ARYNews.tv | Urdu – Har Lamha Bakhabar

Tag: جمعہ

  • جمعہ پڑھنے والوں کو لاتیں مارنے والے بھارتی پولیس اہلکار کا انجام

    جمعہ پڑھنے والوں کو لاتیں مارنے والے بھارتی پولیس اہلکار کا انجام

    دہلی: جمعہ کی نماز پڑھنے والوں کو لاتیں مارنے والے بھارتی پولیس اہلکار کو محکمے نے معطل کر کے اس کے خلاف تحقیقات کا آغاز کر دیا۔

    بھارتی میڈیا رپورٹس کے مطابق دہلی کے اندرلوک ایریا میں نماز جمعہ کی ادائیگی کے دوران نمازیوں کو لاتیں مارنے والا سب انسپکٹر منوج کمار تومر معطل ہو گیا، دہلی پولیس کے اہلکار نے نماز جمعہ کی ادائیگی کے دوران شہریوں کو نماز سے روکا اور نمازیوں کو لاتیں بھی ماری تھیں، جس کی ویڈیو سوشل میڈیا وائرل ہو گئی ہے۔

    دہلی پولیس نے معطلی کا یہ اقدام شہریوں کے شدید احتجاج، سیاسی رہنماؤں کی مذمت اور سوشل میڈیا پر بڑے پیمانے پر غم و غصے کے بعد اٹھایا، بہت سے ایکس صارفین نے واقعے کی ویڈیو وائرل ہونے کے بعد تومر کے خلاف کارروائی کا مطالبہ کیا تھا۔

    راجیا سبھا کے ممبر اور کانگریس کے رہنما عمران پرتاپگڑھی کا کہنا ہے کہ دلی پولیس اہلکار کو انسانیت کے بنیادی حقوق کا ہی علم نہیں، اس پولیس اہلکار کے دل میں ایسی کیا نفرت بھری ہوئی تھی؟ دلی پولیس اس اہلکار کے خلاف مقدمہ درج کرے اور اسے ادارے سے بے دخل کیا جائے۔

    دہلی پولیس نے سڑک پر نماز پڑھنے والوں کو تشدد کا نشانہ بنا ڈالا

    خیال رہے کہ دلی کی مقامی مسجد میں جمعے کی نماز جاری تھی جب کہ نمازی روڈ کے کونے پر باجماعت بماز ادا کر رہے تھے، اس دوران دہلی پولیس کے اہلکار نے نمازیوں کو دھکے دینا اور لاتیں مارنا شروع کر دیں، اہلکار نمازیوں کو نماز پڑھنے سے روک رہا تھا۔

  • آج دیو ہیکل سیارچہ کرۂ ارض کے قریب سے گزرے گا

    آج دیو ہیکل سیارچہ کرۂ ارض کے قریب سے گزرے گا

    ایک بہت بڑا سیارچہ آج زمین کے قریب سے گزرے گا، فلکیاتی ماہرین کا کہنا ہے کہ اس سیارچے کا سائز امریکی پلم جزیرے جتنا ہے۔

    ماہرین فلکیات نے کئی دن قبل اطلاع دی تھی کہ ایک سیارچہ جس کا قطر 1.8 کلومیٹر ہے، آج جمعہ 27 مئی کو زمین کے قریب سے گزرے گا۔

    ناسا کے مطابق اس پتھریلے سیارچے کو 7335 (1989 JA) کا نام دیا گیا ہے، پہلی بار 1989 میں اسے دریافت کیا گیا تھا، یہ ہر 861 دن میں سورج کے گرد چکر لگاتا ہے جب کہ زمین کے مدار سے اوور لیپ ہوتا ہے، یہ ایک چٹانی دیو ہے جو اگر زمین تک پہنچ جائے تو دنیا کی آب و ہوا کو تباہی کے دہانے تک پہنچانے کی صلاحیت رکھتا ہے جس کا نتیجہ قحط اور زندگی کے ضیاع کی صورت میں نکل سکتا ہے۔

    تاہم، ماہرین فلکیات کا کہنا ہے کہ اس کا بالکل بھی امکان موجود نہیں ہے، زمین کے ابتدائی دور میں، تقریباً چار بلین سال پہلے، بمباری کافی عام تھی اور اس نے ہمارے سیارے کو تشکیل دینے میں مدد کی تھی، اب، وہ اعداد و شمار کے لحاظ سے کافی نایاب ہیں، اور اس جتنا بڑا کوئی سیارچہ 500 ملین سال یا اس سے زیادہ عرصے میں صرف ایک بار زمین سے ٹکرانے کا امکان موجود ہے۔

