ARYNews.tv | Urdu – Har Lamha Bakhabar

Tag: جمیکا

  • فلسطین کے حق میں اچھی خبر، ایک اور ملک نے تسلیم کر لیا

    فلسطین کے حق میں اچھی خبر، ایک اور ملک نے تسلیم کر لیا

    کنگسٹن: کیریبین جزیرے کی قوم جمیکا نے بھی فلسطین کی ریاست کو باضابطہ طور پر تسلیم کر لیا۔

    غیر ملکی میڈیا رپورٹس کے مطابق جمیکا نے فلسطین کی ریاست کو باضابطہ طور پر تسلیم کر لیا ہے، جمیکا کی حکومت کا کہنا ہے کہ غزہ پر اسرائیل کی جنگ اور فلسطین میں انسانی بحران کے بعد ریاست فلسطین کو تسلیم کرنے کا فیصلہ کیا ہے۔

    جمیکا کی وزیر خارجہ کامنا جانسن اسمتھ کا کہنا ہے کہ اسرائیل فلسطین تنازع کا سفارتی مذاکرات کے ذریعے حل دیکھنا چاہتے ہیں۔

    جمیکا فلسطین کی ریاست کو تسلیم کرنے والا 142 واں ملک بن گیا ہے، تازہ ترین اعلان کے ساتھ جمیکا نہ صرف اقوام متحدہ کے 141 رکن ممالک کے بلاک میں شامل ہو گیا بلکہ فلسطین کو ایک خودمختار ریاست کے طور پر تسلیم کرنے والی 12 ویں کیریبین ریاست بھی بن گئی۔

    منگل کو خارجہ امور کی وزیر کامنا جانسن اسمتھ نے کہا کہ جمیکا دو ریاستی حل کی وکالت جاری رکھے گا، جو کہ دیرینہ تنازعہ کو حل کرنے، اسرائیل کی سلامتی کی ضمانت دینے اور فلسطینیوں کے وقار اور حقوق کو برقرار رکھنے کا واحد قابل عمل آپشن ہے۔

    اقوام متحدہ میں فلسطینی ریاست کے نائب مستقل مبصر ماجد بامیہ نے جمیکا کے فیصلے سے متعلق ٹویٹر پر اطلاع دی، جب کہ فلسطین کے نائب وزیر خارجہ امل جدو نے X پر لکھا ’’امن، انصاف اور ہمارے لوگوں کے حق خود ارادیت کے ساتھ کھڑے ہونے کے لیے آپ کا شکریہ۔‘‘

    https://urdu.arynews.tv/ireland-says-it-is-open-to-recognising-a-palestinian-state/

  • ’آج آپ کا خوش قسمت دن ہے!‘ گیل نے گیس اسٹیشن آنیوالے صارفین کو حیران کردیا

    ’آج آپ کا خوش قسمت دن ہے!‘ گیل نے گیس اسٹیشن آنیوالے صارفین کو حیران کردیا

    کرس گیل دنیا بھر میں اپنے زوردار اور بلند و بالا چھکوں کی وجہ سے شہرت رکھتے ہیں۔ ویسٹ انڈین بیٹر کو ’یونیورس باس‘ کی عرفیت سے بھی جانا جاتا ہے۔

    گزشتہ دنوں وہ مداحوں کو حیران کرنے جمیکا میں واقع گیس اسٹیشن پہنچ گئے جہاں وہ اپنے مخصوص اسٹائل میں لوگوں کے ساتھ گھل مل گئے۔ مزے کی بات یہ ہے کہ گیل نے اس دوران گیس اسٹیشن آنے والے صارفین کا تمام بل خود ادا کیا۔

    وائرل ہونے والی ویڈیو میں کرس کو کہتے سناجا سکتا ہے کہ ’آج آپ کے لیے خوش قسمت دن ہے، انھوں نے گیس اسٹیشن پر اپنی کار میں فیول ڈلوانے آنے والی خاتوں سے کہا کہ ’آج میں آپ کی گاڑی میں گیس بھروانے کے چارجز ادا کروں گا۔‘

    سابق ویسٹ انڈین اوپنر نے اس دن گیس جمیکا میں واقع ٹیکساکو گیس اسٹیشن میں اسٹیشن آنے والے تمام صارفین کا بل اپنی جیب سے ادا کیا۔

