Tag: جرمانہ

ابو ظہبی میں چلتی گاڑیوں سے باہر کچرا پھینکنے والے بھاری جرمانوں کے لئے ہوجائیں تیار، اب چلتی گاڑیوں سے کوڑا کرکٹ پھینکنے والوں پر 1000 درہم جرمانہ عائد کرنے کافیصلہ کرلیا گیا ہے۔

غیر ملکی ذرائع ابلاغ کے مطابق چلتی گاڑی سے سڑک پر کوئی بھی چیز پھینکنا قانون کے آرٹیکل 71 کی خلاف ورزی میں شمار ہوتا ہے، اگر ایسا کیا گیا تو گاڑی کے ڈرائیورز کو جرمانوں کا سامنا کرنا پڑے گا۔

ٹریفک پولیس کا کہنا ہے کہ ابوظہبی میونسپلٹی کی جانب سے‘ہمارا خوبصورت شہر’کے عنوان سے شروع کی گئی مہم کو کامیاب بنانا ہم سب کے لیے انتہائی ضروری ہے۔

دریں اثنا، پٹرولنگ پولیس کے ڈائریکٹر کرنل محمود یوسف البلوشی کی جانب سے ایک بیان سامنے آیا ہے، جس میں انہوں نے کہا ہے کہ ابوظہبی ٹریفک پولیس وقتاً فوقتاً آگاہی مہم چلاتی ہے جس کا بنیادی مقصد معاشرے میں قانون کی اہمیت کو اجاگر کرنا اور قواعد کی پابندی کرنا ہے۔

انہوں نے کہا کہ ٹریفک پولیس کی جانب سے الیکٹرک اسکوٹر سواروں کو اس کے خطرناک پہلو سے آگاہ کرنے کے لیے ایک مہم کا آغاز کیا گیا تھا، جس میں بتایا گیا تھا کہ ہائی ویز پر اسکوٹر چلانا خطرے کا باعث بن سکتا ہے، انہوں نے کہا کہ اقدامات پر سختی سے عمل کرنا ضروری ہے۔

الیکٹرک سکوٹر سواروں کے لیے حفاظتی ہیلمٹ کا لازمی استعمال کریں۔ والدین کو چاہیے کہ وہ اپنے نوعمر بچوں کو ہائی ویز پر سکوٹر چلانے کی اجازت نہ دیں، تاکہ کسی بھی بڑے نقصان سے بچ سکیں۔

سابق امریکی صدر ڈونلڈ ٹرمپ پر نیویارک کی مقامی عدالت نے سول فراڈ کیس میں 10 ہزار ڈالر جرمانہ عائد کردیا۔

غیر ملکی ذرائع ابلاغ کے مطابق جرمانہ جج ارتھور انگورون نے سابق امریکی صدر کے خلاف سول فراڈ کیس میں عدالتی عملے پر تنقید کرنے پر عائد کیا۔

ڈونلڈ ٹرمپ نے تین ہفتے قبل جزوی گیگ آرڈر کی خلاف ورزی کی تھی، گیگ آرڈر 3 اکتوبر کو ٹرمپ کی جانب سے سوشل میڈیا پر جج Engoron کے پرنسپل لاء کلرک کی توہین کرنے پر جاری کیا گیا تھا۔

رپورٹس میں بتایا گیا ہے کہ یہ ایک ہفتے کے دوران دوسرا موقع ہے جب ٹرمپ کو ان کے عدالت سے باہر کے تبصروں پر سزا سنائی گئی ہے۔

اس سے قبل امریکا کے سابق صدر ڈونلڈ ٹرمپ کے خلاف خفیہ دستاویزات کیس میں ایک اور گواہی سامنے آگئی۔

سابق امریکی صدر ڈونلڈ ٹرمپ پر غیر ملکی سربراہان کے ساتھ فون پر گفتگو فلوریڈا میں رہائش گاہ پر ساتھیوں کے ساتھ شیئر کرنے کا الزام ہے۔

انہوں نے یوکرینی اور عراقی رہنماؤں کے ساتھ گفتگو میں شامل حساس معلومات شیئر کی تھیں۔ اس بات کا انکشاف آسٹریلوی تاجر انتھونی پریٹ نے امریکی میڈیا کو انٹرویو میں کیا۔

سابق امریکی صدر پر جوہری آبدوزوں سے متعلق حساس معلومات بھی شیئر کرنے کا الزام ہے۔ آسٹریلوی تاجر آئندہ سال مئی میں مقدمے کی سماعت کے دوران بطور گواہ پیش ہوں گے۔

دوسری جانب ڈونلڈ ٹرمپ آئندہ صدارتی الیکشن میں ریپبلکن نامزدگی کی دوڑ میں بدستور سب سے آگے ہیں۔ ریپبلکن رہنما ساجد تارڑ کہتے ہیں کہ ان کو بائیڈن انتظامیہ انتقامی کارروائیوں کا نشانہ بنا رہی ہے۔

متحدہ عرب امارات (یو اے ای) کے حکام کی جانب سے ایک ہدایت نامے کے ذریعے بیروزگاری انشورنس میں رجسٹریشن نہ کرانے والوں کو متنبہ کیا گیا ہے۔

بین الاقوامی خبر رساں ادارے کی رپورٹ کے مطابق یو اے ای کے حکام نے نجی اداروں میں کام کرنے والے تمام ملازمین کو بے روزگاری انشورنس کرانے کا حکم دے دیا ہے۔

یو اے ای وزارت ہیومن ریسورسس کی جانب سے ایک ہدایت نامہ جاری کیا گیا ہے جس میں تمام ملازمین کو یکم اکتوبر تک بے روزگاری انشورنس کرانے کی ہدایت جاری کی گئی ہے۔

یو اے ای کے حکام کی جانب سے جاری کئے گئے اس ہدایت نامہ کے مطابق بیروزگاری انشورنس کیلئے رجسٹریشن نہ کروانے والوں پر 400 درہم جرمانہ کیا جائے گا۔

یو اے ای میں بیروزگاری انشورنس کو رواں برس متعارف کرایا گیا تھا جس کے تحت نوکری پیشہ ہر شخص کو اپنی بیروزگاری انشورنس خود کرانا تھی۔

ہدایت نامہ میں مطلع کیا گیا ہے کہ انشورنس کرانے والے ملازم کو نوکری ختم ہونے کی صورت میں 3 ماہ تک ایک معقول رقم دی جائے گی تاکہ وہ اپنی زندگی کے معاملات آسانی کے ساتھ چلا سکے۔

واضح رہے کہ یو اے ای میں اب تک لاکھوں ملازمین نے بیروزگاری انشورنس نہیں کروائی ہے جس کے باعث اب حکومت نے یکم اکتوبر تک کا وقت دیکر رجسٹریشن نہ کروانے پر بھاری جرمانہ عائد کرنے کا اعلان کردیا ہے، حکام کا کہنا ہے کہ اس ہدایت نامہ پر سختی سے عمل کیا جائے گا۔