Tag: جعلی پولیس

  • جرائم کا مرکز چلانے والے جعلی پولیس اسٹیشن پر چھاپہ، 6 ملزمان گرفتار

    جرائم کا مرکز چلانے والے جعلی پولیس اسٹیشن پر چھاپہ، 6 ملزمان گرفتار

    بھارت میں پولیس نے جرائم کا مرکز چلانے والے جعلی پولیس اسٹیشن پر چھاپا مار کر 6 افراد کو حراست میں لے لیا۔

    بھارتی میڈیا کا اس حوالے سے کہنا ہے کہ بھارتی شہر نوئیڈا میں پولیس نے خفیہ اطلاع پر کارروائی کرتے ہوئے ایک احاطے پر چھاپہ مارا جہاں ملزمان نے ایک سرکاری ایجنسی سے مشابہ دفتر بنایا ہوا تھا۔

    بھارتی میڈیا رپورٹس کے مطابق پولیس نے چھاپہ مار کارروائی کے دوران متعدد جعلی آئی ڈیز، مہریں اور لیٹر ہیڈ برآمد کر کے قبضے میں لے لیے۔

    ملزمان نے لوگوں کو بیوقوف بنانے کے لئے جعلی تھانے کا نام ’انٹرنیشنل پولیس اینڈ کرائم انویسٹی گیشن بیورو آفس‘ رکھا تھا۔

    رپورٹس کے مطابق گرفتار ملزمان نے مبینہ طور پر مختلف وزارتوں بشمول قبائلی امور اور سماجی انصاف کے نام پر جعلی سرٹیفکیٹ بھی بنائے ہوئے تھے اور فنڈز لینے کے لیے ویب سائٹ بھی بنا رکھی تھی۔

    لٹیروں نے جعلی پولیس بن کر مراکشی سے ہزاروں یورو اور ڈالر لوٹ لیے:

    کراچی میں لٹیروں نے جعلی پولیس بن کر ایک مراکشی تاجر سے ہزاروں یورو اور ڈالر لوٹ لیے ہیں۔

    کراچی میں غیر ملکی شہری بھی ڈاکوؤں کے ہتھے چڑھنے لگے ہیں، شمالی افریقی ملک مراکش کے ایک تاجر محمد موسید کو جعلی پولیس بن کر وارداتیں کرنے والے لٹیروں نے لوٹ لیا۔

    لاہور: جعلی پولیس اہلکاروں کی اغوا برائے تاوان کی کوشش ناکام

    یہ واردات شاہراہ فیصل پر ٹیپو سلطان تھانے کی حدود میں پیش آئی، جس میں کار سوار لٹیروں نے مراکشی تاجر سے 2700 مراکشی یورو، اور 750 ڈالر اور دیگر سامان چوری کر لیا۔

  • تلاشی لینے والے جعلی پولیس اہلکاروں کو پہچانیے، اہم ویڈیو رپورٹ

    تلاشی لینے والے جعلی پولیس اہلکاروں کو پہچانیے، اہم ویڈیو رپورٹ

    کراچی میں جعلی پولیس اہلکار بھی وارداتیں کرنے لگے ہیں، ایک ہفتے کے دوران شہر کے مختلف علاقوں سے 12 جعلی پولیس اہلکاروں کو گرفتار کیا گیا۔

    شہر کی شاہراہوں، ناکوں اور گلی محلوں میں تلاشی لینے والے اصلی پولیس اہلکار ہیں یا نقلی شہریوں کے لیے چیلنج بن گیا ہے۔


    سندھ پولیس کے اسپیشل پروٹیکشن یونٹ کے مکینک کو نامعلوم افراد نے گولی مار دی، ویڈیو رپورٹ


    کراچی میں جعلی پولیس اہلکاروں کی تلاشی کے بہانے شہریوں سے لوٹ مار کی وارداتیں بڑھ گئی ہیں، گزشتہ ایک ہفتے کے دوران شہر سے بارہ جعلی پولیس اہلکاروں کو گرفتار کیا گیا ہے، جو کورنگی زمان ٹاؤن، ساحلی مقام سی ویو اور سپر ہائی وے پر لوگوں سے تلاشی کے بہانے لوٹ مار کر رہے تھے۔


