Tag: جماعت اسلامی

جماعت اسلامی نے 8 فروری کو ہونے والے عام انتخابات 2024 کے لیے اپنے منشور کی جھلک پیش کردی۔ منشور میں معاشی ترقی اور غیرسودی معیشت کے ساتھ ساتھ مفت پٹرول، مفت بجلی و دیگر غیرقانونی مراعات کو بند کرنے پر توجہ مرکوز کی گئی ہے۔

جماعت اسلامی کا انتخابی منشور

• سرکاری کمرشل اراضی زرمبادلہ کی شرط پر پاکستانیوں کو فروخت کریں گے
• تنخواہ میں مہنگائی کے مطابق اضافہ، تعلیم، علاج، رہائش و بڑھاپا الاؤنس
• معاشی ترقی، خود انحصاری، غیرسودی معیشت، خود انحصاری برآمدات میں اضافہ
• تمام سرکاری عمارتوں کی سولر پر منتقلی
• جاگیرداری، سودی معیشت، کرپشن، رشوت، فحاشی، عریانی پروٹوکول کا خاتمہ
• سولر پینل کی ملک میں تیاری
• مہنگائی کا خاتمہ، جی ایس ٹی کی حد 5 فیصد
• کسانوں کو سستے داموں ڈیزل، کھاد، بیج اور زرعی ادویات کی فراہمی
• تنخواہوں پنشنز اور اجرتوں میں مہنگائی کے مطابق اضافہ
• یوٹیلیٹی سہولیات اور شناختی قانونی دستاویزات کے لیے آن لائن فراہمی کی سہولت
• ختم نبوت، ناموس رسالت کا یقینی تحفظ
• شرح خواندگی سو فیصد، تعلیم معیاری اور یکساں
• جمعہ کی چھٹی بحال
• یوتھ بینک کے ذریعے بلاسود قرضے
• مفت پٹرول، مفت بجلی و دیگر غیرقانونی مراعات بند
• یوتھ پارلیمنٹ کا قیام
• چھوٹے ڈیمز کی تعمیر
• خواتین کو تحفظ، عزت، وراثت میں حصہ اور غیراسلامی رسموں سے نجات
• آئی پی پیز سے مہنگی بجلی کے معاہدے ختم
• سمند پار پاکستانیوں کو پارلیمنٹ میں نمائندگی، ووٹ کا حق اور مراعات
• بجلی، گیس کے بلوں میں شامل ٹیکس ختم
• اقلیتوں کے حقوق، عزت و وقار کا بھرپور تحفظ
• مستحق خاندان کے لیے 200 یونٹ بجلی مفت
• بزرگ شہریوں، محروم طبقات، خواجہ سراؤں کو حقوق و مراعات
• بااختیار ضلعی حکومتیں
• کشمیر اور فلسطین کی آزادی اولین ترجیح
• مزدوروں کی مستقل ملازمت اور منافع میں حصہ داری
• افغانستان کی موجودہ حکومت تسلیم کریں گے

امیرجماعت اسلامی سراج الحق نے کہا ہے کہ مسلم لیگ ن، پیپلزپارٹی اور ایم کیو ایم کا دور کبھی واپس نہیں آئے گا.

تفصیلات کے مطابق سراج الحق کا اپنے خطاب میں کہنا تھا کہ کراچی سے لے کر چترال تک غربت ناچ رہی ہے۔ پاکستان کا ہر بچہ پونے 3 لاکھ روپے کا مقروض ہے۔ اس غربت، مہنگائی، بدامنی، کرپشن اور افراتفری کا ذمہ دارکون ہے۔ ان کے ذمہ دار وہ ہیں جنھوں نے 76 سال حکومت کی ہے۔

انھوں نے کہا کہ آج فیصلے کا دن ہے، کراچی کا ریفرنڈم ہوگیا ہے۔ آج کراچی کے عوام نے اپنا فیصلہ سنادیا۔ آج کرپٹ نظام کے خاتمے کا دن ہے۔

امیرجماعت اسلامی نے کہا کہ ایک کہتا ہے کہ ’’ایک باری اور دے دو‘‘۔ میں کہتا ہوں کہ اب کبھی بھی تمہاری باری نہیں آئےگی۔ اب عوام کی باری ہے، جاگیرداروں کی باری ختم ہوگئی۔

سراج الحق نے کہا کہ ہم اس صبح کے انتظار میں ہیں جو محروموں کیلئے حقوق کا پیغام لائے۔ طلبا کے لیے اچھی تعلیم کا پیغام لائے۔ اس صبح کی تلاش میں یہ کاروان چل پڑا ہے،

انھوں نے کہا کہ ن لیگ کا پرانا منشور ہے، نام دیا ہے پاکستان کو نواز دو۔ پاکستان کو نواز کی ضرورت ہے یا امن اور خوشحالی کی ضرورت ہے۔ نوازشریف اپنے بیانیے ’ووٹ کوعزت دو‘ سے دستبردار ہوگئے۔ وزارت عظمیٰ کی کرسی انھیں کبھی بھی میسرنہیں آئے گی