    ماہرین کا کہنا ہے کہ فکر کی کوئی بات نہیں کیوں کہ یہ دیوہیکل چٹان زمین سے 2.5 ملین میل دوری پر گزرے گا، اور 8 میل فی سیکنڈ کی رفتار سے زن کر کے گزرے گا۔

    ناسا نے اس سیارچے کو "ممکنہ طور پر خطرناک” کے طور پر درجہ بند کیا ہے، یعنی اگر اس کا مدار کبھی تبدیل ہوتا ہے اور چٹان زمین کو متاثر کرتی ہے تو اس سے ہمارے سیارے کو بہت زیادہ نقصان پہنچ سکتا ہے۔

    جدہ فلکیاتی انجمن کا کہنا ہے کہ ڈھلتا ہوا چاند اور زہرہ سیارہ کا ملاپ کسی دوربین کے بغیر دیکھا جا سکے گا، جنوب مشرقی افق پر 0.18 ڈگری پر 10.9 منٹ کے قریب چاند اور زہرہ کے درمیان حجاب آئے گا۔

    پھر چاند اور زہرہ سورج طلوع ہونے سے تقریباً 2 گھنٹے قبل ایک ساتھ نظر آئیں گے اور ان کا یہ منظر بے حد حسین ہوگا، حجاب کا باعث یہ ہوگا کہ زہرہ اور چاند کے درمیان سے سیارچہ گزرے گا۔

  • آج دوپہر 12 سے 3 بجے تک کراچی میں تمام سرگرمیاں معطل رہیں گی

    آج دوپہر 12 سے 3 بجے تک کراچی میں تمام سرگرمیاں معطل رہیں گی

    کراچی: حکومت سندھ نے لاک ڈاؤن کو مخصوص وقت کے لیے مزید سخت کرتے ہوئے کہا ہے کہ آج دوپہر 12 سے 3 بجے تک شہر میں تمام سرگرمیاں معطل رہیں گی۔

    اے آر وائی نیوز کے مطابق آج کراچی میں کراچی میں لاک ڈاؤن کا 26 واں روز ہے، جمعہ کے اجتماعات پر پابندی کے باعث تمام مساجد بند کر دی گئی ہیں، دن 12 سے سہ پہر 3 بجے تک کوئی دکان کھلے گی نہ ہی ٹرانسپورٹ چلے گی، شہریوں کو نقل و حرکت کی بھی اجازت نہیں ہوگی۔

    شہر میں تین گھنٹوں کے لیے مکمل لاک ڈاؤن کے دوران خلاف ورزی کے مرتکب افراد کے خلاف قانونی چارہ جوئی کی جائے گی، مساجد میں پیش امام، مؤذن اور انتظامیہ کے 3 سے 5 افراد کو اجازت ہوگی۔

    اس دوران صرف میڈیا، ڈاکٹر، طبی عملہ، رضاکار پابندی سے مستثنیٰ ہوں گے، قانون نافذ کرنے والے اداروں کے اہل کار بھی پابندی سے مستثنیٰ ہوں گے۔

    حکومت سندھ نے عوام سے گزارش کی ہے کہ حکومت کے ساتھ تعاون جاری رکھیں، حجام، دھوبی، درزی، سینیٹری، پلمبر، مکینک اور کارپینٹر کو دکانیں کھولنے کی اجازت نہیں ہوگی، محکمہ داخلہ سندھ کی جانب سے جاری مراسلے کے مطابق تعمیرات اور برآمدی صنعتوں کو محدود پیمانے پر کام کی اجازت دی ہے۔ تعمیراتی شعبے اور برآمدی صنعتوں کو تمام ایس او پیز پر ہر صورت عمل کرنا ہوگا۔

