Tag: جسٹس منصور علی شاہ

اسلام آباد: جسٹس منصور علی شاہ کا کہنا ہے کہ پاکستان کو موسمیاتی تبدیلی کے چیلنج کا سامناہے،پچھلے پانچ 7سال ہم نے اس حوالے سے کچھ نہیں کیا۔

تفصیلات کے مطابق جسٹس منصور علی شاہ نے نجی یونیورسٹی میں تقریب سے خطاب کرتے ہوئے کہا کلائمیٹ فنانس ہی کلائمیٹ جسٹس ہے ، موسمیاتی ایمرجنسی کا پاکستان کو سامنا ہے، پاکستان دنیا کا آٹھواں بڑا ملک ہے جو موسمیاتی تبدیلیوں سے متاثر ہے۔

سپریم کورٹ کے جج کا کہنا تھا کہ عدالتوں نے ہمیشہ موسمیاتی ایمرجنسی کے کیسز کو سنجیدہ لیا ، 90 کی دہائی میں انڈسٹریوں کو بند کرنے سے لیکر دیگر عوامل پر بات کی گئی ، عملدرآمد کون کرے گا اس پر بات نہیں ہوئی۔

انھوں نے کہا کہ کلائمیٹ فنانس پر بات ہی نہیں ہوئی ، نیچر فنانس کے بغیر موسمیاتی ایمرجنسی سے لڑا نہیں جاسکتا۔

جسٹس منصور کا کہنا تھا کہ گزشتہ 7 سال میں موسمیاتی تبدیلیوں کے حوالے سے کوئی کام نہیں ہوا ، کیسز میں عدالتوں نے ہدایات جاری کیں لیکن گراؤنڈ پر کچھ نہیں ہوا۔

انھون نے زور دیا کہ فوڈ سیکیورٹی، ڈیزاسٹر مینجمنٹ، واٹرسیکورٹی سمیت دیگر عوامل پرغور کی ضرورت ہے، یہ دیکھا نہیں گیا کہ ریسورس ہےیانہیں، حکومت نے بھی اس پرتوجہ نہیں دی۔

سپریم کورٹ کے جج نے بتایا کہ باکو میں حکومت نے موسمیات تبدیلی سے نمٹنے کیلئے اچھی کوشش کی، عدالتیں سمجھتی ہیں کہ کلائمٹ فنانس کو بنیادی حق سمجھنا ہوگا، ہم ٹرک کی بتی کے پیچھے لگے ہوئے ہیں، ہمیں موسمیاتی ایمرجنسی کے لئے مربوط حکمت عملی بنانا ہوگی۔

ان کا مزید کہنا تھا کہ نیچر فنانس پرغورکرنا ہوگا تاکہ آلودگی اوربائیو ڈائورسٹی پربھی کام ہوسکے، کلائمٹ فنڈ ابھی تک نہیں بنایا گیا ہوسکتا ہے جلد بن جائے۔

اسلام آباد : جسٹس منصور علی شاہ نے ملک میں چلڈرن کورٹس بنانے کی ضرورت پر زور دیتے ہوئے کہا عدلیہ کو بچوں کے حقوق کا تحفظ کرنا چاہیے۔

تفصیلات کے مطابق سپریم کورٹ کے جج جسٹس منصور علی شاہ نے تقریب سے خطاب کرتے ہوئے کہا کہ ججزکوبتاناچاہتاہوں بچوں کیلئےانصاف کس قدراہم ہے ، بچےصرف ہمارا مستقبل ہی نہیں ہمارا آج بھی ہیں۔

جسٹس منصور کا کہنا تھا کہ عدلیہ کو بچوں کےحقوق کااحساس ہے، بچے کل کے لوگ نہیں بلکہ آج کے افراد ہیں، مفاد عامہ کے مقدمات سےکافی بہتری آتی ہے۔

انھوں نے بتایا کہ میں ہمیشہ کہتاہوں عدالت آئیں، میں آئینی بینچ میں نہیں مگرمیرےساتھ آپ کوسنیں گے، ہماری عدالت میں بچےپیش ہوتےبات کرنےکاموقع نہیں دیتے، ہم کیسز میں بچوں کے والدین کو سن لیتے ہیں، آئندہ سے بچہ عدالت میں پیش ہوتو اس کی بات سنیں۔

سپریم کورٹ کے جج نے کہا کہ ایک جج کوکمرہ عدالت میں بچوں کو سننا ہوگا،جسٹس منصورچوں کی پروٹیکشن سے متعلق عالمی قوانین بنائے گئے۔

انھوں نے زور دیا کہ عدلیہ کوبچوں کو بھی فیصلہ سازی کے عمل شامل کرنا چاہیے، عدلیہ کوبچوں کے حقوق کاتحفظ کرنا چاہیے، طوطا چوری ہو توبچہ جیل میں بیٹھا ہے، بچوں کو عدالتی نظام سے مت گزاریں، بچوں کو بھی کیس سے گزرنے میں20،15سال نہ لگ جائیں۔

