Tag: جناح گراؤنڈ

  • پیپلزپارٹی آج باغِ جناح گراؤنڈ میں سیاسی طاقت کا مظاہرہ کرےگی

    پیپلزپارٹی آج باغِ جناح گراؤنڈ میں سیاسی طاقت کا مظاہرہ کرےگی

    کراچی : پییلزپارٹی آج کراچی میں عوامی طاقت کا مظاہرہ کرے گی، چیئرمین پیپلزپارٹی بلاول بھٹو زرداری جلسے سے خطاب کریں گے۔

    تفصیلات کے مطابق کراچی کے باغِ جناح گراؤنڈ میں چیئرمین پیپلزپارٹی بلاول بھٹو زرداری جلسہ عام سے خطاب کریں گے، جلسے کے تمام ترانتظامات مکمل کرلیے گئے۔

    پیپلزپارٹی کے کارکنوں نے جلسہ گاہ کو پارٹی پرچموں اور بڑے بڑے بینروں اور پارٹی قائدین کی تصاویر سے سجا دیا ہے، جلسہ گاہ میں 40 ہزار سے زائد کرسیاں لگائیں گئیں ہیں۔

    وزیراعلیٰ سندھ مراد علی شاہ بھی رات گئے کارکنوں کا جوش بڑھانے کے لیے باغ جناح پہنچے اور جلسے کے انتظامات کا جائزہ لیا۔

    چیئرمین پیپلزپارٹی بلاول بھٹو زرداری نے آج باغِ جناح گراؤنڈ میں ہونے والے جلسے سے متعلق کہا کہ آج کا جلسہ شہید بینظیر بھٹوکے جلسے کی یادہ تازہ کردے گا۔

    کراچی، پی ٹی آئی اور پی پی کارکنان میں تصادم، تین گاڑیاں نذرآتش

    یاد رہے کہ رواں ہفتے 8 مئی کو حکیم سعید گراؤنڈ میں 12 مئی کو جلسہ کرنے کے معاملے پر دونوں جماعتوں میں تصادم کے نتیجے میں متعدد افراد زخمی ہوگئے تھے۔

    بعدازاں چیئرمین پیپلزپارٹی بلاول بھٹو زرداری نے کراچی کے امن کے لیے عمران خان کو حکیم سعید گراؤنڈ میں جلسہ کرنے کی پیشکش کی تھی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ایم کیو ایم پرلگنے والے تمام الزامات مسترد کرتے ہیں، ڈاکٹرفاروق ستار

    ایم کیو ایم پرلگنے والے تمام الزامات مسترد کرتے ہیں، ڈاکٹرفاروق ستار

    کراچی : متحدہ قومی موومنٹ کے رہنما ڈاکٹر فاروق ستارنے کہا ہے کہ ایم کیو ایم پر را سے فنڈنگ اور بھارت سے تعلقات کے الزامات نئی بات نہیں، ایم کیو ایم نے ماضی میں بھی ایسے الزامات کو مسترد کیا اوراب بھی کرتی ہے۔

    یہ بات انہوں نے ایم کیوایم کے یوم تاسیس کے موقع پرجناح گراؤنڈ میں ہونے والے جلسے سے خطاب کرتے ہوئے کہی۔ جلسے میں کارکنان نے بڑی تعداد میں شرکت کی۔

    فاروق ستار نے کہا کہ الزام لگانےوالے عدالت جائیں، ڈاکٹر فاروق ستار کا کہنا تھا کہ ایم کیو ایم کسی اور کی وکٹ پر کھیلنے کے بجائے سب کو اپنی وکٹ پر کھلائے گی۔

    میڈیا پرالزامات کا جواب میڈیامیں ہی دیں گے، جناح پورکاالزام17سال بعد جھوٹانکلا،عامرخان بھی معافی مانگ کرواپس آگئے۔

    ایم کیو ایم رابطہ کمیٹی کے رکن کمال ملک کا کہنا تھا کہ جن لوگوں نے ایم کیو ایم سے بغاوت کی انہیں نام اسی جماعت نے دیا ہے۔

    نامزد میئروسیم اختر نے اپنے خطاب میں کہا کہ ہمیں کسی کاخوف نہیں،ایم کیوایم سےجانےوالا زیرو ہوجاتا ہے۔