    مراسلے کے مطابق لاک ڈاؤن سے مستثنیٰ شعبوں کو ہر حال میں انڈر ٹیکنگ دینا ہوگی، انڈر ٹیکنگ کے بغیر تعمیراتی شعبے اور برآمدی صنعتوں کو قطعی کام کی اجازت نہیں دی جا سکتی، حکومتی ادارے اچانک ان اداروں کا ایس او پی کے جائزے کے لیے کسی بھی وقت معائنہ کرنے کے مجاز ہیں۔ مرتضیٰ وہاب کے مطابق اگر کوتاہی برتی گئی تو ان کے خلاف قانونی چارہ جوئی کی جائے گی۔

  • کراچی میں جمعہ کے دن 12 بجے سے 3 بجے تک مکمل لاک ڈاؤن کا فیصلہ

    کراچی میں جمعہ کے دن 12 بجے سے 3 بجے تک مکمل لاک ڈاؤن کا فیصلہ

    کراچی: حکومت سندھ نے شہر قائد میں جمعہ کے دن 12 بجے سے 3 بجے تک مکمل لاک ڈاؤن کا فیصلہ کر لیا ہے۔

    تفصیلات کے مطابق کراچی میں جمعہ کے دن 12 بجے سے 3 بجے تک مکمل لاک ڈاؤن کیا جائے گا، ذرایع کا کہنا ہے کہ سندھ حکومت نے اس سلسلے میں علما سے بھی مشاورت کر لی ہے۔

    ذرایع کا یہ بھی کہنا ہے کہ جمعہ کے اجتماعات کو محدود کرنے کے فیصلے سے علما متفق ہیں۔ سندھ حکومت کی جانب سے یہ فیصلہ اس لیے کیا گیا ہے کہ کسی قسم کی بد نظمی پیدا نہ ہو۔

    جمعہ کے روز 12 سے 3 بجے کے درمیان کاروباری مراکز بھی مکمل بند رہیں گے، لاک ڈاؤن کی خلاف ورزی کرنے والوں کے خلاف کارروائی بھی کی جائے گی۔

    کراچی، ڈرائیو تھرو، گاڑی میں بیٹھے کرونا ٹیسٹ کی سہولت متعارف

    خیال رہے کہ سندھ میں کرونا وائرس کے مجموعی کیسز کی تعداد 676 ہو چکی ہے، لاڑکانہ میں 7، سکھر میں 265 کرونا کیسز ہیں، وزیر اعلیٰ سندھ مراد علی شاہ نے آج پریس کانفرنس میں بتایا کہ کراچی اور دیگر اضلاع میں 404 کیسز ہیں، حیدرآباد میں کیسز کی تعداد 128 ہے، دادو میں ایک کرونا وائرس کا کیس ہے۔

    کراچی میں آج صبح تک مجموعی کیسز 275 تھے، لوکل ٹرانسمٹ کے 343 کیسز ہیں، گھروں میں 229 لوگ آئسولیشن میں ہیں، حیدرآباد میں 39 آئسولیشن میں ہیں، 27 افراد صحت یاب ہو کر گھر چلے گئے ہیں، جب کہ صوبے میں وائرس سے 8 اموات ہو چکی ہیں۔ جب کہ صوبے کا پہلا کیس 26 فروری کو سامنے آیا تھا۔

  • جمعے کو ملک بھر میں 12 سے ساڑھے 12 بجے تک ٹریفک روک دی جائے گی

    جمعے کو ملک بھر میں 12 سے ساڑھے 12 بجے تک ٹریفک روک دی جائے گی

    اسلام آباد: جمعے کے روز کشمیریوں سے اظہار یک جہتی کا ابتدائی پروگرام تیار کر لیا گیا ہے، ملک بھر میں 12 سے ساڑھے 12 بجے تک ٹریفک روک دی جائے گی۔

    تفصیلات کے مطابق جمعے کے دن مقبوضہ کشمیر میں بھارتی فوج کے مظالم کے شکار مظلوموں کے ساتھ اظہار یک جہتی کے لیے ملک گیر احتجاج کیا جا رہا ہے۔

    اس سلسلے میں ابتدائی پروگرام ترتیب دے دیا گیا ہے، وفاقی حکومت کا مرکزی اجتماع شاہراہ دستور پر ہوگا، جمعے کی نماز سے قبل 12 سے ساڑھے 12 بجے تک ملک بھر میں ٹریفک روک دی جائے گی۔