    ملٹی میڈیا – ویڈیو خبریں دیکھنے کے لیے کلک کریں


  • تھانیدار گروہ کی ڈکیتی کی فوٹیج سامنے آ گئی

    تھانیدار گروہ کی ڈکیتی کی فوٹیج سامنے آ گئی

    کراچی: شہر قائد میں جعلی تھانیدار گروہ کی ٹول پلازہ آفس پر ڈکیتی کی فوٹیج سامنے آ گئی ہے۔

    تفصیلات کے مطابق پولیس حکام کے مطابق تھانیدار گروہ کے 9 کارندوں نے چند روز قبل لنک روڈ کے ٹول آفس سے رقم لوٹی اور فرار ہو گئے تھے، ملزمان نے ٹول آفس پر ٹریلر ڈرائیور کو بھی لوٹا، اور مزاحمت پر شہری کو بٹ بھی مارا تھا۔تھانیدار گروہ جعلی پولیس کراچی

    فوٹیج میں 4 موٹر سائیکلوں پر آنے والے 9 ملزمان کے پاس اسلحہ بھی دیکھا جا سکتا ہے، پولیس حکام کے مطابق جعلی تھانیدار گروہ کے کارندے کئی مقامات پر پولیس وردی پہن کر وارداتیں کر چکے ہیں۔

    واضح رہے کہ گزشتہ روز ایسٹ، تھانہ سائٹ سپر ہائی وے پولیس نے ایک کارروائی میں لنک روڈ ٹول پلازہ پر وارداتیں کرنے والے جعلی تھانیدار گروہ کے اہم ساتھی نور الدین ولد جلال خان کو گرفتار کر لیا تھا۔


    چوری کی موٹر سائیکل لے آؤ بدلے میں منشیات لے جاؤ، کراچی میں نیا دھندہ بے نقاب


    ملزم اپنے ساتھیوں (جعلی تھانیدار) کے ہمراہ لنک روڈ ٹول پلازہ اور اطراف کے علاقوں میں لوٹ مار کیا کرتا تھا۔ پولیس نے تکنیکی بنیادوں اور سی سی ٹی وی فوٹیج کی مدد سے کارروائی کر کے ملزم نور الدین کو گرفتار کیا۔ پولیس حکام کا کہنا ہے کہ مفرور کارندوں کی گرفتاری کی کوششیں کی جا رہی ہیں۔

  • لٹیروں نے جعلی پولیس بن کر مراکشی سے ہزاروں یورو اور ڈالر لوٹ لیے

    لٹیروں نے جعلی پولیس بن کر مراکشی سے ہزاروں یورو اور ڈالر لوٹ لیے

    کراچی: شہر قائد میں لٹیروں نے جعلی پولیس بن کر ایک مراکشی تاجر سے ہزاروں یورو اور ڈالر لوٹ لیے ہیں۔

    تفصیلات کے مطابق کراچی میں غیر ملکی شہری بھی ڈاکوؤں کے ہتھے چڑھنے لگے ہیں، شمالی افریقی ملک مراکش کے ایک تاجر محمد موسید کو جعلی پولیس بن کر وارداتیں کرنے والے لٹیروں نے لوٹ لیا۔

    یہ واردات شاہراہ فیصل پر ٹیپو سلطان تھانے کی حدود میں پیش آئی، جس میں کار سوار لٹیروں نے مراکشی تاجر سے 2700 مراکشی یورو، اور 750 ڈالر اور دیگر سامان چوری کر لیا۔

    واقعے کا مقدمہ مراکشی تاجر محمد موسید کی مدعیت میں نامعلوم ملزمان کے خلاف درج کر لیا گیا ہے، مدعی مقدمہ نے کہا ’’میں بزنس ٹرپ پر آج کل کراچی میں رہائش پذیر ہوں، شاہراہ قائدین فلائی اوور کے قریب ناشتہ کرنے گیا تھا، اچانک ایک گرے کلر کی کار میرے قریب آ کر رکی۔‘‘

    کلفٹن بارہ دری میں بااثر دوست کے ہاتھوں لڑکے کا قتل، ملزم چھوڑنے پر ایس ایچ او معطل

    مراکشی تاجر نے کہا ’’کار سوار 2 افراد نے خود کو پولیس اہلکار ظاہر کیا اور میری تلاشی لینا شروع کر دی، انھوں نے مجھ پر الزام لگایا کہ میرے پاس حشیش موجود ہے، اور اس بہانے میرے بیگ اور پرس کی تلاشی لیتے ہوئے پیسے چوری کر لیے۔‘‘

    پولیس نے مراکشی تاجر کی شکایت پر مقدمہ درج کر کے تفتیش شروع کر دی ہے۔