اسلام آباد : چیف جسٹس عمر عطا بندیال نے جسٹس قاضی فائز عیسی کیلئے نیک تمناؤں کا اظہار کرتے ہوئے کہا قاضی فائزعیسیٰ بہت اچھے انسان ہیں لیکن میری اور ان کی اپروچ الگ ہے، جہاں آزاد دماغ موجود ہوں وہاں اختلاف ہوتا ہے۔
تفصیلات کے مطابق چیف جسٹس عمر عطا بندیال کی جانب سے جسٹس قاضی فائز عیسی کیلئےنیک تمناؤں کا اظہار کیا گیا۔
چیف جسٹس نے کہا کہ تمام ساتھی ججز کا میرے ساتھ برتاؤبہت اچھارہا، جہاں آزاد دماغ موجودہوں وہاں اختلاف ہوتا ہے، قاضی فائزعیسیٰ بہت اچھے انسان ہیں،میری اور ان کی اپروچ الگ ہے۔
جسٹس عمر عطا بندیال کا کہنا تھا کہ صحافی معاشرےکی کان اور آنکھ ہوتے ہیں، صحافیوں سے توقع ہےوہ درست رپورٹنگ کریں گے، جہاں پرکوئی غلطی ہوئی اسے ہم نے اگنور کیا۔
انھوں نے بتایا کہ سپریم کورٹ کی جانب سے ڈیمز فنڈ قائم کیا گیا ، ڈیمز فنڈ میں اگست 2023 میں 4لاکھ روپے کا اضافہ ہوا ،اگست میں بھی فنڈزمیں رقم آنے کا مطلب عوام کاسپریم کورٹ پراعتماد ہے۔
چیف جسٹس کا مزید کہنا تھا کہ ڈیمز فنڈ کے 18.6 ارب روپےنیشنل بینک کےذریعے اسٹیٹ بنک میں انویسٹ کئےگئے ، ڈیمز فنڈ کی نگرانی سپریم کورٹ کا پانچ رکنی بینچ کر رہا ہے۔
