ARYNews.tv | Urdu – Har Lamha Bakhabar

Tag: جنرل اسمبلی

  • اقوام متحدہ کی جنرل اسمبلی کی صدر آج پاکستان پہنچیں گی

    اقوام متحدہ کی جنرل اسمبلی کی صدر آج پاکستان پہنچیں گی

    اسلام آباد: اقوام متحدہ جنرل اسمبلی کی صدر ماریہ ایسپی نوزا آج پاکستان پہنچیں گی، صدر کا عہدہ سنبھالنے کے بعد کسی ایشیائی ملک کا یہ ان کا پہلا دورہ ہے۔

    تفصیلات کے مطابق اقوام متحدہ جنرل اسمبلی کی نومنتخب صدر ماریہ ایسپی نوزا آج پاکستان پہنچ رہی ہیں، صدر جنرل اسمبلی 22 جنوری تک پاکستان میں قیام کریں گی۔

    ماریہ ایسپی نوزا اپنے پانچ روزہ دورے میں وزیراعظم عمران خان اور صدرمملکت عارف علوی سے خصوصی ملاقات کریں گی۔

    ترجمان دفتر خارجہ ڈاکٹرمحمد فیصل کا کہنا ہے کہ ماریہ ایسپی نوزا وزیرخارجہ شاہ محمود قریشی سے بھی سے بھی ملاقات کریں گی۔

    جنرل اسمبلی کی صدر اپنی سرکاری مصروفیات کے علاوہ خواتین کے پارلیمانی گروپ کی ارکان اور بینظیرانکم سپورٹ پروگرام کی چیئرپرسن سے ملاقات کریں گی اور پاکستان امن مشن کے تربیتی مرکز کا بھی دورہ کریں گی۔

    پاکستانی مندوب ملیحہ لودھی کی جنرل اسمبلی کی صدرسے ملاقات

    یاد رہے کہ رواں ماہ 12 جنوری کو اقوام متحدہ میں پاکستان کی سفیر ملیحہ لودھی نے نیویارک میں جنرل اسمبلی کی نومنتخب صدر ماریہ اسپینوزا سے ملاقات کی تھی۔

    پاکستانی مندوب ملیحہ لودھی کا کہنا تھا کہ کسی بھی صدرجنرل اسمبلی کا یہ 8 سال کے وقفے کے بعد دورہ پاکستان ہے، دورے کے دوران ماریہ ایسپی نوزا صدراوروزیراعظم پاکستان سے ملاقاتیں کریں گی۔

  • پاکستانی مندوب ملیحہ لودھی کی جنرل اسمبلی کی صدرسے ملاقات

    پاکستانی مندوب ملیحہ لودھی کی جنرل اسمبلی کی صدرسے ملاقات

    نیویارک: اقوام متحدہ میں پاکستانی مندوب ملیحہ لودھی کا کہنا ہے کہ صدرجنرل اسمبلی ماریہ اسپینوزا اگلے ہفتے پاکستان کا دورہ کررہی ہیں۔

    تفصیلات کے مطابق اقوام متحدہ میں پاکستان کی سفیر ملیحہ لودھی نے نیویارک میں جنرل اسمبلی کی صدر ماریہ اسپینوزا سے ملاقات کی۔

    پاکستانی سفیر نے بتایا کہ ملاقات میں دورہ پاکستان کی تیاریوں کوحتمی شکل دی گئی، ماریہ اسپینوزا اگلے ہفتے پاکستان کا دورہ کررہی ہیں۔

    ملیحہ لودھی نے کہا کہ کسی بھی صدرجنرل اسمبلی کا یہ 8سال کے وقفےکے بعد دورہ پاکستان ہے، دورے کے دوران ماریہ اسپینوزاصدراوروزیراعظم پاکستان سے ملاقاتیں کریں گی۔

    انہوں نے بتایا کہ صدرجنرل اسمبلی ماریہ اسپینوزا وزیر خارجہ شاہ محمودقریشی سے بھی ملاقات کریں گی۔ اس کے علاوہ وہ خواتین ممبران اسمبلی سے بھی ملاقات کریں گی۔

    پاکستانی سفیر کے مطابق ماریہ اسپینوزا کو کشمیر کی صورت حال سے آگاہ کیا جائے گا، ملاقاتوں میں عالمی اورعلاقائی معاملات پربھی تبادلہ خیال ہوگا۔

