ARYNews.tv | Urdu – Har Lamha Bakhabar

Tag: جماعت اسلامی

  • دہشت گرد محمد عرفان کا تعلق جماعت اسلامی سے نہیں ہے: ترجمان

    دہشت گرد محمد عرفان کا تعلق جماعت اسلامی سے نہیں ہے: ترجمان

    کراچی: جماعت اسلامی کے ترجمان نے سی ٹی ڈی کے ہاتھوں گرفتار ٹارگٹ کلر محمد عرفان کا تعلق جماعت اسلامی سے ہونے کی خبر کو مسترد کر دیا ہے۔

    تفصیلات کے مطابق کاؤنٹر ٹیرر ازم ڈیپارٹمنٹ نے گزشتہ روز مختلف علاقوں میں کارروائیاں کر کے چار ٹارگٹ کلرز کو گرفتار کیا تھا، ایس پی سی ٹی ڈی کا کہنا تھا کہ چار میں سے تین کا تعلق ایم کیو ایم لندن سے جب کہ ایک کا تعلق جماعت اسلامی سے ہے۔

    جماعت اسلامی کے ترجمان نے دعوے کو مسترد کرتے ہوئے کہا کہ دہشت گرد محمد عرفان کا تعلق جماعت اسلامی سے جوڑنا بھونڈی حرکت ہے۔

    ترجمان کا کہنا تھا کہ جماعت اسلامی قانونی اور آئینی جدوجہد پر یقین رکھتی ہے، بے بنیاد اور من گھڑت خبریں ساکھ کو نقصان پہچانے کی سازش ہے، جماعت اسلامی نے کبھی انتقام اور اسلحے کی سیاست نہیں کی۔

    یہ بھی پڑھیں:  کراچی: سی ٹی ڈی نے 4 ٹارگٹ کلرز گرفتار کر لیے

    واضح رہے کہ سی ٹی ڈی افسر کا کہنا تھا کہ ٹارگٹ کلر محمد عرفان نے 5 سے زائد افراد کو ٹارگٹ کر کے قتل کیا، جب کہ ایم کیو ایم لندن سے تعلق رکھنے والے ٹارگٹ کلرز نے 2009 اور 2010 میں فائرنگ کر کے جماعت اسلامی کے کارکنان کو قتل کیا تھا۔

    ایس پی سی ٹی ڈی کا کہنا تھا کہ گرفتار ٹارگٹ کلرز نے تفتیش کے دوران 8 سے زائد ٹارگٹ کلنگ کی وارداتوں کا اعتراف کیا ہے۔

  • کراچی: سی ٹی ڈی نے 4 ٹارگٹ کلرز گرفتار کر لیے

    کراچی: سی ٹی ڈی نے 4 ٹارگٹ کلرز گرفتار کر لیے

    کراچی: کاؤنٹر ٹیرر ازم ڈیپارٹمنٹ نے کراچی کے علاقے سرجانی میں مختلف کارروائیوں میں 4 ٹارگٹ کلرز گرفتار کر لیے۔ ٹارگٹ کلرز کا تعلق ایم کیو ایم لندن اور جماعت اسلامی سے بتایا گیا ہے۔

    تفصیلات کے مطابق سی ٹی ڈی نے مختلف کارروائیوں میں کراچی میں ٹارگٹ کلنگ میں ملوث چار افراد کو گرفتار کر لیا ہے، ملزمان کے خلاف تھانوں میں کئی مقدمات درج ہیں۔

    [bs-quote quote=”ٹارگٹ کلر محمد عرفان کا تعلق جماعت اسلامی سے ہے۔” style=”style-8″ align=”left” author_name=”سی ٹی ڈی”][/bs-quote]

    ایس پی سی ٹی ڈی نے بتایا کہ تین ٹارگٹ کلرز نعمت علی، سلمان ہاشمی اور ناصر کا تعلق ایم کیو ایم لندن سے ہے، جب کہ ٹارگٹ کلر محمد عرفان کا تعلق جماعت اسلامی سے ہے۔

