ARYNews.tv | Urdu – Har Lamha Bakhabar

Tag: جرمن سفیر

  • کینسر کے خلاف برسر پیکار عمران خان کو سلام پیش کرتا ہوں، جرمن سفیر

    کینسر کے خلاف برسر پیکار عمران خان کو سلام پیش کرتا ہوں، جرمن سفیر

    لاہور : پاکستان میں تعینات جرمن سفیر نے کینسر کے عالمی دن کے موقع پر وزیر اعظم عمران خان سمیت کینسر کے خلاف برسر پیکار افراد کو خراج تحیسن پیش کیا۔

    تفصیلات کے مطابق دنیا بھر کی طرح پاکستان میں بھی کینسر کا عالمی دن آج منایا جا رہا ہے جس کا مقصد سرطان سے آگاہی اور اس مرض سے بچاؤ کے حوالے سے شعور بیدار کرنا ہے۔

    جرمن سفیر مارٹن کوبلر نے کینسر کے عالمی دن کے موقع پر وزیر اعظم پاکستان عمران کی کاوشوں سے تعمیر ہونے والے کینسر اسپتال شوکت خانم کا دورہ کیا اور دورے کی تصاویر ایک تحریر کے ساتھ سماجی رابطے کی ویب سایٹ پر ٹویٹ کیں۔

    ٹویٹ میں مارٹن کوبلر نے موذی مرض سے زندگی و موت کی جنگ لڑنے والے افراد سے اظہار ہمدردی کرتے ہوئے کہا تھا کہ ’کینسر کے عالمی دن کے موقع پر میرا دل کینسر کے موذی مرض میں مبتلا افراد کے لیے ڈھڑک رہا ہے‘۔

    جرمن سفیر مارٹن کوبلر کا کہنا تھا کہ کینسر میں مبتلا افراد کو لازمی بہترین علاج فراہم کرنا چاہیے۔

    جرمن سفیر نے ٹویٹ میں وزیر اعظم عمران خان اور کینسر جیسے موذی مرض کے خلاف کام کرنے والے تمام افراد کو خراج تحسین پیش کرتا ہوں۔

  • جرمن سفیر نے اپنی سائیکل پاکستانی ٹرک آرٹ سے سجا دی

    جرمن سفیر نے اپنی سائیکل پاکستانی ٹرک آرٹ سے سجا دی

    اسلام آباد : پاکستان میں تعینات جرمن سفیر مارٹن کوبلر نے طویل جدوجہد کے بعد خریدی گئی سائیکل کو ٹرک آرٹ سے رنگ دیا۔

    تفصیلات کے مطابق سیاحت کے شوقین اور پاکستان کا مثبت چہرہ متعارف کرانے میں پیش پیش رہنے والے جرمن سفیر مارٹن کوبلر نے پاکستان میں تیار کردہ سائیکل خریدنے کے بعد اس پر پاکستان کی مشہور ٹرک آرٹ کروالی۔

    سماجی رابطے کی ویب سایٹ ٹویٹر پر مارٹن کوبلر نے چند تصاویر شیئر کرتے ہوئے لکھا کہ یہ دیکھیں! میری پاکستانی سائیکل کمال ٹرک آرٹ کے ساتھ تیار ہوگئی اور اب پہلے سے زیادہ اچھی لگ رہی ہے۔

    پاکستان میں تعینات جرمن سفیر نے تحریر کیا کہ ’سائیکل پر ٹرک آرٹ کروانے کے بعد راولپنڈی کی گلیوں میں کچھ دیر سائیکل چلائی بہت مزہ آیا‘۔

    جرمن سفیر مارٹن کوبلر نے ٹویٹ میں کہا کہ اگر آپ سائیکل پر لگی گھنٹی کے بارے میں سوچ رہے ہیں تو وہ بھی کام کرتی ہے۔ آپ بتائیں ٹرک آرٹ کے بعد رنگوں کے بارے میں کیا سوال ہے؟