    اس دوران وہ اپنے مداحوں کے ساتھ سیلفی لیتے ہوئے بھی نظر آئے۔ اس دوران مداحوں کو دگنی خوشی ملی نہ صرف انھیں اسٹار کرکٹر کے ساتھ فوٹو کھنچوانے کا موقع میسر آیا بلکہ مفت میں اپنی گاڑی میں گیس بھی بھروانے کو مل گئی۔

    واضح رہے کہ ویسٹ انڈیز کے چند عظیم بلے بازوں میں سے ایک کرس گیل انٹرنیشنل کرکٹ میں 19 ہزار 594 رنز بنانے کا اعزاز رکھتے ہیں جس میں سے انھوں نے 10 ہزار 480 رنز ون ڈے انٹرنیشنلز میں اسکور کررکھے ہیں۔

    وہ انٹرنیشنل کرکٹ میں مجموعی طور پر 42 سنچریاں بنا چکے ہیں۔ گیل نے اپنے کیریئر میں 103 ٹیسٹ، 301 ون ڈے اور 79 ٹی ٹوئنٹی انٹرنیشنلز میں اپنے ملک کی نمائندگی کرنے کا اعزاز حاصل کیا ہے۔

  • بیوی کو قتل کرنے پر پھانسی پانے والا کرکٹر، کیا آپ اسے جانتے ہیں؟

    بیوی کو قتل کرنے پر پھانسی پانے والا کرکٹر، کیا آپ اسے جانتے ہیں؟

    دولت اور شہرت بظاہر تو بہت پرکشش لگتی ہیں لیکن دولت مند اور شہرت یافتہ افراد بھی اپنی ذاتی زندگی میں کئی مسائل سے گزرتے ہیں، کچھ مشہور افراد جرائم بھی کر بیٹھتے ہیں۔

    ایسا ہی ایک سابق کرکٹر کے ساتھ ہوا جنہوں نے غصے میں بے قابو ہو کر اپنی بیوی کو فائرنگ کر کے قتل کردیا جس کے بعد انہیں پھانسی کی سزا دے دی گئی۔

    یہ کہانی جمیکا سے تعلق رکھنے والے سابق فاسٹ بولر لیسلی جارج ہیلٹن کی ہے جنہوں نے 1935 سے 1939 کے درمیان ویسٹ انڈیز کے لیے 6 ٹیسٹ میچز کھیلے۔

    29 مارچ 1905 میں پیدا ہونے والے ہیلٹن کو بچپن سے ہی کرکٹ کا کافی شوق تھا، تاہم نوجوانی میں کلب کرکٹ کھیلتے کھیلتے انہوں نے اپنی کارکردگی بہتر بنائی اور 1927 میں جمیکا کرکٹ ٹیم کے باقاعدہ رکن بن گئے۔

    اگرچہ کئی مواقع پر ہیلٹن ویسٹ انڈیز کرکٹ ٹیم کا حصہ بننے کے لیے مضبوط امیدوار تھے لیکن نامعلوم وجوہات کی بنا پر انہیں نظر انداز کیا گیا، لیکن انہوں نے محنت جاری رکھی اور آخر کار 1935 میں ویسٹ انڈیز کا دورہ کرنے والی انگلش ٹیم کے خلاف انہیں ویسٹ انڈین ٹیم میں منتخب کیا گیا۔

    8 جنوری 1935 میں انہوں نے انگلینڈ کے خلاف ٹیسٹ ڈیبیو کیا اور 4 میچوں کی ٹیسٹ سیریز میں ویسٹ انڈیز کو فتح دلانے میں مدد کی۔

    اس کے بعد انہیں 1939 میں دوبارہ انگلینڈ کے دورے کے لیے منتخب کیا گیا لیکن بعد ازاں آؤٹ آف فارم ہونے کی وجہ سے انہیں ٹیم سے باہر کردیا گیا جس کے بعد ہیلٹن نے فرسٹ کلاس کرکٹ سے ریٹائرمنٹ لے لی۔

    1942 میں ہیلٹن نے ایک پولیس انسپکٹر کی بیٹی لور لائن روز سے شادی کی اور جوڑے کا 1947 میں ایک بیٹا پیدا ہوا۔

