Tag: جسٹس منصور علی شاہ

اسلام آباد : جسٹس منصور علی شاہ نے ججز سنیارٹی بغیر مشاورت طے کرنے پر سوالات اٹھا دیئے اور کہا آرٹیکل 200 کے تحت مشاورت لازم تھی۔

تفصیلات کے مطابق جسٹس منصور علی شاہ نے سیکریٹری جوڈیشل کمیشن کو ایک اور خط لکھ دیا، ذرائع نے بتایا کہ جسٹس منصور علی شاہ نے خط گزشتہ روز کے اجلاس سے پہلے لکھا۔

خط میں جسٹس منصور نے ججز سنیارٹی بغیر مشاورت طے کرنے پرسوالات اٹھائے اور کہا صدر سنیارٹی طے کرنے سے پہلے چیف جسٹس سے مشاورت کے پابند تھے۔

خط میں کہا گیا کہ آرٹیکل 200 کے تحت مشاورت لازم تھی، صدر مملکت نے جلدبازی میں خود ہی سنیارٹی طے کردی، معاملہ انٹرا کورٹ اپیل میں زیر التوا بھی ہے، میری رائے میں مشاورت لازم تھی۔

یاد رہے گذشتہ ماہ سپریم کورٹ کے جج جسٹس منصور علی شاہ نے آئینی بینچ کی مدت میں توسیع کی مخالفت کرتے ہوئے 26ویں ترمیم کے فیصلے تک تمام ججز کو آئینی بینچ ڈکلیئر کرنے کا مطالبہ کیا تھا۔

مزید پڑھیں : جسٹس منصور علی شاہ کی آئینی بینچ کی مدت میں توسیع کی مخالفت، خط سامنے آگیا

جسٹس منصور کا 19 جون 2025 کے اجلاس سے پہلے کا لکھا گیا خط منظر عام پر آیا تھا، جو جوڈیشل کمیشن ممبران کو پہنچایا گیا۔

خط میں جسٹس منصور  نے لکھا تھا کہ 26ویں ترمیم کیس کے فیصلے تک توسیع نہ کی جائے، پیشگی بتا دیا تھا 19 جون کے اجلاس کیلیے پاکستان میں دستیاب نہیں ہوں، توقع تھی عدم دستیابی پر اجلاس مؤخر کیا جائے گا کیونکہ ماضی میں ایگزیکٹو ممبران کی عدم موجودگی پر اجلاس مؤخر ہو چکا ہے۔

اسلام آباد : جسٹس منصور علی شاہ نے سروس کیس میں عدلیہ سے متعلق اہم فیصلے میں کہا کہ تاریخ ان ججوں کو بری نہیں کرے گی جواپنی آئینی ذمہ داری ترک کر دیتے ہیں۔

تفصیلات کے مطابق جسٹس منصور علی شاہ نے سروس کیس میں عدلیہ سے متعلق اہم فیصلہ جاری کردیا۔

جس میں کہا ہے کہ ججز کا فرض ہے اپنی صفوں میں طاقت کے سامنے ہتھیار ڈالنے والوں کی نشاندہی کریں، ججز اخلاقی وضاحت اور ادارہ جاتی جرأت کے ساتھ ایسا کر سکتے ہیں۔

فیصلے میں کہنا تھا کہ اندر سے تنقید آئین کی وفاداری کی جڑ ہے،بے وفائی نہیں، ایسے لوگوں کو للکارنا عدالتی ادارے کی خدمت کی اعلیٰ ترین شکل ہے، ججز کو دیانتداری اور جرأت کے ساتھ کام کرنا ہے۔

انھوں نے کہا کہ ججز کو اندرونی اور بیرونی تمام تجاوزات کا مقابلہ کرنا ہے، ججز کو عدلیہ اورقانون کی حکمرانی پامال کرنے کے خطرات کا مقابلہ کرنا ہے، ججز کو چھوٹے، قلیل مدتی فوائد کے لالچ کا شکار نہیں ہونا چاہیے۔

جسٹس منصور کا کہنا تھا کہ ایسے فوائد محض وہم اور عارضی ہوتے ہیں، جج کا اصل اجر ادارے کے وقار اور عوام کے اعتماد کو برقرار رکھنے میں ہے، تاریخ ان لوگوں کو یاد رکھتی ہے جو اصول کے دفاع میں ثابت قدم رہے۔