جسٹس منصور کا کہنا تھا کہ ملک میں چلڈرن کورٹس بنانےکی ضرورت ہے، چلڈرن کورٹس میں بچوں سےمتعلق کیسز کےجلدفیصلےہوں۔

انھوں نے کہا کہ دیکھنا ہے ہمارا نظام انصاف بچوں کیلئے کیا کر رہا ہے، بچوں کوبھی آزادی رائے کا حق ہے، بچے ہمارے لیے ہم سے زیادہ اہم ہونے چاہئیں، ایسا نہیں ہونا چاہیے بچہ عدالت آکر سارا دن بیٹھا رہے، بچوں سےمتعلق کیس کو فوری سنا جانا چاہیے۔

سپریم کورٹ جج کا کہنا تھا کہ بچوں کوآج”سائبر بلنگ”جیسےخطرات کاسامنا ہے، ملک میں25ملین سےزیادہ بچےاسکول نہیں جا رہے، اسپیشل چائلڈسےمتعلق ہمارے پاس سہولتیں نہیں۔

انھوں نے کہا کہ بچیوں کوونی کرنےجیسی رسومات آج تک موجود ہیں، ایسی رسومات پرہمیں شرم آنی چاہیے، مذہب کی جبری تبدیلی بھی ایک بڑا مسئلہ ہے، اسکولوں میں بچوں کو مارنےکارجحان آج بھی موجود ہے۔

اسلام آباد : سپریم کورٹ کے جج جسٹس منصور علی شاہ نے جوڈیشل کمیشن آف پاکستان کو خط میں ججز تعیناتی کے عمل پر تحفظات کا اظہار کردیا۔

تفصیلات کے مطابق جسٹس منصور علی شاہ نے جوڈیشل کمیشن آف پاکستان کو ایک اور خط لکھ دیا، جس میں کہا کہ ہائی کورٹس کے اضافی ججز کی نامزدگیوں سے پہلے جوڈیشل کمیشن کے قواعد ترتیب دیں، جوڈیشل کمیشن نے ججز تعیناتی کیلئے ضروری قواعد اور معیار ترتیب نہیں دیئے۔

خط میں کہنا تھا کہ موجودہ نامزدگیوں کو اس وقت تک قبول نہیں کیا جاسکتا جب تک طریقہ کار نہ طے کرے، سابقہ قواعد موجودہ حالات میں کارآمد نہیں ہیں، ججز تعیناتی کے عمل میں شفافیت، مستقل مزاجی اور میرٹ کیلئے جامع پالیسی لازمی ہے۔

جسٹس منصور نے کہا کہ نامزدگیوں سے پہلے امیدواروں کی اہلیت، تجربہ اور پیشہ ورانہ خصوصیات دیکھنی چاہئیں ، قواعد کے بغیر یہ عمل عدلیہ کی ساکھ کو نقصان پہنچا سکتا ہے، عوامی اعتماد کو متاثر کر سکتا ہے۔

خط میں کہنا تھا کہ ایک جامع فریم ورک بنایا جائے، جو تعیناتی کے عمل کو منظم کرے اور نامزدگیوں کیلئے جنس، علاقے، مذہب اور قانونی مہارت کے لحاظ سے تنوع کو مدنظر رکھا جائے۔

سپریم کورٹ کے جج نے بتایا کہ جوڈیشل کمیشن کے تمام ارکان کو پہلے قواعد وضع کرنے کی درخواست کی گئی ہے، قواعد و ضوابط کے بعد ہی ہائیکورٹس کے اضافی ججز کی نامزدگی ممکن بنائی جائے۔

جسٹس منصور کا خط عدلیہ کی آزادی، قابلیت اور عوامی نمائندگی کو یقینی بنانے کی کوششوں کا حصہ ہے۔

اسلام آباد : ‏سپریم کورٹ میں دورانِ سماعت جسٹس منصورعلی شاہ کے آئینی بنچز سے متعلق دلچسپ ریمارکس سامنے آئے۔

تفصیلات کے مطابق سپریم کورٹ میں جسٹس منصور علی شاہ اور جسٹس عقیل عباسی پر مشتمل دو رکنی بنچ نے سوئی ناردرن اووربلنگ کیس کی سماعت کی۔

دوران سماعت درخواست گزار کے وکیل نے کہا کہ اس کیس کی نظرثانی درخواست ابھی زیرالتوا ہے، کیس 26 ویں ترمیم کے بعد آئینی بنچ میں جائے گا۔

جسٹس منصور علی شاہ نے مسکراتے ہوئے ریمارکس دیئے کہ اس کیس میں کوئی آئینی یا قانونی سوال موجود نہیں، سارے مقدمات آئینی بنچز میں نہ لے کر جائیں، کچھ مقدمات ہمارے پاس بھی رہنے دیں۔

عدالت نے کیس نمٹاتے ہوئے قرار دیا کہ زیر التوا نظرثانی کیس میں درخواست گزار سوال اٹھا سکتے ہیں۔

