Tag: جماعت اسلامی

امیر جماعت اسلامی سید منور حسن کہتے ہیں جن کو طالبان کے ساتھ مذاکرات کامینڈیٹ ملا وہ اس سے پہلو تہی کر رہے ہیں، طالبان کی جانب سے مذاکرات پر آمادگی کا اظہار خوش آئند ہے۔

لاہور میں میڈیا سے گفتگو میں سید منور حسن کا کہنا تھا کہ اب حکومت طالبان پر یہ الزام نہیں لگا سکتی کہ وہ مذاکرات نہیں چاہتے۔ امیر جماعت اسلامی نے مطالبہ کیا کہ طالبان کے ساتھ مذاکرات کیلئے وزیرداخلہ کی سربراہی میں فوری طور کمیٹی تشکیل دی جائے۔

سید منور حسن نے کہا کہ طالبان مساجد ،مدارس سمیت عبادت گاہوں پر حملے نہیں کرسکتے ۔ اسرائیلی تخریب کار ملک میں دہشتگردی کی کاروائیاں کررہے ہیں، منور حسن کا کہنا تھا کہ تبلیغی مراکز، مرحوم غازی احمد اور مولانا فضل الرحمان پر حملے کرنے والے طالبان کیسے ہوسکتے ہیں۔
   

جماعت اسلامی کے امیرسید منور حسن کا کہنا ہے پرویزمشرف کے ٹرائل کو منطقی انجام تک پہنچانے کیلئے اعلیٰ عدلیہ کی مدد ضروری ہے۔

کراچی میں سیدمنور حسن کاکہناتھا بارہ اکتوبرسےمشرف کےٹرائل کی باتیں کرنےوالے ٹرائل سبوتاژ کرنا چاہتے ہیں، منورحسن نے الزام عائد کیا کہ وفاقی وزیرخزانہ اورگورنراسٹیٹ بینک نےعوام کی فلاح کے حوالے سے جھوٹ بولا اورآئی ایم ایف کو ایسا خط لکھا جس میں ان تمام شرائط کوتسلیم کیا گیا، ان کا کہنا تھا کہ اداروں کی نجکاری کو قومی اسمبلی میں زیربحث لایاجائے۔