Tag: جلسہ عام

ساہیوال : سربراہ عوامی مسلم لیگ شیخ رشید نے کہا ہے کہ پاناما کیس پاکستان کی زندگی اور موت کی جنگ ہے، کرپٹ نواز شریف ڈیوس میں تقریر کرنے کا حق دار نہیں تھا اسی لیے کسی نہیں وہاں گھاس نہیں ڈالی تو واپس آکر سارا غصہ راحیل شریف پر نکالا۔

وہ ساہیوال میں تحریک انصاف کے جسلہ عام سے خطاب کر رہے تھے انہوں نے کہا کہ وزیراعظم کوڈیووس میں برف اورپہاڑ دیکھنےکابہت شوق ہے اسی لیے گئے تھے ورنہ وہاں کسی بڑے لیڈر نے نوازشریف کوگھاس نہیں ڈالی جب کہ راحیل شریف کے خطاب کو سب نے توجہ سے سنا۔

انہوں نے کہا کہ ڈیووس میں اُٹھانے والے ہزیمت پر نواز شریف نے واپس آکر سارا غصہ راحیل شریف پر نکالا اور انکی کردار کشی کرنے کی کوشش کی گئی لیکن وہ بھول گئے کہ پوری قوم اس شریف کے ساتھ ہے جس کا نام راحیل ہے

شیخ رشید نے کہا کہ لال حویلی مفت کا مال نہیں‌ جو مجھ سے چھین لی جائے گی یہ ہمارے خاندان کی وراثت ہے اور کوئی مائی کا لال مجھ سے نہیں چھین سکتا نواز شریف میری لاش سے گذر کر ہی لال حویلی چھین سکتے ہیں۔

انہوں نے کہا کہ نوازشریف کوئلےکابوسیدہ پلانٹ لگاناچاہتے ہیں جب کہ کوئلےکابوسیدہ پلانٹ لگنےسے معذور بچے پیداہونگے لیکن کمیشن کے پجاریوں کو اس کی پرواہ نہیں کیوں کہ جب نوازشریف کے لیےاسپتال یا تعلیمی ادارے تباہ ہونا مسئلہ نہیں تو یہ کون سی بڑی بات ہے۔

شیخ رشید کا کہنا تھا کہ جس دن نوازشریف نے سچ بولا وہ ان کی سیاست کا آخری دن ہوگا نوازشریف پکڑے جائیں توالثانی گروپ مدد کو پہنچتا ہے سمجھ نہیں آتا کہ ہر بار نوازشریف کو بچانےکے لیےالثانی گروپ ہی کیوں آتاہے؟ اتنے خط تو شہزادہ سلیم نے انار کلی کو نہیں لکھے جتنے قطری شہزادے نے شریف خاندان کو لکھے ہیں۔

شیخ رشید نے کہا کہ مودی ہماراپانی، اور ٹرمپ ہمارے ویزے بند کر رہا ہے لیکن ہمارے حکمراں سو رہے ہیں اور مودی کو تحائف بھیجے جا رہے ہیں اور کاروباری سنگت نبھائی جا رہی ہے۔

ساہیوال : تحریک انصاف ساہیوال میں اتوار کو ایک بڑے جلسہ عام کا انعقاد کر رہی ہے جس سے تحریک انصاف کے چیئرمین عمران خان خصوصی خطاب کریں گے اور پاناما کیس کے حوالے سےا ہم اعلان کریں گے۔

تفصیلات کے مطابق پاناما ہنگامے پر تحریک انصاف آج ساہیوال میں عوامی عدالت لگا ئے گی جس کے لیے ساہیوال کے شیخ ظفر علی اسٹیڈیم میں تیاریاں عروج پر ہیں، جلسہ گاہ کو برقی قمقموں اور پارٹی جھنڈوں سے سجایا جا رہا ہے جب کہ قائدین کے لیے بڑا اسٹیج تیار کیا گیا ہے جس کے عقب میں خوبصورت بینرز سے مزین اسکرین آویزاں کی جائے گی۔

ساہیوال میں کپتان کے کھلاڑیوں کا جوش دیدنی ہے اور عوام کی کثیر تعداد جلسہ گاہ کی تیاریاں دیکھنے کے لیے اپنے اہل خانہ کے ہمراہ پہنچ گئے ہیں جب کہ پورے علاقے کو تحریک انصاف کے جھنڈوں سے سجایا گیا ہے اور اہم شاہراہوں پر استقبالی بینرز بھی آویزاں کیے گئے ہیں۔

اس جلسے کی تیاریوں میں سب سے اہم بات ڈی جے ولی سنز کی جانب سے تیار کردہ پارٹی کے نئے نغمے کا اجراء ہے جس میں پاناما کیس کو موضوع بنایا گیا ہے، کلاسیکل اور جدید موسیقی سے امتزاج سے مزین اس نغمے کو مشہور قوام بشیر میانداد کے بھائی فیض میاں داد کی خوبصورت آواز میں ریکارڈ کیا گیا ہے۔

یہی نہیں بلکہ ڈی جے ولی سنز کی جانب سے کل جلسہ عام میں بیس ہزار پارٹی جھنڈے تقسیم کرنے کا اعلان بھی کیا گیا ہے جب کہ ساہیوال کے عوام اپنے کپتان کے اہم خطاب کو سننے کے لیے بے تاب نظر آ رہے ہیں۔