امیر جماعت اسلامی پاکستان آئی پی پیز کا نہیں پاکستانی عوام کا ہے۔ اس ملک میں کرپشن کی وجہ سے مہنگائی ہے۔ ہمارا وعدہ ہے کرپٹ، ڈرگ، شوگر اور قبضہ مافیا کا احتساب کریں گے۔

سراج الحق نے کہا کہ کرپٹ مافیا کا احتساب، آٹا، شوگر مافیا کا احتساب نہیں کیا گیا۔ جماعت اسلامی ان کرپٹ لوگوں کا حساب کرے گی۔ ہم ان کی گردن پرپاؤں رکھ کرحساب لیں گے۔ لوگوں کے صبر کا پیمانہ لبریز ہوچکا ہے۔ پڑھے لکھے نوجوان بے روزگاری کی وجہ سے جرائم کررہے ہیں۔

انھوں نے کہا کہ میرے ساتھ ماہرین کی ٹیم ہے۔ ہم نے ہرشعبے میں ایک ٹیم ورک کیا ہے۔ تاجروں سمیت سب بجلی اور گیس نہ ہونے کے باعث رو رہے ہیں۔ کارخانے بند ہونے سے بےروزگاری میں اضافہ ہوتا ہے۔

سراج الحق نے کہا کہ جماعت اسلامی اقتدار میں آکر صنعتوں کو جتنی ضرورت ہوگی اتنی بجلی دیگی۔ جب صنعت چلتی ہے تو پاکستان چلتا ہے، صنعت رکتی ہے تو پاکستان رک جاتا ہے۔

انھوں نے کہا کہ 112 دن سے فلسطین پر لوہے کی بارش ہورہی تھی۔ غیرمسلموں نے بھی فلسطین کے حق میں جلوس نکالے۔ امریکی خوف سے اگر کوئی خاموش رہا تو ن لیگ اور پیپلزپارٹی ہے۔ اقتدار میں آکر بھی ڈاکٹر عافیہ کی رہائی تک چین سے نہیں بیٹھیں گے۔

کراچی : جماعت اسلامی نے کل انٹرمیڈیٹ بورڈ آفس کے باہر دھرنے کا اعلان کرتے ہوئے کہا کہ جان بوجھ کر ہمارے بچوں کی تعلیمی نسل کشی کی جا رہی ہے، وزیراعلیٰ سندھ رزلٹ کالعدم قرار دیں۔

تفصیلات کے مطابق امیر جماعت اسلامی کراچی حافظ نعیم الرحمان نے پریس کانفرنس کرتے ہوئے انٹر میں فیل ہونے والے طلبا کے حوالے سے کہا کہ ہمارے بچوں سے تعلیم چھین لی گئی ہے، نااہلی اور غفلت کےنتیجے میں بچوں کو فیل کردیا گیا ہے۔

حافظ نعیم الرحمان کا کہنا تھا کہ گیارہویں جماعت سائنس، کامرس، آرٹس گروپ کارزلٹ آیا، پہلے کراچی کے80 فیصد بچوں کو فیل کیا گیا، اب 66 فیصد بچوں کو فیل کردیا گیا ہے۔

امیر جماعت اسلامی نے کہا کہ ایم ڈی کیٹ ٹیسٹ 2 بار لیا گیا، چیٹنگ کرائی گئی ،پیپرلیک کیاگیا، دشمنی میں اتنا آگے نکل گئے کہ ایم ڈی کیٹ،جامعہ کراچی، این ای ڈی ٹیسٹ کے قابل بھی نہ رہیں۔

ان کا کہنا تھا کہ یہ تعلیمی دہشت گردی ہے، تعلیمی نسل کشی کی جارہی ہے، حکمراں طبقہ چاہتا ہےکراچی کےنوجوان کو اسٹریٹ کرمنل، منشیات فروشوں کے حوالے کردیں؟ یا کراچی کے نوجوان خود اسٹریٹ کرمنل بن جائیں؟

حافظ نعیم الرحمان نے کہا کہ انٹر امتحانات صرف مہاجروں نہیں سندھی ،پختونوں،غیرملکیوں نے بھی دیئے، پیپلزپارٹی وڈیرہ شاہی نظام مسلط کرنا چاہتی ہے، کراچی کے بچوں کیلئے راستہ ہی بند کردیا کہ روزگار کیسے ملے۔

وزیراعلیٰ سندھ کے بیان پر امیر جماعت اسلامی کا کہنا تھا کہ نگراں حکومت سندھ پیپلزپارٹی کا ایکسٹینشن ہے، وزیراعلیٰ مقبول باقر سے ایسے ردعمل کی توقع نہیں تھی، آپ کو حالات کی سنگینی کا علم نہیں یا آپ ملے ہوئے ہیں، وزیراعلیٰ سندھ رزلٹ کالعدم قرار دیں۔

حافظ نعیم الرحمان نے کل انٹرمیڈیٹ بورڈ آفس کے باہر دھرنے کا اعلان کرتے ہوئے کہا کہ کل صبح 11بجے انٹربورڈ آفس پر دھرنا دیا جائے گا، دھرنے میں طلبا اپنی مارک شیٹس بھی ساتھ لیکر آئی، شہر کے سارے بچے ہمارے ہیں۔

