Tag: جلیل عباس جیلانی

  • پاکستان کی نگراں حکومت کا اسرائیلی قابض افواج سے تشدد بند کرنے کا مطالبہ

    پاکستان کی نگراں حکومت کا اسرائیلی قابض افواج سے تشدد بند کرنے کا مطالبہ

    نگران وزیر خارجہ جلیل عباس جیلانی کا کہنا ہے کہ اسرائیلی قابض افواج کے تشدد، جبر کو فوری بند کرنے کا مطالبہ کرتے ہیں۔

     اے آر وائی نیوز کے مطابق نگران وزیر خارجہ جلیل عباس جیلانی نے سوشل میڈیا پر جاری بیان میں لکھا کہ پاکستان کو مشرق وسطیٰ میں بڑھتی کشیدگی پر گہری تشویش ہے، موجودہ صورتحال میں فلسطینیوں کے ساتھ یکجہتی کے طور پر کھڑے ہیں اور اسرائیلی قابض افواج کے تشدد اور جبر کو فوری طور پر بند کرنے کا مطالبہ کرتے ہیں۔

    آپریشن طوفان الاقصیٰ جاری، ہلاک اسرائیلیوں کی تعداد 530 سے تجاوز کر گئی

    نگران وزیر خارجہ نے کہا کہ 1967 سے پہلے کی سرحدوں کی بنیاد پر خود مختار ریاست فلسطین کا قیام ضروری ہے،  عالمی برادری تنازعات کے خاتمے، شہریوں کی حفاظت کیلئے اقدامات کرے، عالمی برادری مشرق وسطیٰ میں دیرپا امن کیلئے فوری مداخلت کرے۔

    خیال رہے کہ فلسطینی مزاحمتی تنظیم حماس کے اسرائیل پر حملوں میں سینئر فوجی کرنل سمیت ہلاک اسرائیلیوں کی تعداد 500 سے تجاوز کر گئی جب کہ 1700سے زائد افراد زخمی ہیں جب کہ 480 فلسطینی بھی شہید ہوئے ہیں۔۔

    دریں اثنا اسرائیل نے غزہ کے لیے تمام سپلائی معطل کرنے کا اعلان کر دیا ہے۔ اسرائیل نے غزہ کے لیے فیول، اشیا اور بجلی کی سپلائی بھی معطل کر دی ہے جس کے بعد غزہ تاریکی میں ڈوب گیا۔

  • ‘بھارت صرف جاسوسی نہیں بلکہ خطے میں قتل وغارت میں بھی ملوث ہے’

    ‘بھارت صرف جاسوسی نہیں بلکہ خطے میں قتل وغارت میں بھی ملوث ہے’

    نیویارک : نگراں وزیرخارجہ جلیل عباس جیلانی کا کہنا ہے کہ بھارت صرف جاسوسی نہیں بلکہ خطے میں قتل وغارت میں بھی ملوث ہے، بھارت کا چہرہ بے نقاب ہوچکا ہے۔

    تفصیلات کے مطابق نگراں وزیرخارجہ جلیل عباس جیلانی نے اے آر وائی نیوز سے خصوصی گفتگو کرتے ہوئے کہا سکھ رہنما کے قتل سے متعلق کہا کہ بھارت کے حوالے سے ہمیں کوئی حیرانی نہیں ہوئی ، ہمیں معلوم تھا بھارت اس خطہ میں ہر ایک ملک میں قتل وغارت میں ملوث ہے۔

    جلیل عباس جیلانی کا کہنا تھا کہ کینیڈا کے وزیراعظم اور وزیر خارجہ نے بہت سخت احتجاج کیا ہے، واقعے کی تحقیقات پر زور دیا جا رہا ہے، بھارتی حکومتی باشندے اس قتل میں ملوث تھے۔