فیصلے کے مطابق عدالتوں کو آئینی اخلاقیات کا مینارہ اور جمہوری سالمیت کا محافظ ہونا چاہیے، تاریخ ان ججوں کو بری نہیں کرے گی جواپنی آئینی ذمہ داری ترک کر دیتے ہیں۔

سپریم کورٹ کے جج نے کہا کہ تاریخ ایسے ججز کو ناانصافی کے ساتھی کے طور پر یاد رکھے گی، سپریم کورٹ تنازعات کے حل کا فورم نہیں، قوم کا آئینی ضمیر بھی ہے۔

اسلام آباد : حکومت نے ایڈیشنل رجسٹرار نذر عباس کے خلاف توہین عدالت کیس میں جسٹس منصور علی شاہ کے فل کورٹ تشکیل سے متعلق آرڈر کو چیلنج کرنے کا فیصلہ کرلیا۔

تفصیلات کے مطابق سپریم کورٹ میں جسٹس امین الدین کی سربراہی مین سات رکنی آئینی بنچ نے کسٹم ریگولیٹرڈیوٹی کیس کی سماعت کی۔

اٹارنی جنرل نے آئینی بینچ کو جسٹس منصورعلی شاہ توہین عدالت کیس کا فیصلہ چیلنج کرنےکے فیصلہ سے اگاہ کیا اور بتایا جسٹس منصورعلی شاہ کا 13اور16جنوری کے آرڈرزپرنظرثانی دائرکرنے کا فیصلہ ہوا ہیں۔

جسٹس محمد علی مظہر نے کہاکہ جسٹس منصورعلی شاہ نے کسٹم ڈیوٹی کا کیس اپنےبینچ میں لگانےکاحکم دیا ہے،کیا اس آرڈرکی موجودگی میں آگے بڑھ سکتے ہیں۔

جسٹس جمال مندوخیل کا کہنا تھا کہ عدلیہ کی آزادی کی فکرصرف چندکونہیں سب کوہے، جوکام کریں وہ تو ڈھنگ سے کریں، کونسی قیامت آگٸی تھی ، یہ بھی عدالت ہی ہے۔

جسٹس امین الدین نے ریمارکس دیے 13جنوری کوآرڈردیا کہ سماعت 27جنوری کوہوگی ، پھرسماعت اچانک اگلے روزکیلٸے کیسے مقرر ہوگٸی۔

جسٹس جمال مندوخیل نے کہا تین رکنی بنچ سے ایک جج الگ ہوگٸے، کیا وہ جج یہ آرڈردے سکتا تھا کہ یہ کیس مخصوص بنچ کے سامنے لگے؟ جبکہ جسٹس حسن اظہررضوی نے بھی استفسار کیا کہ کیا بنچ دوبارہ قاٸم کرنے کا اختیاراسی جج کے پاس تھا؟

جسٹس نعیم افغان نے بیرسٹرصلاح الدین سے مکالمہ کرتےہوئے کہا ہمیں لگتا ہے اس سارے معاملے کے ذمہ دارآپ ہیں۔

جسٹس محمد علی مظہربولے عدالتی حکمنامہ کے مطابق آپکا اصرار تھا یہ ریگولر بنچ یہ کیس سن سکتا ہے۔

جسٹس جمال مندوخیل نے سوال کیا کیا آپکو ہم ججز پر اعتماد نہیں؟ میں نااہل ہویا مجھے قانون نہیں آتا تومجھے بتا دیں؟ تو اٹارنی جنرل منصور عثمان اعوان نے بتایا میرے پاس 13 جنوری کے دوحکمنامے موجود ہیں، ایک میں کہا اگلی تاریخ 27 جنوری ہے جبکہ دوسرے میں کہا کیس کی اگلی تاریخ سولہ جنوری ہے۔

جس پر جسٹس محمد علی مظہر کا کہنا تھا کہ سمجھ نہیں آرہی اٹارنی جنرل کونوٹس دیے بغیرکہاگیا کیس سنا ہوا سمجھا جائے۔