    وزیر اعظم عمران خان وزیر اعظم سیکریٹریٹ کے سامنے اجتماع کی قیادت کریں گے، ملک بھر کے تمام اضلاع میں مخصوص مقامات پر احتجاج کیا جائے گا، احتجاج کے لیے جگہ کے تعین کے لیے ڈپٹی کمشنرز کو ٹاسک سونپا گیا ہے۔

    تازہ ترین خبریں پڑھیں:  کشمیریوں سے اظہار یک جہتی: شاہد آفریدی کا ایل او سی دورے کا اعلان

    عوامی نمایندے اپنے حلقوں میں احتجاج کی قیادت کریں گے، احتجاج کے لیے سِول سوسائٹی اور طلبہ کو بھی دعوت دی گئی ہے۔

    ادھر معاون خصوصی برائے اطلاعات فردوس عاشق نے ٹویٹر پیغام کے ذریعے کہا ہے کہ قوم جمعے کو 12 سے ساڑھے 12 بجے تک کشمیریوں سے اظہار یک جہتی کرے گی۔

    انھوں نے کہا کہ جمعے کے روز آدھے گھنٹے کے لیے ٹریفک روکی جائے گی، اجلاس جاری ہوا تو عمران خان کی قیادت میں وزیر اعظم آفس کے باہر جمع ہوں گے، ہر ڈسٹرکٹ میں مظاہرہ کرنے کے لیے ڈپٹی کمشنر مقامات کا تعین کریں گے۔

  • جمعہ کا دن دیگر مذاہب میں بھی اہمیت کا حامل

    جمعہ کا دن دیگر مذاہب میں بھی اہمیت کا حامل

    جمعہ کا دن مسلمانوں کے لیے خصوصی اہمیت کا حامل دن ہے۔ بے شمار اسلامی تاریخی واقعات سے مناسبت رکھنے والے اس دن کو بڑے اہتمام سے نمازِ جمعہ ادا کی جاتی ہے اور خطبۂ جمعہ ہوتا ہے۔

    آپ کو یہ جان کر حیرت ہوگی کہ جمعے کا دن صرف مسلمانوں کے لیے ہی نہیں بلکہ دنیا کی ہر تہذیب کے لیے کسی نہ کسی اہمیت کا حامل ہے۔

    قدیم انگریزی ادوار میں جمعہ یعنی فرائیڈے کا دن فرج یا فریڈج نامی رومن دیوی سے منسوب تھا۔ کہا جاتا ہے کہ اسی دیوی کے نام پر فرائیڈے کا نام رکھا گیا اور دنیا بھر کی مختلف زبانوں میں تقریباً یہی لفظ مختلف لہجوں اور حروف تہجی کے ساتھ رائج ہے۔

    عیسائیت

    قدیم دور کی کچھ حکایتوں کے مطابق عیسائیت کے کچھ فرقوں میں جمعے کے دن کو برا خیال کیا جاتا تھا۔ اس دن خاص طور پر کوئی سمندری سفر کرنے سے گریز کیا جاتا تھا اور کہا جاتا تھا کہ جمعہ کے دن کیے جانے والے سمندری سفر کا اختتام تباہی پر ہوگا۔

    رومن کیتھولکس کے فرقے میں جمعے کے دن کاشت کاری کی جاتی تھی۔ یہ دن حضرت عیسیٰ علیہ السلام کو مصلوب کیے جانے سے بھی منسوب ہے لہٰذا اس دن کاشت کاری کرنا دراصل اس عقیدے کا مظہر تھا کہ جس طرح بیج کو زمین میں دفن کرنے کے بعد نئی زندگی باہر آتی ہے اسی طرح موت کے بعد انسانوں کے لیے بھی ایک نئی زندگی ہوگی۔

    رومن کیتھولکس جمعے کے دن گوشت کھانے سے بھی پرہیز کرتے ہیں اور اس دن سبزیاں کھاتے ہیں۔ مشرقی آرتھوڈوکس چرچ کے ماننے والے جمعہ کے دن روزہ بھی رکھا کرتے تھے۔

    ہندومت

    ہندو مذہب میں بھی جمعے کا دن اہمیت کا حامل ہے۔ یہ دن دیوی درگا اور لکشمی سے منسوب ہے اور اس دن ان دونوں دیویوں کی پوجا کی جاتی ہے۔

    یہودیت

    یہودیوں کے اکثر فرقے بھی جمعہ کے دن کو متبرک خیال کرتے ہیں اور اس دن روزہ رکھا کرتے ہیں۔