    یاد رہے کہ جرمن سفیر نے گزشتہ ماہ کے آخر میں ہی طویل جدوجہد کے بعد پاکستانی سائیکل خریدی تھی، مارٹن کوبلر نے کہا تھا کہ کافی تلاش کے بعد آخرکار راولپنڈی میں سائیکل ملی، پھر سہراب یا پیکو کے درمیان پھنس گیا؟ آخر میں یہ سرخ رنگ والی خرید لی، جس میں گھنٹی بھی ہے۔

    خیال رہے کہ مارٹن کوبلر پاکستان کی خیر خواہی چاہتے ہیں اور اس سلسلے میں جرمنی کے تعاون سے مختلف پروگرامات کا انعقاد بھی کرواتے رہتے ہیں حال ہی میں انہوں نے ’سربز‘ مہم کا آغاز کیا ہے۔

    جرمن سفیر نے سربز مہم کا آغاز کرتے ہوئے کہا تھا کہ ’ہماری مہم کے دوران ماحولیاتی مسائل سے متعلق بیداری کےلیے روزمرہ زندگی کی مثالوں پر فوکس کیا جائے گا‘۔

  • جرمن سفیر کی مراد سعید سے ملاقات، پاکستان پوسٹ کی کارکردگی کو سراہا

    جرمن سفیر کی مراد سعید سے ملاقات، پاکستان پوسٹ کی کارکردگی کو سراہا

    اسلام آباد: پاکستان میں متعین جرمن سفیر مارٹن کوبلر نے وفاقی وزیر مواصلات مراد سعید سے ملاقات کی اور پاکستان پوسٹ کی نمایاں بہتری کو سراہا۔

    تفصیلات کے مطابق وفاقی وزیر برائے مواصلات مراد سعید سے مارٹن کوبلر کی ملاقات اسلام آباد میں ہوئی جس میں جرمن سفیر نے پاکستان پوسٹ کی جانب سےسروس کےمعیارمیں نمایاں بہتری پر تعریف کی۔

    مارٹن کوبلر کا کہنا تھا کہ پاکستان پوسٹ بہت تیزی سےبہتری کی جانب گامزن ہے، موجودہ حکومت کےاقدامات کےنتیجےمیں سروس کامعیاربہت بہترہوا، میں نے پاکستان پوسٹ کےذریعےبرلن میں اپنےاہل خانہ کوتحفہ بھجوایا۔

    جرمن سفیر کا کہنا تھا کہ تھا کہ اسلام آباد سے برلن بھیجا گیا تحفہ حیرت انگیز طور پر 7 روز اہل خانہ کو موصول ہوگیا، جس میں صرف 200 روپے خرچ ہوئے۔

    وفاقی وزیر مواصلات نے جرمن سفیر کا دفتر آنے پر شکریہ ادا کرتے ہوئے کہا کہ ’پاکستان پوسٹ قوم کا بہترین اثاثہ ہے، مارٹن کوبلر کی جانب سے تعاون کی پیش کش نہایت اہم ہے جس کی قدر کرتے ہیں‘۔

    مزید پڑھیں: پاکستان پوسٹ کی ساکھ میں بہتری، غیرملکی سفیر پاکستان پوسٹ استعمال کرنے لگے

    اُن کا کہنا تھا کہ جرمنی کی حکومت کے ساتھ تعاون کے لیے جامع منصوبہ بندی کریں گے۔

    یاد رہے کہ 8 روز قبل جرمن سفیر نے اپنے اہل خانہ کو تحفہ بھیجا تھا جس کی انہوں نے تصویر بھی سماجی رابطے کی ویب سائٹ پر شیئر کی تھی۔

    جرمن سفیر مارٹن کوبلر کا کہنا تھا کہ مجھے اس بات کی بہت خوشی ہے کہ پاکستان پوسٹ سامان کی ترسیل کا بااعتماد ادارہ بن چکا ہے، پاکستان پوسٹ کے ذریعے برلن میں موجود اہل خانہ کو تحفہ ارسال کیا ہے۔