    سی ٹی ڈی افسر کا کہنا تھا کہ ٹارگٹ کلر محمد عرفان نے 5 سے زائد افراد کو ٹارگٹ کر کے قتل کیا، جب کہ ایم کیو ایم لندن سے تعلق رکھنے والے ٹارگٹ کلرز نے 2009 میں فائرنگ کر کے جماعت اسلامی کے کارکن کو قتل کیا تھا۔

    سی ٹی ڈی کے مطابق ایم کیو ایم لندن کے ٹارگٹ کلرز نے 2010 میں بھی جماعت اسلامی کے کارکن محمد اظہر کو قتل کیا تھا۔

    یہ بھی پڑھیں:  کراچی میں‌ پولیس کا ایکشن، ٹارگٹ کلنگ میں ملوث ’چڈا، ببلو اور پیرجی‘ گرفتار

    ایس پی سی ٹی ڈی کا کہنا تھا کہ گرفتار ٹارگٹ کلرز نے تفتیش کے دوران 8 سے زائد ٹارگٹ کلنگ کی وارداتوں کا اعتراف کیا ہے۔

    یاد رہے کہ 8 مارچ کو سندھ پولیس نے مبینہ ٹاؤن تھانے کی حدود سے قتل کی متعدد وارداتوں میں ملوث متحدہ لندن کے دو ٹارگٹ کلرز سمیت تین ملزمان کو گرفتار کیا تھا جن کی شناخت عباس عرف چڈا، مسعود عرف ببلو اور شہادت عرف پیرجی کے ناموں سے کی گئی تھی۔

  • مقبوضہ کشمیرمیں جماعت اسلامی کے خلاف کریک ڈاؤن جاری، دفاتر سیل،متعدد کارکنان گرفتار

    مقبوضہ کشمیرمیں جماعت اسلامی کے خلاف کریک ڈاؤن جاری، دفاتر سیل،متعدد کارکنان گرفتار

    سری نگر : مقبوضہ کشمیرمیں جماعت اسلامی کے خلاف بڑے کریک ڈاؤن میں مختلف شہروں میں جماعت اسلامی کے دفاتر سیل کردیئے گئے جبکہ متعدد کارکنان کو گرفتار کرلیا گیا ہے۔

    تفصیلات کے مطابق مقبوضہ کشمیرمیں جماعت اسلامی پرپابندی اورکریک ڈاؤن کےبعد کشیدگی میں مزید اضا فہ ہو گیا،  کریک ڈاؤن کے دوران مختلف شہروں میں جماعت اسلامی کے دفاترسیل کردیئے گئے جبکہ متعدد کارکنان کو گرفتار کرلیا گیا ہے۔

    دوسری جانب بھارتی فوجی گھرگھرتلاشی کے بہانےچادراورچاردیواری کا تقدس پامال کررہے ہیں اور احتجاجی مظاہروں کوروکنےکےلئےسری نگرسمیت مختلف علاقوں میں دفعہ ایک سوچوالیس لگا دی گئی ، انٹرنیٹ اورموبائل سروس بھی بند ہے۔

    شوپیاں اوردیگرعلاقوں میں شٹرڈاؤن ہڑتال ہے، ٹرانسپورٹ بھی بند ہے۔

    پابندی سے قبل اور پلوامہ حملے کے بعد جماعت اسلامی کےامیرحمید فیاض اور ترجمان زاہد علی اور دیگر عہدے داروں سمیت 200 کے قریب ارکان کو گرفتار کیا جا چکا ہے۔

    گذشتہ روز جنوبی قصبہ ترال سےجماعت اسلامی کے کارکنوں کو حراست میں لیا گیا جبکہ جماعت پر پابندی اوراسکےکارکنوں کی گرفتاری کیخلاف سید علی گیلانی، میرواعظ عمرفاروق اور یاسین ملک پر مشتمل مشترکہ مزاحمتی فورم کی اپیل پرجمعہ کی نماز کے بعدجگہ جگہ مظاہرے ہوئے تھے۔

    مقبوضہ کشمیر میں جماعتِ اسلامی  پر پانچ سال کے لیے پابندی عائد

    یاد رہے بھارتی حکومت کی جانب سے  مقبوضہ کشمیر میں جماعتِ اسلامی  پر پانچ سال کے لیے پابندی عائد کی  گئی تھی اور نوٹیفکیشن جاری کردیا گیا تھا، جس میں کہا گیا تھا کہ جماعتِ اسلامی  مقبوضہ کشمیر میں  ایسی سرگرمیوں میں ملوث ہے جو ملکی سلامتی کے خلاف ہے۔