    نگراں وزیرخارجہ نے کہا کہ بھارت نے جو بڑی جمہوریت ہونے کا ماسک چہرے پر لگایا تھا وہ بری طرح ایکسپوز ہوگیا ہے، بھارت نےکافی عرصےتک پاکستان کے خلاف الزام تراشی اور پروپیگنڈہ کیا، بھارت کے خلاف یورپی ممالک سے بھی آوازیں اٹھ رہی ہیں۔

    افغانستان سے متعلق ان کا کہنا تھا کہ افغان حکومت سے ہماری بات چیت چل رہی ہے، پچھلے کئی ماہ سےٹی ٹی پی کی دہشتگردی کےواقعات بڑھ گئےہیں، افغان حکومت سے کہا ہے ٹی ٹی پی کے خلاف کارروائی کرے۔

    پاک امریکا تعقات کے حوالے سے جلیل عباس جیلانی نے کہا کہ امریکا کیساتھ بہت اچھے ڈائیلاگ چل رہے ہیں، امریکا کیساتھ ہمارے تعلقات بہت اچھی سمت میں جارہے ہیں۔

    انھوں نے بتایا کہ سعودی عرب کے پاکستان سےقریبی تعلقات ہیں، آئندہ چندماہ میں پاکستان میں30سے40بلین کی ڈالرزکی انوسٹمنٹ ہوگی۔

  • آئینی مدت میں رہتے ہوئے الیکشن کا انعقاد کیا جائے گا، جلیل عباس جیلانی

    آئینی مدت میں رہتے ہوئے الیکشن کا انعقاد کیا جائے گا، جلیل عباس جیلانی

    نیویارک : نگراں وزیر خارجہ جلیل عباس جیلانی ک کہنا ہے کہ آئینی مدت میں رہتےہوئےالیکشن کا انعقاد کیا جائےگا، حکومت کی ذمہ داری الیکشن کے دوران امن و امان قائم رکھنا ہے، تاکہ شفاف انتخابات ہوسکیں۔

    تفصیلات کے مطابق نگراں وزیر خارجہ جلیل عباس جیلانی نے اے آر وائی نیوز سے گفتگو کرتے ہوئے کہا کہ جنرل اسمبلی اجلاس میں تمام ممالک کے وزرائے خارجہ سے ملاقات کاموقع مل جاتاہے، یہاں آپ کوپاکستان سےمتعلق اپنا نقطہ نظر دینے کا موقع ملتا ہے، جس طرح سے وزیراعظم کی اورمیری ملاقاتیں ہو رہی ہیں یہ ایک کامیاب سیشن جا رہا ہے۔

    جلیل عباس جیلانی کا کہنا تھا کہ پاکستان کی معاشی حالت اللہ کے فضل و کر م سے بہت بہتر ہو رہی ہے، آئین نے جومینڈیٹ دیاتھا اس کے تحت حکومت نے کچھ اقدامات لئےہیں، ان اقدامات میں سب سے اہم ٹیکس بیس کو بڑھانا ہے۔

    انتخابات کے حوالے سے نگراں وزیر خارجہ نے کہا کہ الیکشن کے دوران امن وامان قائم رکھنا نگران حکومت کی ذمہ داری ہے، نگراں حکومت کی ذمہ داری ہے شفاف انتخابات ہوں، آئینی حدود کے اندر جو مقررہ وقت ہےاس میں انتخابات ہوجائیں گے۔

    انھوں نے بتایا کہ ٹارگیٹڈ لیول پرسبسڈیز دی جارہی ہیں، حکومت کو احساس ہےغریب طبقہ کو زیادہ ضرورت ہے، اس لئے بینظیر انکم سپورٹ پروگرام کی رقم بڑھا کر 470 بلین روپےکردی گئی ہے۔