    ہم اجتماعیت کےفروغ سے ہی عالمی مسائل کاحل ڈھونڈ سکتے ہیں‘ ملیحہ لودھی

    یاد رہے کہ گزشتہ سال نومبر میں پاکستانی سفیرکا کہنا تھا کہ برابری اورجمہوری تقاضوں پراستوارسلامتی کونسل کےحامی ہیں، باہمی تعلقات میں اجتماعیت اورعالمی نقطہ نظر کو شدید خدشات ہیں۔

    ملیحہ لودھی کا کہنا تھا کہ فعال اورمضبوط اقوام متحدہ عالمی امن اور استحکام کے لیے ناگزیرہے، ہم اجتماعیت کے فروغ سے ہی عالمی مسائل کا حل ڈھونڈ سکتے ہیں۔

  • اقوام متحدہ کی جنرل اسمبلی میں پاکستانی قرار داد اتفاق رائے سے منظور

    اقوام متحدہ کی جنرل اسمبلی میں پاکستانی قرار داد اتفاق رائے سے منظور

    نیویارک : اقوام متحدہ میں پاکستان کی مستقل مندوب ملیحہ لودھی نے کہا کہ تمام ممالک بین المذاہب ہم آہنگی کے لئے مزید اقدامات کریں۔

    تفصیلات کے مطابق اقوام متحدہ میں پاکستان کی سفیر ڈاکٹر ملیحہ لودھی نے اقوام متحدہ کی جنرل اسمبلی میں بین المذاہب ہم آہنگی کے فروغ کی حمایت میں قرار داد پیش کی, جسے اتفاق رائے منظور کرلیا گیا۔

    ڈاکٹر ملیحہ لودھی کا قرار داد میں مذاہبب تہذیبوں کے درمیان بات چیت کو فروغ دینے پر زور دیا۔

    اقوام متحدہ کی جنرل اسمبلی میں پیش کردہ پاکستانی میں کہا گیا ہے کہ مقصد کے حصول کےلیے مزید اقدامات کیے جائیں گے۔

    پاکستان کی مستقل مندوب ملیحہ لودھی کا مزید کہنا تھا کہ تمام ممالک بین المذاہب ہم آہنگی کے لئے مزید اقدامات کریں۔

    مزید پڑھیں : امریکا نے پاکستان کومذہبی پابندیوں کی خصوصی تشویشی فہرست سے استثنیٰ دے دیا

    یاد رہے امریکی محکمہ خارجہ نے پاکستان کا نام مذہبی آزادیوں کی غیر تسلی بخش صورت حال رکھنے والے ممالک کی فہرست میں شامل کرلیا تھا۔

    امریکی وزیرِ خارجہ مائیک پومپیو نے بیان میں کہا تھا کہ انھوں نے یہ فیصلہ اٹھائیس نومبر کو کیا۔ ان ممالک میں پاکستان کے علاوہ برما، چین، اریٹریا، ایران، شمالی کوریا، سوڈان، سعودی عرب، تاجکستان اور ترکمانستان شامل ہیں۔

    ان کا کہنا تھا کہ اس صورتحال میں امریکہ محض تماشائی کا کردار ادا نہیں کرے گا، مذہبی آزادی کے بین الاقوامی قوانین کی حفاظت اور ان کا فروغ ٹرمپ انتظامیہ کی خارجہ پالیسی کی ترجیحات میں شامل ہے۔

  • امریکہ نےاقوام متحدہ کےبجٹ میں 28 کروڑڈالرکی کٹوتی کردی

    امریکہ نےاقوام متحدہ کےبجٹ میں 28 کروڑڈالرکی کٹوتی کردی

    نیویارک: امریکہ نے اقوام متحدہ کے بجٹ میں 28 کروڑ50 لاکھ ڈالر کی کٹوتی کرتے ہوئے کہا کہ کسی کو امریکی عوام کی سخاوت کا ناجائزفائدہ اٹھانے نہیں دیں گے۔

    تفصیلات کے مطابق امریکہ نے اقوام متحدہ کے بجٹ میں 28 کروڑ50 لاکھ ڈالر کی کٹوتی کردی، اقوام متحدہ کے نئے بجٹ برائے سال 19-2018ء میں یہ کٹوتی کی گئی ہے۔

    اقوام متحدہ کے اجلاس میں اگلے دو سال کے لیے 5 ارب 39 کروڑ 60 لاکھ روپے کا بجٹ پیش کیا گیا تھا۔

    امریکی سفیر نکی ہیلی کا کہنا ہے کہ اقوام متحدہ کے بجٹ میں کٹوتی درست سمت میں ایک بڑا قدم ہے، کسی کو امریکی عوام کی سخاوت کا ناجائزفائدہ اٹھانے نہیں دیں گے۔