    واضح رہے کشمیر میڈیا کے مطابق گزشتہ ماہ  مقبوضہ کشمیر میں  بھارتی فوج نے 27 کشمیریوںکو شہید کیا جبکہ  پیلٹ گن، فائرنگ اور شیلنگ کے نتیجے میں 184 کشمیری زخمی بھی ہوئے۔

      گزشتہ ماہ حریت رہنماؤں سمیت 681 شہریوں کو گرفتار کیا گیا اور  بھارتی فوج کی جانب سے  42 گھروں کو نقصان بھی پہنچایا گیا۔

  • پاک بھارت کشیدگی، امیر جماعت اسلامی نے پارلیمنٹ کا مشترکہ اجلاس بلانے کا مطالبہ کر دیا

    پاک بھارت کشیدگی، امیر جماعت اسلامی نے پارلیمنٹ کا مشترکہ اجلاس بلانے کا مطالبہ کر دیا

    لاہور: امیر  جماعت اسلامی سراج الحق نے کہا ہے کہ نریندر مودی صبح شام دھمکیاں دے رہا ہے اور جنگ کی تیاری کر رہا ہے.

    ان خیالات کا اظہار انھوں نے لاہور میں‌ تقریب سے خطاب کرتے ہوئے کیا. سینیٹر سراج الحق کا کہنا تھا کہ حکومت کو چاہیے کہ پارلیمنٹ کا مشترکہ اجلاس اور  اے پی سی بلائے.

    [bs-quote quote=” او  آئی سی اجلاس میں پہلی باربھارت کو بطور مہمان خصوصی مدعو کیا گیا ہے، اب بھارتی وزیر خارجہ عالم اسلام کے نمائندوں سے خطاب کریں گی، یہ افسوس ناک ہے” style=”style-8″ align=”left” author_name=”سینیٹر سراج الحق”][/bs-quote]

    ان کا کہنا تھا کہ او  آئی سی اجلاس میں پہلی باربھارت کو بطور مہمان خصوصی مدعو کیا گیا ہے، اب بھارتی وزیر خارجہ عالم اسلام کے نمائندوں سے خطاب کریں گی، یہ افسوس ناک ہے.

    انھوں نے مطالبہ کیا کہ موجودہ حالات میں پاکستان کواحتجاجاً اس اجلاس کا بائیکاٹ کرنا چاہیے تھا.

    امیر جماعت اسلامی سراج الحق نے آغا سراج درانی کی گرفتاری پر تبصرہ کرتے ہوئے کہا کہ نیب قانون اور ضابطے میں رہ کرملزمان کے خلاف کارروائی کرے.

    انھوں نے مزید کہا کہ بغیرثبوت کسی کوگرفتار کرنا عزت پامال کرنےکے مترادف ہے، ہر پاکستانی احتساب چاہتا ہے، مگر حکومت اسے سیاست کی نذرکر رہی ہے.

    انھوں نے مطالبہ کیا کہ بھارتی جارحیت کا جواب دیتے ہوئے حکومت دو ٹوک موقف اپنائے.

  • منی بجٹ اجلاس: اپوزیشن نے اہم حکومتی اعلانات پر آسمان سر پر اٹھا لیا

    منی بجٹ اجلاس: اپوزیشن نے اہم حکومتی اعلانات پر آسمان سر پر اٹھا لیا

    اسلام آباد: قومی اسمبلی کے اجلاس میں پی ٹی آئی حکومت کی جانب سے منی بجٹ کے تحت اہم اعلانات پر اپوزیشن نے آسمان سر پر اٹھا لیا۔

    تفصیلات کے مطابق اپوزیشن جماعتوں نے قومی اسمبلی اجلاس میں اپنے غیر پارلیمانی اور جارح طرزِ عمل سے ثابت کر دیا ہے کہ ملک اور عوام کے مفاد کے لیے کیے جانے والے کسی قدم کی پذیرائی نہیں کریں گے۔