    اسلام

    جمعہ عربی کا لفظ ہے جس کا مطلب ہے جمع ہونا۔ اس دن تمام مسلمان دنیاوی مصروفیات چھوڑ کر اللہ کی بارگاہ میں ملی جذبے اور نظم و ضبط کے ساتھ سجدہ ریز ہوتے ہیں۔ اس کے ساتھ ساتھ مختلف حیثیت کے لوگوں کو آپس میں گھلنے ملنے کا موقع بھی ملتا ہے جس سے بھائی چارے اور مسلم یگانگت میں اضافہ ہوتا ہے۔

  • مذہبی جماعتوں کا جمعہ کو یومِ‌ لبیک یا اقصیٰ منانے کا اعلان

    مذہبی جماعتوں کا جمعہ کو یومِ‌ لبیک یا اقصیٰ منانے کا اعلان

    اسلام آباد : مولانا فضل الرحمن، سمیع الحق اور سراج الحق نے جمعہ کو نماز جمعہ کے بعد ملک گیر احتجاجی اجتماعات منعقد کرنے جب کہ علامہ طاہر اشرفی نے جمعہ کو یوم لبیک یا اقصیٰ منانے کا اعلان کردیا.

    اس بات کا اعلان مذہبی جماعتوں کی جانب سے امریکی صدر ڈونلڈ ٹرمپ کی جانب سے یروشلم کو اسرائیلی دارالحکومت تسلیم کرنے اور تل ابیب سے امریکی سفارت خانہ یروشلم منتقل کرنے کے ردعمل پر دیا.

    سربراہ مولانا فضل الرحمان کا کہنا تھا کہ امریکا گو گزشتہ 15 سولہ سال سے عالم اسلام میں جنگ بھڑکانے کی کوششوں میں مگن ہے لیکن اس اعلان کے بعد زخم اور بھی گہرے کر دیئے ہیں.

    انہوں نے کہا کہ پوری قوم کسی تفریق کے بغیر بروز جمعہ ملک بھر میں فلسطینیوں کے ساتھ یکجہتی کا ثبوت اور وحدت کا مظاہرہ کرتے ہوئے ملک گیر احتجاج میں اپنا بھر پور کردار ادا کرے اور امریکا کے خلاف اپنا احتجاج ریکارڈ کروائے.

    امیر جماعت اسلامی سراج الحق اور جے یو آئی کے سمیع الحق نے بھی جمعہ کو یروشلم کو اسرائیل کا دارالخلافہ تسلیم کیے جانے پر ملک گیر احتجاج کا اعلان کرتے ہوئے نماز جمعہ کے بعد مساجد کے باہر احتجاجی مظاہروں کا اعلان کیا ہے.

    دوسری جانب چیئرمین پاکستان علماء کونسل علامہ طاہر اشرفی نے جمعہ کو لبیک یا اقصیٰ کے عنوان سے یوم احتجاج منانے اور اگلے ہفتے اسلام آباد میں آل پارٹیز کانفرنس منعقد کرنے کا اعلان کردیا ہے.

    خیال رہے کہ گزشتہ روز امریکی صدر ڈونلڈ ٹرمپ نے سرکاری طور پر یروشلم کو اسرائیل کا دارالحکومت تسلیم کرتے ہوئے امریکی سفارت خانہ تل ابیب سے یروشلم منتقل کرنے کے حکامات دے دیئے ہیں جس کے بعد مسلم دنیا میں شدید ردعمل دیکھنے میں آرہا ہے.

  • سرکاری حج اسکیم، قرعہ اندازی آج ہوگی

    سرکاری حج اسکیم، قرعہ اندازی آج ہوگی

    اسلام آباد: سرکاری حج اسکیم کےتحت حج درخواستوں کی وصولی کے بعد عازمین کے انتخاب کے لیے قرعہ اندازی آج کی جائے گی۔ سرکاری کوٹے کے تحت 1 لاکھ 69 ہزار 210 خوش نصیب رواں سال حج کی سعادت حاصل کریں گے۔

    تفصیلات کےمطابق مذہبی امور اور بین المذاہب ہم آہنگی کی وزارت کےزیراہتمام رواں سال سرکاری حج اسکیم کے تحت کے حج 2017کےلیے عازمین کے انتخاب کےلیے قرعہ اندازی آج ہوگی۔

