ARYNews.tv | Urdu – Har Lamha Bakhabar

Tag: جسپرت بمراہ

  • چیمپئنز ٹرافی: بھارتی فاسٹ بولر جسپرت بمراہ اِن یا آؤٹ؟ بڑی خبر آ گئی

    چیمپئنز ٹرافی: بھارتی فاسٹ بولر جسپرت بمراہ اِن یا آؤٹ؟ بڑی خبر آ گئی

    آئی سی سی چیمپئنز ٹرافی کے آغاز میں 9 دن باقی ہیں بھارتی اسکواڈ میں فاسٹ بولر جسپرت بمراہ شامل ہوں گے یا نہیں بڑی خبر آ گئی ہے۔

    آئی سی سی چیمپئنز ٹرافی کے آغاز سے قبل ہی میزبان ٹیم پاکستان سمیت تقریباً تمام ٹیموں کو اپنے اہم کھلاڑیوں کی انجری کے باعث مضبوط اسکواڈ کی تشکیل میں مشکل کا سامنا ہے۔

    ایسی ہی مشکل سے روایتی حریف بھارت کی ٹیم بھی دوچار ہے۔ جس کے سب سے اہم فاسٹ بولر جسپرت بمراہ کی میگا ایونٹ میں شرکت پر اب تک سوالیہ نشان لگا ہوا ہے۔

    آئی سی سی کی ڈیڈ لائن کے مطابق 11 فروری کی رات تک بورڈ نے حتمی اسکواڈ کا اعلان کرنا ہے اور بھارتی میڈیا نے خبر دی ہے کہ سلیکٹرز جسپرت بمراہ کی ٹیم مٰں شمولیت کا فیصلہ کل کریں گے۔

    جسپرت بمراہ جو آسٹریلیا کے خلاف آخری ٹیسٹ میچ میں کمر کی انجری کا شکار ہوئے تھے۔ ان کی انجری کی حتمی نوعیت جاننے کے لیے کمر کا دوسرا اسکین بنگلورو میں کیا گیا۔

    بھارتی میڈیا کے مطابق پیسر کی اسکین رپورٹ کل ملے گی اور سلیکٹرز اس رپورٹ کی روشنی اور ڈٓاکٹروں کی ایڈوائس کے مطابق ہی بمراہ کے چیمپئنز ٹرافی کے اسکواڈ میں شمولیت کا حتمی فیصلہ کریں گے۔

    انڈین میڈیا کا کہنا ہے کہ اگر جسپرت بمراہ کو میگا ایونٹ کے اسکواڈ کا حصہ نہیں بنایا گیا تو ہرشت رانا ان کے متبادل کے طور پر ٹیم میں شامل ہوں گے۔

    https://urdu.arynews.tv/haris-rauf-play-in-the-champions-trophy-or-not-important-news/

  • کیا واقعی جسپرت بمراہ چیمپئنز ٹرافی نہیں کھیلیں گے؟ پیسر نے خاموشی توڑ دی

    کیا واقعی جسپرت بمراہ چیمپئنز ٹرافی نہیں کھیلیں گے؟ پیسر نے خاموشی توڑ دی

    بھارتی کرکٹ ٹیم کے فاسٹ بولر جسپرت بمراہ کے زخمی ہونے اور ٹورنامنٹ نہ کھیلنے کی خبریں سامنے آ رہی ہے پیسر نے اس پر خاموشی توڑ دی ہے۔

    چیمپئنز ٹرافی کا آغاز ہونے میں ایک ماہ باقی رہ گیا ہے۔ بھارتی میڈیا فاسٹ بولر جسپرت بمراہ کے زخمی ہونے اور میگا ایونٹ میں شرکت نہ کرنے سے متعلق مسلسل پیشگوئی کر رہا ہے۔

    گزشتہ روز بھی ٹائمز آف انڈیا نے خبر دی تھی کہ جسپرت بمراہ کے کمر پر سوجن ہے اور ڈاکٹروں نے انہیں مکمل بیڈ ریسٹ کا مشورہ دیا ہے جس کے باعث وہ چیمپئنز ٹرافی سے باہر ہو سکتے ہیں۔

    تاہم اصل حقیقت کیا ہے۔ اس پر پیسر نے خاموشی توڑ دی ہے۔

    جسپرت بمراہ نے اپنی انجری کے حوالے سے پھیلنے والی خبروں کو جھوٹ اور فرضی قرار دیا ہے اور اس حوالے سے انڈین میڈیا کی دی گئی خبروں پر فوری ردعمل دیتے ہوئے سوشل میڈیا پر لکھا ہے کہ انہیں اپنی انجری اور بیڈ ریسٹ سے متعلق خبر پڑھ کر ہنسی آ گئی۔

    جسپرت بمراہ نے لکھا کہ ’’ مجھے معلوم ہے کہ جھوٹی خبریں تیزی سے پھیلتی ہیں، لیکن اس کو پڑھ کر مجھے ہنسی ہی آئی ۔ ذرائع قابل بھروسہ نہیں ہے‘‘۔

