Tag: جعلی ادویات

اسلام آباد: ڈریپ کی جانب سے جعلی، غیرمعیاری اور غیررجسٹرڈ ادویات کےخلاف کریک ڈاؤن کیا گیا، کمپنی سیل کرتے ہوئے ایک ملزم کو گرفتار کرلیا گیا۔

اے آر وائی نیوز کے مطابق لاہور میں نجی اسپتال سے غیررجسٹرڈ لیپیوڈول الٹرالیکوئڈ کی فروخت میں ملوث ملزم کو گرفتار کرلیا گیا ہے، سی او ڈریپ نے بتایا کہ ڈسٹری بیوٹرز کے خلاف چھاپہ مارا گیا، غیرقانونی اشیا برآمد کرتے ہوئے کمپنی کو سیل دیا گیا۔

سی او ڈریپ نے بتایا کہ لاہور میں غیرقانونی انجکشن فروخت کرنے والوں کو گرفتار کیا گیا، بغیر لائسنس کہوٹہ روڈ پر پلاسٹک یورین کلیکشن کنٹینرز تیارکرنے والی فیکٹری پکڑی گئی۔

ڈریپ حکام نے بتایا کہ فیکٹری سے غیرقانونی اشیا ضبط کرکے سیل کردیا گیا، مارکیٹ میں جعلی پروپیلین گلائکول کی موجودگی پر فوری الرٹ جاری کردیا گیا ہے۔

سی او ڈریپ نے کہا کہ متعلقہ اداروں کو خام مال کی سخت جانچ پڑتال کی ہدایت کردی ہے، غیرقانونی طبی آلات کی تیاری، ذخیرہ میں ملوث فارماسیوٹیکل کمپنی سیل کردی گئی، صوبائی محکمہ صحت حکام کےساتھ مل کر کامیاب کارروائیاں کی گئیں۔

اسلام آباد : ملک میں عالمی برانڈز کی جعلی ادویات کی تیاری اور فروخت کے انکشاف کے بعد دو جعلی ادویات کے بیچز کی سیل، استعمال پر پابندی لگا دی گئی۔

تفصیلات کے مطابق ملک میں عالمی برانڈز کی جعلی ادویات کی تیاری اور فروخت کا انکشاف سامنے آیا، پنجاب حکومت نے صوبے میں جعلی ادویات کے خلاف بڑا کریک ڈاون کیا۔

عالمی برانڈز کے ناموں کی جعلی دوائیاں مختلف شہروں کو سپلائی ہوئی ہیں، پنجاب ڈرگ کنٹرول ڈائریکٹوریٹ نے مختلف شہروں میں کریک ڈاون کیا ہے،

ڈریپ نے بتایا کہ اینستھیزیا، اعضا سکڑنے کے علاج کی جعلی ادویات سپلائی کی گئی ہیں ، جعلی دوائیوں کے پیکٹس پر فرانس، جرمنی کے پتے درج ہیں، ڈرگ ٹیسٹنگ لیب پنجاب نے دونوں ادویات کے سیمپلز کو جعلی قرار دیا ہے۔

ڈریپ نے دو جعلی دوائیوں کے بیچز کی سیل، استعمال پر پابندی لگا دی اور پنجاب حکومت کی درخواست پر ڈریپ نے ریکال الرٹ جاری کر دیئے۔

الرٹ میں کہا ہے کہ کیٹامائن انجکشن 500 ایم جی کا بیچ 20158 جعلی ہے، یہ انجکشن بیہوشی کیلئے استعمال کیا جاتا ہے،انجکشن پیکٹ پر پان فارما فرانس کا پتہ درج ہے۔

اوکریوس انجکشن کا جعلی بیچ مختلف شہروں کو سپلائی ہوا ہے،جعلی اوکریوس سلوشن کی اطلاع روشے پاکستان نے دی ہے،اوکریوس سولوشن 300 ایم جی کا بیچ H0041B27 جعلی ہے۔

اوکریوس پیکٹ پر روشے ڈائیگناسٹک جرمنی کا پتہ درج ہے، جعلی بیچ مختلف شہروں کو سپلائی ہوا ہے۔

