پر پُرتپاک استقبال

    جدہ : وزیراعظم نواز شریف اور آرمی چیف جنرل راحیل شریف تین روزہ دورے پرسعودی عرب پہنچ گئے۔ سعودی حکام سے ملاقات سمیت فوجی مشقوں کا بھی معائنہ کریں گے۔

    تفصیلات کے مطابق وزیر اعظم نواز شریف اور پاک فوج کے سربراہ جنرل راحیل شریف سعودی عرب پہنچے تو جدہ ایئرپورٹ پر سعودی حکام نے دونوں سربراہان کا پُر تپاک استقبال کیا۔

    وزیر اعظم، آرمی چیف اور پاکستانی وفد کو ایئرپورٹ پر قہوہ پلا کر سفر کی تھکان اتاری گئی۔ جس کے بعد دونوں سربراہان الگ الگ گاڑیوں میں روانہ ہوئے۔

    دونوں سربراہ سعودی فرمانروا شاہ سلیمان کی دعوت پر سعودی عرب پہنچے ہیں، اس کے علاوہ دونوں رہنما سعودی فرمانروا شاہ سلمان سے خصوصی ملاقات کریں گے جس میں خطے میں امن و امان کی صورتحال پر تبادلہ خیال کیا جائے گا۔

    اس دورے میں ان کے ہمراہ وزیراعظم کے معاون خصوصی طارق فاطمی بھی ہیں۔ تین روزہ دورے میں سعودی حکام سے ملاقات سمیت’’رعد الشمال‘‘ فوجی مشقوں کا معائنہ بھی کریں گے، جس میں پاکستان سمیت چوبیس ملکوں کی فوج حصہ لے رہی ہے۔ پاکستانی فوجی دستے میں اسپیشل سروسز گروپ کے افسران بھی شامل ہیں۔

    دس مارچ تک جاری رہنے والی مشقوں کو خطے کی سب سے بڑی فوجی مشق قرار دیا گیا ہے۔ جس میں غیر منظم فوج اور دہشت گرد گروپوں کے خلاف کاروائی کی تربیت دی جارہی ہے۔

     

    PM Nawaz Sharif and COAS General Raheel Sharif arrived in Riyadh

    PM #NawazSharif and COAS General #RaheelSharif arrive in RiyadhVideo source: Prime Minister's OfficeRead more: http://arynews.tv/en/pm-army-chief-leave-for-riyadh/

    Posted by ARY News on Wednesday, March 9, 2016

  • شہبازشریف وفد کے ہمراہ جدہ پہنچ گئے، سعودی وزیرخارجہ سےملاقات

    شہبازشریف وفد کے ہمراہ جدہ پہنچ گئے، سعودی وزیرخارجہ سےملاقات

    جدہ : وزیراعلٰی پنجاب شہبازشریف سعودی عرب پہنچ گئے،انہوں نے جدہ میں سعودی وزیرخارجہ سعود الفیصل سےملاقات کی۔

    پنجاب کے وزیر اعلیٰ اپنے وفد کے ہمراہ  سعودی عرب کے اہم دورے پرجدہ پہنچ گئے، شہبازشریف کےسعودی دورے کوانتہائی اہم قراردیا جارہا ہے۔

    انہوں نے جدہ میں سعودی وزیرخارجہ سعودالفیصل سےاہم ملاقات کی،شہبازشریف کے  ساتھ وزیراعظم کے خارجہ امور کے مشیرسرتاج عزیزاورسیکرٹری خارجہ بھی سعودی عرب گئے ہیں ۔

    یمن جنگ کے حوالے سے وزیراعظم نواز شریف پہلے ہی دوٹوک الفاظ میں واضح کرچکے ہیں کہ سعودی عرب کی سالمیت کوخطرہ ہوا تو بھرپورجواب دیا جائے گا۔

    پاکستان نے یمن میں عرب اتحاد کی حمایت کا اعلان تو کیا ہے تاہم فوج بھیجنے کا فیصلہ نہیں کیا۔

    پارلیمنٹ کی مشترکہ قرارداد کے باوجود سعودی عرب نےامید ظاہرکی ہے کہ پاکستان یمن میں حوثی باغیوں کے خلاف لڑنے کے لئے فوج بھیجے گا۔

    پاکستان کے دورے پرآئے ہوئے  سعودی وزیرمذہبی امورالشیخ صالح بن عبدالعزیز کا کہنا ہے کہ سعودی عرب کو لاحق خطرات اوریمن آپریشن سے پاکستانی قیادت کوآگاہ کیا۔

  • وزیراعظم کی وطن واپسی پرچھتیس قسم کے کھانوں کا انتظام

    وزیراعظم کی وطن واپسی پرچھتیس قسم کے کھانوں کا انتظام

    جدہ :وزیراعظم پاکستان میاں نواز شریف کی وطن واپسی پر بھی ان کی کھانوں کی فرمائش کا سلسلہ جاری رہا اور یہ خواہشات قومی ایئرلائن کے عملے نے پوری کی ۔ وزیراعظم جدہ سے پی آئی اے کی پرواز پی کے7440کے ذریعے لاہور کیلئے روانہ ہونگے،

    بوئنگ 777طیارے کو وی وی آئی پی پرواز کا درجہ دیا گیا ہے، وزیر اعظم کی فرمائش پر چھتیس قسم کے کھانے جہاز پر لوڈ کئے گئے ہیں جس میں قورمہ، بریانی،چائنیز، کانٹی نینٹل فوڈ سمیت دیگر کھانے جہاز میں رکھے گئے ہیں وزیراعظم کی پسندیدہ ڈش پائے کو بھی مینو کا حصہ بنایا گیا ہے

    وزیراعظم کی خصوصی فرمائش پر سعودی عرب کی مشہور لبن لسی بھی رکھی گئی ہے وزیراعظم کے کھانوں پر پی آئی اے کے لاکھوں ریال خرچ ہوئے وزیراعظم کے ہمراہ قوانین کی خلاف ورزی کرتے ہوئے دو سو سے زائد زم زم کی بوتلیں اور پچاس سے زائد سوٹ کیس رکھے گئے ہیں پی آئی اے قوانین کے مطابق ایک مسافر کے ساتھ ایک آب زم زم کی بوتل لے جانے کی اجازت ہے.

    پرواز پی کے7440پر پندہ سے زائد ،کے حامل مسافروں کو آف لوڈ کیا گیا ہے یہ پندرہ مسافر وطن آنے سے محروم رہ گئے طیارے کو وی وی آئی پی درجہ دینے کیلئے ان مسافروں کو آف لوڈ کیا گیا ہے۔