پشاور میں فوڈ سیفٹی ٹیموں نے جعلی مشروبات کی بڑی کھیپ پکڑ لی۔
تفصیلات کے مطابق پشاور میں فوڈ سیفٹی ٹیموں نے کارروائی کرتے ہوئے جعلی مشروبات کی بڑی کھیپ پکڑی گئی، گاڑی سے مختلف برانڈز کے 1500 لیٹر جعلی مشروبات برآمد ہوئی۔
ترجمان کا کہنا ہے کہ فوڈ اتھارٹی ٹیموں نے ایبٹ آباد میں فیکٹری پر بھی چھاپہ مارا، 4 ہزار لیٹر سے زائد مضر صحت جوس اور 500 لیٹر سرکہ ضبط کیا گیا، ترجمان کے مطابق مالکان پر بھاری جرمانے عائد کیے گئے ہیں جبکہ ان کے خلاف مزید کارروائی جاری ہے۔
اس سے قبل ڈی جی پنجاب فوڈ اتھارٹی کی ہدایت پر فوڈ سیفٹی ٹیم نے بابو لال حسین روڈ گنج منڈی میں کارروائی کی، اسٹور میں تقریباً 6لاکھ روپے مالیت کی جعلی اور نان لیبل انرجی ڈرنکس ذخیرہ کی گئی تھیں۔
اس موقع پر ڈی جی فوڈ اتھارٹی کا کہنا تھا کہ جعلی مشروبات کا کاروبار کرنے والوں کے گرد گھیرا مزید تنگ کیا جائے گا، شہری کسی بھی شکایت کی صورت میں پنجاب فوڈ اتھارٹی کی ہیلپ لائن نمبر 1223پر رابط کریں۔