    [bs-quote quote=”اپوزیشن کے ساتھ ایک طریقہ کار طے ہوا ہے، اس کے مطابق کارروائی کو چلنے دیا جائے۔” style=”style-7″ align=”left” color=”#dd3333″ author_name=”اسد قیصر” author_job=”اسپیکر قومی اسمبلی”][/bs-quote]

    اپوزیشن اراکین نے وزیرِ خارجہ شاہ محمود قریشی کے خطاب پر شور شرابا شروع کیا اور انھیں بات نہیں کرنے دی گئی، حالاں کہ ان سے قبل اپوزیشن لیڈر شہباز شریف نے اپنا اختلافی مؤقف کھل کر پیش کیا۔

    اسپیکر قومی اسمبلی اسد قیصر بار بار اپوزیشن اراکین کو یاد دلاتے رہے کہ ان کے ساتھ اجلاس کی کارروائی جاری رکھنے کے لیے ایک طریقہ کار طے ہوا ہے، چناں چہ اس طریقہ کے مطابق کارروائی کو چلنے دیا جائے۔

    اسپیکر کی جانب سے وزیرِ خزانہ اسد عمر کو بولنے کی اجازت ملنے پر اپوزیشن نے ایوان سر پر اٹھا لیا، اور اسمبلی ہال کو ان کی پوری تقریر کے دوران مسلسل مچھلی بازار بنائے رکھا۔

    اسد عمر کی منی بجٹ تقریر کے دوران اپوزیشن اراکین نے ایک لمحے کے لیے بھی شور شرابا ترک نہیں کیا اور مسلسل نعرے بازی کرتے رہے، ڈیسک بجاتے رہے۔

    منی بجٹ کے مطابق ٹیکس فائلر پر بینک ٹرانزکشن پر ود ہولڈنگ ٹیکس ختم کیا گیا، بینکوں پر انکم ٹیکس 39 فی صد سے کم کر کے 20 فی صد کرنے کی تجویز دی گئی، زرعی قرضوں پر بینکوں کا انکم ٹیکس 20 فی صد کیا گیا، لو انکم ہاؤسنگ کے لیے قرضے کے لیے آمدنی پر ٹیکس 39 سے کم کر 20 فی صد کی گئی۔

    منی بجٹ کی تفصیل پڑھیں:  آئی ایم ایف سے ایسی مدد لیں‌ گے کہ عوام پر بوجھ نہیں آئے: اسدعمر

    کاروباری اکاؤنٹس پر 6 فی صد ٹیکس رجیم کو ختم کر دیا گیا، نان فائلر 1300 سی سی تک گاڑیاں خرید سکیں گے، مگر ٹیکس بڑھایا جا رہا ہے، چھوٹے شادی ہالز پر ٹیکس 20 سے کم کر کے 5 ہزار کر دیا گیا۔

    خام مال کی درآمد پر کچھ پر ٹیکس ختم اور کچھ پر کم کیا گیا، گرین فیلڈ پراجیکٹس پر سیلز ٹیکس سمیت تمام ٹیکس ختم کرنے کا اعلان کیا گیا، شمسی توانائی میں سرمایہ کاری پر 5 سال تک کوئی ٹیکس نہیں ہوگا، یکم جولائی سے نان بینکنگ کمپنی کا سپر ٹیکس ختم کر دیا گیا، سستے موبائل فونز پر ٹیکس کی شرح کم، مہنگے فونز پر ٹیکس کم نہیں کیا گیا۔

  • نئے چیف جسٹس کی قومی ڈائیلاگ کی تجویز کا خیرمقدم کرتے ہیں: امیر جماعت اسلامی

    نئے چیف جسٹس کی قومی ڈائیلاگ کی تجویز کا خیرمقدم کرتے ہیں: امیر جماعت اسلامی

    لاہور:  امیر  جماعت اسلامی سراج الحق نے کہا ہے کہ قومی اداروں کے درمیان ڈائیلاگ وقت کی ضرورت ہے.

    ان خیالات کا اظہار  انھوں نے ایک جلسے سے خطاب کرتے ہوئے کیا، ان کا کہنا تھا کہ نئےچیف جسٹس کی قومی ڈائیلاگ کی تجویزکاخیرمقدم کرتے ہیں، یہ وقت کا تقاضا ہے.