    News18

    تاہم ان کی انجری کی نوعیت کیا ہے اور وہ کب تک فٹ ہو کر ٹیم کا حصہ ہوں گے، اس حوالے سے انہوں نے کوئی بات نہیں کی۔

    واضح رہے کہ جسپرت بمراہ دورہ آسٹریلیا کے دوران آخری ٹیسٹ میچ میں انجری کا شکار ہوئے تھے اور اسی وجہ سے وہ مذکورہ سڈنی ٹیسٹ کی آخری اننگ میں بولنگ بھی نہیں کرا سکے تھے۔

    بھارتی سلیکٹرز نے بھی انہیں انجری کے باعث رواں ماہ دورہ انگلینڈ سے باہر رکھا ہے۔

    https://urdu.arynews.tv/bcci-salary-deduct-which-cricketers/

  • جسپرت بمراہ کو ٹیسٹ ٹیم کی کپتانی مل گئی مگر ۔۔۔۔۔ ؟

    جسپرت بمراہ کو ٹیسٹ ٹیم کی کپتانی مل گئی مگر ۔۔۔۔۔ ؟

    بھارت کو آسٹریلیا کے خلاف پہلا ٹیسٹ جتوانے والے مایہ ناز بھارتی فاسٹ بولر جسپرت بمراہ کو ٹیسٹ ٹیم کی کپتانی مل گئی ہے۔

    بھارتی ٹیم کے ستارے گردش میں مگر اس کے بولر جسپرت بمراہ کے ستارے عروج پر ہیں۔ کرکٹ آسٹریلیا کی میڈیا ویب سائٹ کرکٹ ڈاٹ کام ڈاٹ اے یو نے گزرے سال کے آخری دن 31 دسمبر کو 2024 کی بہترین ٹیسٹ ٹیم کا انتخاب کیا ہے اور اس کی قیادت کسی بھارتی پیسر جسپرت بمراہ کو سونپی گئی ہے۔

    مذکورہ ٹیم میں قیادت تو دور بارڈر گواسکر ٹرافی میں آسٹریلیا کو بھارت کے خلاف دو ایک کی نا قابل شکست سبقت دلانے والے بہترین آل راؤنڈر اور کینگرو ٹیم کے کپتان پیٹ کمنز کو شامل نہیں کیا گیا ہے۔

    اس ٹیم میں سب سے زیادہ انگلینڈ کے 3 کھلاڑیوں کو ٹیم میں جگہ ملی ہے۔ بھارت، آسٹریلیا اور نیوزی لینڈ کے دو، دو کھلاڑیوں کے علاوہ جنوبی افریقہ اور سری لنکا کے ایک، ایک کھلاڑی کو ٹیم میں شامل کیا گیا۔ جب کہ پاکستان، بنگلہ دیش، افغانستان، ویسٹ انڈیز کا کوئی کھلاڑی جگہ نہیں بنا سکا ہے۔

    کرکٹ آسٹریلیا کے ذریعہ منتخب بیسٹ ٹیسٹ ٹیم ان ممبران پر مشتمل ہے۔

    جسپرت بمراہ (کپتان)، یشوی جیسوال، بین ڈکیٹ، جو روٹ، رچن رویندر، ہیری بروک، کمنڈو مینڈس، ایلیکس کیری (وکٹ کیپر)، میٹ ہنری، جوش ہیزل ووڈ اور کیشو مہاراج۔

    واضح رہے کہ بھارت اور آسٹریلیا کے درمیان کھیلی جا رہی پانچ ٹیسٹ میچوں کی بارڈر، گواسکر سیریز میں میزبان کینگرو ٹیم کو دو، ایک کی نا قابل شکست برتری حاصل ہے۔ ایک میچ بارش کی نذر ہوا جب کہ آخری میچ 3 جنوری سے سڈنی میں کھیلا جائے گا۔

    بھارت کو واحد فتح جاری سیریز کے اولین ٹیسٹ میں جسپرت بمراہ کی قیادت میں ملی تھی۔ اس کے بعد روہت شرما کی قیادت میں بھارتی ٹیم کو بڑی شکستوں کا سامنا کرنا پڑا جس کے بعد وہ شدید تنقید اور دباؤ کا شکار ہیں اور دعویٰ کیا جا رہا ہے کہ سڈنی ٹیسٹ کے بعد وہ ٹیسٹ کرکٹ چھوڑنے کا اعلان کر سکتے ہیں۔

    دوسری جانب جسپرت بمراہ اب تک رواں ٹیسٹ سیریز کے کامیاب ترین بولر ہیں۔ انہوں نے چار ٹیسٹ میچز میں 30 وکٹیں حاصل کر رکھی ہیں۔

    https://urdu.arynews.tv/indian-dressing-room-in-disarray-after-defeat-to-australia/