    مارٹن کوبلر نے ڈاک خانے پر عمدہ سہولتوں اور دوستانہ ملازمین پر مراد سعید کا شکریہ ادا کرتے ہوئے اس کا سہرا وفاقی وزیر برائے مواصلات کو دیا تھا۔

    واضح رہے کہ گزشتہ سال نومبر میں وزیر مملکت برائے مواصلات مراد سعید نے ملک بھر میں ون ڈے ڈیلیوری سسٹم کا افتتاح کیا تھا، ان کا کہنا تھا کہ پاکستان پوسٹ تقریباً 10 ارب سالانہ خسارے میں رہا ہے، پاکستان پوسٹ میں بہت صلاحیت ہے، پوسٹ کے نظام میں بہتری کی ضرورت ہے۔

    یہ بھی پڑھیں: وزیر مملکت نے پاکستان پوسٹ کی ون ڈے ڈیلیوری سسٹم کا افتتاح 

    ان کا کہنا تھا کہ 50 ہزار روپے تک کی بھیجی گئی رقم گھر کے دروازے پر مل سکے گی۔ ون ڈے ڈیلیوری کی سہولت ابتدائی طور پر 25 شہروں میں ہوگی۔ الیکٹرانک منی آرڈر کی سہولت 80 شہروں میں دے رہے ہیں۔

    وزیر مملکت نے کہا کہ پوسٹل سروسز کو جدت کی نئی راہوں پر لے جانے کا فیصلہ کیا ہے، پاکستان بھر کے ڈاک خانوں کا معیار تبدیل کریں گے۔ 13 ہزار ڈاک خانوں کو جدید ترین پوسٹل سروسز کا مرکز بنائیں گے۔

  • جرمن سفیر نے سخت جدوجہد کے بعد سائیکل خرید لی

    جرمن سفیر نے سخت جدوجہد کے بعد سائیکل خرید لی

    اسلام آباد: پاکستان میں تعینات جرمنی کے سفیر مارٹن کوبلر نے سخت جدوجہد کے بعد پاکستان کی تیار کردہ سائیکل خرید لی۔

    تفصیلات کے مطابق سیاحت کے شوقین اور پاکستان کا مثبت چہرہ متعارف کرانے میں پیش پیش رہنے والے جرمن سفیر مارٹن کوبلر نے پاکستان میں تیار کردہ سائیکل خرید لی۔

    سماجی رابطے کی ویب سائٹ ٹویٹر پر جرمن سفیر مارٹن کوبلر نے کہا کہ اف کیا مشکل انتخاب کا دن تھا، پاکستان میں تیار کردہ سائیکل لینا چاہی تو یہ تلاش کرنا مشکل تھی، تمام غیرملکی تیار شدہ سائیکل ہی نظر آئیں۔

    مارٹن کوبلر نے کہا کہ آخرکار راولپنڈی میں سائیکل مل گئی، پھر سہراب یا پیکو کے درمیان پھنس گیا؟ آخر میں یہ سرخ رنگ والی خرید لی، جس میں گھنٹی بھی ہے۔

    جرمن سفیر نے پاکستانی عوام سے سوال بھی کیا کہ ’آپ لوگوں کو میری سائیکل کیسی لگی؟‘

    مزید پڑھیں: جرمن سفیر مارٹن کوبلر اسلام آباد کی پناہ گاہ پہنچ گئے، حکومتی اقدامات کی تعریف

    واضح رہے کہ گزشتہ روز جرمن سفیر مارٹن کوبلر اسلام آباد کی پناہ گاہ پہنچے اور بے گھر افراد کے لیے حکومت کی جانب سے کیے گئے اقدامات کو سراہا۔

    مارٹن کوبلرکا کہنا تھا کہ اسلام آباد میں پناہ گاہ دیکھنے گیا، یہاں کے اسٹاف کا کام قابل تعریف ہے لیکن ایسے بہت سے لوگوں کو دیکھ کر دکھ ہوا جو کھانا خرید نہیں سکتے ہیں۔