    [bs-quote quote=” ہم سیاسی نہیں، حقیقی احتساب کے حق میں ہیں” style=”style-7″ align=”left” author_name=”سینیٹر سراج الحق”][/bs-quote]

    سینیٹر سراج الحق کا کہنا تھا کہ ملک پر قرضہ بڑھ رہا ہے، قوم سیاست دانوں کی لفظی لڑائی سے تنگ آچکی ہے، احتساب کے عمل کو  مشکوک بنا دیا گیا ہے.

    امیر جماعت اسلامی کا کہنا تھا کہ ہم سیاسی نہیں، حقیقی احتساب کے حق میں ہیں، حقیقی احتساب ہوگیا، تو  ملک میں نئی جیلیں بنوانی پڑیں گی.

    مزید پڑھیں: جسٹس آصف سعید کھوسہ نے چیف جسٹس آف پاکستان کا حلف اٹھا لیا

    سینیٹر سراج الحق نے کہا کہ ہمارے ہاں‌ ایکشن پہلے لیا جاتا ہے، سوچا بعد میں جاتا ہے، قومی ڈائیلاگ سے متعلق منصف اعلیٰ کی تجویز اہم ہے.

    اس موقع پر انھوں نے حکومتی پالیسیوں اور دعووں کا تنقید کا نشانہ بنایا اور ان میں فوری تبدیلی کا مطالبہ کیا۔

    یاد رہے کہ آج  جسٹس آصف سعید خان کھوسہ نے چیف جسٹس کے عہدے کا حلف اٹھایا ہے، جسٹس آصف سعید کھوسہ ملک کے 26 ویں چیف جسٹس ہیں۔

  • کراچی میں جماعت اسلامی رہنما کا قاتل ایم کیو ایم کا ٹارگٹ کلر نکلا

    کراچی میں جماعت اسلامی رہنما کا قاتل ایم کیو ایم کا ٹارگٹ کلر نکلا

    کراچی: شہر قائد میں جماعت اسلامی کے رہنما پرویز محمود کے قتل کا معمہ حل ہوگیا، ایم کیو ایم کے ٹارگٹ کلر مسعود علی عرف کالا نے پرویز محمود کے قتل کا اعتراف کرلیا۔

    تفصیلات کے مطابق ایم کیو ایم کے ٹارگٹ کلر مسعود علی عرف کالا نے کراچی میں جماعت اسلامی کے رہنما پرویز محمود کو قتل کرنے کا اعتراف کرلیا۔

    سابق ٹاؤن ناظم لیاقت آباد پرویز محمود کو 2012 میں ٹارگٹ کلنگ کا نشانہ بنایا گیا تھا۔

    ملزم نے انکشاف کیا کہ کراچی تنظیمی کمیٹی کے سابق انچارج حماد صدیقی کے کہنے پر جماعت اسلامی کے رہنما پرویز محمود کو کے ڈی اے چورنگی کے قریب قتل کیا۔

    واضح رہے کہ جماعت اسلامی کے رہنما کے ہمراہ ان کے دوست خلیق اللہ بھی جاں بحق ہوئے تھے، ٹارگٹ کلنگ ٹیم میں عمران اعجاز نیازی، زبیر عرف پپا، عبدالرحمان قریشی شامل تھے۔

    ٹارگٹ کلر نے انکشاف کیا کہ ساتھیوں میں جوائنٹ سیکٹر انچارج ریحان، آصف آلٹو، فیضان الیاس، سمیر نائی اور شکیل موٹا شامل تھے۔

    گزشتہ ماہ 30 نومبر کو گرفتار ہونے والے مسعود کالا نے اعتراف کیا کہ ناظم آباد اور رضویہ سوسائٹی میں احکامات ملنے پر متعدد افراد کی ٹارگٹ کلنگ کی۔

    عدالت نے مفرور ملزمان کے ناقابل ضمانت وارنٹ گرفتاری جاری کردئیے، 5 جنوری کو ملزمان کو گرفتار کرکے پیش کرنے کا حکم دیا ہے۔

    خیال رہے کہ ایم کیو ایم کراچی تنظیمی کمیٹی کے سابق انچارج حماد صدیقی پہلے ہی گرفتار کیے جاچکے ہیں۔

