Tag: جسٹس عائشہ ملک

اسلام آباد : جسٹس عائشہ ملک کی کسٹم ریگولیٹر ڈیوٹی کیس سننے سے معذرت سے متعلق وجوہات سامنے آگئیں۔

تفصیلات کے مطابق جسٹس عائشہ ملک نے کسٹم ریگولیٹر ڈیوٹی کیس سننے سے معذرت کے بعد تحریری وجوہات جاری کردیں۔

جس میں کہا گیا کہ بحیثیت جج ہمیں عدالتی ،انتظامی احکامات میں واضح فرق کوبرقرار رکھنا چاہیے، عدالتی احکامات کی تقدس کو محفوظ اور برقرار رکھنا چاہیے۔

تحریری وجوہات میں بتایا گیا کہ ہمیں یہ یقینی بنانا چاہیے کہ ہمارے احکامات پرعمل ہو، ہمارے احکامات کی کسی کے ذریعے نظر انداز یا خلاف ورزی نہ کی جائے۔

جسٹس عائشہ نے کہا کہ کیس نہیں سننا چاہتی تاکہ 16جنوری کےعدالتی حکم کاتقدس محفوظ رہے، 16 جنوری کو یہ کیسز تین رکنی بینچ کے سامنے مقرر کئے گئے تھے، کیس میں بینچ کے دائرہ اختیار کے بارے میں سوال اٹھایاگیا، یہ بینچ آئین کی 26ویں ترمیم کے تحت آئینی بینچ نہیں تھا۔

ان کا کہنا تھا کہ عدالت نے کمیٹی سے بینچ کی دوبارہ تشکیل کا حکم دیا، بینچ دوبارہ تشکیل دینےکےبجائےواپس لیکرآئینی بینچ کمیٹی کےسامنےرکھنےکاحکم دیاگیا۔

جسٹس عائشہ نے مزید کہا کہ آئینی بینچ کمیٹی نے17جنوری کی میٹنگ میں ان کیسز کو27 جنوری کیلئےمقرر کیا، دونوں کمیٹیوں نے 16جنوری کے عدالتی حکم کو نظرانداز کیا۔

لاہور : سپریم کورٹ کی جج جسٹس عائشہ ملک نے کہا ہے کہ جانوروں پر ہونے والے ظلم پر سخت سزا ہونا ضروری ہے، کتوں کو لاحق بیماری ریبیز کو ختم کرنے پر کام نہیں ہو رہا مگر انہیں مارنے پر کام ہو رہا ہے۔

تفصیلات کے مطابق لاہور میں جانوروں کے حقوق سے متعلق تقریب سے خطاب کرتے جسٹس عائشہ ملک نے کہا کہ ملک میں جانوروں کی ویلفیئر اور حقوق پر موثر اقدامات کی ضرورت ہے، جانور ہماری کائنات کا حصہ ہیں جانور کے حقوق کے لیے کام کرنے والی تنظیمیں اچھے اقدامات کر رہی ہیں۔

انہوں نے کہا کہ پاکستان کا انڈیکس کو دیکھیں تو اس پر کام ہونے کی ضرورت ہے، خاص طور پر قواعدوضوابط اور جانوروں کے حقوق پر اقدامات کرنا ہوں گے، جانوروں پر ہونے والے ظلم پر سخت سزا ہونا ضروری ہے ۔

سپریم کورٹ کی جج کا کہنا تھا کہ جانور اور انسانوں کا تعلق قدرت نے بنایا ہے جس طرح انسانوں کو بنیادی حقوق چاہیے اس طرح جانوروں کے بھی حقوق ہیں، جس طرح انسان کے لئے کھانا، صاف فضا اور صاف پانی کے حقوق ہیں جانوروں کے لئے بھی یہ حقوق ضروری ہیں۔

انھوں نے مزید کہا کہ آوارہ کتوں کے مارنے کے کیس پر بہت غورو فکر کیا گیا، ٹولنٹن مارکیٹ میں جانوروں کی صورتحال پر تشویش ہے۔ کیس کے دوران کسی کو نہیں پتہ تھا کہ کس قانون کے تحت کتوں کو مارا جاتا ہے تو کسی کو کچھ نہیں پتا تھا۔

جسٹس عائشہ ملک کا کہنا تھا کہ ریبیز کی وجہ سے کتوں کو مارا جا رہا ہے صرف یہی بتایا گیا جو قابل قبول نہیں، ہم نے ریبیز کو روکنا ہے مگر کتوں کو مار کے نہیں۔

جانوروں کو پیاس اور تکلیف سے آزادی ہونی چاہیے، ہمیں ایسے لیگل فریم ورک کی ضرورت ہے، جو تمام جگہوں ہے جانوروں کے حقوق کی بات کرے۔ لیکن ہمارے لیگل فریم ورک میں جانوروں کے حوالے سے ریگولیٹری باڈی موجود نہیں ہے۔

ان کہنا تھا کہ جانوروں کے لیے ایک یا ایک سے زیادہ ریگولیٹری باڈیز ہو سکتی ہیں، ماحولیات، ڈیزاسٹر مینجمنٹ وغیرہ کی کمیٹیوں میں کہیں بھی جانوروں کے حقوق پر توجہ نہیں دی جاتی، کتوں کو لاحق بیماری ریبیز کو ختم کرنے پر کام نہیں ہو رہا مگر انہیں مارنے پر کام ہو رہا ہے۔

اسلام آباد :پریکٹس اینڈ پروسیجر ایکٹ کیس میں جسٹس شاہد وحید کے بعد جسٹس عائشہ ملک کا بھی اختلافی نوٹ سامنے آگیا۔

تفصیلات کے مطابق پریکٹس اینڈ پروسیجر ایکٹ کیس میں جسٹس عائشہ ملک نے بھی اختلافی نوٹ جاری کر دیا۔

جسٹس عائشہ ملک نے روسکوئے پاؤنڈ کے 1926 کے جملے سےاپنے فیصلے کا آغاز کیا اور کہا کہ روسکوئے پاؤنڈ نے کہا تھا ہم چاہتے ہیں عدلیہ کچھ کرےتو آزادی بھی دیناہوگی، روسکوئےپاؤنڈ کے مطابق عدلیہ کے کام میں قانون سازی کرکےرکاوٹ پیدانہیں کی جا سکتی۔

اختلافی نوٹ میں کہا گیا کہ سادہ قانون سازی کے ذریعے اپیل کا حق نہیں دیا جا سکتا، آرٹیکل 184تھری میں اپیل کا حق دینےکیلئے آئینی ترمیم ضروری ہے۔

آرٹیکل191کے تحت آئین سپریم کورٹ کورولز بنانے کا اختیار دیتا ہے، پریکٹس اینڈ پروسیجر قانون سپریم کورٹ کےآئینی اختیار کو ختم نہیں کر سکتا، سپریم کورٹ رولزمیں ترمیم فل کورٹ ہی کر سکتی ہے۔

اصل سوال یہی ہے فل کورٹ بینچ تشکیل پراپیل کا حق غیرمؤثرہوجائے گا، فل کورٹ کی تشکیل سے کسی فریق کا اپیل کا حق ختم نہیں کیا جا سکتا، فل کورٹ تشکیل سے 184تھری میں اپیل کاحق دینےکامقصدہی فوت ہوجائے گا۔