کراچی کے درمیان ایک منفرد جنگل موجود ہے، جہاں کالے امردو کا پودا اس کو خاص بناتا ہے جبکہ مختلف اور نایاب قسم کے پھل موجود ہیں۔
کراچی میں مزار قائد کے عقب میں جناح اربن فارسٹ کے نام سے ایک منفرد جنگل موجود ہے۔ 15 ایکڑ پر مشتمل اس جنگل میں مختلف اور نایاب قسم کے پھل موجود ہیں
اس جنگل 4000 ہزار کے قریب پودے لگائے گئے ہیں، اس جنگل کے ریزیڈنٹ انجینئر عبدالعلیم شیخ نے اے آر وائی نیوز کی رپورٹر عشرت خان سے بات کرتے ہوئے کہا کہ موسمیاتی تبدیلیاں پورے دنیا کا مسئلہ بنا ہوا ہے ، اس پر ہم اپنا کردار ادا کررہے ہیں.
اس جنگل میں پرندوں کی چہچاہٹ اور پھلوں اور پھولوں کی خوشبو ، چاروں جانب سبزا ہی سبزا محسور کن ماحول مہیا کرتا ہے جبکہ تتلیاں اور جنگلی حیات بھی یہاں موجود ہے.
اس جنگل موجود کالے امردو کا پودا اس کو خاص بناتا ہے، جنگل کا ایک میاواکی طریقے کے تحت لگائے گئے پودوں پر مشتمل ہیں جبکہ پانی کی ضرورت کو پورا کرنے کے لئے پلانٹ بھی لگایا گیا ہے.
جناح اربن فورسٹ کو دیکھ کر یہ اندازہ لگایا جا سکتا ہے کہ جنگل کہیں بھی بسایا جاسکتا ہے.
جناح اربن فورسٹ شہر کی خوبصورتی میں ایک نیا اضافہ ہے وہی شہر میں بڑھتی الودگی کو کم کرنے کا باعث بھی بن رہا ہے۔