    حکومتی اقدامات کے حوالے سے جلیل عباس جیلانی نے کہا کہ حکومت نے ڈالر کی ذخیرہ اندوزی اوراسمگلنگ کے خلاف آپریشن کیا ہے، اسمگلنگ کیخلاف آپریشن سےروپے کی قدر بہتری آئی ہے،اس سال ہماری زرعی پیداوار بھی بہت اچھی ہوئی ہے ، جس سے ہماری خوارک کےحوالےسےتشویش کافی حدتک دورہوجائے گی۔

    ان کا کہنا تھا کہ آئی ٹی کی ایکسپورٹ اس دفعہ 2.5 بلین ڈالرز کی ہوئی ہیں ،ہمارا ٹارگٹ اگلے چار پانچ سالوں میں آئی ٹی ایکسپورٹس 10 بلین ڈالز تک لے جائیں ، حکومت نے آئی ٹی سےمتعلق اقدامات کئےہیں،ہرسال 2 لاکھ آئی ٹی ماہرپیدا کریں گے۔

  • نیویارک میں نگراں وزیرخارجہ کی سعودی ہم منصب سے ملاقات

    نیویارک میں نگراں وزیرخارجہ کی سعودی ہم منصب سے ملاقات

    نیویارک : نگراں وزیرخارجہ جلیل عباس جیلانی اور سعودی وزیرخارجہ فیصل بن فرحان السعود نے ملاقات میں معیشت، تجارت، توانائی اور سرمایہ کاری میں تعاون کے فروغ پر اتفاق کرلیا۔

    تفصیلات کے مطابق نگراں وزیرخارجہ جلیل عباس جیلانی کی نیو یارک میں سعودی وزیرخارجہ فیصل بن فرحان السعود سے ملاقات ہوئی۔

    ملاقات میں دوطرفہ تعلقات ،باہمی دلچسپی اورعالمی امورپرتبادلہ خیال کیا گیا، دونوں وزرائے خارجہ نے پاکستان اور سعودی عرب کے مابین معیشت، تجارت، توانائی اور سرمایہ کاری میں باہمی تعاون کے فروغ پر اتفاق کیا۔

    نگراں وزیرخارجہ نے سعودی قیادت کا پاکستان کیلئے فراخدلانہ اورغیرمتزلزل حمایت پرشکریہ اداکرتے ہوئے سرمایہ کاری کوآسان بنانےکیلئےایس آئی ایف سی کی تشکیل سے آگاہ کیا۔

    ملاقات میں آئی ٹی، توانائی، انفراسٹرکچر اور لیبر سمیت اہم شعبوں میں تعاون بڑھانے کی ضرورت پرزور دیا گیا اور جلیل عباس جیلانی نے20لاکھ سےزائد پاکستانی تارکین وطن کی میزبانی پرسعودی وزیرخارجہ کا شکریہ ادا کیا۔

    نگراں وزیرخارجہ کا کہنا تھا کہ پاکستان سعودی ولی عہد کے دورہ پاکستان کا منتظر ہے، جس پر سعودی وزیرخارجہ نے دونوں ملکوں کے برادرانہ تعلقات اور سعودیہ کی ترقی میں پاکستانی برادری کی خدمات کو سراہا۔

  • نگراں وزیرخارجہ جلیل عباس جیلانی کی  نیویارک میں اہم ملاقاتیں

    نگراں وزیرخارجہ جلیل عباس جیلانی کی نیویارک میں اہم ملاقاتیں

    نیویارک : نگراں وزیرخارجہ جلیل عباس جیلانی نے نیویارک میں متحدہ عرب امارات، ڈنمارک، ناروے اور نیدرلینڈز کے وزرائے خارجہ سےملاقاتیں کیں۔

    تفصیلات کے مطابق نگراں وزیرخارجہ جلیل عباس جیلانی نے اقوام متحدہ جنرل اسمبلی کےاجلاس کے موقع پر نیو یارک میں موجود اہم غیرملکی شخصیات سے ملاقاتیں کیں۔