    رپورٹس کے مطابق 1950 کی دہائی کی شروعات میں ہیلٹن کی بیوی فیشن ڈیزائنر بننے کے لیے نیویارک کے فیشن اسکول گئیں جہاں ان کی ملاقات ایک نوجوان روئے فرانسس سے ہوئی اور بعد ازاں دونوں کا مبینہ افیئر شروع ہوگیا۔

    1954 میں ہیلٹن کو ایک مبینہ خط میں بیوی کے افیئر کا معلوم ہوا تو دونوں کے درمیان جھگڑا ہوا، سابق کرکٹر نے غصے میں آکر بیوی کو گولیاں مار کر قتل کر دیا اور پھر انہیں پولیس نے گرفتار کرلیا۔

    لیسلی کا مؤقف تھا کہ بیوی نے پہلے اسے گولی مارنے کی کوشش کی لیکن گولی غلط فائر ہوئی، اپنے آپ کو بچانے کے لیے سابق کرکٹر نے گولیاں ماریں۔

    رپورٹس کے مطابق 1954 کے آخر میں جیوری نے ہیلٹن کو مجرم قرار دیا، رحم کی درخواست کے باوجود جج نے سابق ویسٹ انڈین کرکٹر کو موت کی سزا سنائی، تاہم اپیلوں اور درخواستوں کے بعد ہیلٹن کو 17 مئی 1955 کو پھانسی دی گئی۔

    لیسلی جارج ہیلٹن دنیا کے واحد ایسے ٹیسٹ کرکٹر ہیں جنہیں پھانسی دی گئی۔

    ہیلٹن نے ویسٹ انڈیز کی جانب سے 6 ٹیسٹ میچز میں 16 وکٹیں حاصل کیں اور 70 رنز اسکور کیے جبکہ انہوں نے فرسٹ کلاس کیریئر کے 40 میچز میں 120 وکٹیں لیں۔

  • یونیورس باس کرس گیل نے ٹی ٹوینٹی میں 22 ویں سنچری جڑ دی

    یونیورس باس کرس گیل نے ٹی ٹوینٹی میں 22 ویں سنچری جڑ دی

    جمیکا: کیریبیئن پریمیئر لیگ میں کرس گیل کی شاندار کارکردگی کا مظاہرہ کرتے ہوئے ٹی ٹوینٹی کرکٹ میں 22ویں سنچری جڑ دی۔

    تفصیلات کے مطابق کیریبیئن پریمیئر لیگ میں جمیکا کی نمائندگی کرنے والے یونیورس باس کرس گیل نے دھواں دار اننگز کھیلی اور صرف 62 گیندوں پر 116 رنز بنا ڈالے۔

    کرس گیل کی اننگز میں دس بلند و بالا چھکے اور سات چوکے شامل تھے، یونیورس باس 116 رنز بنا کر ناٹ آؤٹ رہے۔

    کیریبیئن پریمیئر لیگ کا 7واں میچ کھیلا گیا جس میں سینٹ کٹس نے پہلی کامیابی حاصل کی اس سے قبل ان کی ٹیم کو 3 میچوں میں شکست ہوئی تھی۔

    سینٹ کٹس کپتان ڈیون تھامس اور ایون لوئس نے 85 رنز کا آغاز فراہم کیا، اس کے بعد دوسری وکٹ پر تھامس اور لوری ایونس کے درمیان 76 رنز کی شراکت داری قائم ہوئی اور تھامس اور لوری ایونس کی پارٹنر شپ کی بدولت 242 رنز کا ہدف 7 گیندوں پر قبل ہی حاصل کرلیا گیا۔

    رپورٹ کے مطابق میچ میں ٹوٹل 37 بلند و بالا چھکے لگے، کرس گیل نے دس اور چیڈوک والٹن نے 8 چھکے لگائے۔

    گیل کی دھواں دار اننگز بھی جمیکا کو شکست سے نہ بچا سکی، سینٹ کٹس نے ہدف 4 گیندوں کو قبل حاصل کرلیا۔

  • ویسٹ انڈیز نےدوسری اننگزمیں 4وکٹوں کےنقصان پر93رنزبنالیے

    ویسٹ انڈیز نےدوسری اننگزمیں 4وکٹوں کےنقصان پر93رنزبنالیے

    جمیکا: ویسٹ انڈیز نے پاکستان کےخلاف پہلے ٹیسٹ میچ کے چوتھے روز دوسری اننگزمیں چاروکٹوں کے نقصان پر 93رنزبنالیے۔