    وزارت مذہبی امور کےمطابق کل 3لاکھ 38 ہزار 682 درخواستیں موصول ہوئیں،سب سے زیادہ ایک لاکھ 55 ہزار814 درخواستیں پنجاب سےوصول ہوئیں۔

    صوبہ سندھ سے72 ہزار 934 ،خیبرپختونخواہ سے69 ہزار 779 ،بلوچستان سے ہزار116 درخواستیں جمع ہوئی ہیں۔

    وزارت مذہبی امور کےمطابق اسلام آباد سے 10ہزار33 ،گلگت بلتستان سے 5ہزار 84،فاٹا سے 6ہزارجبکہ آزاد کشمیر سے 2ہزار 622درخواستیں وصول ہوئی ہیں۔

    کامیاب عازمین حج کو خطوط اورموبائل میسجز کے ذریعے اطلاع دی جائے گی جبکہ کامیاب عازمین حج کے نام ویب سائٹسwww.mora.gov.pk اور پر www.hajjinfo.org بھی موجود ہوں گے۔

    حج کےلیےدرخواستوں کی وصولی کاعمل آج سےشروع ہوگا

    خیال رہےکہ سرکاری اسکیم کےتحت حج درخواستوں کی وصولی کاعمل 17اپریل  سےشروع ہوا جو رواں ماہ 26اپریل تک جاری رہا۔اس دوران  3لاکھ سے زائد درخواستیں وصول ہوئیں۔

    سرکاری اسکیم کے تحت حج درخواستیں حبیب بینک لمیٹڈ،یونائٹیڈ بینک لمیٹڈ، نیشنل بینک آف پاکستان، مسلم کمرشل بینک، الائیڈ بینک لمیٹڈ، زرعی ترقیاتی بینک لمیٹڈ، بینک آف پنجاب، بینک الفلاح ،میزان بینک اور حبیب میٹرو بینک کی شاخوں میں جمع کرائی گئیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • مردم شماری کےدوسرے فیزکاآغازجمعےسےہوگا

    مردم شماری کےدوسرے فیزکاآغازجمعےسےہوگا

    اسلام آباد : چھٹی خانہ ومردم شماری کےپہلے مرحلے کادوسرا بلاک جمعے سے شروع ہورہا ہے۔

    تفصیلات کےمطابق مردم شماری کےپہلے مرحلے کا دوسرا بلاک جمعے سےشروع ہوگا۔جو اگلے مہینے کی تیرہ تاریخ کو مکمل ہوگا۔

    اس مرحلے کے دوران صوبہ خیبرپختونخوا کےچھ ہزار چارسوپینتالیس،فاٹا کےایک سو پچیس،پنجاب کےبیس ہزارایک سو اٹھاسی،سندھ کے نوہزار اکیاسی،بلوچستان کےدوہزار آٹھ سوچودہ، آزادکشمیر کےایک ہزاردوسوبائیس اورگلگت بلتستان کےتین سوساٹھ بلاک میں خانہ ومردم شماری ہوگی۔

    پہلےمرحلے کے دوسرے بلاک میں خانہ شماری کاعمل جمعے سے شروع ہوگااور تین روز تک جاری رہےگا۔

    خیال رہے کہ وفاقی دارالحکومت اسلام آباد میں پاکستان ادارہ شماریات میں ایک کنٹرول روم قائم کیا گیا ہےجہاں اب تک شہریوں کی جانب سے1400شکایات موصول ہوئی ہیں۔

    مزید پڑھیں:مردم شماری: کوئٹہ میں ایک ہی والد کے 33 بچے

    یاد رہےکہ مردم شماری کے پہلے مرحلے میں کراچی میں رات کےوقت لوگوں کی گنتی کی گئی۔

    مردم شماری کی ٹیموں نےفٹ پاتھ پر زندگی بسرکرنےوالےافراد کا ڈیٹا جمع کیا۔ضلع جنوبی میں بےگھر افراد کی گنتی کی گئی۔مردم شماری کےپہلےمرحےکاپہلابلاک مکمل ہوگیا۔

    واضح رہےکہ ترجمان مردم شماری کےمطابق پہلے بلاک کے دوران خانہ شماری و مردم شماری مکمل کر لی گئی ۔ذرائع کےمطابق اب تک دس لاکھ سے زائد افراد کا ڈیٹا نادرا سے تصدیق کرایا جا چکا ہے۔

