Tag: جسٹس محسن اختر کیانی

اسلام آباد : اسلام آباد کے جسٹس محسن اختر کیانی نے نیب دائرہ اختیار سے متعلق کیس پر اہم ریمارکس دیتے ہوئے کہا کہ پارلیمنٹ نے اربوں روپے کے کرپشن کیسز ختم کردیے اور ملزمان بیرون ملک بھی چلے گئے ہیں۔

تفصیلات کے مطابق اسلام آباد ہائیکورٹ میں نیب دائرہ اختیار سے متعلق کیس پر جسٹس محسن کیانی کے اہم ریمارکس سامنے آئے۔

جسٹس محسن کیانی نے ریمارکس میں کہا کہ کرپشن کیس انکوائری سے پہلے دیکھ بھی لیا کریں نیب تحقیقات کربھی سکتا ہے یا نہیں ؟ پارلیمنٹ نے اربوں روپے کے کرپشن کیسز ختم کردیے، بغیر دانتوں والا نیب بھی انجوائے کرے اور لوگ بھی۔

جسٹس محسن اختر کا کہنا تھا کہ 100 سے زائد بڑے کرپشن کیسز ختم ہوچکے ہیں اور کرپشن کیسز کے ملزمان بیرون ملک بھی چلے گئے ہیں لیکن جب پارلیمنٹ کو ہوش آئے گا تو بہت دیر ہو جائے گی۔

اسلام آباد: ججز کیخلاف سوشل میڈیا مہم ‌پر توہین عدالت کی کارروائی کے لیے کیس مقرر کردیا، دونوں لارجر بینچ 14مئی کو سماعت کریں گے۔

تفصیلات کے مطابق جسٹس محسن اختر کیانی اور جسٹس بابر ستار کیخلاف سوشل میڈیا مہم کے معامے پر اسلام آباد ہائیکورٹ نے توہین عدالت کی کارروائی کے لیے کیسز مقرر کردیا۔

دونوں لارجر بینچ 14مئی کو توہین عدالت کارروائی کے لیے کیسز کی سماعت کریں گے۔

گذشتہ روز اسلام آباد ہائیکورٹ نے توہین عدالت کی کارروائی کیلئےکیسزپر2لارجربینچ تشکیل دیئے تھے۔

جسٹس محسن اختر کیانی کے معاملےپرچیف جسٹس عامر فاروق کی سربراہی میں3رکنی بینچ سماعت کرے گا، بینچ میں جسٹس گل حسن اورنگزیب ،جسٹس ارباب محمد طاہر شامل ہوں گے۔

جسٹس بابر ستار کے خط پر جسٹس محسن اختر کیانی کی سربراہی میں 3 رکنی بینچ سماعت کرےگا ، جسٹس طارق محمود جہانگیری اور جسٹس سردار اعجاز اسحاق خان بینچ کا حصہ ہوں گے۔

اسلام آباد : اسلام آباد ہائی کورٹ کے جسٹس محسن اختر کیانی نے تنبیہ کی ہے کہ اسلام آباد سے کوئی اغوا ہوا تو سیکریٹری داخلہ اور آئی جی کے خلاف مقدمہ ہوگا۔

تفصیلات کے مطابق اسلام آباد ہائی کورٹ میں بلوچ طلباء کی بازیابی سے متعلق کیس کی سماعت ہوئی، جسٹس محسن اختر کیانی نے کیس کی سماعت کی۔

شیر افضل مروت عدالت میں پیش ہوئے اور عدالت کو بتایا کہ کل میرے گھر چھاپہ مارا گیا۔ میرے ملازم کو پکڑ کر لے گئے ہیں۔

جس پر جسٹس محسن اختر کیانی نے استفسار کیا کہا کہ شیر افضل مروت کے گھر رات تین بجے کیوں گئے، میں بتا دیتا ہوں یہ کہیں گے کہ ہم گئے ہی نہیں تو شیر افضل مروت نے کہا کہ آئی جی اسلام آباد دس دن کے لیے جیل جائیں ٹھیک ہوجائے گا۔

جسٹس محسن اختر کیانی کا کہنا تھا کہ یہ لکی مروت نہیں، اسلام آباد کی بات کر رہے ہیں، ڈپٹی کمشنر اسلام آباد ایم پی او آرڈرز کو غلط استعمال کرتے رہے، اب عدالتی فیصلے کے بعد وہ توہین عدالت کیس کا سامنا کر رہے ہیں۔ یہ ایم این اے اور وکیل ہیں، ان کے ساتھ اسلام آباد میں یہ ہو رہا ہے، اگر اسٹیٹ کے ادارے یہ کریں گے تو چوروں اور ڈاکووں سے شہریوں کی حفاظت کون کرے گا۔

جسٹس محسن اختر کیانی نے سیکرٹری داخلہ کو مخاطب کرتے ہوئے کہا کہ سیکرٹری داخلہ آپ دیکھ لیں کسی دن اپنے گھر آنے والے کو گولی مارے گا، آپ ڈریں اس وقت سے جب قانون نافذ کرنے والے اداروں کیخلاف کوئی اٹھ کھڑا ہو۔

اسلام آباد ہائی کورٹ کے جج کا کہنا تھا کہ اسلام آباد سے کوئی بھی بندہ اغوا ہوا تو آئی جی اسلام آباد اور سیکرٹری داخلہ کیخلاف مقدمہ درج ہوگا، سارے دنیا دیکھ رہی ہے، یہاں مختلف سفارتخانے ہیں، وہ دیکھ رہے ہوں گے کہ وہ کیسے دارالحکومت میں رہتے ہیں، بغیر وارنٹ کے لوگو کے گھروں میں داخل ہوتے ہیں، پرائم منسٹر ہوتے تو دیکھتے کہ یہاں کس طرح کام ہو رہے ہیں۔

جسٹس محسن اختر کیانی نے کہا کہ یونیفارم کی عزت کو بحال کرانے کی ضرورت ہے، بعد ازاں کیس کی سماعت 28 فروری تک ملتوی کر دی گئی۔