    علاوہ ازیں متحدہ قومی موومنٹ لاہور کے زیر اہتمام پارٹی کے 32 ویں یوم تاسیس کے سلسلے میں صوبائی دفتر میں کیک کاٹنے کی تقریب منعقد کی گئی۔

    تقریب میں کارکنان کی بڑی تعداد شریک ہوئی، اس موقع پر نہ صرف کیک کاٹا گیا بلکہ پارٹی کے ساتھ اظہار یکجہتی کرتے ہوئے کارکنوں اور قائدین کا کہنا تھا کہ متحدہ ہر دور میں استعماری قوتوں کے خلاف صف آرا رہی ہے اور اب بھی متحدہ کو چھوڑ کر جانے والوں کو شرمندگی کا سامنا کرنا پڑے گا۔

     

  • بہت جلد اپنا جناح گراؤنڈ بنا کرجلسہ کریں گے، انیس قائم خانی

    بہت جلد اپنا جناح گراؤنڈ بنا کرجلسہ کریں گے، انیس قائم خانی

    کراچی : انیس قائم خانی نے کہا ہے کہ بہت جلد اپنا جناح گراؤنڈ بنا کر جلسہ کریں گے۔ ہمیں چاہنے والے شہر کی دیوارون پر نعرے نہ لکھیں، یہ بات انہوں نے اپنی رہائش گاہ پر میڈیا سے گفتگو کرتے ہوئے کہی۔

    تفصیلات کے مطابق انیس قائم خانی نے سیاسی جماعتوں کوسرپرائزدینےکااعلان کردیا، کمال ہاؤس میں سیاسی گہما گہمی عروج پر پہنچ گئی ۔

    ایم کیو ایم کے باغی رہنماؤں سے ملاقات کیلئے آنے والوں کی لائن لگ گئی، انیس قائم خانی نے کہا کہ اپنا جناح گراؤنڈ بنا کر جلسہ کریں گے جو ایک سرپرائز ہوگا۔

    انیس قائم خانی کا کہنا تھا کہ متحدہ قومی موومنٹ کے جو بھی لوگ آئیں گے وہ پریس کانفرنس کے ذریعے پتہ چل جائے گا، ایم کیو ایم کی کئی وکٹیں گری ہوئی ہیں، کئی رہنما رابطے میں ہیں۔

    اُن کا کہنا تھا کہ کراچی سمیت پورے سندھ میں ہماری حمایت میں وال چاکنگ ہو رہی ہے۔ اگر ہماری وجہ سے کوئی سمجھتا ہے کہ شہر کا امن خراب ہوگا تو چاہنے والوں سے کہتا ہوں شہر کی دیواروں پر نعرے نہ لکھیں ۔ ہم دیواروں پر نہیں دل میں بسنے آئے ہیں۔

     

  • الگ صوبے کیلئےکسی قربانی سےدریغ نہیں کرینگے، الطاف حسین

    الگ صوبے کیلئےکسی قربانی سےدریغ نہیں کرینگے، الطاف حسین

    کراچی: متحدہ قومی موومنٹ کے قائد الطاف حسین کا کہنا ہے کہ شہری سندھ کے عوام کااب یہ فیصلہ ہے کہ علیحدہ صوبے کے قیام کیلئے انہیں کتنی ہی جانی ومالی قربانیاں کیوں نہ دینی پڑیں وہ کسی بھی قربانی سے دریغ نہیں کریں گے۔

    رابطہ کمیٹی پاکستان لندن ، دیگر شعبہ جات اور ونگز کے ارکان سے گفتگومیں الطاف حسین نے کہاکہ سندھ کی حکومتیں گزشتہ67 سال سے نظراندازکرتی چلی آئی ہیں۔

    الطاف حسین نے عوام سے کہا کہ وہ علیحدہ صوبے کا بہتر سے بہتر نام تجویز کریں کیونکہ یہ ایم کیوایم کا نہیں بلکہ عوام کامطالبہ ہے۔