  • پہلا ٹی ٹوئنٹی : پاکستان نے ویسٹ انڈیز کو 9 وکٹوں سے شکست دے دی

    پہلا ٹی ٹوئنٹی : پاکستان نے ویسٹ انڈیز کو 9 وکٹوں سے شکست دے دی

    دبئی: پاکستان نے ٹی ٹوئنٹی ورلڈ چیمپیئن کو پہلے میچ میں نو وکٹوں سے شکست دے دی، تین میچوں کی سیریز میں پاکستان کو ایک صفر کی برتری حاصل ہوگئی۔

    دبئی میں شاہینوں کی اونچی اڑان نے کالی آندھی کا رخ موڑ دیا، ٹی ٹوئنٹی کپتان سرفراز احمد دوسرے امتحان میں بھی سرخرو ہوئے،دبئی میں کھیلے جانے والے پہلے ٹی ٹوئنٹی میچ میں پاکستانی کپتان سرفراز احمد نے ٹاس جیت کر مخالف ٹیم کو پہلے بیٹنگ کی دعوت دی، ابتداء میں ویسٹ انڈین بلے باز پاکستانی باؤلنگ کے سامنے بے بس نظر آئے اور صرف 40 رنز کے اسکور پر 8 کھلاڑی پویلین لوٹ گئے۔

    DUBAI, UNITED ARAB EMIRATES - SEPTEMBER 23: Imad Waim (no.9) of Pakistan celebrates taking the wicket of Andre Fletcher of West Indies during the first T20 International match between Pakistan and West Indies at Dubai International Cricket Stadium on September 23, 2016 in Dubai, United Arab Emirates. (Photo by Tom Dulat/Getty Images)

    عماد وسیم کی گھومتی گیندوں نے بلےبازوں کو گھوما دیا،انہوں نے پہلے ٹی ٹوئنٹی میں کیرئیر کی بہترین بولنگ کردی، عماد وسیم نے اپنے پہلے ہی اوور میں ایون لوئس کی وکٹ لے ڈالی۔ پھر اپنے دوسرے اوور میں فلیچر اور سیمویلز کو پویلین بھیج دیا، دوسرے اسپیل میں چھکوں کےماہر کیرون پولارڈ اور کارلوس براتھ ویٹ کا شکار کیا۔

    cricket1

    سہیل تنویر،حسن علی اورمحمد نواز نے بھی بہتی گنگا میں ہاتھ صاف کیے، فاسٹ بالر سہیل تنویر نے 2 وکٹیں جبکہ محمد نواز اور حسن علی نے ایک ایک وکٹ حاصل کی، پچاس رنزسے پہلے ویسٹ انڈیز کے آٹھ بلے باز پویلین جابیٹھے۔

    West Indies' Kieron Pollard (C) is bowled out by Pakistan's Imad Wasim (unseen) as wicket keeper Sarfaz Ahmed (R) watches on during the first T20I match between Pakistan and West Indies at the Dubai International Cricket Stadium on September 23, 2016. / AFP / KARIM SAHIB (Photo credit should read KARIM SAHIB/AFP/Getty Images)

    ڈوئن براوؤ اور جیروم ٹیلر نے نویں وکٹ کیلئے عالمی ریکارڈ بنایا، ویسٹ انڈیز کی پوری ٹیم ایک سوپندرہ رنزپر ڈھیر ہوگئی۔

    252579.3

    جواب میں شرجیل خان کی مختصرلیکن تیز اننگز نےپاکستان کی جیت کی بنیاد رکھی، بابر اعظم اورخالد لطیف کی شراکت نے میچ پاکستان کی جھولی میں ڈال دیا، پاکستان نے ہدف ایک وکٹ پر ہی حاصل کرلیا، تاہم تین میچوں کی سیریز میں پاکستان کو ایک صفر کی برتری حاصل ہوگئی۔

    یاد رہے ویسٹ انڈیز کی ٹیم نے 2013 کے ٹی ٹوئنٹی میچ میں پاکستان کے خلاف سب سے کم ترین اسکور 124 رنز بنائے تھے تاہم آج کے میچ میں شاہینوں کی عمدہ بالنگ کے باعث ماضی کا ریکارڈ ٹوٹ گیا۔