ARYNews.tv | Urdu – Har Lamha Bakhabar

Tag: جلوس

  • محرم الحرام میں بغیر اجازت جلوس، روٹ میں تبدیلی، اشتعال انگیز مواد پر پابندی

    محرم الحرام میں بغیر اجازت جلوس، روٹ میں تبدیلی، اشتعال انگیز مواد پر پابندی

    کراچی: سندھ حکومت نے محرم الحرام کیلئے سیکیورٹی پلان جاری کردیا، بغیراجازت جلوس، روٹ میں تبدیلی، اشتعال انگیز مواد پر پابندی ہوگی۔

    سندھ حکومت کی جانب سے بجلی، پانی، اسٹریٹ لائٹس، صفائی کےاقدامات کو یقینی بنانے کی ہدایت کی گئی ہے، حکام نے کہا کہ تمام جلوسوں کو مکمل سیکیورٹی کے بغیر اجازت نہ دی جائے، نفرت انگیز آڈیو، ویڈیو اور مواد کی خرید و فروخت پر مکمل پابندی ہوگی۔

    پولیس، رینجرز اور انتظامیہ کے کنٹرول رومز قائم کرنے کی ہدایت کی گئی ہے، دونوں مکاتب فکر کو اسکاؤٹس اور پرائیویٹ سیکیورٹی رکھنے کی ہدایت کی گئی ہے۔

    حکام نے کہا کہ رضاکاروں کی لسٹ سیکیورٹی کلیئرنس کیلئے ایس ایس پی کو دی جائے، امن کمیٹیاں ضلعی، تحصیل و یونین سطح پر فعال کی جائیں۔

    جلوس و مجالس کے داخلی راستوں پر شرکا کی باڈی سرچنگ لازمی ہوگی، حساس مقامات پر پولیس و رینجرز کی چھتوں پر تعیناتی ہوگی، تمام جلوسوں کیلئے 3 سطحی سیکیورٹی لازمی قراردی گئی ہے۔

    حکام نے کہا کہ موبائل پیٹرولنگ، اسنیپ چیکنگ اور کومبنگ آپریشنز کی ہدایت کی گئی ہے، جلوسوں کے راستے پر موجود ہوٹل، مارکیٹ، ملبہ فوری کلیئر کرایا جائے۔

    سندھ حکومت نے بتایا کہ سی سی ٹی وی اور جیمرز جلوس کے راستوں پر نصب کیے جائیں، مشتبہ افراد، کالعدم تنظیمیں، شیڈول فور پر کڑی نگرانی ہوگی۔

    حکام کا کہنا تھا کہ یکم تا 7محرم تک پولیس و رینجرز کا مشترکہ فلیگ مارچ ہوگا، تمام اسپتال ہائی الرٹ پر ہونگے جبکہ ایمبولینسز اور فائر ٹینڈرز دستیاب رکھے جائیں۔

    https://urdu.arynews.tv/ruet-e-hilal-committee-muharram-moon-sighting-tomorrow/

  • کراچی: 8 محرم الحرام کا مرکزی جلوس، موبائل فون سروس معطل ہونا شروع

    کراچی: 8 محرم الحرام کا مرکزی جلوس، موبائل فون سروس معطل ہونا شروع

    کراچی: 8 محرم الحرام کا مرکزی جلوس آج دوپہر 12 بجے نشتر پارک سے برآمد ہوگا جو اپنے مقررہ راستوں سے ہوتا ہوا ایرانیان امام بارگاہ کھارادر پہنچ کر اختتام پذیر ہوگا۔

    اے آر وائی نیوز کے مطابق جلوس کی سیکورٹی کے لئے انتہائی سخت اقدامات کئے گئے ہیں جبکہ مرکزی جلوس کی گزرگاہوں اور اطراف میں موبائل فون سروس معطل ہوناشروع ہوگئی ہے۔

    اس کے علاوہ کراچی پولیس نے محرم الحرام سے متعلق سیکیورٹی پلان جاری کردیا ہے۔

    ترجمان کراچی پولیس کا کہنا ہے کہ محرم الحرام کے دوران پولیس کے 17 ہزار 947 افسران اور اہلکار سیکیورٹی پر تعینات کیے جائیں گے۔