    جلیل عباس جیلانی کی ناروے ،متحدہ عرب امارات، نیدرلینڈز اور ڈنمارک کے وزرائے خارجہ سے ملاقاتیں ہوئیں ، جس میں باہمی دلچسپی سمیت دوطرفہ تعلقات کے مزید فروغ پرتبادلہ خیال کیا گیا۔

    جلیل عباس جیلانی کی نارویجین وزیرخارجہ عینیکن ہوٹلفٹ سے ملاقات اقوام متحدہ ہیڈکوارٹرزمیں ہوئی جبکہ نیدرلینڈز کی ہم منصب ہینکی برونزسلوٹ سے بھی ملاقات کی ، جس میں توانائی، زراعت اور پانی کے انتظام سمیت آئی ٹی سمیت مختلف شعبوں میں تعاون بڑھانے پر اتفاق کیا گیا۔

    نگراں وزیرخارجہ کی متحدہ عرب امارات کے وزیرخارجہ اور ڈنمارک کے وزیرخارجہ لارزلوکےراسموسن سے بھی ملاقات ہوئی، رہنماؤں کے درمیان باہمی دلچسپی سمیت دوطرفہ تعلقات کے مزید فروغ پرتبادلہ خیال کیا گیا۔

  • انتخابات آئین میں دی گئی مدت کے اندر میں ہی ہوں گے،  جلیل عباس جیلانی

    انتخابات آئین میں دی گئی مدت کے اندر میں ہی ہوں گے، جلیل عباس جیلانی

    اسلام آباد : نگران وزیرخارجہ جلیل عباس جیلانی کا کہنا ہے کہ انتخابات آئین میں دی گئی مدت کےاندر میں ہی ہوں گے نگران حکومت کاکام آزادانہ اور منصفانہ انتخابات یقینی بنانا ہے۔

    تفصیلات کے مطابق نگران وزیر خارجہ جلیل عباس جیلانی کی صحافیوں سےملاقات میں غیر رسمی گفتگو کرتے ہوئے کہ کہ انتخابات آئین میں دی گئی مدت کےاندرہی ہں گے ، نگران حکومت کاکام آزادانہ اور منصفانہ انتخابات یقینی بناناہے۔

    جلیل عباس جیلانی کا کہنا تھا کہ الیکشن کرانانگران حکومت کانہیں الیکشن کمیشن کاکام ہے، ہم ایک نگران سیٹ اپ ہیں جس کامحدودمینڈیٹ ہے، کوئی شک نہیں کہ ہم ایک مختصرمدت کی نگران حکومت ہیں،ہم غیرسیاسی سیٹ اپ ہیں، سیاست میں مداخلت نہیں کریں گے، بطورعبوری سیٹ اپ ہم اپنے دائرے میں رہ کربہت سے کام کرسکتےہیں۔

    بھارت کے حوالے سے نگران وزیر خارجہ نے بتایا کہ کور ایشوز پر بات کیے بغیر دیگرمعاملات پربھارت سےتعلقات آگےنہیں بڑھ سکتے، تنازع کشمیرپاک بھارت جنگوں،دیگرمسائل پرپیشرفت نہ ہونےکی وجہ ہے۔

    ان کا کہنا تھا کہ بھارت سیاچن پرغیرقانونی طورپرقابض ہے، ہم سیاچن مسئلے کو بینظیرراجیوگاندھی معاہدےکی روشنی میں حل کرناچاہتےہیں، اس کے ساتھ پاک بھارت آبی مسائل انتہائی اہم ہیں، بھارت سے کوئی بھی بات چیت صرف اصولوں کی بنیاد پر ہی ہوسکتی ہے۔

    جلیل عباس جیلانی نے مزید کہا کہ بھارت پاکستان میں دہشت گردی میں ملوث ہے،مضبوط شواہد موجودہیں، مسئلہ کشمیریواین قراردادوں،کشمیریوں کی امنگوں کے مطابق حل ہونا باقی ہے،بھارت کارویہ ہمارے لئے نمبرون مسئلہ ہے۔