    ان کا کہنا تھا کہ کچھ بے گھر افراد کے ساتھ آلو انڈہ کھایا اور ان کی ہلا دینے والی کہانیاں سنیں، انہوں نے سوال کیا کہ ایک شخص 400 روپے دیہاڑی سے 6 سے 8 لوگوں کے خاندان کی کفالت کرسکتا ہے؟

  • جرمن سفیر مارٹن کوبلر اسلام آباد کی پناہ گاہ پہنچ گئے، حکومتی اقدامات کی تعریف

    جرمن سفیر مارٹن کوبلر اسلام آباد کی پناہ گاہ پہنچ گئے، حکومتی اقدامات کی تعریف

    اسلام آباد: پاکستان میں تعینات جرمنی کے سفیر مارٹن کوبلر اسلام آباد کی پناہ گاہ پہنچ گئے، حکومت کی جانب سے کیے گئے اقدامات کی تعریف کی۔

    تفصیلات کے مطابق سیاحت کے شوقین اور پاکستان کا مثبت چہرہ متعارف کرانے میں پیش پیش رہنے والے جرمن سفیر مارٹن کوبلر اسلام آباد کی پناہ گاہ پہنچے اور بے گھر افراد کے لیے حکومت کی جانب سے کیے گئے اقدامات کو سراہا۔

    سماجی رابطے کی ویب سائٹ ٹویٹر پر مارٹن کوبلر نے بے گھر افراد کے ساتھ کھانا کھانے کی تصاویر شیئر کی۔

    مارٹن کوبلر نے کہا کہ اسلام آباد میں پناہ گاہ دیکھنے گیا، یہاں کے اسٹاف کا کام قابل تعریف ہے لیکن ایسے بہت سے لوگوں کو دیکھ کر دکھ ہوا جو کھانا خرید نہیں سکتے ہیں۔

    جرمن سفیر نے کہا کہ کچھ بے گھر افراد کے ساتھ آلو انڈہ کھایا اور ان کی ہلا دینے والی کہانیاں سنیں، انہوں نے سوال کیا کہ ایک شخص 400 روپے دیہاڑی سے 6 سے 8 لوگوں کے خاندان کی کفالت کرسکتا ہے؟

    واضح رہے کہ حکومت کی جانب سے ملک کے مختلف شہروں پشاور، لاہور، اسلام آباد اور کراچی میں بے گھر افراد کے لیے شیلٹر ہومز بنایے گئے ہیں۔

    مزید پڑھیں: بے گھرافراد کوشیلٹرہوم کی تعمیر تک کھانا اورٹینٹ فراہم کیا جائے‘ وزیراعظم

    وزیراعظم عمران خان کا کہنا تھا کہ سردی میں اضافہ ہوگیا ہے، وزیراعلیٰ پنجاب عثمان بزدار کو ہدایت کی ہے کہ فٹ پاتھ پر سونے والوں کو ٹینٹ اور کھانا فراہم کیا جائے۔

    میڈیا نمائندوں سے گفتگو کرتے ہوئے وزیراعظم کا کہنا تھا کہ شیلٹرہوم آسمان تلے رات بسر کرنے والے افراد کے لیے بنایا جا رہا ہے، یہ اقدام فلاحی ریاست کی جانب سے پہلا قدم ہے جو اٹھایا گیا۔

  • پاکستان پوسٹ کی ساکھ میں بہتری، غیرملکی سفیر پاکستان پوسٹ استعمال کرنے لگے

    پاکستان پوسٹ کی ساکھ میں بہتری، غیرملکی سفیر پاکستان پوسٹ استعمال کرنے لگے

    کراچی: پاکستان پوسٹ کی ساکھ میں بہتری کا اعتراف غیرملکی سفیر بھی کرنے لگے، جرمن سفیر مارٹن کوبلر نے سامان کی ترسیل کے لیے پاکستان پوسٹ کا استعمال کیا۔