    ترجمان کے مطابق محرم کے دوران 1 ہزار 49 جلوس برآمد ہوں گے جبکہ 4 ہزار 664 مجالس ہوں گی، مجالس پر 4 ہزار 392 جبکہ جلوسوں پر 11 ہزار 628 اہلکار ڈیوٹی دیں گے۔

    کراچی پولیس ترجمان کے مطابق انتہائی حساس مقامات پر 1 ہزار 927 افسران اور جوان سیکیورٹی ڈیوٹی کے فرائض سر انجام دیں گے۔

    ترجمان کے مطابق محرم کی ڈیوٹی کیلیے ٹریفک پولیس کے 987 افسران اور جوان موجود رہیں گے۔

    علاوہ ازیں سندھ حکومت کے اعلامیے میں کہا گیا ہے کہ کراچی میں 9اور10محرم الحرام کو پیپلز بس سروس جزوی طور پر معطل رہے گی جبکہ ملیرہالٹ سے سپرہائی وے جانے والی بس سروس جاری رہے گی۔

    کراچی میں محرم کے مرکزی جلوسوں کی سیکیورٹی کے لیے اقدامات جاری ہیں، جلوس کے روٹس پر موجود تمام گلیوں، گزرگاہوں،روڈ کو سیل کیا جارہا ہے۔

    پولیس کے مطابق تمام متعلقہ گلیوں اور سڑکوں کو کنٹینرز اور دیگر رکاوٹیں لگا کر بند کیا جارہا ہے، سولجر بازار،ایم اے جناح روڈ، صدر، ریگل چوک کو سیل کردیا گیا۔

    10 محرم تک موبائل فون اور انٹرنیٹ سروس بند رہے گی

    اس کے علاوہ تبت سینٹر، جامع کلاتھ مارکیٹ، لائٹ ہاؤس کی گلیوں کو سیل کردیا گیا، بولٹن مارکیٹ اورکھارادر کے مقامات پرگلیوں کو بھی سیل کیا گیا ہے، مرکزی جلوس کے روٹ پر بیشتر راستے3روز تک بند رہیں گے۔

  • 8، 9 اور 10 محرم الحرام کا ٹریفک پلان جاری

    8، 9 اور 10 محرم الحرام کا ٹریفک پلان جاری

    کراچی: صوبہ سندھ کے دارالحکومت کراچی میں آج 8 محرم الحرام کا جلوس روایتی راستوں سے ہوتا ہوا حسینیاں ایرانیاں کھارادر پہنچے گا، شہر میں نقل و حرکت کے لیے ٹریفک پلان جاری کردیا گیا۔

    تفصیلات کے مطابق صوبہ سندھ کے دارالحکومت کراچی میں 8، 9 اور 10 محرم الحرام کے حوالے سے ٹریفک پلان جاری کردیا گیا۔

    8 محرم کا مرکزی جلوس نشتر پارک سے دن ڈیڑھ بجے برآمد ہوگا، جلوس روایتی راستوں سے ہوتا ہوا حسینیاں ایرانیاں کھارادر پہنچے گا۔

    ٹریفک پولیس کے مطابق ٹریفک کو سولجر بازار سے نشتر روڈ کی جانب موڑا جائے گا، ناظم آباد سے آنے والے ٹریفک کو لسبیلہ چوک سے گارڈن موڑا جائے گا جبکہ لیاقت آباد سے آنے والے ٹریفک کو جیل روڈ کی جانب موڑ دیا جائے گا۔

    ٹریفک پولیس کا کہنا ہے کہ ٹریفک کو گرو مندر سے آگے جانے کی اجازت نہیں ہوگی صرف اسٹیکرز والی گاڑیاں ہی گرو مندر سے آگے جا سکیں گی۔

  • ملک بھر میں یوم عاشور مذہبی عقیدت و احترام سے منایا گیا

    ملک بھر میں یوم عاشور مذہبی عقیدت و احترام سے منایا گیا

    اسلام آباد: ملک بھر میں یوم عاشور آج مذہبی عقیدت و احترام سے منایا گیا، مختلف شہروں، قصبوں اور دیہات میں علم و ذوالجناح اور تعزیے کے جلوس برآمد ہوئے۔