    نگران وزیر خارجہ کا کہنا تھا کہ 5 اگست 2019 کو بھارت نے غیر قانونی اقدامات کئے، بھارت نے بڑے پیمانے پر سندھ طاس معاہدے کی خلاف ورزیاں کی ہیں، سارک اجلاس میں واحد رکاوٹ بھارت ہے لیکن امید ہے بھارت پاکستان کرکٹ ٹیم کومکمل سیکورٹی فراہم کرے گا۔

    انھوں نے کہا کہ بھارت میں جاری ماحول ہمیشہ سےہمارےلیےباعث تشویش ہے، ہم نےاپنےتحفظات سےبھارت کو آگاہ کیا ہے،اس حوالےسےبھارت نےکوئی منفی فیصلہ کیا تو عالمی برادری کومایوسی ہوگی ، کرکٹ ورلڈکپ عالمی ایونٹ ہے بھارت سےتعلقات کی نوعیت تبدیل نہیں ہوئی۔

    امریکی حکام سے ملاقات کے حوالے سے جلیل عباس جیلانی نے بتایا کہ امریکی انڈرسکریٹری آف اسٹیٹ اوردیگراکابرین سےبروقت الیکشن پرگفتگوہوئی ، امریکا کے ساتھ اس وقت تعلقات اورتعاون بہت مضبوط ہیں، امریکی انڈرسکریٹری آف اسٹیٹ سے گفتگو میں مضبوط شراکت داری پراتفاق ہوا۔

    انھوں نے بتایا کہ امریکا کے ساتھ تجارتی حجم اب 20 ارب ڈالر سالانہ تک پہنچ چکاہے، امریکا نے چین یا روس سمیت کسی ملک سے تجارتی تعلقات منقطع کرنے کا نہیں کہا، روس یوکرین تنازعہ کا پرامن حل ضروری ہے۔

    نگران وزیر خارجہ نے کہا کہ عبوری سیٹ اپ کے طور پر بہت اچھی غیرملکی انویسٹمنٹ لاسکتےہیں، پاکستان میں خارجہ پالیسی کی تشکیل کاپراسس وہی ہے، جو امریکا اور یورپ میں ہے۔

    افغانستان کے حوالے سے ان کا کہنا تھا کہ افغان عبوری حکومت نےپاکستان میں دہشت گردی کےبعض ذمہ داروں کوگرفتار کیا، افغانستان نےباہمی سطح پر پاکستان میں کارروائیاں نہ کرنے کے فتویٰ سےآگاہ کیا ہے۔

    جلیل عباس جیلانی نے کہا کہ پاک ایران گیس پائپ لائن منصوبہ کی تکمیل کیلئےکوششیں جاری رکھیں گے ، سی پیک کےثمرات پاکستان کی ترقی پرظاہر ہیں، سی پیک کے دوسرے مرحلے زراعت،ریلوےاورآئی ٹی کےمنصوبےآگےبڑھیں گے۔

    ایک سیاسی جماعت کےحوالےسےسوال کا جواب نگراں وزیر خارجہ کا کہنا تھا کہ سائفرکا معاملہ عدالت میں ہےاس پر بات نہیں کر سکتا، ہم کسی کے معاملات پر مداخلت کرتے ہیں نہ ہی مداخلت پسند کرتے ہیں، ہم پر کسی ملک کاکسی قسم کاکوئی دباؤ نہیں۔

  • امریکی نائب سیکریٹری کا نگراں وزیرخارجہ سے رابطہ،  بروقت انتخابات کے انعقاد پر گفتگو

    امریکی نائب سیکریٹری کا نگراں وزیرخارجہ سے رابطہ، بروقت انتخابات کے انعقاد پر گفتگو

