لاہور: پی ٹی آئی کے سابق رہنما جہانگیر ترین کا کہنا ہے کہ جناح ہاؤس واقعے پر دلی افسوس ہوا، پی ٹی آئی کے کارکن جھنڈے لیکر اندر آئے، اب پی ٹی آئی کی لیڈرشپ اور خان صاحب کاکردار ہے کہ وہ کیا کرتے ہیں۔
تفصیلات کے مطابق پاک فوج سے اظہار یکجہتی کیلئے جہانگیرترین،عون چوہدری ،اسحاق خاکوانی اور فیصل جبوانہ کے وفد نے جناح ہاؤس کا دورہ کیا۔
اس موقع پر جہانگیر ترین نے نے میڈیا سے گفتگو کرتے ہوئے کہا کہ اس واقعے پر دلی افسوس ہے اس عمل کی کوئی معافی نہیں ہے، ماضی میں بھی لوگوں کو گرفتار،سزائیں ملی مگر ایسا واقعہ نہیں ہوا۔
جہانگیر ترین کا کہنا تھا کہ یہ لوگ پی ٹی آئی کے جھنڈے لیکر اندر آئے تھے، بہت افسوس کی بات ہے کہ یہ سب کچھ ہوا۔
صحافی نے سوال کیا جہانگیر صاحب سنا ہے آپ سیاسی جماعت بنانے جارہے ہیں؟ جس پر جہانگیرترین نے جواب دیا کہ یہ سیاسی بات کرنےکاموقع نہیں ہے، میری خان صاحب سے سیاسی وابستگی اوردوستی بھی تھی۔
ان کا مزید کہنا تھا کہ ان چیزوں کی توہم مذمت ہی کرسکتےہیں، اس طرح کی حرکتوں اور پرتشدد رویوں پر 100فیصد پابندی ہوئی چاہئیے، یہ جن لوگوں نے کیا وہ کیفرکردارتک پہنچیں گےتو آئند نہیں ہوگا۔
صحافی نے سوال کیا خان صاحب نے ابتک ان تمام چیزوں کی مذمت کیوں نہیں کی، جس پر انھوں نے کہا کہ میرا خان صاحب سے کنکشن ٹوٹ گیا ہے کچھ نہیں کہہ سکتا، ان چیزوں کی توہم مذمت ہی کرسکتے ہیں، پی آئی کی لیڈر شپ اور خان صاحب کا کردار ہے کہ وہ کیا کرتے ہیں۔
سابق پی ٹی آئی رہنما کا کہنا تھا کہ یہ وہ لوگ ہیں جو بارڈر پر کھڑے ہوکر ہماری حفاظت کرتے ہیں ، یہ سرحدی محاذ پر پاکستان کیلئے گولیاں کھاتے ہیں، یہ کوئی نہ بھولے کہ پاک افواج کا کیا کردار ہے۔
جہانگیر ترین نے کہا کہ بھٹو، بینظیر اور نوازشریف کوسزاہوئیں لیکن انہوں نےکبھی ایسانہیں کیا، پی ٹی آئی میں رہ کر جوجدوجہد کی وہ سب نئےپاکستان کیلئے تھی، کیونکہ چاہتے تھے کہ نوجوانوں کامستقبل بہترہو۔