    تفصیلات کے مطابق ملک بھر میں یوم عاشور آج مذہبی عقیدت و احترام سے منایاگیا۔ امام حسینؓ و جانثاران کی عظیم قربانی کو خراج عقیدت پیش کیا گیا،کراچی میں جلوس کے اختتام کے بعد ٹاور اور ایم اے جناح روڈ کو ٹریفک کے لیے کھول دیا گیا۔

    صوبہ سندھ کے دارالحکومت کراچی میں یوم عاشور کا مرکزی جلوس نشتر پارک سے برآمد ہوا، جلوس روایتی راستوں سے ہوتا ہوا امام بارگاہ ایرانیہ حسینیہ پر اختتام پذیر ہوا۔

    یوم عاشور پر قیام امن کے لیے ملک بھر میں سیکیورٹی کےخصوصی انتظامات کیے گئے تھے، شہروں، قصبوں اور دیہات میں علم و ذوالجناح اور تعزیے کے جلوس برآمد ہوئے۔

    سیکیورٹی خدشات کے تحت ملک بھر کے مختلف شہروں میں موبائل فون سروس بند کردی گئی تھی جبکہ سیکیورٹی کے سخت انتظامات کیے گئے ۔

    ترجمان کراچی پولیس کا کہنا تھا کہ پولیس جلوس اور مجالس کی سیکیورٹی کے لیے فرائض سر انجام دے رہی ہے، جلوس کی سیکیورٹی کے لیے 6 ہزار 368 اہلکار اور ریپڈ ری ایکشن فورس (آر آر ایف) کی 3 کمپنیز تعینات کی گئی ہیں۔

    ترجمان کا کہنا تھا کہ اسپیشل سیکیورٹی یونٹ کے 90 اسنائپرز جلوس کے اطراف تعینات کیے گئے ہیں، 513 مجالس اور 281 جلوس کے لیے 12 ہزار 455 افسران اور اہلکاروں کو تعینات کیا گیا ہے۔

    صوبہ خیبر پختونخواہ کے دارالحکومت پشاور میں بھی یوم عاشور کے لیے فول پروف سیکیورٹی انتظامات کیے گئے ہیں، ایس ایس پی آپریشنز کا کہنا ہے کہ پشاور میں مرکزی جلوس 3 بجے امام بارگاہ حیدر شاہ سے برآمد ہوا اور مقررہ مقام پر پہنچ کر اختتام پذیر ہوگیا۔

    ایس ایس پی کے مطابق پشاور بھر میں ایک درجن سے زائد چھوٹے بڑے جلوس برآمد ہوں گے، شہر میں 10 ہزار سے زائد سیکیورٹی اہلکار تعینات ہیں، 109 سی سی ٹی وی کیمروں سے بھی مانیٹرنگ جاری ہے۔

    شہر میں موبائل فون سروس بھی بند کر دی گئی تھی جو جزوی طور پر بحال ہونا شروع ہوگئی ہے۔

  • جلوس 12 ربیع الاول، موبائل سروس بند، ڈبل سواری پر پابندی، سیکیورٹی پلان تیار

    جلوس 12 ربیع الاول، موبائل سروس بند، ڈبل سواری پر پابندی، سیکیورٹی پلان تیار

    اسلام آباد : کراچی، راولپنڈی اور لاہور میں 12 ربیع الاول کی مناسبت سے جلسوں اور جلوسوں کے لیے سیکیورٹی پلان ترتیب دے دیا گیا ہے جب کہ شہر قائد میں صبح 8 بجے سے رات 10 بجے تک موبائل سروس بند رہے گی.

    تفصیلات کے مطابق 12 ربیع الاول کی مناسبت ملک بھر میں محافل میلاد و نعت خوانی کی روح پُرور تقریبات منعقد کی جاتی ہیں جس کے لیے وفاقی اور صوبائی حکومتوں نے انتظامات مکمل کرلیے ہیں جب کہ کئی شہروں میں موبائل فون سروس بھی بند رہے گی.

    صوبائی وزرات داخلہ سندھ نے کراچی، حیدرآباد، سکھر اور میر پورخاص میں موبائل فون سروس پر پابندی عائد کرنے کی سفارش کی تھی جسے قبول کرلیا گیا چنانچہ ان شہروں میں صبح آٹھ بجے سے رات دس بجے تک موبائل سروس بند رہے گی.