  • بلوچستان میں دہشت گردی کی سرپرستی بھارت کر رہا ہے: سراج الحق

    بلوچستان میں دہشت گردی کی سرپرستی بھارت کر رہا ہے: سراج الحق

    کوئٹہ: امیر جماعت اسلامی پاکستان سراج الحق نے کہا ہے کہ بلوچستان میں دہشت گردی بھارت کی سرپرستی میں ہو رہی ہے، کشمیر میں بھارتی بربریت کے باعث ہزاروں نوجوان شہید ہوئے۔

    تفصیلات کے مطابق کوئٹہ میں ایک جلسے سے خطاب کرتے ہوئے امیر جماعت اسلامی نے کہا کہ بلوچستان کی ترقی اور خوش حالی پاکستان کی ترقی اور خوش حالی ہے، بلوچستان کو اللہ نے معدنیات سے نوازا ہے۔

    [bs-quote quote=”بلوچستان کا بڑا حصہ خشک سالی سے متاثر ہے، تدارک نہ ہوا تو بلوچستان کے رہنے والے نقل مکانی پر مجبور ہوں گے۔” style=”style-7″ align=”left” color=”#dd3333″ author_name=”سراج الحق” author_job=”امیر جماعت اسلامی پاکستان”][/bs-quote]

    سراج الحق کا کہنا تھا کہ بلوچستان ہر لحاظ سے ملک کے لیے بہت اہم ہے، آج تک کسی حکومت نے بلوچستان سے وعدے پورے نہیں کیے، شدید سردی میں بھی بلوچستان کے باسیوں کو گیس دستیاب نہیں ہے۔

    امیر جماعت اسلامی نے کہا ’معدنیات سے مالا مال صوبہ ظالم سرکار اور ظالم سردار نے پس ماندہ رکھا، امرا کے بچے باہر اعلیٰ تعلیم حاصل کرتے ہیں، بلوچستان کے مقامی افراد کے بچوں کو بنیادی تعلیم میسر نہیں۔‘

    انھوں نے مزید کہا ’بلوچستان کا بڑا حصہ خشک سالی سے متاثر ہے، تدارک نہ ہوا تو بلوچستان کے رہنے والے نقل مکانی پر مجبور ہوں گے، پرویز مشرف کے دور میں کوئٹہ کے لیے پانی کے منصوبے کا اعلان ہوا جس پر تا حال عمل در آمد نہ ہو سکا۔‘

    امیر جماعت اسلامی سراج الحق نے کہا کہ بلوچستان میں بڑے پیمانے کی کرپشن پر نیب کی کوئی نظر نہیں، وزیرِ اعلی بلوچستان نے اعتراف کیا کہ 4 ماہ میں تبدیلی نہیں آ سکی، پڑھے لکھے نوجوان بے روزگار ہیں۔

    یہ بھی پڑھیں:  کوئٹہ میں زلزلے کے جھٹکے، شہریوں میں خوف وہراس

    انھوں نے کہا کہ سی پیک کا سب سے زیادہ فائدہ بلوچستان کے عوام کو ہونا چاہیے، گوادر کے ماہی گیروں کو خطرات لا حق ہیں، حکومت تدارک کرے، سی پیک میں بلوچستان کےلیے ترقیاتی منصوبوں کو پھر شامل کیا جائے۔

    انھوں نے اس بات پر افسوس کا اظہار کیا کہ غیر مسلم شراب پر پابندی کا بل لاتا ہے، لیکن مسلمان مخالفت کرتے ہیں، اپوزیشن ہو یا حکومت سب کا احتساب ہونا چاہیے، مدینے کی ریاست کی طرف قدم اٹھائیں گے تو ہم حمایت کریں گے۔

  • الیکشن کمیشن نے مسلم لیگ ن کے اثاثوں کی تفصیلات ظاہر کر دیں

    الیکشن کمیشن نے مسلم لیگ ن کے اثاثوں کی تفصیلات ظاہر کر دیں

    اسلام آباد: الیکشن کمیشن آف پاکستان نے سیاسی جماعتوں کے اثاثوں کی تفصیلات جاری کر دیں، مسلم لیگ ن 22 کروڑ 21 لاکھ 16 ہزار 406 روپے کے اثاثوں کے ساتھ سرِ فہرست نکلی۔