    الطاف حسین کا کہنا تھا کہ متعصب حکمرانوں نے انیس سو تہتر کوٹہ سسٹم نافذ کرکے نئے صوبے کی بنیاد رکھی تھی، اسی لیے سندھ کے عوام کہہ رہے کہ جینے کا منصوبہ ہوگا ،جب چالیس فیصد والوں کا صوبہ ہوگا۔

    ان کا کہنا تھا کہ علیحدہ صوبہ ایم کیوایم کا نہیں بلکہ عوام کا مطالبہ ہے، عوام ہی نئے صوبے کا نام بہتر تجویز کرسکتے ہیں۔

    الطاف حسین نے کہا کہ سندھ کے شہری عوام کی جانب سےنئے صوبے کے قیام کی رائے سامنے آرہی ہے۔ صوبے کا نام کراچی صوبہ ہو،شہری صوبہ ہو،سندھ ون یا سندھ ٹو ہو یا کچھ اور عوام کی خواہش کا احترام کیا جائے۔

    ان کا کہنا تھا کہ نئے صوبے کے قیام اور نام کے حوالے سے عوام اپنی آرا ایم کیوایم کی ویب سائٹ پر دے سکتے ہیں۔

  • الگ صوبہ سندھ کے شہری عوام کا مطالبہ ہے،الطاف حسین

    الگ صوبہ سندھ کے شہری عوام کا مطالبہ ہے،الطاف حسین

    کراچی : متحدہ قومی موومنٹ کے قائد الطاف حسین نے کہا ہے کہ الگ صوبہ سندھ کے شہری علاقوں کے عوام کا مطالبہ ہے ۔ ملک میں مزید انتظامی یونٹس کا قیام وقت کی ضرورت ہے۔

    ان خیالات کا اظہار انہوں نے جناح گراؤنڈ میں ایک بہت بڑے اجتناع سے خطاب کرتے ہوئے کیا، کنٹونمنٹ انتخابات میں ایم کیوایم کی کامیابی پرجناح گراونڈ میں عوام نے جشن منایا اورڈھول کی تھاپ پررقص کیا۔

    الطاف حسین نے خطاب کرتے ہوئے ایم کیو ایم کے کارکنان اورعوام کوکامیابی پر مبارکباد پیش کی۔

    الطاف حسین الطاف حسین نےقائم علی شاہ کومخاطب کرتے ہوئے کہا صوبے کا نعرہ سندھ کے شہری علاقوں کےعوام نےلگایا ہے انہوں نے نہیں۔

    الطاف حسین کا کہنا تھاکہ پورے ملک میں مزیدانتظامی یونٹس کا قیام وقت کی اہم ضرورت ہے وزیراعلیٰ شہری سندھ کے مسائل حل کرتے توصوبےکےمطالبےکی ضرورت نہ پڑتی۔

  • چینی صدر کے دورے پر صرف شہباز شریف کیوں؟ الطاف حسین

    چینی صدر کے دورے پر صرف شہباز شریف کیوں؟ الطاف حسین

    کراچی : ایم کیو ایم کے قائد الطاف حسین نے کہا ہے کہ اگر چین کے صدر پاکستان کےدورے پر آئے تھے تو شہبازشریف کے سوا دیگر صوبوں کے وزرائے اعلیٰ کدھر تھے؟

    ان خیالات کا اظہار انہوں نے جناح گراؤنڈ میں کارکنان کے اجتماع سے خطاب کرتے ہوئے کیا، انہوں نے کہا کہ چینی صدر شی جن پنگ نے پاکستان کا دورہ کیا ہے یا صرف پنجاب کا؟

    انہوں نے سوال کیا کہ ان استقبال کے موقع پر وزیر اعلیٰ پنجاب اور وزیر اعظم کی صاحبزادی مریم نواز کس حیثیت سے موجود تھیں؟اس موقع پر دیگر تین صوبوں کے وزراء اعلیٰ کیوں موجود نہیں تھے۔

    الطاف حسین نے کہا کہ ایسے کسی بھی اقدام سے گریز کیا جائے کہ جس سے چھوٹے صبوں میں احساس محرومی پیدا ہو۔ان کا مزید کہنا تھا کہ چینی صدر کا استقبال جس شاندار انداز میں کیا گیا وہ لائق تحسین ہے۔

