Tag: جرمنی

برلن: جرمنی میں دہشت گردی کی سازش میں ملوث داعش کی سہولت کار خاتون کو گرفتار کرلیا گیا۔

غیرملکی خبررساں ادارے کے مطابق جرمن حکام نے 40 سالہ خاتون کو گرفتار کیا ہے جس پر شبہ ہے کہ اس نے انتہا پسند تنظیم داعش کے دو ارکان کی مدد کی تھی، یہ دونوں ارکان جرمنی میں ایک حملے کی منصوبہ بندی کررہے تھے۔

وفاقی استغاثہ کے مطابق سونگل گی نامی اس خاتون کی گرفتاری منگل کے روز ہیمبرگ شہر میں عمل میں آئی یہ خاتون شام میں داعش تنظیم کے ایک مشتبہ رکن مارکیا ایم کے ساتھ رابطے میں تھی۔

رپورٹ کے مطابق گرفتار خاتون نے داعش تنظیم کے ایک اور رکن کے ساتھ مل کر ایک دہشت گرد حملے کی منصوبہ بندی کی۔

منصوبے کے تحت حملہ آوروں کو اسمگل کرکے جرمنی کے اندر پہنچانا تھا اور اس کے بعد ان کی شادیاں ایسی خواتین کے ساتھ ہونا تھی جن کو اس سازش کا پہلے سے علم تھا۔

سونگل گی نے 2016 میں ایک فرضی نام سے موبائل فون رجسٹرڈ کروایا اور پھر خود کو ایک ممکنہ حملہ آور کی میزبانی اور شادی کے لیے پیش کیا۔

مزید پڑھیں: جرمنی: داعش سے تعلق کے شبے میں تین شامی نوجوان گرفتار

واضح رہے کہ رواں سال اپریل میں میں بھی سیکیورٹی حکام نے دہشت گرد تنظیم داعش کی رکنیت رکھنے کے الزام میں تین شامی مہاجرین کو گرفتار کیا تھا۔

تفتیش کاروں کے مطابق ملزمان کی گرفتاری اس وقت عمل میں آئی جب پناہ گزینوں کے کیمپ میں خدمات سر انجام دینے والے ایک ملازم نے ملزم کی ویڈیو دیکھی جس میں وہ جنگی وردی پہنے اور ہاتھ میں دستی بم اور دیگر اسلحہ تھامے ہوئے تھا۔

برلن: جرمنی میں ایک سابق نرس نے 100 مریضوں کو قتل کرنے کا اعتراف کرلیا۔

برطانوی خبررساں ادارے کے مطابق جرمنی میں ایک سابق نرس نے اعتراف کیا ہے کہ اس نے اپنے زیر نگرانی 100 مریضوں کو قتل کیا تھا، حکام کا کہنا ہے کہ دو مختلف اسپتالوں میں 41 سالہ نیلز ہوگل اپنی زیر نگرانی مریضوں کو مہلک مقدار میں ادویات دیتا تھا۔

تحقیقات کے مطابق اس کا مقصد ان مریضوں پر پہلے حملہ کرنا اور پھر ان کے اوسان بحال کرکے اپنے ساتھیوں کو متاثر کرنا تھا، نیلز ہوگل پہلے ہی اپنی زیر نگرانی چھ اموات کی وجہ سے عمر قید کی سزا بھگت رہا ہے۔

حکام نے الزام لگایا ہے کہ نرس نے اولڈن برگ میں 36 اور ڈلم ہورسٹ میں 64 مریضوں کو 1999 سے 2005 کے دوران قتل کیا۔

جرمنی میں ہیلتھ حکام کے لیے یہ کیس انتہائی حساس ہے کیونکہ ان پر الزام لگایا گیا ہے کہ انہوں نے نیلز ہوگل کی کارروائیوں کو نظر انداز کیے رکھا۔

تحقیقاتی ادارے کا کہنا ہے کہ ہوسکتا ہے کہ نرس نے 100 سے زائد افراد کو قتل کیا ہو تاہم ان کی لاشوں کو آخری رسومات کے دوران جلادیا گیا ہو۔

مرنے والوں کے لواحقین کا کہنا ہے کہ یہ ایک اسکینڈل ہے کہ ایک قاتل کو اتنے عرصے بغیر کسی سرکاری نگرانی کے اتنے لوگوں کو مار دیا گیا ہو۔

ان کا کہنا تھا کہ ہم کئی برسوں سے اس مقدمے کے لیے لڑ رہے ہیں اور ہمیں امید ہے کہ ہوگل کو 100 قتل کی سزا ضرور ملے گی۔

سن 2005 میں نیلز ہوگل کو ڈلم ہورسٹ میں ایک مریض کو غیرتجویز کردہ دوا دیتے ہوئے پکڑا گیا تھا اسے 2008 میں اقدام قتل کا جرم ثابت ہونے پر سات سال قید کی سزا دی گئی تھی، سن 2014 میں انہیں مزید دو قتل اور دو اقدام قتل کے مقدمات میں سزا دی گئی۔