Tag: جنرل آسٹن

راولپنڈی: آرمی چیف نے کہا ہے کہ قبائلیوں نے اپنے علاقے سے دہشت گردوں کو نکالنے میں اہم کردار ادا کیا،قبائلی علاقوں میں حالات معمول پر آنے تک فوج اپنا مشن جاری رکھے گی۔

مہمند ایجنسی میں ترقیاتی کاموں کاجائزہ لینے کے دوران جوانوں سے خطاب میں آرمی چیف کاکہناتھاتعمیر نو اور بحالی کے اقدامات سے حالات بہتر ہوں گے، نوجوانوں کیلئے تعلیم اور اقتصادی مواقع فراہم کرنے سے دور رس نتائج برآمدہوں گے۔ان کاکہناتھا علاقے میں حالات جلد معمول پر آجائیں گے۔

 آرمی چیف کو اس موقع پر مہمند ایجنسی میں جاری ترقیاتی منصوبوں پر بریفنگ دی گئی۔آرمی چیف نے کہاکہ افغان نیشنل آرمی کے اپنے علاقوں میں آپریشنز سےسرحد پاردہشت گردی روکنےمیں مددملے گی۔جبکہ ترقیاتی منصوبوں کی تکمیل سے دہشت گردی کو جڑ سے اکھانے میں مدد ملے گی۔

راولپنڈی: پاک فوج کے سربراہ جنرل راحیل شریف تین روزہ دورے پرآج برطانیہ روانہ ہوں گے۔

پاک فوج کے شعبہ تعلقات عامہ کےڈائریکٹرجنرل میجرجنرل عاصم باجوہ کے مطابق آرمی چیف جنرل راحیل شریف دورے کے دوران برطانیہ کی عسکری اور سیاسی قیادت سے ملاقات کریں گے۔

آئی ایس پی آر کے مطابق آرمی چیف جنرل راحیل شریف برطانیہ کی عسکری قیادت کو آپریشن ضرب عضب کے حوالے سے آگاہ کریں گے،آرمی چیف کچھ عرصہ پہلے دورہ امریکا بھی کرچکے ہیں۔

گزشتہ روز آرمی چیف جنرل راحیل شریف نے امریکی سینٹرل کمانڈ کے کمانڈر جنرل آسٹن سے ملاقات کی تھی، ملاقات میں دونوں رہنماؤں کے درمیان علاقائی سیکیورٹی، باہمی دلچسپی کے امور پر تبادلہ خیال کیا گیا تھا۔

راولپنڈی : آرمی چیف جنرل راحیل شریف نے امریکی سینٹرل کمانڈ کے کمانڈر جنرل آسٹن سے ملاقات کی۔ ملاقات میں دونوں رہنماؤں کے درمیان علاقائی سیکیورٹی، باہمی دلچسپی کے امور پر تبادلہ خیال ہوا۔

امریکی جنرل آسٹین کا کہنا تھا کہ دہشت گردوں کے خلاف پاک فوج کی قربانیاں قابل قدرہیں۔ انہوں نے ضرب عضب میں دہشت گردوں کیخلاف کارروائیوں پر پاک فوج کی تعریف کی۔

امریکی سینٹرل کمانڈ کے سربراہ جنرل آسٹن نے شہدا کی یادگار پر پھول چڑھائے اور سلامی دی۔

واضح رہے کہ پاک فوج کا ضربِ عضب آپریشن چودہ جون سے جاری ہے، اس دوران پاک فوج کے جوانوں نے متعدد دہشت گردوں کو ہلاک جبکہ ان کے بے شمار ٹھکانوں کو تباہ کردیا گیا ہے۔

گزشتہ ماہ سولہ دسمبر کو پشاور میں آرمی پبلک اسکول پر ہونے والے دہشت گردوں کے حملے کے بعد آپریشن ضربِ عضب میں مزید تیزی آئی ہے،اوردہشت گردوں سے نمٹنے کیلئے مزید  اقدامات کئے جا رہے ہیں ۔

یاد رہے کہ سانحہ پشاورکے بعد آرمی چیف جنرل راحیل شریف افغانستان کے ہنگامی دورے پر روانہ ہوئے،اورافغام حکام سے دہشت گردوں کیخلاف سخت کارروائی کا مطالبہ کیا، جس کے بعد طالبان کے سرغنہ ملا فضل اللہ کی گرفتاری کیلئے آپریشن بھی کیا گیا۔