    تفصیلات کے مطابق پاکستان میں تعینات جرمن سفیر مارٹن کوبلر پاکستان پوسٹ کی خدمات پر اعتماد کا اظہار کیا ہے، جرمن سفیر نے سماجی رابطے کی ویب سائٹ ٹویٹر پر تاثرات دئیے۔

    جرمن سفیر مارٹٓن کوبلر نے کہا کہ خوش ہوں پاکستان پوسٹ سامان کی ترسیل کا بااعتماد ادارہ بن چکا ہے، پاکستان پوسٹ کے ذریعے برلن میں موجود اہل خانہ کو تحفہ بھیجا ہے۔

    مارٹن کوبلر نے ڈاکخانے پر عمدہ سہولتوں اور دوستانہ ملازمین پر مراد سعید کا شکریہ ادا کرتے ہوئے کہا کہ پاکستان پوسٹ کی بہتری میں مراد سعید کا اہم کردار ہے۔

    واضح رہے کہ گزشتہ سال نومبر میں وزیر مملکت برائے مواصلات مراد سعید نے ملک بھر میں ون ڈے ڈیلیوری سسٹم کا افتتاح کیا تھا، ان کا کہنا تھا کہ پاکستان پوسٹ تقریباً 10 ارب سالانہ خسارے میں رہا ہے، پاکستان پوسٹ میں بہت صلاحیت ہے، پوسٹ کے نظام میں بہتری کی ضرورت ہے۔

    مزید پڑھیں: وزیر مملکت نے پاکستان پوسٹ کی ون ڈے ڈیلیوری سسٹم کا افتتاح کردیا

    ان کا کہنا تھا کہ 50 ہزار روپے تک کی بھیجی گئی رقم گھر کے دروازے پر مل سکے گی۔ ون ڈے ڈیلیوری کی سہولت ابتدائی طور پر 25 شہروں میں ہوگی۔ الیکٹرانک منی آرڈر کی سہولت 80 شہروں میں دے رہے ہیں۔

    وزیر مملکت نے کہا کہ پوسٹل سروسز کو جدت کی نئی راہوں پر لے جانے کا فیصلہ کیا ہے، پاکستان بھر کے ڈاک خانوں کا معیار تبدیل کریں گے۔ 13 ہزار ڈاک خانوں کو جدید ترین پوسٹل سروسز کا مرکز بنائیں گے۔

  • پاکستان میں سلیکون ویلی کا منتظر ہوں، جرمن سفیرمارٹن کوبلر

    پاکستان میں سلیکون ویلی کا منتظر ہوں، جرمن سفیرمارٹن کوبلر

    اسلام آباد : جرمن سفیر مارٹن کوبلر نے کہا ہے کہ ڈبلیو ایچ او اور گیٹس فاؤنڈیشن کے ساتھ مل کر پاکستان سے پولیو کا خاتمہ کرسکتے ہیں، یہاں سلیکون ویلی بننے کا منتظر ہوں۔

    تفصیلات کے مطابق پاکستان میں تعینات جرمنی کے سفیرمارٹن کوبلر نے سماجی رابطے کی ویب سایٹ پر ٹویٹ کرتے ہوئے کہا ہے کہ معروف امریکی کمپنی مائیکروسافٹ کے بانی بل گیٹس کی جانب سے پاکستان کے آئی ٹی سیکٹر میں سرمایہ کاری کی خواہش ظاہر کرنا، ملک کے لیے اچھی خبر ہے۔

     

    جرمن سفیر مارٹن کوبلرکا ٹویٹ میں کہنا تھا کہ ’پاکستان کو سلیکون ویلی کی جانب بڑھتا ہوا دیکھ رہا ہوں‘۔

    مارٹن کوبلر نے پاکستان کی قومی زبان اردو میں بھی ٹویٹ کرتے ہوئے کہا کہ ڈبلیو ایچ او، بل گیٹس فاؤنڈیشن اورپاکستان کے لوگوں کے ساتھ مل کر پولیو کا خاتمہ کرسکتے ہیں۔ جرمنی بھی پولیو کو جڑ سے ختم کرنے کےلیے کردار ادا کررہا ہے۔

