Tag: جزلان قتل کیس

کراچی : جزلان قتل کیس کے مرکزی ملزم عرفان کو گرفتار کرلیا گیا اور مفرور ملزمان کی گرفتاری کیلئے مزید تفتیش جاری ہے۔

تفصیلات کے مطابق کراچی میں ،ملیر انویسٹی گیشن پولیس نے کارروائی کرتے ہوئے جزلان قتل کیس کے مرکزی ملزم عرفان کو گرفتار کرلیا۔

پولیس کا کہنا تھا کہ گرفتار ملزم عرفان قتل کیس میں نامزد تھا، تاہم کیس کے آخری مفرور کی گرفتاری کے لیے مزید تفتیش کی جا رہی ہے۔

یاد رہے پولیس عرفان کے والد اور ایک اور بھائی اور اس کی دوست انشال کو پہلے ہی گرفتار کر چکی ہے۔

خیال رہے پولیس نے ہفتے کے روز جزلان قتل کیس کے تین ملزمان کو عدالت میں پیش کیا تھا اور بتایا کہ ان کے پاس اطلاعات ہیں کہ دیگر ملزمان ملک سے فرار ہو گئے ہیں۔

پولیس نے مرکزی ملزم فیض کے والد اور دو شریک ملزمان انشال اور حسنین کو ریمانڈ میں توسیع کی درخواست کی ، جس پر عدالت نے استدعا منظور کرتے ہوئے ملزمان کا تین روزہ ریمانڈ منظور کرلیا اور پیش رفت رپورٹ پیش کرنے کی ہدایت کی تھی۔

واضح رہے کراچی کے علاقے سپر ہائی وے پر موٹر سائیکل کی ریس کے دوران شروع ہونے والا جھگڑا قتل تک پہنچ گیا تھا اور 17 سالہ نوجوان جزلان کو تلخ کلامی پر فائرنگ کرکے قتل کردیا گیا تھا۔

کراچی : جزلان قتل کیس میں تفتیشی افسر نے انکشاف کیا کہ مفرورملزمان سے متعلق اطلاع ہے کہ وہ ملک سے باہر بھاگ گئے ہیں۔

تفصیلات کے مطابق کراچی کی ملیر کورٹ میں جزلان قتل کیس کی سماعت ہوئی، پولیس نے انشال ،شریک ملزم حسنین اور مرکزی ملزم کے والد فیض کو عدالت میں پیش کیا۔

تفتیشی افسر کی جانب سے ملزمان کے مزید ریمانڈ کی استدعاکی گئی ، تفتیشی افسر نے عدالت کو بتایا کہ مفرور ملزم انشال کو گزشتہ روز گرفتار کیا ،ملزم سے تفتیشی اور مفرور ملزمان کو گرفتار کرنا ہے۔

تفتیشی افسر نے انکشاف کیا کہ مفرور ملزمان کے حوالے سے اطلاع ہے کہ ملک سے باہر بھاگ گئے ہیں، جس کے بعد عدالت نے گرفتار ملزمان کے ریمانڈ میں مزید تین دن کی توسیع کرتے ہوئے آئندہ سماعت پر تفتیشی افسر سے پیش رفت رپورٹ طلب کرلی۔

گذشتہ روز گڈاپ پولیس نے قتل میں ملوث اہم ملزم انشال کو گرفتار کیا تھا ، ملزم انشال کو ملیر چیک پوسٹ نمبر پانچ کے قریب سے گرفتار کیا گیا۔

پولیس حکام نے بتایا تھا کہ کیس میں اب تک باپ بیٹے سمیت تین ملزمان کو گرفتار کیا گیا ہے جبکہ فرار ملزمان میں مرکزی ملزم عرفان اوراس کا دوست شامل ہیں، ملزم عرفان گھر سے باپ کا اسلحہ لے کر آیا تھا۔