    تفصیلات کےمطابق کنگسٹن میں کھیلے جاررہے ٹیسٹ میچ میں ویسٹ انڈیز کو پاکستان کی پہلی اننگزکی برتری ختم کرنے کے لیے مزید 28رنز درکار ہیں اور اس کی چھ وکٹیں باقی ہیں۔

    پاکستان اور ویسٹ انڈیز کےدرمیان چوتھےروز وشول سنگھ اوربشو بغیر کوئی رنز بنائےکریزپر موجود تھے۔دوسری اننگزمیں ویسٹ انڈیز کی پہلی وکٹ 22رنز کے اسکور پرگری جب یاسرشاہ نے بریتھ ویٹ کو 14کے انفرادی اسکور پرآؤٹ کیا۔

    ویسٹ انڈیز کو دوسرا نقصان 72 کے مجموعی سکور پر اٹھانا پڑا جب یاسر شاہ نے ہیٹمئر کو 20 کے انفرادی اسکور پر بولڈ کر دیا۔ ہوپ نے چھ رنز بنائے اور یاسر شاہ نے انہیں ایل بی ڈبلیو آؤٹ کیا جبکہ پوویل 49 رنز بنا کر یاسر شاہ کی چوتھا شکار بنے۔

    خیال رہےکہ پہلےٹیسٹ میچ کی دوسری اننگز میں ویسٹ انڈیز نے چاروکٹوں کےنقصان پر 93رنزاسکور کرلیے۔

    پہلا ٹیسٹ : پاکستان ٹیم 407رنزبناکرآؤٹ ہوگئی

    واضح رہےکہ اس سےقبل ویسٹ انڈیز کی پہلی اننگز کے اسکور 286 رنز کے جواب میں پاکستان کی پوری ٹیم پہلی اننگز میں 407 رنز بنا کر آؤٹ ہوگئی تھی اور اس طرح پاکستان کو 121 رنز کی برتری حاصل ہوگئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • پہلا ٹیسٹ : پاکستان ٹیم 407رنزبناکرآؤٹ ہوگئی

    پہلا ٹیسٹ : پاکستان ٹیم 407رنزبناکرآؤٹ ہوگئی

    جمیکا: پاکستان اورویسٹ انڈیز کےدرمیان کھیلےجانےوالےپہلےٹیسٹ میچ کےچوتھےروزقومی ٹیم 407رنز بناکر آؤٹ ہوگئی۔

    تفصیلات کےمطابق ویسٹ انڈیز کی پہلی اننگز 286 رنز کے جواب میں مصباح الحق اور اسد شفیق نے چوتھے روز پہلی اننگز کا 201 رنز چار کھلاڑی آؤٹ سے آغاز کیا تو اسد شفیق جلد ہی 22 رنز بنا کر گیبریئل کی گیند پر کیچ آؤٹ ہوگئے۔

    مصباح الحق نے سرفراز احمد کے ساتھ چھٹی وکٹ کی شراکت میں 88 رنز بنائے۔سرفرازا حمد کو54 کے انفرادی سکور پر بشو نے بولڈ کیا جبکہ محمد عامر 11 رنز بنا کر جوزف کی گیند پر وکٹوں کے پیچھے کیچ آؤٹ ہوئے۔

    وہاب ریاض نو رنز بنا کر جوزف کا تیسرا شکار بنے جبکہ یاسر شاہ آٹھ رنز بنا کر رن آؤٹ ہوئے۔پاکستان ٹیم کےکپتانمصباح الحق نے بہترین بلے بازی کا مظاہرہ کیا لیکن وہ صرف ایک رن کی فرق سے اپنی سنچری مکمل نہ کرپائے۔

    مصباح الحق 99 رنز بنا کر ناٹ آؤٹ رہے جبکہ اپنا پہلا میچ کھیلنے والے عباس ایک رن بنا کر چیز کی گیند پر آؤٹ ہوگئے۔پاکستان نے اپنی پہلی اننگز میں 407 رنز بنا کر ویسٹ انڈیز کے خلاف 121 رنز کی برتری حاصل کی۔