انھوں نے مطالبہ کیا کہ اسٹیک ہولڈرزکی کمیٹی بنائی جائے اور دوبارہ سےکاپیاں چیک ہوں تاکہ شفافیت سامنےآئے، اگریہ کام نہیں کیا گیا تو پورے عمل کو ایکسپوز کیا جائے گا۔

امیر جماعت اسلامی نے مزید کہا کہ کراچی کا کوئی بھی مسئلہ ہو صرف جماعت اسلامی باہر نکلتی ہے، کراچی میں باقی سب جماعتوں نے سمجھوتہ کیا ہوا ہے، کراچی کے لوگ ان جماعتوں کے رویوں کو سمجھ گئے ہیں ، ہم انہیں بری طرح ناکام کریں گے، جتنے ہتھکنڈے کرلیں مسترد کردیں گے۔

جماعت اسلامی کراچی کے امیر حافظ نعیم الرحمان نے کہا ہے کہ سروے سے ثابت ہوگیا ہے شہرِقائد کے لوگ ایم کیو ایم کو نہیں چاہتے۔

خواتین ورکرز کنونشن سے خطاب کرتے ہوئے حافظ نعیم الرحمان کا کہنا تھا کہ ایم کیو ایم نے کراچی کے مینڈیٹ کا سودا کیا۔ کسی کو زبردستی بند کرکے کسی کو مسلط کرنا میرٹ نہیں۔

جماعت اسلامی کراچی کے امیر کا کہنا تھا کہ اس شہر کو پاکستان تحریک انصاف اور ن لیگ نے اون نہیں کیا۔

حافظ نعیم الرحمان نے کہا کہ کراچی ترقی کرتا ہے تو پاکستان ترقی کرتا ہے۔ کراچی ملک کی معیشت بہتر بنانے میں اہم کردار ادا کرسکتا ہے۔ یہاں کی سڑکیں اور صنعتیں ٹھیک کرنا ہوں گی،

انھوں نے کہا کہ شہر کو برباد کرنے والے اسے صحیح نہیں کریں گے۔ بانی پی ٹی آئی نے بھی کراچی سے کاغذات جمع نہیں کرائے۔

حافظ نعیم کا کہنا تھا کہ مشکل وقت میں ہم ان کے ساتھ ہیں، انھیں بھی شہر کو اون کرنا چاہیے تھا۔

حافظ نعیم الرحمان نے کہا ہے کہ فلسطین کا دو ریاستی نہیں ایک ہی ریاستی حل ہے، جو جنوبی افریقہ نے کیا کاش کوئی مسلم ملک کرتا۔

جماعت اسلامی کے زیراہتمام شارع فیصل پرغزہ ملین مارچ سے خطاب کرتے ہوئے کراچی کے امیر حافظ نعیم کا کہنا تھا کہ ہم جنوبی افریقہ کے ساتھ کھڑے ہیں۔ حماس کے مجاہدوں نے اسرائیل کو شکست سے دوچار کیا ہے۔

غزہ مارچ سے خطاب میں انھوں نے کہا کہ قائداعظم نے بتا دیا تھا کہ اسرائیل کا ناجائز وجود تسلیم نہیں کریں گے۔ فلسطین کے ساتھ غداری نہیں کرنے دیں گے۔

امیرجماعت اسلامی کراچی نے کہا کہ پاکستان میں بلاول اور نواز شریف فلسطینیوں کی حمایت نہیں کررہے جبکہ بلاول اور نواز شریف امریکا کی مخالفت نہیں کررہے۔

حافط نعیم الرحمان نے کہا کہ دنیا کو فلسطینی بچے شہید ہونے نظرنہیں آتے۔ پاکستان کے لوگوں فلسطینیوں کے جذبے کو دیکھو۔ فلسطین کے بچے بھی کہتے ہیں کبھی اسرائیل کو تسلیم نہیں کریں گے۔

انھوں نے کہا کہ 7 اکتوبر کے بعد باضمیر لوگ ایک طرف ہیں۔ لوگ مہم چلائیں گے مگر ہماری ہرمیٹنگ میں فلسطین کا ذکر ہوگا۔

امیرجماعت اسلامی پاکستان سراج الحق کا اپنے آڈیو پیغام میں کہنا تھا کہ لوگ تڑپ رہے ہیں مگر 58 اسلامی ممالک خاموش ہیں۔ اسلامی ممالک امریکا کے ڈر اور دباؤ کی وجہ سے خاموش ہیں۔

سراج الحق کا مزید کہنا تھا کہ ہم نے ملین مارچ کیے، ایک ارب 40 کروڑ روپے کی رقم ان کے حوالے کی۔

انھوں نے کہا کہ ہم نے ایک ایک ملک جا کر دستک دی، مگر ہمارے حکمران خاموش ہیں۔ ایک امت ہونے کے ناتے ہمیں فلسطینیوں کا ساتھ دینا چاہیے تھا۔