Tag: جعلی سیلز ٹیکس

کراچی : ریجنل ٹیکس آفس حیدرآباد نے جعلی سیلز ٹیکس کا بڑا اسکینڈل پکڑلیا، ملزمہ ثنا اسلم اور کاٹن کلپس نامی کمپنی نے جعلی سیلز اربوں روپے کی ٹیکس انوائسز جمع کرائیں۔

تفصیلات کے مطابق ریجنل ٹیکس افس ان لینڈ ریونیو حیدر آباد زون نے جعلی سیلز ٹیکس کا بڑا اسکینڈل پکڑ لیا، ملزمان نے اربوں روپے کی جعلی سیلز ٹیکس انوائسز جمع کرائیں۔

ایف بی آر نے بتایا کہ جعلی سیلز ٹیکس انوائس سے قومی خزانےکو دو ارب اکیاسی کروڑ روپے کا نقصان ہوا۔

حکام کا کہنا تھا کہ سیلز ٹیکس گوشواروں میں خریداریوں کی انکوائری کے دوران فراڈ کا انکشاف ہوا، ملزمہ ثنا اسلم اور کاٹن کلپس نامی کمپنی نے جعلی سیلز ٹیکس انوائسز جمع کرائیں۔

ایف بی آر نے کہا ہے کہ کمپنی مالک ثنا اور دیگر ملزمان غیرقانونی ان پٹ ٹیکس ایڈجسٹمنٹ میں ملوث ہیں تاہم ملزمان کے خلاف سیلز ٹیکس فراڈ کا مقدمہ درج کرلیا گیا ہے۔

کراچی: فیڈرل بورڈ آف ریونیو (ایف بی آر ) نے جعلی سیلز ٹیکس کا کروڑوں روپے کا فراڈ پکڑلیا، نجی کمپنی کا مالک جعلی فلائنگ انوائس ،مشکوک لین دین میں ملوث پایا گیا۔

تفصیلات کے مطابق فیڈرل بورڈ آف ریونیو (ایف بی آر ) نے  کارروائی کرتے ہوئے جعلی سیلز ٹیکس کاکروڑوں روپے کا فراڈ پکڑلیا۔

ایف بی آر حکام نے بتایا کہ نجی کمپنی کا مالک جعلی فلائنگ انوائس ،مشکوک لین دین میں ملوث پایا گیا، ملزم 2022 سے ایف بی آر میں درآمد کنندہ،برآمد کنندہ کے طور پر رجسٹرڈ ہے۔

حکام کا کہنا تھا کہ ملزم نے اپریل 2022 سامان کی خرید و فروخت کے بغیر جعلی رسید دےکرٹیکس فراڈ کیا، ڈمی گھریلو خریداری میں13کروڑ 76لاکھ روپے سے زائد کا ٹیکس فراڈ کیا۔

،ایف بی آر کی جانب سے بتایا گیا کہ فراڈ میں ملوث دیگردو ملزمان کے کاروبار کے دیئے گے ایڈریس بھی جعلی نکلے، خاتون سمیت تینوں ملزمان دھوکہ دہی سے کاروبار چلانے میں ملوث پائے گئے ہیں۔

حکام نے مزید بتایا ہے کہ تینوں ملزمان نے ملی بھگت سے جعلی سیلز ٹیکس انوائسز کا استعمال کیا، سیلزٹیکس میں رجسٹرڈ افرادکے سپلائر ،خریداروں کی سیلز ٹیکس رجسٹریشنز کو معطل کر دیا گیا  ہے اور خاتون سمیت تینوں افراد کیخلاف ایف آئی آر درج کر کے مزید تفتیش جاری ہے۔