    اسلام آباد : امریکی قائم مقام ڈپٹی سیکرٹری وکٹوریہ نولینڈ اور نگراں وزیرخارجہ جلیل عباس جیلانی کے درمیان رابطے میں پاکستان میں شفاف انتخابات کے انعقاد کو یقینی بنانے پر بات چیت کی گئی۔

    تفصیلات کے مطابق نگراں وزیر خارجہ جلیل عباس اور امریکی قائم مقام ڈپٹی سیکرٹری وکٹوریہ نولینڈ کے درمیان رابطہ ہوا، جس میں وکٹوریہ نولینڈ نے جلیل عباس جیلانی کو نگراں وزیرخارجہ بننے پر مبارک باد دی۔

    امریکی محکمہ خارجہ نے بیان میں کہا ہے کہ دونوں رہنماؤں نے پاکستان کے قوانین اورآئین کےمطابق بروقت، آزادانہ اورمنصفانہ انتخابات کی اہمیت پر بات کی گئی۔

    رابطے میں پاکستان کے معاشی استحکام اورآئی ایم ایف کےساتھ مسلسل رابطوں پر بھی تبادلہ خیال کیا گیا جبکہ پاکستان کی معاشی صورتحال،آئی ایم ایف پروگرام پر بھی گفتگو ہوئی۔

    امریکی محکمہ خارجہ کا کہنا تھا کہ پاکستان میں شفاف انتخابات کا انعقاد یقینی بنانے پر بھی بات کی گئی۔

    امریکی قائم مقام ڈپٹی سیکرٹری نے دوطرفہ تعلقات اور پاکستان کے اقتصادی استحکام، سلامتی اور خوشحالی کے لیے مشترکہ وابستگی کو بھی سراہا۔۔

    دونوں فریقین نے پاک امریکا باہمی فائدہ مند تعاون کو مزید بڑھانے پر اتفاق کیا اور تمام شعبوں میں مذاکرات کوآگے بڑھانے کے عزم کا اعادہ کیا۔

  • جلیل عباس جیلانی بھی وفاقی وزیر کا حلف اٹھائیں گے

    جلیل عباس جیلانی بھی وفاقی وزیر کا حلف اٹھائیں گے

    اسلام آباد : نگراں وفاقی کابینہ کی حلف برداری کی تقریب میں جلیل عباس جیلانی بھی وفاقی وزیر کا حلف اٹھائیں گے، انہیں وزارت خارجہ کا قلمدان سونپا جائے گا۔

    تفصیلات کے مطابق انوار الحق کاکڑ نے اپنی ٹیم فائنل کرلی، نگراں وفاقی کابینہ کی حلف برداری آج شام 5 بجے ہوگی ، جس میں صدر مملکت عارف علوی وزرا سے حلف لیں گے۔

    جلیل عباس جیلانی بھی وفاقی وزیر کا حلف اٹھائیں گے، انہیں وزارت خارجہ کا قلمدان سونپاجائے گا۔

    جلیل عباس جیلانی نے اے آروائی نیوز سے گفتگو میں وفاقی وزیر کا حلف اٹھانے کی تصدیق کرتے ہوئے کہا ہے کہ وفاقی وزیرکاحلف اٹھاؤں گا۔

    اس کے علاوہ نگراں کابینہ میں وقار مسعود، گوہر اعجاز، مرتضیٰ سولنگی، عمر سیف، سرفراز بگٹی، تابش گوہراور سید محمد علی مظفر رانجھا کی کابینہ میں شمولیت کا امکان ہے۔

    مرتضیٰ سولنگی کو وزارت اطلاعات کی ذمہ داریاں سونپے جانے کا امکان ہے۔

  • نگراں وزیراعظم کے مضبوط امیدوار جلیل عباس جیلانی وزیراعظم ہاؤس پہنچ گئے

    نگراں وزیراعظم کے مضبوط امیدوار جلیل عباس جیلانی وزیراعظم ہاؤس پہنچ گئے

    اسلام آباد : نگراں وزیراعظم کے مضبوط امیدوار جلیل عباس جیلانی وزیراعظم ہاؤس پہنچ گئے ، جہاں وہ وزیراعظم شہباز شریف سے ملاقات کریں گے۔

