کوئٹہ(25 اگست 2025): پاکستان ریلویز نے سیلاب کی موجودہ صورتحال کی وجہ سے کوئٹہ اور پشاور کے درمیان ٹرین آپریشن دو دن کے لیے معطل کر دیا ہے۔

پاکستان ریلوے حکام کے مطابق جعفر ایکسپریس احتیاطی طور پر 25 اور 26 اگست کو کوئٹہ سے پشاور کے لیے روانہ نہیں ہوگی، تاہم حکام نے مزید کہا کہ چمن مسافر ٹرین اپنے مقررہ وقت کے مطابق کوئٹہ سے روانہ ہوئی

ریلوے حکام کا کہنا ہے کہ جعفر ایکسپریس آج اور کل پشاور نہیں جائے گی جبکہ آج پشاور سے کوئٹہ کیلئے بھی جعفر ایکسپریس کو منسوخ کیا گیا ہے۔

دوسری جانب پاکستان ریلویز نے پوائنٹ آف سیل (پی او ایس) کاؤنٹرز اور آن لائن خریدے گئے ٹکٹوں کے لیے ریفنڈ پالیسی متعارف کرا دی ہے، سرکاری نوٹیفکیشن کے مطابق پی او ایس کاؤنٹرز پر ٹکٹ خریدنے والے مسافروں کو روانگی سے 48 گھنٹے قبل ٹکٹ منسوخ کرنے پر 90 فیصد ریفنڈ مل سکتا ہے۔

ریفنڈ پالیسی کے تحت روانگی سے 24 سے 48 گھنٹے قبل ٹکٹ منسوخی پر 80 فیصد رقم ریفنڈ کی جائے گی جبکہ 24 گھنٹے کے اندر کی گئی ٹکٹ منسوخی پر ٹکٹ کی 70 فیصد رقم واپس ملے گی، پالیسی کے مطابق اگر کوئی مسافر روانگی کے 2 گھنٹے کے اندر اندر اپنے ٹکٹ کی منسوخی کرائے گا تو اسے کرایہ کا 50 فیصد واپس کر دیا جائے گا۔

نئی پالیسی میں اعلان کیا گیا ہے کہ ایسے معاملات میں جہاں کوئی ٹرین منسوخ یا 6 گھنٹے سے زیادہ کی تاخیر کا شکار ہو گی، تو اس کے مسافر اپنے ٹکٹ کی مکمل رقم کی واپسی کا مطالبہ کر سکتے ہیں، مسافر یہ رقم اپنی اصل ٹکٹ اور اپنے شناختی کارڈ کی کاپی پیش کرنے کے بعد پی او ایس کاؤنٹرز سے اپنی رقم لے سکتے ہیں۔

پشاور : جعفر ایکسپریس 16 روز بعد بحال کردی گئی اور ٹرین پشاور سے کوئٹہ کیلئے روانہ ہوگئی۔

تفصیلات کے مطابق جعفر ایکسپریس سولہ روز بعد بحال کردی گئی، وفاقی وزیر امور کشمیر و گلگت بلتستان انجینئرامیرمقام نے جعفر ایکسپریس کو روانہ کیا،اس موقع پر خصوصی دعا بھی کی گئی، جس کے بعد ٹرین پشاور سے کوئٹہ کیلئے روانہ ہوگئی۔

اس موقع پر وفاقی وزیر نے میڈیا سے گفتگو کرتے ہوئے کہا کہ وزیراعظم کی خصوصی ہدایات پر جعفر ایکسپریس کو جلد بحال کردیا گیا ہے، حکومت اور پاک فوج کی قیادت میں یہ تہیہ کیا جا چکا ہے کہ دہشت گردوں کے عزائم کامیاب نہیں ہونے دیں گے۔

انجینئرامیر مقام کا کہنا تھا کہ آرمی چیف کی قیادت میں دہشت گردوں کوشکست ہوگی، جوبلوچستان کی ترقی روکنا چاہتے ہیں انہیں مایوسی ہوئی، وزیراعظم اورآرمی چیف ملکی سلامتی کیلئےپرعزم ہیں، دہشت گردوں کے آگے ہتھیار نہیں ڈالیں گے۔

انھوں نے کہا کہ پاک فوج کی حمایت میں پوری قوم متحد ہے، دہشت گردی کے خلاف قوم متحد ہے، کوئی سیاست نہ کرے، اتحاد و یگانگت سے چیلنجز پر قابو پایا جاسکتا ہے۔