    جب کہ شہر قائد کراچی میں نکلنے والے جلوسوں کی سیکیورٹی کے لیے گذر گاہوں پر سندھ پولیس کے 23 ہزار سے زائد اہلکار تعینات کیئے جائیں گے جب کہ مرکزی جلوس کی گذر گاہوں پر تقریباً 5 ہزار پولیس افسران و اہلکار تعینات ہوں گے.

    جب کہ بم ڈسپوزل کی جانب سے جلوس کے راستوں کی جانچ پڑتال کی جائے گی اور کلیئر قرار دینے کے بعد پولیس تعینات کردی جائے گی جب کہ کسی ناخوشگورا واقعہ سے نمٹنے کے لیے اونچی عمارتوں پر اسنائپرز بھی موجود ہوں گے اور مرکزی پوائنٹس پر ایمبو لینسز اور فائر برگیڈ کی گاڑیاں بھی موجود ہوں گی.

    دوسری جانب پنجاب سیف سٹیز اتھارٹی نےعید میلاد النبیﷺ کے سلسلے میں سیکیورٹی پلان جاری کردیا ہے جس کے تحت سی سی ٹی وی کیمروں کی مدد سے 24 گھنٹے جلوس کی مانیٹرنگ کی جائے گی جس کے لیے 3 آپریشنل کمانڈرز، 2 سینئرسپروائزر، 9 سپروائزر مسلسل3 شفٹوں میں ڈیوٹی انجام دیں گے.

    دوسری جانب راولپنڈی انتظامیہ نے وزرات داخلہ پنجاب کو کل موبائل فون سروس بند رکھنے کی تجویز بھیجوادی ہے تاہم اب تک اس حوالے سے کوئی نوٹیفیکیشن جاری نہیں کیا گیا ہے.

    بلوچستان اور خیبر پختونخواہ میں سیکیورٹی پلان ترتیب دے دیا گیا ہے اور پولیس نفری کی تعیناتی اور ضابطہ اخلاق کو حتمی شکل دے دی گئی ہے جب کہ کوئٹہ میں ڈبل میں سوار پر عائد کردی گئی ہے اور بلوچستان حکومت نے موبائل سروس کو صبح 8 بجے سے رات 10 بجے تک بند کرنے کی بھی سفارش کررکھی ہے.

  • یوم عاشورکے جلوس انتہائی عقیدت و احترام کے ساتھ اختتام پذیر

    یوم عاشورکے جلوس انتہائی عقیدت و احترام کے ساتھ اختتام پذیر

    کراچی / لاہور / اسلام آباد : حضرت امام حسینؓ کی عظیم قربانی کو خراج عقیدت پیش کرنے کے لیے ملک بھر میں مختلف شہروں سے برآمد ہونے والے عاشورہ کے مرکزی جلوس اپنے روایتی راستوں سے ہوتے ہوئے اختتام پذیر ہوگئے۔

    تفصیلات کے مطابق کراچی، لاہور، اسلام آباد سمیت ملک کے بڑے شہروں میں عزاداروں نے امام عالی مقام حضرت امام حسینؓ اور ان کے رفقا کی عظیم قربانی کو یاد کرتے ہوئے سینہ کوبی اور زنجیر زنی کی۔ جلوسوں کے اختتام پر مجلس شام غریباں بپا کی گئی۔

    کراچی میں دس محرم الحرام کا مرکزی جلوس سخت سیکیورٹی میں نشتر پارک سے بر آمد ہوا، جلوس کی نگرانی کے لیے ہزاروں اہلکار تعینات تھے، جلوس مقررہ راستوں سے ہوتا ہوا حسینیہ ایرانیان کھارادر پر اختتام پذیر ہوا، جہاں مجلس شام غریباں بپا ہوئی۔

    لاہور میں نثارحویلی سے سخت سیکیورٹی میں برآمد ہونے والا جلوس دن بھر روایتی راستوں پر گامزن رہا، عزاداروں کا یہ قافلہ کربلا گامے شاہ پہنچ کر اختتام پذیر ہوا۔

