Tag: جعفر ایکسپریس حملے

نصیرآباد: جعفر ایکسپریس حملے کا مقدمہ نامعلوم دہشت گردوں کیخلاف درج کرلیا گیا، ٹرین پر نامعلوم دہشت گردوں نے11مارچ کو حملہ کیا تھا۔

تفصیلات کے مطابق جعفر ایکسپریس پر حملے کا مقدمہ نامعلوم دہشت گردوں کےخلاف تھانہ نصیر آباد میں درج کرلیا گیا ، مقدمہ سی ٹی ڈی حکام کی مدعیت میں درج کیا گیا۔

ایف آئی آر میں کہا گیا کہ جعفرآباد ایکسپریس پر نامعلوم دہشت گردوں نے گیارہ مارچ کو حملہ کیا تھا، دہشت گردوں نے ٹرین اور مسافروں پر اسلحہ اور راکٹ لانچر سے حملہ کیا، ٹرین 11 بوگیوں پر مشتمل تھی ،مسافروں کی کثیر تعداد موجود تھی۔

مزید پڑھیں : جعفر ایکسپریس آپریشن میں ہلاک دہشتگردوں کی لاشوں کی تصاویر سامنے آگئیں

یاد رہے جعفر ایکسپریس مسافر ٹرین11 مارچ کوکوئٹہ سے پشاورجارہی تھی، ٹرین کو بلوچستان کےشہرسبی کے قریب دہشت گردوں نے نشانہ بناتے ہوئے مسافروں کو یرغمال بنالیا تھا۔

تاہم سیکیورٹی فورسز نے آپریشن کر کے یرغمالی مسافروں کو آزاد کروایا، دہشت گرد حملے میں 26 پاکستانی شہری شہید ہوئے تھے اور تمام دہشت گردوں ہلاک کردیا گیا تھا۔

یاد رہے جعفر ایکسپریس پر حملہ کرنے والے تمام دہشت گردوں کو مار دیا گیا ہے اور فورسز نے ایک سو نوے مسافر بازیاب کرائے۔

سیکیورٹی فورسز آپریشن میں احتیاط اور مہارت کامظاہرہ کیا گیا اور جانیں بچائی گئیں۔

اسلام آباد : جعفر ایکسپریس حملے پر بھارتی میڈیا اور ملک دشمن سوشل میڈیا اکاؤنٹس گمراہ کن پروپیگنڈے میں مصروف ہیں۔

تفصیلات کے مطابق جعفرایکسپریس پر دہشت گردوں کے بزدلانہ حملے پر بھارتی اور ملک دشمن سوشل میڈیا متحرک ہوگیا۔

سیکیورٹی ذرائع نے بتایا کہ بزدلانہ حملے کے بعد سے بھارتی میڈیا،سوشل میڈیا اور ملک دشمن سوشل میڈیا اکاؤنٹس مسلسل گمراہ کن، جھوٹا پروپیگنڈا کرنے میں مصروف ہیں۔

ذرائع کا کہنا تھا کہ پرانی ویڈیوز، اے آئی سے تیارویڈیوز،پرانی تصاویر، فیک وٹس ایپ پیغامات اور پوسٹرز کے ذریعے ہیجان پیدا کرنے کی مذموم کوشش کی جا رہی ہے۔

دہشت گردوں سے جڑے سوشل میڈیا اکاؤنٹس بھی پاکستان مخالف زہر اگلنے میں بھارتی میڈیا کا ساتھ دے رہے ہیں۔

بھارتی میڈیا پاکستان سے باہر بیٹھے خود ساختہ بلوچ رہنماؤں کے تجزیے دکھا کر لوگوں کو گمراہ کرنے میں مصروف ہیں، عوام سوشل میڈیا پر پھیلائے جانے والے گمراہ کن اور من گھڑت پروپیگنڈا کی بجائے مستند ذرائع سے دی جانے والی معلومات پر اکتفا کریں۔