وفاقی وزیر کا مزید کہنا تھا کہ مخصوص جماعت نفرت اورشرانگیزی کی سیاست کررہی ہے، پی ٹی آئی رہنماؤں میں شدید اختلافات ہیں، بانی پی ٹی آئی کی ہدایت پر دی گئی آخری کال ٹھس ہوئی تھی، عوام آئندہ بھی پی ٹی آئی کی احتجاج کی کال مسترد کریں گے۔

کوئٹہ : جعفر ایکسپریس کے ڈرائیور نے دہشت گردوں کے حملے سے متعلق پوری کہانی سنادی اور جان بچانے پر پاک فوج کا شکریہ ادا کیا۔

تفصیلات کے مطابق جعفر ایکسپریس کے ڈرائیور کے ڈرائیو نے آنکھوں دیکھا حال بیان کردیا کہ کس طرح دہشت گردوں نے حملہ کیا اور کیسے جان بچی۔

جعفر ایکسپریس کے ڈرائیور نے بتایا کہ انجن کے نیچے دھماکےکے بعد ایمرجنسی بریک لگائی تو گاڑی رکتے ہی دہشت گرد پہاڑ سے اتر آئے اور انہوں راکٹ لانچر فائر کئے۔

ڈرائیور کا کہنا تھا کہ پاک فوج کے کمانڈوز نے بر وقت پہنچ کر ایکشن لیا، پاک فوج کے مشکور ہیں، انہوں نے ہماری جان بچائی۔

دوسری جانب ٹرین کے مسافروں نے بھی بتایا کہ اللہ نے نئی زندگی دی ہے،، پاک آرمی نے بروقت آپریشن کرکے ہمیں بحفاظت نکالا۔

مزید پڑھیں : قیامت کا منظر دیکھا، جعفر ایکسپریس حملے کے عینی شاہدین نے آنکھوں دیکھا حال بتادیا

مسافروں کو کہنا تھا کہ دہشت گردوں کےحملےکےبعدایف سی کی جوابی کارروائی جاری رہی اور پاک آرمی کے کمانڈوز نے صورتحال کو سنبھالا۔

یاد رہے جعفر ایکسپریس پر حملہ کرنے والے تمام دہشت گردوں کو مار دیا گیا ہے اور فورسز نے ایک سو نوے مسافر بازیاب کرائے۔

خودکش بمباروں نے یرغمال عورتوں اوربچوں کوڈھال بنایا ہوا تھا، آپریشن میں احتیاط اور مہارت کامظاہرہ کیا گیا اور جانیں بچائی گئیں۔

کوئٹہ : جعفرایکسپریس اور بولان میل کی سروسز تین دن کے لئے معطل کردی گئی، ٹرین سروس معطلی کا فیصلہ امن وامان کے پیش نظر کیا گیا ہے۔

تفصیلات کے مطابق پاکستان ریلوے کی جانب سے بلوچستان سے ٹرینوں کی آمدورفت معطل کردی گئی ، کوئٹہ سے اندرونِ ملک جانے والی بولان میل اور جعفر ایکسپریس معطل کر دی گئیں۔

امن وامان کے پیش نظر جعفر ایکسپریس اور بولان میل کو تین دن کیلئے معطل کیا گیا ہے۔

ریلوے حکام کا کہنا ہے کہ ٹرین سروس معطلی کا فیصلہ بولان میں جعفر ایکسپریس پر حملےکے بعد کیا گیا ہے تاہم کوئٹہ سے چمن جانے والی پسنجر ٹرین بھی تاحال روانہ نہیں کی گئی ہے۔

یاد رہے گذشتہ روز بلوچستان کے ضلع سبی میں دہشت گردوں نے جعفر ایکسپریس پر حملہ کرکے ٹرین کو مسافروں سمیت یرغمال بنالیا تھا، بزدلانہ حملہ کرنے والے دہشتگرد بیرون ملک ہینڈلرزسے بذریعہ سیٹلائٹ فون رابطے میں ہیں۔

جس کے بعد سیکیورٹی فورسز کے آپریشن میں ایک سو چار مسافروں کو رہا کروایا اور سولہ دہشت گرد جہنم واصل کیا تھا۔

سیکیورٹی فورسز باقی مسافروں کی بحفاظت رہائی کیلیے کوشاں ہیں، اضافی نفری آپریشن میں حصہ لےرہی ہے۔