    تفصیلات کے مطابق الیکشن کمیشن سے جاری کردہ سیاسی جماعتوں کے اثاثوں کی تفصیلات میں مسلم لیگ ن سب سے زیادہ اثاثوں کی مالک جماعت نکل آئی۔

    [bs-quote quote=”جماعت اسلامی 11 کروڑ 6 لاکھ 53 ہزار 978 کے اثاثوں کی مالک نکلی۔” style=”style-7″ align=”left” color=”#dd3333″][/bs-quote]

    الیکشن کمیشن کے دستاویز کے مطابق پی ٹی آئی 11 کروڑ 64 لاکھ 24 ہزار 836 روپے کی مالک ہے۔

    پاکستان پیپلز پارٹی کے اثاثوں کی مالیت 16 کروڑ 52 لاکھ 84 ہزار 423 روپے ہے، جب کہ چوتھے نمبر پر جماعت اسلامی 11 کروڑ 6 لاکھ 53 ہزار 978 کے اثاثوں کی مالک نکلی۔

    دستاویز کے مطابق پی پی پی پارلیمنٹیرین 7 کروڑ 92 لاکھ 4 ہزار 355 روپے کے اثاثوں کی مالک ہے، جب کہ مسلم لیگ ق 5 کروڑ 81 لاکھ 480 روپے کی مالک ہے۔

    یہ بھی پڑھیں:  احتساب عدالت میں نواز شریف کے خلاف ریفرنسز کی سماعت پیر تک ملتوی

    اے این پی 4 کروڑ 17 لاکھ 26 ہزار 350 روپے کی مالک، جے یو آئی ف 2 کروڑ 82 لاکھ 73 ہزار 592 روپے کی مالک، جب کہ پی ایس پی کے اثاثوں کی مالیت 35 لاکھ 65 ہزار 818 روپے ہے۔

    دستاویز کے مطابق پاکستان عوامی تحریک 19 لاکھ 10 ہزار 434 روپے کے اثاثوں کی جب کہ عوامی مسلم لیگ 2 لاکھ 88 ہزار 268 روپے کے اثاثوں کی مالک ہے۔

  • حکومت نے آئی ایم ایف کے مطالبے پر اشیائے خورونوش کی قیمتوں میں اضافہ کیا: سراج الحق

    حکومت نے آئی ایم ایف کے مطالبے پر اشیائے خورونوش کی قیمتوں میں اضافہ کیا: سراج الحق

    لاہور: جماعت اسلامی کے امیر سراج الحق نے کہا ہے کہ آئی ایم ایف کے مطالبے پر ہی اشیائے خورونوش کی قیمتوں میں اضافہ کیاگیا.

    ان خیالات کا اظہار انھوں نے میڈیا سے گفتگو کرتے ہوئے کیا. سینیٹر سراج الحق کے مطابق حکومت نےکہا تھا کہ آئی ایم ایف کے پاس نہیں جائے گی، اسے اپنے قول پر قائم رہنا چاہیے.

    سینیٹرسراج الحق نے عوامی مسائل کی نشان دہی کرتے ہوئے کہا کہ اشیائے کی بڑھتی قیمتوں کے باعث عوام کو شدید مسائل کا سامنا ہے.

    انھوں‌نے کہا کہ حکومت ایک بارپھرآئی ایم ایف کے ساتھ مذاکرات کررہی ہے، قیمتوں میں‌اضافے کے پیچھے آئی ایم ایف کا مطالبہ ہے.

    مزید پڑھیں: حکومت نے عام آدمی کی زندگی مشکل بنادی: سراج الحق

    سینیٹر سراج الحق نے کہا کہ روزمرہ کی 1800 سے زائد چیزوں کی قیمتیں بڑھا دی گئیں، نان فائلرکے خلاف بھی حکومت آئی ایم ایف کے مطالبے پرایکشن لے رہی ہے.

    امیر جماعت اسلامی نے کہا کہ حکومت آئی ایم ایف کے شکنجےمیں آنے کے بجائے خودانحصاری پرعمل کرے، ورنہ صورت حال گمبھیر شکل اختیار کرسکتی ہے۔