لاہور: پولیس نے جناح ہاؤس سے مور کی چوری میں ملوث ملزم عبداللہ کی ہلاکت کی خبر کو جھوٹی قرار دے دیا۔
تفصیلات کے مطابق لاہورپولیس نے جناح ہاؤس سے مور کی چوری میں ملوث ملزم عبداللہ کی ہلاکت کی خبروں کی تردید کرتے ہوئے کہا کہ سوشل میڈیا پر ملزم کی ہلاکت کی خبر،تصویر جھوٹی،من گھڑت ،بے بنیاد ہے۔
پولیس کا کہنا تھا کہ ملزم کو کیمپ جیل لاہورمیں شناخت پریڈ کے لیے عدالتی تحویل میں دیا گیاتھا، ملزم عبداللہ دیگر قیدیوں کےساتھ محفوظ ہے،سپرنٹنڈنٹ جیل نے تصدیق کی ہے۔
سوشل میڈیا پر جناح ہاؤس سے مور کی چوری میں ملوث ملزم عبداللہ ولد عزیز الرحمان کی ہلاکت کے حوالے سے سوشل میڈیا پر گردش کرنے والی خبر اور تصویر جھوٹی،من گھڑت اور بے بنیاد ہے۔
کیمپ جیل کے سپرنٹنڈنٹ سے معاملے کی تصدیق کے مطابق ملزم عبداللہ دیگر تمام قیدیوں کے ساتھ بالکل محفوظ ہے pic.twitter.com/dgkB0ZFZZd— Capital City Police Lahore (@ccpolahore) May 25, 2023
یاد رہے کور کمانڈر ہائوس پر حملے کے دوران مور چوری کرنے والے کو لاہور پولیس نے مری کے علاقے پھگواڑی سے گرفتار کیا تھا۔
خیال رہے کمانڈر لاہور اور جناح ہاؤس سے توڑ پھوڑ کرنے کے بعد قیمتی اشیاء چرانے والوں کی گرفتاری کا سلسلہ جاری ہے۔
بیشتر شر پسندوں کی شناخت کر لی گئی ہے، جن میں دانش منیر، سعود، عدنان اشرف، فاروق زمان، علی حسن، چوہدری مسعود شامل ہیں۔
شرپسندوں نے لاہور میں جناح ہاؤس جلایا، توڑ پھوڑ کی، اور قیمتی اشیا چوری کیں، جن کے خلاف قانون حرکت میں آیا۔
جنرل عاصم منیر کا کہنا تھا کہ فوج اپنی طاقت عوام سےحاصل کرتی ہے،فوج اور عوام میں خلیج کی کوشش ناقابل برداشت اورناقابل معافی عمل ہے،فوج اور عوام میں دراڑ کی کوشش ریاست مخالف عمل تصورہوگا۔