    فیصل آباد میں عاشورہ کامرکزی جلوس جعفریہ ٹرسٹ دھوبی گھاٹ پراختتام پذیر ہوا۔

    راولپنڈی میں بھی یوم عاشورکا جلوس بر آمد ہوا، سخت حفاظتی انتظامات میں جلوس امام بارگاہ قدیم پراختتام پذیرہوا۔

    پشاور میں یوم عاشور کے موقع پر اندرون شہر کی مختلف امام بارگاہوں سے ماتمی جلوس برآمد ہوئے۔

    کوئٹہ میں یوم عاشور کے موقع پر جلوس اپنے روایتی راستوں سے ہوتا ہوا امام بارگاہ پنجابی علمدار روڈ پراختتام پذیرہوا۔ اس کے علاوہ بھٹ شاہ اور مٹیاری میں یوم عاشور کے مرکزی جلوس اختتام پذیر ہوگئے۔

    نواب شاہ میں عاشورہ کا مرکزی جلوس امام بارگاہ مرتضیٰ پراختتام پذیر ہوا۔

    گجرات میں عاشورہ کا مرکزی جلوس امام بارگاہ نور پور پہنچ کراختتام پذیر ہوا۔

    مزید پڑھیں: موبائل فون سروس بحال ہونا شروع

    بہاولپور میں عاشورہ کامرکزی جلوس کربلاحجعت العصر پہنچ کراختتام پزیر ہوا۔
    بہاولپور کے ضلع بھر میں 112جلوس برآمد ہوئے۔

     

  • آٹھ محرم الحرام کا جلوس: ملک بھرمیں سیکورٹی کےسخت انتظامات

    آٹھ محرم الحرام کا جلوس: ملک بھرمیں سیکورٹی کےسخت انتظامات

    کراچی : ملک بھر میں آٹھ محرم الحرام کی منسابت سے برآمد ہونے والے جلوسوں کی سیکورٹی کے لیے سخت ترین انتظامات کیے گئے ہیں جبکہ کئی شہروں میں موٹرسائیکل کی ڈبل سواری پرپابندی ہے۔

    تفصیلات کے مطابق کراچی میں آٹھ محرم الحرام کا مرکزی جلوس نشترپارک سے برآمد ہوکر کھارادار حسینیہ ایرانیاں پر اختتام پذیر ہوگا جبکہ جلوس کی گزرگاہوں سےملحقہ علاقوں میں موبائل سروس بند ہوگی۔

    ایم اے جناح روڈ اورصدر میں آٹھ محرم الحرام کے جلوس کی گزرگاہوں سے ملحقہ سڑکوں کو کنٹینرلگا کر بند کرگیا ہے۔

    کراچی میں ڈبل سواری پر پابندی عائد

    کراچی میں آٹھ، نو اور دس محرم الحرام کومحکمہ داخلہ سندھ نے موٹرسائیکل کی ڈبل سواری پر پابندی عائد کردی ہے۔ حکام کا کہنا ہے پابندی لگائے جانے کی وجہ یومِ عاشور پر کیے جانے والے سیکورٹی انتظامات کو موثر بناناہے۔

    محرم الحرام جلوس، متبادل ٹریفک پلان جاری

    کراچی ٹریفک پولیس نے رواں سال بھی 8 تا 10 محرم پر نکالنے جانے والے جلوسوں کے پیش نظر متبال ٹریفک پلان جاری کردیا۔

    دوسری جانب لاہور میں آٹھ محرم الحرام کا مرکزی جلوس امام بارگاہ دربار حسین موری گیٹ سے برآمد ہوگا جو لوہاری، انارکلی، مال روڈ سے گزرتا ہوا پام اسٹریٹ انارکلی پر اختتام پذیرہوگا۔ جلوس کے راستوں پر موبائل فون سروس معطل رہے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ملک بھرمیں جشن میلاد النبیﷺمذہبی جوش وجذبےسےمنایاجارہا ہے

    ملک بھرمیں جشن میلاد النبیﷺمذہبی جوش وجذبےسےمنایاجارہا ہے

    کراچی :ملک بھرمیں جشن عیدمیلاد النبیﷺ پورےمذہبی جوش وجذبےاورعقیدت واحترام سےمنایاجارہا ہے۔