ڈرگ ریگولیٹری اتھارٹی نے جعلی اوکریوس سولوشن کی تصاویر جاری کر دیں ، روشے گلوبل نے اوکریوس کے جعلی بیچ کی تحقیقات کی ہیں، روشے گلوبل نے پاکستان میں دستیاب اوکریوس سولوشن کو جعلی قرار دیا ہے۔

روشے گلوبل نے اوکریوس کا اوریجنل بیچ 2020 میں ترکی سپلائی کیا تھا، اوکریوس سولوشن انسانی اعضا کے سکڑنے کے علاج کی دوا ہے ، انسانی اعضا سکڑنے کے علاج کی جعلی دوا کا استعمال جان لیوا ہو سکتا ہے۔

ڈریپ کا کہنا تھا کہ جعلی ادویات کا معیار اور افادیت غیر واضح ہوتی ہے، جعلی ادویات کے استعمال سے علاج متاثر ہو سکتا ہے۔

الرٹ میں ہدایت کی گئی کہ پنجاب حکومت جعلی ادویات کی روک تھام کیلئے مزید اقدامات کرے، ریگولیٹری فیلڈ فورس پنجاب کی مارکیٹ میں سرویلنس یقینی بنائے، پنجاب حکومت جعلی ادویات کے سپلائی چین کی جامع تحقیقات کرے۔

ڈریپ نے ریگولیٹری فیلڈ فورس کو مارکیٹ سے جعلی ادویات کے خاتمے کی ہدایت کردی۔

اسلام آباد : ڈریپ نے ذیابطیس اور جان بچانے والی 8 ادویات پر پابندی عائد کردی، جعلی ادویات کا معیار، افادیت غیر واضح ،علاج متاثر ہو سکتا ہے۔

تفصیلات کے مطابق ڈرگ ریگولیٹری اتھارٹی کا پنجاب، بلوچستان، خیبرپختونخوا میں کریک ڈاون جاری ہے، کریک ڈاؤن میں ذیابطیس اور جان بچانے والی 8 جعلی و غیر معیاری ادویات پکڑی گئیں۔

ڈریپ نے جعلی اور غیر معیاری ادویات کے 8 بیچز کی فروخت و استعمال پرپابندی عائد کردی اور بتایا کہ سنٹرل ڈرگ ٹیسٹنگ لیب کراچی نے ادویات بیچز کو غیر معیاری قرار دیا ہے۔

ڈرگ کنٹرول ڈائریکٹوریٹ پنجاب نے ادویات بیچز پر پابندی کی سفارش کی، کوالٹی کنٹرول بورڈ کوئٹہ نے ادویات کے بیچز پر پابندی کی سفارش کی۔

ادویات کراچی، لاہور، فیصل آباد، ہری پور کی کمپنیز کی تیارکردہ ہیں، شوگر کی ٹیبلٹ ایمپلیمیٹ ایکس آر کا بیچ 39224 اور اینٹی بائیوٹک انجکشن ایسانیکس کا بیچ آئی اے 702 غیر معیاری ہے۔

اس کے علاوہ معروف برانڈ زیسول ڈرپ کا بیچ 2408207 ، انجکشن سازی کے سٹیرائل واٹر کا بیچ ڈبلیو آئی 893 ، بیکٹیریل انفیکشن دوا فلیگینیس سسپنشن کا بیچ 0362 اور اینٹی الرجک ڈیسورا سیرپ بیچ ایس 23236 کے استعمال پر پابندی عائد کی ہے۔

وٹامن بی 12 کا کیانوکو انفیوژن کا بیچ 6609 اور وٹامن بی 12 کا انفیوژن کیانوکو سپر کا بیچ 6403 ملاوٹ شدہ ہے، جعلی ادویات کا معیار، افادیت غیر واضح اور علاج متاثر ہو سکتا ہے۔

ڈریپ نے ہدایت کی جعلی، غیر معیاری ادویات کی روک تھام کیلئے اقدامات کئے جائیں اور غیر معیاری ،جعلی میڈیسن سپلائی چین کی مکمل تحقیقات کی جائیں، مارکیٹس سے جعلی، غیر معیاری ادویات کے بیچز ضبط کئے جائیں ساتھ ہی ملک بھر کی مارکیٹس سے جعلی ، غیر معیاری ادویات کا خاتمہ یقینی بنایا جائے۔