  • الطاف حسین کی کنورنوید کو کامیابی کی پیشگی مبارکباد

    الطاف حسین کی کنورنوید کو کامیابی کی پیشگی مبارکباد

    کراچی: ایم کیو ایم کے قائد الطاف حسین نے کہا ہے کہ ایم کیوایم کی مقبولیت کم ہونےکی باتیں کرنے والے جلسہ دیکھ لیں گراف بڑھا یاکم ہوا۔

    متحدہ قومی مومنٹ نے این اے دوسو چھیالیس کے ضمنی انتخاب کے سلسلے میں منعقد جلسے میں اپنی سیاسی قوت کا مظاہرہ کیا، جلسے سے خطاب کرتے ہوئے ایم کیو ایم کے قائد الطاف حسین نے کہا کہ جلسے سے ایم کیو ایم کی مقبولیت میں اضافے کا اظہار ہوتا ہے۔

    انہوں نے کہا کہ عوام نے طالبان کی حمایتی جماعتوں کو رد کرکے ایم کیو ایم کی حمایت کی ہے، انہوں نے کہا کہ تئیس اپریل کو نفرت نہیں محبت کی بات ہوگی مخالفین کو مٹھائی کھلائیں گے۔

    الطاف حسین نے پی ٹی آئی اور جے آئی کو پٹائی جی کہہ کر مخاطب کیا اور انہیں کہا کہ وہ انکے غریب خانے پر آئیں انہیں پٹائی نہیں مٹھائی جی کھلائی جائے گی۔

    الطاف حسین کا کہنا تھا کہ ہمیں برابر کا پاکستانی سمجھا جائے اور گلے شکوے بھول کر نیا آغاز کیا جائے،الطاف حسین نے کہا کہ جو مجرم ہو اسے سزا دی جائے۔

    ایم کیو ایم کے قائد الطاف حسین نے وزیراعظم کو مخاطب کرکے کہا کہ بلوچوں کے زخموں پر مرہم رکھا جائے، باوقار خارجہ پالیسی بنائی جائے اور کراچی کے مسائل کو سمجھا جائے۔

     انہوں نے آپریشن ضرب عضب کی کامیابی کی دعا کی،الکرم اسکوائر پرایم کیو ایم نے اپنی سیاسی قوت کا مظاہرہ تحریک انصاف کے شاہراہ پاکستان پر پی ٹی آئی کے جلسے سے ایک روز پہلے کیا ہے۔

    کراچی میں جلسے کے دوران ایم کیو ایم کے قائد الطاف حسین خوشگوار موڈ میں دکھائی دیئے،جلسے میں الطاف حسین نے جہاں سنجیدہ باتیں کیں وہاں انھوں نے مذاقاً بھی کئی جملے ادا کیے جس کا حاضرین نے بھرپور لطف اٹھایا۔

     انہوں نے این اے دو سو چھیالیس سے ایم کیو ایم کے امیدوار کنور نوید جمیل کی کامیابی کی دعا کے ساتھ انھیں دوبارہ دلہا نہ بننے کی بھی تلقین کی، الطاف حسین ہلکے پھلکے انداز کے علاوہ گنگناتے بھی رہے، جلسے کے اختتام پر شاندار آتشبازی کا بھی مظاہرہ کیا گیا۔

  • الطاف حسین کا اراکین ایم کیو ایم رابطہ کمیٹی پر اظہار برہمی

    الطاف حسین کا اراکین ایم کیو ایم رابطہ کمیٹی پر اظہار برہمی

    کراچی : متحدہ قومی مومنٹ کےقائد الطاف حسین نے کہا ہے کہ میں کسی کولڑائی اور قتل کادرس نہیں دےسکتا۔یہ بات انہوں نے جناح گراؤنڈ میں عوامی اجتماع سے خطاب کرتے ہوئے کہی۔

    انہوں نے کہا کہ مخالفین نےشکست تسلیم کرلی ہےابھی سے دھاندلی کےنعرے لگا رہے ہیں،انہوں نے مشورہ دیا کہ جماعت اسلامی اورپی ٹی آئی کوانتخابی مہم کے پیسے خیراتی ادارےمیں دے دینے چاہیئں۔