    مزید پڑھیں : ابل گیٹس کا وزیر اعظم کو خط، پاکستان میں سرمایہ کاری کی خواہش کا اظہار

    خیال رہے کہ گذشتہ روز دنیا کے امیر ترین شخص تصور کیے جانے والے مائیکروسافٹ کمپنی کے بانی بل گیٹس نے وزیراعظم عمران خان کو خط لکھ کر پاکستان میں سرمایہ کاری کا ارادہ ظاہر کیا تھا۔

    یاد رہے کہ 5 دسمبر 2018 کو بل گیٹس نے وزیر اعظم خان سے ٹیلی فونک رابطہ کیا تھا ، اس موقع پر بل گیٹس نے پولیو کے خاتمے کی کاوشوں پر وزیراعظم عمران خان کوخراج تحسین پیش کرتے ہوئے مختلف شعبوں میں تعاون جاری رکھنے کی یقین دہانی کرائی تھی۔

    مزید پڑھیں: بل گیٹس کا پولیو کے خاتمے کی کاوشوں پروزیراعظم عمران خان کوخراج تحسین

    تجزیہ کاروں کے مطابق مائیکرو سافٹ کی جانب سے پاکستان میں سرمایہ کاری کے لیے دل چسپی ظاہر کرنا ایک اہم اقدام ہے، جس سے نہ صرف پاکستان کی معیشت میں بہتری آئے گی، بلکہ روزگار کے نئے موقع بھی پیدا ہوں گے۔

  • جرمن سفیرمارٹن کوبلرکاعلی رضا عابدی کے قتل پرافسوس کا اظہار

    جرمن سفیرمارٹن کوبلرکاعلی رضا عابدی کے قتل پرافسوس کا اظہار

    اسلام آباد: پاکستان میں‌ تعینات جرمن سفیر مارٹن کوبلر نے کہا کہ سیاست میں تشدد کی کوئی جگہ نہیں ہونی چاہیے۔

    تفصیلات کے مطابق جرمین سفیر مارٹن کوبلر نے سماجی رابطے کی ویب سائٹ ٹویٹر پراپنے پیغام میں متحدہ قومی موومنٹ پاکستان کے سابق رہنما علی رضا عابدی کے قتل پرافسوس کا اظہار کیا۔

    مارٹن کوبلر نے اپنے پیغام میں کہا کہ سیاست میں تشدد کی کوئی جگہ نہیں ہونی چاہیے، ہمدردیاں علی رضا عابدی کے اہل خانہ کے ساتھ ہیں۔

    علی رضا عابدی قاتلانہ حملے میں جاں بحق

    یاد رہے کہ گزشتہ روز متحدہ قومی موومنٹ پاکستان کے سابق رہنما علی رضا عابدی فائرنگ سے جاں بحق ہو گئے تھے، انہیں تشویش ناک حالت میں اسپتال منتقل کیا گیا تھا لیکن وہ جاں بر نہ ہو سکے۔

    صدرِ مملکت ڈاکٹرعارف علوی اور وزیرِ اعظم عمران خان نے سابق رکن قومی اسمبلی علی رضا عابدی پر قاتلانہ حملے کی شدید مذمت کرتے ہوئے ان کی شہادت پر دکھ اور افسوس کا اظہار کیا

  • سابق وزیراعظم ہاؤس کی یونیورسٹی میں تبدیلی عظیم اقدام ہے،جرمن سفیر

    سابق وزیراعظم ہاؤس کی یونیورسٹی میں تبدیلی عظیم اقدام ہے،جرمن سفیر

    اسلام آباد: جرمن سفیر مارٹن کوبلر کا کہنا ہے کہ سابق وزیراعظم ہاؤس کی یونیورسٹی میں تبدیلی عظیم اقدام ہے۔