    پہلی اننگز میں ویسٹ انڈیز کی جانب سے گیبریئل اور جوزف نے تین، تین جبکہ ہولڈر، بشو اور چیز نے ایک، ایک وکٹ حاصل کی۔

    خیال رہےکہ اس سےقبل پاکستان نےتیسرے روز پہلی اننگزکا آغازکیاتواظہرعلی 15رنز بنانےکےبعد پویلین لوٹ گئے۔احمد شہزاد اوربابراعظم نےاسکورکو 54 رنزتک پہنچایا لیکن اسی اسکورپرشہزاد 31رنز بنانےکےبعد حریف کپتان کی گیند پرایل بی ڈبلیو قرار پائے۔

    یونس خان نےٹیسٹ کرکٹ میں اپنے 10 ہزارمکمل کیے۔یونس خان نے 10ہزاررنزمکمل کرنےکےبعد پراعتماد بیٹنگ کرتے ہوئےنصف سینچری مکمل کی۔

    یونس خان ٹیسٹ کرکٹ میں دس ہزار رنز بنانے والے پہلے پاکستانی بن گئے

    ٹیسٹ کرکٹریونس خان کو 58رنز پرگیبریئل نےآؤٹ کیا اور اپنےاگلےاوور کی پہلی گیند پربابراعظم کوبولڈ کیا۔انہوں نےآٹھ چوکوں اورایک چھکےکی مدد سے 72رنزاسکو کیے۔

    واضح رہےکہ کہ ویسٹ انڈیزکی ٹیم پہلی اننگز میں محمد عامر کی بہترین باؤلنگ کی بدولت 286 رنز بنا کر آؤٹ ہوئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

     

  • پہلاٹیسٹ : ویسٹ انڈیز نے7وکٹوں پر244بنالیے

    پہلاٹیسٹ : ویسٹ انڈیز نے7وکٹوں پر244بنالیے

    جمیکا: ویسٹ انڈیز نےپاکستان کے خلاف تین ٹیسٹ میچوں کی سیریز کےپہلے ٹیسٹ میچ میں7وکٹوں پر244رنزبنالیے۔

    تفصیلات کےمطابق جمیکا کے سبینا پارک میں پہلے ٹیسٹ میچ میں پاکستان نےٹاس جیت کر پہلے فیلڈنگ کافیصلہ کیا اوردوسرے ہی اوور میں می کریگ بریتھ ویٹ محمد عباس کی گیند پر آؤٹ ہوئے۔

    محمد عامر نے ہیٹ میئر اور شے ہوپ کو بھی زیادہ دیر وکٹ پرٹکنےنہ دیا۔ہیٹ میئر 11 اور ہوپ 2 رنز بناسکے، اس کے بعد وشال سنگھ 9 رنز بناکر وہاب ریاض کی گیند کا شکار ہوئے۔

    کھانے کا وقفہ ہوا تو میزبان ٹیم نے چار وکٹوں کے نقصان پر 71 رنز بنائے تھے، کیرن پاول 31 اور روسٹن چیز 12 رنز پر کھیل رہے تھے۔

    کھانے کے وقفے کے بعد کیرون پاول بھی ویسٹ انڈیز کے مجموعی اسکور میں 33 رنز کا اضافہ ہی کرسکے انہیں محمد عامر نے آؤٹ کیا۔ان کے بعد شین ڈاروچ 56 اور روسٹن چیز 63 رنز بنا کر یاسر شاہ کی گیندوں کا کا شکار ہوئے۔

    اس کے بعد پہلے روز کا کھیل کم روشنی کے باعث وقت سے قبل ہی ختم کر دیا گیا۔اس کے بعد پہلے روز کا کھیل کم روشنی کے باعث وقت سے قبل ہی ختم کر دیا گیا۔

    پہلا ٹیسٹ: پاکستان کا ویسٹ انڈیز کے خلاف فیلڈنگ کا فیصلہ

    پاکستان اور ویسٹ انڈیز کی ٹیمیں ٹیسٹ کرکٹ میں 49 بار مدمقابل آئیں جس میں سے 18 میچز میں قومی ٹیم اور 16 میں ویسٹ انڈین ٹیم کامیاب رہی جبکہ 15 میچز ہار جیت کے فیصلے کے بغیر ختم ہوئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • پاکستان اور ویسٹ انڈیز کےدرمیان پہلا ٹیسٹ میچ آج کھیلا جائےگا