جسٹس نعیم اختر افغان نے کہا کہ کل کے فیصلے میں کہا گیا کیس اسی بنچ کے سامنے سماعت کیلئے مقررکیا جائے اورفیصلے میں توججزکے نام تک لکھ دیے، غلط یا صحیح لیکن جوڈیشل آرڈرہے، کیا ہم یہاں کیس سن سکتے ہیں۔

جسٹس جمال مندوخیل نے ریمارکس دیئے یہ بدقستمی ہے ایسا نہیں ہونا چاہیے، جسٹس محمد علی مظہر نے پوچھا کہ آپ بتا دیں کہ کیس کس بنچ کے سامنے چلے گا؟ ہماری بھی عزت ہے۔

جسٹس جمال مندوخیل نے بیرسٹر صلاح الدین سے مکالمہ کرتے ہوئے کہا کہ آپ جذباتی نہ ہو ہم آپکے جذبات کا احترام کرتے ہیں، نام تو بدنام ویسے ہی ہے۔

آئینی بینچ نے جسٹس منصورعلی شاہ کا 13 اور 16 جنوری کے آرڈر واپس لیتے ہوئے توہین عدالت کیس کا ریکارڈ کسٹم ڈیوٹی کیس کیساتھ منسلک کرنے کا حکم دے دیا۔

جسٹس امین الدین نے ریمارکس دیے کہ ہم نے آئین کے تحفظ کا حلف اٹھایا ہے اس کے پابند ہیں، جو مقدمہ ہمارے دائرہ اختیار میں آتا ہے اس میں کسی کی مداخلت برداشت نہیں کریں گے ، بعد ازاں عدالت نے کسٹم ڈیوٹی کیس کی غیر معینہ مدت کے لئے ملتوی کردی۔

اسلام آباد : سپریم کورٹ کے ایڈیشنل رجسٹرار کیخلاف توہین عدالت کیس میں جسٹس منصور علی شاہ نے انٹراکورٹ اپیل کے بینچ میں شامل 2 ججز پر اعتراض کردیا۔

تفصیلات کے مطابق سپریم کورٹ کے جسٹس منصور علی شاہ نے ایڈیشنل رجسٹرارکیخلاف توہین عدالت کیس میں انٹراکورٹ اپیل کے بینچ پر اعتراض اٹھادیا۔

اس سلسلے میں جسٹس منصور علی  نے ججز کمیٹی کو خط لکھا ، جس میں جسٹس جمال مندوخیل اور جسٹس محمد علی مظہر کی شمولیت پر اعتراض اٹھایا۔

جسٹس منصور نے کہا کہ 23 جنوری کو جوڈیشل کمیشن اجلاس ہوا، اجلاس کےبعدچیف جسٹس نےچیمبرمیں کمیٹی کاغیررسمی اجلاس بلایا، اجلاس میں تجویزدی سنیارٹی کےاعتبارسے5رکنی بینچ انٹراکورٹ اپیل پربنایاجائے۔

خط میں کہا گیا کہ "تجویز دی تھی بینچ میں ان ججز کو شامل نہ کیاجائےجوکمیٹی کےرکن بھی ہیں، چیف جسٹس نے کہا وہ 4 رکنی بینچ بنانا پسند کریں گے، پھر رات 9 بجکر33منٹ پر میرے سیکریٹری کا واٹس ایپ میسج آیا، سیکرٹری نے مجھ سے 6 رکنی بینچ کی منظوری کا پوچھا۔”

جسٹس منصور نے خط میں لکھا "میں نےسیکرٹری کوبتایا مجھےاس پراعتراض ہےصبح جواب دوں گا، رات 10 بجکر 28 منٹ پر سیکریٹری نے بتایا 6 رکنی بینچ بن گیا ہے اور روسٹربھی جاری کر دیا گیا ہے۔”

خط میں لکھا کہا "میرابینچ پر 2ممبران کی حدتک اعتراض ہے، بینچزاختیارات کا کیس ہم سے واپس لینے کا فیصلہ دونوں کمیٹیوں نے کیا، کمیٹیوں میں شامل ججز کے فیصلے پر ہی سوالات ہیں۔”

ان کا کہنا تھا کہ کمیٹی میں شامل ارکان اپنے کئے پر خود جج نہیں بن سکتے، میرے اعتراضات کو ریکارڈ کا حصہ بنایا جائے.