    تفصیلات کے مطابق سماجی رابطے کی ویب سائٹ ٹویٹر پرجرمن سفیر مارٹن کوبلر نے اپنے پیغام میں سابق وزیراعظم ہاؤس کی یونیورسٹی میں تبدیلی کو عظیم اقدام قرار دیتے ہوئے کہا کہ یوینورسٹی کے 4 شعبےحکمرانی، ترقی، آب وہوا اور ٹیکنالوجی اہم ہیں۔

    مارٹن کوبلر نے اپنے پیغام میں مزید کہا کہ چاروں شعبے پاکستان کے مستقبل سے بہت مطابقت رکھتے ہیں، انہوں نے وفاقی وزیرتعلیم شفقت محمود کو مخاطب کرتے ہوئے کہا پاکستان کو مزید اسکالرز کی ضرورت ہے۔

    حکومت نے وزیر اعظم ہاؤس کو یونیورسٹی بنانے کا وعدہ پورا کردیا

    یاد رہے کہ گزشتہ روز وزیراعظم ہاؤس کو یونیورسٹی بنانے کی تقریب سے خطاب کرتے ہوئے وزیراعظم عمران خان کا کہنا تھا کہ ملک سب سے قیمتی پراپرٹی کو یونیورسٹی بنانے کا مقصد اپنی قوم کو بتانا ہے کہ اپنا قبلہ درست کرنا ہے، لوگوں کو پیغام دے رہے ہیں کہ اس قوم اور حکومت کی ترجیح تعلیم ہے۔

    وزیراعظم کا کہنا تھا کہ جو بھی معاشرہ آگے بڑھا اس نے تعلیم اور انسانی ڈویلپمنٹ پرزور دیا، اگر چھوٹا سا طبقہ پیسے بنا لے وہ ملک ترقی نہیں کرسکتا۔

  • فیصل واوڈا کی جرمن سفیر سے ملاقات، آبی مسائل اور کراس بارڈر فنڈنگ پرتبادلہ خیال

    فیصل واوڈا کی جرمن سفیر سے ملاقات، آبی مسائل اور کراس بارڈر فنڈنگ پرتبادلہ خیال

    کراچی:‌ وفاقی وزیر فیصل واوڈا سے جرمن سفیرمارٹن کوبلر کی ملاقات ہوئی، جس میں مختلف امور پر تبادلہ خیال کیا گیا۔

    تفصیلات کے مطابق وزیر  برائے آبی وسائل اور جرمن سفیر کی اس ملاقات میں‌ آبی مسائل اور ممکنہ حل سمیت دوطرفہ تعاون پر بات چیت کی گئی.

    ملاقات میں‌ آبی مسائل کے حل کے لئے کراس بارڈر فنڈنگ پرتبادلہ خیال بھی ہوا. جرمن سفیر کا پاکستان کے ساتھ آبی معاملات پر تعاون بڑھانے کا وعدہ کیا.

    اس اہم ملاقات میں بھی چینی سفارت خانے کے اعلیٰ حکا م بھی ملاقات موجود تھے.

    اس موقع پر فیصل واوڈا نے کہا کہ مسائل کے حل کے لئے عالمی سطح پرآواز بلند کر رہے ہیں، پانی کے مسئلے کو ترجیحی بنیادوں پر حل کیا جا رہا ہے.

    مزید پڑھیں: عابد شیر علی کے الزامات، فیصل واوڈا کا کرارا جواب

    وفاقی وزیر فیصل واوڈا کا کہنا تھا کہ جرمن سفیر نے تعاون کی یقین دہانی اورمثبت جواب دیا ہے.

    یاد رہے کہ گذشتہ دونوں وفاقی وزیر برائے آبی وسائل فیصل واوڈا نے کہا تھا کہ پورے ملک میں قائم غیرقانونی ہائیڈرنٹس گرائیں گے، واپڈا کو کارپوریٹ ادارہ بنارہے ہیں، امید ہے پانی کی کمی کے مسائل پرجلد قابو پالیں گے۔