    تفصیلات کےمطابق محسن انسانیت محبوب خدا آقائےدوجہاں حضرت محمد مصطفیٰﷺکی ولادت باسعادت کی مناسبت سے جشن میلاد النبیﷺآج عقیدت واحترام کے ساتھ منایا جارہا ہے۔

    ملک بھر میں جشن عید میلادالنبیﷺ کے سلسلے میں عاشقان رسول ﷺ نے اپنے گھروں کو خوبصورت برقی قمقموں سے سجا رکھا ہے۔

    وفاقی دارالحکومت اسلام آبادمیں پارلیمنٹ ہاؤس،وزیراعظم ہاؤس،ایوان صدر سمیت سرکاری وغیرسرکاری عمارتوں کو بھی خوبصورتی سے سجایاگیا ہے۔

    جشن عید میلاد النبی ﷺ کے موقع پر پاک فوج کی جانب سے وفاقی دارالحکومت سمیت صوبائی دارالحکومتوں میں توپوں کی سلامی سے دن کا آغاز کیا گیا۔

    وفاقی دارالحکومت اسلام آباد میں عیدمیلادالنبیﷺپراسپورٹس کمپلیکس میں31 توپوں کی سلامی سے دن کا آغاز کیا گیا۔

    صوبائی دارالحکومت لاہور کےمحفوظ شہیدگیریژن میں پاک فوج کی جانب سے21 توپوں کی سلامی دی گئی،جوانوں کےاللہ اکبر اور پاکستان زندہ بادکےنعروں سے فضا گونج اٹھی۔

    بارہ ربیع الاول کے موقع پرپشاور کے کرنل شیر خان اسٹیڈیم میں پاک فوج کی جانب سے21 توپوں کی سلامی پیش کی گئی۔

    صوبائی دارالحکومت کراچی،کوئٹہ اورگلگت میں بھی21،21 توپوں کی سلامی پیش کرکے عید میلاد النبیﷺکےدن کا آغاز کیا گیا۔

    عید میلاالنبیﷺ کے دن نماز فجر میں ملک کی سلامتی،خوشحالی اورامت مسلمہ کےاتحاد کےلیےخصوصی دعائیں کی گئیں جبکہ آج ملک کے تمام چھوٹے،بڑے شہروں میں جلوس نکالے جائیں گے۔

    عاشقان رسولﷺ لاکھوں کی تعداد میں عید میلاالنبیﷺ کے جلوسوں میں شرکت کرکے آقائے دوجہاں محمد مصطفیٰﷺعقیدت ومحبت کا اظہار کریں گے۔

    جما عت اہلسنّت پاکستان کراچی کےامیر علامہ شاہ عبدالحق قادری کا کہناہےکہ نبی کریمﷺ کی ولا دت کا جشن منانا ایمان کی دلیل ہے۔

    انہوں نے کہا کہ فرزندان اسلام مذہبی جوش و جذبے کے ساتھ میلا د النبی کے جلوس اور محافل میں شر کت کرکے پیارے مصطفیٰﷺ سے والہا نہ عقیدت کا بھر پور اظہار کریں۔

    کراچی میں 12ربیع الاول کامرکزی جلوس آج دوپہر3بجےنیو میمن مسجد بولٹن مارکیٹ سے براستہ ایم اے جناح روڈ علامہ شاہ عبد الحق قادری ،علامہ کو کب نو رانی اوکا ڑوی ودیگر علماء کی قیادت میں نشتر پارک کے لیے روانہ ہوگا۔

    جلسہ عید میلاد النبیﷺ شام 5بجے نشتر پارک میں ہو گا جبکہ جشن میلاد مصطفیٰﷺ کو شایان شان طور پرمنانے کی تیاریاں زوروشور سے کی گئیں ہیں۔

    واضح رہےکراچی میں 12ربیع الاول کا مرکزی جلوس کاآغاز دوبپر 3بجے نیو میمن مسجد بولٹن مارکیٹ سے ہوگا اور جلوس ایم اے جناح روڈ سےہوتا ہوا اپنی منزل نشترپارک پر اختتام پذیز ہوگا۔