    تفصیلات کے مطابق سابق سیکریٹری خارجہ جلیل عباس جیلانی نگراں وزیراعظم کیلئے مضبوط امیدوارکے طور پر سامنے آگئے۔

    ذرائع نے بتایا ہے کہ جلیل عباس جیلانی وزیراعظم ہاؤس پہنچ گئے ہیں ، جہاں وہ وزیراعظم سے ملاقات کریں گے۔

    پارلیمانی حلقوں اورایوان کی راہداریوں میں جلیل عباس جیلانی کا نام زیرگردش ہے، قانون میں بی اے اوردفاعی امورمیں ماسٹر کی ڈگری رکھنے والے جلیل عباس جیلانی امریکا اوربھارت میں سفیر کی ذمےداری نبھا چکےہیں۔

    وہ پیشہ ور سفارت کار ہیں ، بطورسیکریٹری خارجہ تعیناتی سے پہلے بیلجیئم، لکسمبرگ اور یورپی یونین میں پاکستان کے سفیر رہے اور سفارتی ذمےداریوں کے دوران برسلز میں نیٹو ہیڈکوارٹرکے ساتھ بھی مسلسل رابطےمیں رہے۔

    اس کے علاوہ جدہ اور لندن میں بھی تعینات رہے جبکہ کینبرا میں ہائی کمشنر کے عہدے پر بھی فائز رہ چکے ہیں۔

    جلیل عباس جیلانی سابق وزیراعظم یوسف رضا گیلانی کے کزن ہیں۔

  • امریکا کو بھارت پر کشمیرکے معاملے پردباؤ ڈالنا ہوگا،جلیل عباس جیلانی

    امریکا کو بھارت پر کشمیرکے معاملے پردباؤ ڈالنا ہوگا،جلیل عباس جیلانی

    اسلام آباد: سابق سفیر جلیل عباس جیلانی کا کہنا ہے کہ بھارت نے اپنا رویہ نہ بدلا تو دیگرممالک کا دباؤ بھی آسکتا ہے۔

    تفصیلات کے مطابق سابق سفیر جلیل عباسی جیلانی کا کہنا ہے کہ امریکا کو بھارت پرکشمیر کے معاملے پردباؤ ڈالنا ہوگا، امریکی و برطانوی کانگریس کی طرف سے کشمیرمعاملے پرآوازیں اٹھ رہی ہیں۔

    جلیل عباس جیلانی نے کہا کہ بھارتی حکومت انسانی حقوق کی سنگین خلاف ورزیاں کر رہی ہے، بھارت نے اپنا رویہ نہ بدلا تو دیگرممالک کا دباؤ بھی آسکتا ہے۔

    امریکی صدر نے مسئلہ کشمیر پر ایک بار پھر ثالثی کی پیشکش کردی

    امریکی صدر ڈونلڈ ٹرمپ نے گزشتہ روز وائٹ ہاؤس میں صحافیوں سے گفتگو کرتے ہوئے کہا تھا کہ پاکستان اور بھارت کے درمیان کشیدگی میں کمی واقع ہوئی ہے۔

    ڈونلڈ ٹرمپ کا کہنا تھا کہ اگر دونوں ملک چاہتے ہیں تو میں مدد کے لیے تیار ہوں، وہ جانتے ہیں میری پیشکش اب بھی برقرار ہے۔ امریکی صدر کا کہنا تھا کہ ان کے پاکستان اور بھارت کے ساتھ اچھے تعلقات ہیں۔

    مقبوضہ کشمیرمیں 38ویں روز بھی کرفیو

    واضح رہے کہ مقبوضہ کشمیر میں آج مسلسل 38ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

    کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