      انہوں نے اس موقع پر ایم کیو ایم رابطہ کمیٹی  سے اپنی شدید ناراضگی اور شدید برہمی کا بھی اظہار کیا اور دوران خطاب الطاف حسین رو دیئے۔

    ، ان کا کہنا تھا کہ آج کے بعد تمام ہدایات رابطہ کمیٹی دے گی اب کارکنان جانیں اور رابطہ کمیٹی، الطاف حسین کی یہ بات سن کر وہاں موجود کارکنان آبدیدہ ہوگئے اور اپنے قائد کے حق میں جذباتی ہوکر نعرے لگانے لگے ۔

    تاہم بعد ازاں رابطہ کیمٹی اراکین کی جانب سے معذرت کرنے پر الطاف حسین نے ناراضگی ختم کردی۔

  • کارکنان انتخاب کو سبوتاز کرنے والوں کا خواب پورا نہ کریں، الطاف حسین

    کارکنان انتخاب کو سبوتاز کرنے والوں کا خواب پورا نہ کریں، الطاف حسین

    کراچی : ایم کیوایم کے قائدالطاف حسین نے کہا ہے کہ مخالفین این اے دو سو چھیالیس کا ضمنی انتخاب سبوتاژ کرنا چاہتے ہیں،کارکنان مشتعل ہوکر ان کا خواب پورا نہ کریں۔

    ان خیالات کا انہوں نے جناح گراؤنڈ میں جاری  میوزیکل پروگرام میں شرکاءسے خطاب کرتے ہوئے کیا، تفصیلات کے مطابق ایک جانب ایم کیوایم کےزیراہتمام علاقے کے عوام کیلئےجناح گراؤنڈ میں میوزیکل پروگرام جاری ہے۔تو دوسری جانب الطاف حسین این اےدو سو چھیالیس میں سیاسی درجہ حرارت کم کرنےکیلئے سرگرم ہیں۔

    ایک بار پھر کارکنان سے مخاطب ہوئے۔ اس بار کسی بھی سیاسی جماعت کو تنقد کا نشانہ بنانے کے بجائے انھوں نے کارکنان کو صبر کی تلقین کی۔

    الطاف حسین کا کہنا تھا کہ کارکنان کوشش کریں کہ کسی قسم کاجھگڑانہ ہو، مخالفین پتھراؤبھی کریں توجوابی کارروائی سےگریزکریں۔

    الطاف حسین نے امید ظاہر کی کہ تئیس اپریل کی شام تاریخی ہوگی اور کنور نوید جمیل مخالفین کو بھاری مارجن سے چت کرینگے ۔

  • انیس اپریل کےجلسے کے لئے جگہ تبدیل نہیں ہوئی،عمران اسماعیل

    انیس اپریل کےجلسے کے لئے جگہ تبدیل نہیں ہوئی،عمران اسماعیل

    کراچی : پی ٹی آئی رہنماعمران اسماعیل کاکہنا ہے کہ انیس اپریل کےجلسے کی جگہ تبدیل نہیں کررہے۔90فیصد امکان ہے کہ جلسہ جناح گراؤنڈ میں ہی بہوگا۔

    تفصیلات کے مطابق ان خیالات کا اظہار کراچی کے حلقہ این اے دوسوچھیالیس سے پی ٹی آئی کے اُمیدوارعمران اسماعیل نے میڈیاسے گفتگوکرتے ہوئے کیا ۔

    انہو ں نےکہا کہ اُنیس اپریل کوہونے والے جلسے کیلئے جگہ کی کمی کے باعث کسی دوسری مناسب جگہ کی تلاش میں ہیں تاہم نوے فیصدامکان ہے کہ جلسہ جناح گراؤنڈمیں ہی ہوگا۔

    انہوں نے کہا کہ کل عمران خان کی جناح گراؤنڈ آمد پر کچھ بدنظمی ہوئی۔جسے جلدی کنٹرول کر لیا گیا، ان کا کہنا تھا کہ پی ٹی آئی کارکنان پر ہونے والے پچھلے حملوں کاکچھ نہیں کہہ سکتے۔

    لیکن کل جو واقعہ رونما ہوا اس واقعے میں ایم کیوایم کے کارکنان حملہ آوروں کوروکنے کی کوشش کررہے تھے۔