  • کراچی :’’چپ تعزیے‘‘ کا پہلا جلوس اختتام پذیر

    کراچی :’’چپ تعزیے‘‘ کا پہلا جلوس اختتام پذیر

    کراچی: چپ تعزیے کامرکزی جلوس کراچی میں نشتر پارک سے برآمد ہو کر روایتی راستوں سے ہوتا ہواامام بارگاہ حسینیہ ایرانیاں کھارادر پہنچ کر اختتام پذیرہوگیا۔

    تفصیلات کےمطابق کراچی میں ایام عزا کے آخری روز کی مناسبت سے چپ تعزیے کاجلوس آج صبح نشتر پارک سے برآمد ہوا۔

    جلوس اپنے روایتی راستوں پرانی نمائش،ایم اے جناح روڈ، صدر، تبت سینٹر،عید گاہ، لائٹ ہاوٴس اور بولٹن مارکیٹ سے ہوتے ہوئے اپنی منزل امام بارگاہ حسینیاں ایرانیاں پہنچ کر اختتام پذیر ہوگیا۔

    جلوس کی سیکیورٹی کے لئے چارہزار آٹھ سو اٹھاسی پولیس اہلکار تعینات تھے جبکہ رینجرز اہلکار بھی سیکیورٹی پر تعینات تھے۔جلوس سے قبل بم ڈسپوزل اسکواڈ نے جلوس کی گزرگاہوں کو کلیئر قرار دیا۔اس موقع پر ایم اے جناح روڈ کو ٹریفک کے لیے بند کردیا گیاتھا۔

    واضح رہےکہ دوسری جانب آج قصرِمسیب سےچپ تعزیہ کا آخری جلوس برآمد ہوگا جو اپنے روایتی راستوں سے ہوتا ہوا مارٹن روڈ پر واقع امام بارگاہ شاہ نجف پہنچ کر اختتام پذیر ہوگا۔

  • کراچی: پولیس کی ناقص حکمت عملی کے باعث شدید ٹریفک جام

    کراچی: پولیس کی ناقص حکمت عملی کے باعث شدید ٹریفک جام

    کراچی: چپ تعزیہ کے اختتامی جلوس کے باعث کراچی میں ٹریفک پولیس کی ناقص حمکت عملی سے مختلف شاہراہوں پر ٹریفک جام رہا۔

    تفصیلات کے مطابق کراچی میں چپ تعزیے کے جلوس کے باعث مختلف شاہراہوں پر بد ترین ٹریفک جام ہوگیا۔ لوگوں اور بچوں کو اسکول اور دفاتر پہنچنے میں شدید مشکلات کا سامنا رہا اور لوگ کئی کئی گھنٹے ٹریفک میں پھنسے رہے۔

    متبادل روٹس کے اعلان کے باوجود ٹریفک پولیس سڑکوں پر بے ہنگم ٹریفک روکنے میں ناکام رہی جس سے شاہراہ فیصل، آئی آئی چندریگر روڈ، ٹاور سمیت دیگر شاہراہوں اور علاقوں میں ٹریفک کا دباؤ رہا اور مذکورہ علاقوں اور ملحقہ سڑکوں پر مختلف اوقات میں بدترین ٹریفک جام دیکھنے میں آیا۔

    واضح رہے کہ آج قصر مسیب سے چپ تعزیہ کا آخری جلوس دوپہر میں برآمد ہوگا جو اپنے روایتی راستوں سے ہوتا ہوا مارٹن روڈ پر واقع امام بارگاہ شاہ نجف پہنچ کر اختتام پذیر ہوگا۔

    جلوس کے لیے سخت سیکیورٹی انتظامات کیے گئے ہیں اور اطراف کی سڑکوں کو کنٹینرز، بسیں اور دیگر رکاوٹیں کھڑی کر کے سیل کر دیا گیا ہے۔

    جلوس کے ساتھ پولیس کے 4 ہزار 8 سو 88 اہلکاروں کے علاوہ رینجرز کی بھاری نفری بھی موجود ہے۔ بلند عمارتوں پر اسنائپر شوٹرز تعینات ہیں اور بم ڈسپوزل اسکواڈ کی تین ٹیمیں جلوس کے راستوں کی سوئپنگ کر رہی ہیں۔