کوئٹہ : نادرا بلوچستان کے ڈائریکٹر جنرل میرجام خان نے کہا ہے کہ غیرملکیوں کے شناختی کارڈ بنانے کے لئے پختونخواہ ملی عوامی پارٹی دباؤ ڈالتی ہے، یہ بات انہوں نے چیئرمین نادرا کو لکھے گئے خط میں کہی۔
تفصیلات کے مطابق ڈی جی نادرا بلوچستان نے چیئرمین نادرا کے نام ایک خط لکھا ہے جس میں انکشاف کیا گیا ہے کہ غیرملکیوں کے شناختی کارڈ بنانے کے لئے پختونخواہ ملی عوامی پارٹی عملے پر دباؤ ڈالتی ہے۔
Revealed – political pressure behind fake NICs… by arynews
الزام کے جواب میں پختونخواہ ملی عوامی پارٹی کے رہنما عبدالرحیم زیارتوال نے اس کی تردید کردی ہے۔
ڈی جی نادرا کے مطابق ڈاکٹرحامد اچکزئی، عبدالرحیم زیارتوال، نجیب خان اچکزئی، لیاقت آغا اور نصراللہ زیرے نادرا کے امور میں مداخلت کرتے ہیں۔
ڈی جی نادرا کا کہنا تھا کہ ہم صوبے میں آزادانہ طورپرکام کرنے سے قاصر ہیں، عملےکو دباؤ میں لے کرزبردستی شناختی کارڈز بنوائے جاتے ہیں۔
خط میں غیرقانونی طور پرنادرا بلوچستان کے کام میں مداخلت روکنے اورمعاملہ وزیر داخلہ کے سامنے اٹھانے کا بھی مطالبہ کیا گیا ہے۔
دوسری جانب رہنما پختونخواہ ملی عوامی پارٹی عبدالرحیم زیارت وال نے ڈی جی نادرا کی جانب سے لگائے الزام کی تردید کرتے ہوئے کہا ہے کہ ہم نے نادرا کے کسی کام میں کبھی مداخلت کی اور نہ ہی کوئی شناختی کارڈ بنوانے کے لئے زور زبردستی کی۔