مزید پڑھیں : 26 ویں آئینی ترمیم سے متعلق جسٹس منصور علی شاہ کے دلچسپ ریمارکس

یاد رہے مسابقتی کمیشن سے متعلق ہائیکورٹ کے فیصلے کے خلاف اپیل پر سماعت کےدوران جسٹس منصورعلی شاہ نے آئینی بینچ کا تذکرہ آیا تھا۔

جسٹس منصور نے مسکراتے ہوئے سوال کیا تھا کہ کیا یہ کیس اب آئینی بینچ میں جائے گا یا ہم بھی سن سکتےہیں؟ اب لگتا ہے یہ سوال سپریم کورٹ میں ہر روز اٹھے گا کہ کیس عام بینچ سنے گا یا آئینی بینچ سنے گا۔

اسلام آباد : چیف جسٹس آف پاکستان جسٹس یحییٰ خان آفریدی نے سینئر ترین جج جسٹس منصور علی شاہ کو تنازعات کے حل کی متبادل کمیٹی کا سربراہ مقرر کردیا۔

تفصیلات کے مطابق چیف جسٹس آف پاکستان جسٹس یحییٰ خان آفریدی نے تنازعات کے حل کیلیے متبادل کمیٹی کی تشکیل تبدیل کردی۔

سپریم کورٹ کی جانب سے جاری نوٹیفیکیشن میں کہا گیا ہے کہ سینئر ترین جج جسٹس منصور علی شاہ کو اے ڈی آر کمیٹی کا چئیرمین مقرر کیا گیا ہے جبکہ جسٹس عائشہ ملک اور جسٹس شاید وحید کمیٹی کے ممبران ہوں گے۔

اعلیٰ عدلیہ کا کہنا ہے کہ نوٹیفکیشن کی کاپی تمام متعلقہ افسران کو بھجوا دی گئی ہے۔

یاد رہے سابق چیف جسٹس پاکستان قاضی فائز عیسیٰ نے اگست 2024 میں تنازعات کے متبادل حل کیلئے ٹاسک فورس کی از سر نو تشکیل کی تھی۔

لا اینڈ جسٹس کمیشن کے 22 جولائی کو جاری نوٹیفکیشن کے مطابق جسٹس منصور کی ٹاسک فورس کی رکنیت ختم کردی گئی تھی، اور جسٹس یحییٰ خان آفریدی کو کمیٹی کا سربراہ بنایا گیا تھا۔

کمیٹی کے دیگر ممبران میں جسٹس عائشہ ملک اور جسٹس شاہد وحید شامل تھے۔

اسلام آباد : وزیراطلاعات عطا تارڑ کا کہنا ہے کہ نظر یہی آرہا ہے 26 اکتوبر کو جسٹس منصور علی شاہ چیف جسٹس ہوں گے۔

تفصیلات کے مطابق وزیراطلاعات عطا تارڑ نے اے آر وائی نیوز کے پروگرام الیونتھ آور میں گفتگو کرتے ہوئے کہا مولانافضل الرحمان ہمارےاتحادی رہےہیں لائق احترام ہیں، ان سے وزیراعظم کی دوملاقاتیں ہوئی جومثبت رہیں۔

وزیراطلاعات نے بتایا کہ مولانافضل الرحمان کی خواہش تھی کہ مزیدمشاورت ہوجائے، حکومت کابھی مؤقف ہےمشاورت کادائرہ کاروسیع کریں گے، ہمیشہ مزیدمشاورت کی گنجائش موجود رہتی ہے، کامران مرتضیٰ کے پاس مسودہ موجودتھا اور کلاز بائی کلاس مشاورت ہوئی، مسودہ وزیرقانون اعظم نذیرتارڑاوران کی ٹیم نے تیار کیاتھا، چارٹرآف ڈیموکریسی میں بھی آئینی عدالتوں کامطالبہ موجود تھا۔

ان کا کہنا تھا کہ یہ تاثردرست نہیں ہےکہ مسودہ کہیں اورسےآیا ہے اور یہ بات درست نہیں ہےکہ مسودہ کسی کونہیں دیاگیا، ہوسکتا ہے عبدالغفور حیدری کو مسودہ نہ ملا ہو کیونکہ بیرون ملک سے آئے تھے۔

اگلے چیف جسٹس کے حوالے سے وفاقی وزیر نے کہا کہ بلاول بھٹونےدرست کہاہوگاکہ نئےچیف جسٹس منصور علی شاہ ہوں گے ، نئےچیف جسٹس منصورعلی شاہ ہی نظر آتے ہیں اب تک یہ ہی نظر آتاہے، آئین وقانون کے مطابق یہ درست بات ہےکہ نئےچیف جسٹس منصورعلی شاہ ہوں گے۔

ان کا مزید کہنا تھا کہ آئینی عدالت کو کون ہیڈ کرے گا اس پر ابھی کوئی مشاورت نہیں ہوئی، پوری دنیا کے اندر آئینی عدالتوں کا نظام موجود ہے اور پورا اسٹرکچر موجود ہے۔