    پاکستان اور ویسٹ انڈیز کےدرمیان پہلا ٹیسٹ میچ آج کھیلا جائےگا

    جمیکا: پاکستان اورویسٹ انڈیز کےدرمیان پہلا ٹیسٹ میچ آج جمیکا میں کھیلا جائےگا۔

    تفصیلات کےمطابق پاکستان اور ویسٹ انڈیز کےدرمیان ٹیسٹ سیریز کا پہلا میچ آج جمیکا میں کھیلا جائےگا۔میچ پاکستانی وقت کےمطابق رات آٹھ بجے شروع ہوگا۔

    قومی ٹیم ویسٹ انڈیز کےخلاف ٹی ٹوئنٹی اور ون ڈے سریز جیتنے کےبعد ٹیسٹ سیریز بھی اپنے نام کرنے کے لیے پرامید ہے۔

    مصباح الحق کی قیادت میں قومی ٹیم نے آج میچ کی تیاری کے لیے جمیکا میں بھرپور ٹریننگ کی اور تین گھنٹے کے سیشن کےدوران کوچزنے زیادہ ترتوجہ کھلاڑیوں کی فیلڈنگ اور فریکل فٹنس پر دی۔

    ون ڈے اور ٹی ٹوئنٹی سیریز میں عمدہ باؤلنگ کا مظاہرہ کرنے والے نوجوان فاسٹ باؤلر اب تک مکمل فٹ نہ ہوسکے اور خدشہ ہےکہ آج کے ٹیسٹ میچ میں قومی ٹیم کو ان کی خدمات دستیاب نہیں ہوں گی۔

    تیسراون ڈے: پاکستان نےویسٹ انڈیز کوشکست دےدی

    خیال رہےکہ پاکستان کرکٹ ٹیم کے دو بڑے اسٹارز مصباح الحق اور یونس خان ویسٹ انڈیز کے خلاف آخری باراس ٹیسٹ سیریز میں ایکشن میں نظر آئیں گے۔

    قومی ٹیم کے دونوں کھلاڑیوں کی ویسٹ انڈیز کےخلاف شاندار بیٹنگ سےپاکستان ٹیسٹ رینکنگ میں پانچواں نمبر برقرار رکھ سکتا ہے۔

    واضح رہےکہ پاکستان کے سابق ٹیسٹ کھلاڑی اقبال قاسم کا کہنا ہے کہ ویسٹ انڈیز کے خلاف میچ میں پاکستانی ٹیم کی جیت کےامکانات روشن ہیں لیکن پاکستانی بیٹسمینوں کو ذمہ دارانہ کھیل کا مظاہرہ کرنا ہو گا۔

  • یوسین بولٹ نے سو میٹر کی دوڑ جیت لی

    یوسین بولٹ نے سو میٹر کی دوڑ جیت لی

    ریوڈی جنیرو: ریو اولمپکس 2016 میں جمیکا کے یوسین بولٹ سو میٹر کی دوڑ میں تین طلائی تمغے جیتنے والے پہلے ایتھلیٹ بن گئے.

    تفصیلات کے مطابق دنیا کے تیز ترین انسان یوسین بولٹ نے سومیٹرکی ڈور میں امریکی کھلاڑی جسٹن گالٹن کو سخت مقابلے کے بعد شکست دے کر یہ اعزاز اپنے نام کیا.

    عالمی ریکارڈ یافتہ ایتھلیٹ یوسین بولٹ نے سو میٹر کی دوڑ کا فاصلہ 9.81 سیکنڈ میں طے کیا.

    بولٹ کے حریف گالٹن،جنھیں دو بار ممنوع ادویات استعمال کرنے کے الزام میں پابندی کا سامنا کرنا پڑا ہے،اس مقابلے میں بولٹ سے صرف 0.08 سیکنڈ پیچھے رہے.

    یاد رہے کہ اس سے قبل بولٹ 2008 اور 2012 میں سو میٹر،دو سو میٹر کی دوڑیں جیت چکے ہیں.

    واضح رہے کہ یوسین بولٹ فروری میں کہا تھا کہ وہ 2017 میں ہونے والی عالمی چیمپیئن شپ کے بعد ریٹائرمنٹ لے لیں گے.