    امریکی سفیر کا کہنا تھا کہ اقوام متحدہ کی ناکامیاں اور شاہ خرچیاں سب جانتے ہیں اس لیے اقوام متحدہ کے بجٹ میں 285 ملین ڈالرز کم کیے جا رہے ہیں۔

    یروشلم سے متعلق امریکی فیصلے کو اقوام متحدہ نے مسترد کردیا

    خیال رہے کہ گزشتہ ہفتے اقوام متحدہ کی جنرل اسمبلی نے قرارداد منظور کی تھی جس میں امریکہ سے کہا گیا تھا کہ وہ یروشلم کواسرائیل کا دارالحکومت تسلیم کرنے کا فیصلہ واپس لے۔

    امریکی فیصلے کے خلاف قرارداد کے حق میں 128 جبکہ 9 ممالک نے مخالف کی تھی اور35 ممالک نے رائے شماری میں حصہ نہیں لیا تھا۔

    امریکی صدر ڈونلڈ ٹرمپ نے اقوام متحدہ میں امریکی فیصلے کی مخالفت کرنے والے ممالک کو امداد بند کرنے کی دھمکی دی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • یروشلم پرامریکی فیصلے نے امت مسلمہ کو متحد کردیا، فلسطینی سفیر

    یروشلم پرامریکی فیصلے نے امت مسلمہ کو متحد کردیا، فلسطینی سفیر

    اسلام آباد : پاکستان میں فلسطین کے سفیر ابو ولید علی نے کہا ہے کہ امریکی متنازع فیصلے نے امت مسلمہ کو متحد کر دیا ہے البتہ خود امریکا پوری دنیا میں تنہا ہو گیا ہے۔

    ان خیالات کا اظہار انہوں نے اسلام آباد میں پاکستان علماء کونسل کے زیر اہتمام لبیک یا اقصیٰ کانفرنس میں خطاب کرتے ہوئے کیا، فلسطین کے سفیر ابو ولید علی کا کہنا تھا امریکا نے یروشلم کو اسرائیل کا دارالحکومت تسلیم کرنے کا فیصلہ کرکے خود کو تنہا کرلیا ہے۔

    انہوں نے کہا کہ مریکا کے اس متنازع فیصلے نے امت مسلمہ کو ایک پلیٹ فارم پر متحد کردیا ہے اور مسلم امت میں ایک نئی روح پھونک دی ہے جس کا مظہر آج کی یہ کانفرنس بھی ہے جس کا جوش و جذبہ دیدنی ہے۔

    یہ بھی پڑھیں : امریکا نے یروشلم کو اسرائیلی دارالحکومت تسلیم کرلیا

    انہوں نے مزید کہا کہ قبلہ اول کی آزادی انسانی ہی نہیں بلکہ ایمانی مسئلہ بھی ہے جس کے لیے فلسطینی صدر محمود عباس نے جہاں تمام اسلامی ممالک کو اعتماد میں لیا وہیں خادم الحرمین شریفین سے بھی بات کی جنھوں نے یروشلم کے مسئلے پر مکمل حمایت کے عزم کا اعادہ کیا۔

     اسی سے متعلق : یروشلم سے متعلق امریکی فیصلے کو اقوام متحدہ نے مسترد کردیا

    خیال رہے کہ اقوام متحدہ میں جنرل اسمبلی کے اجلاس میں ترکی اور یمن کی جانب سے امریکی فیصلے کے خلاف جمع کرائی گئی قرارداد پر ووٹنگ ہوئی جس میں 128 ممالک نے امریکی فیصلے کو مسترد کردیا جب کہ محض 9 ممالک نے امریکا کی حمایت کی۔

  • یروشلم سے متعلق امریکی فیصلے کو اقوام متحدہ نے مسترد کردیا

    یروشلم سے متعلق امریکی فیصلے کو اقوام متحدہ نے مسترد کردیا

    نیویارک : اقوام متحدہ کی جنرل اسمبلی میں یروشلم کو اسرائیلی دارالحکومت تسلیم کرنے کے امریکی فیصلے کو کثرت رائے سے مسترد کردیا ہے۔

    تفصیلات کے مطابق اقوام متحدہ کی جنرل اسمبلی کے اہم اجلاس میں امریکی صدر ڈونلڈ ٹرمپ کی جانب سے یروشلم کو اسرائیل کا دارالحکومت تسلیم کرتے ہوئے تل ابیب سے امریکی سفارت خانہ یروشلم منتقل کرنے کے فیصلے کے خلاف قرار داد کو کثرت رائے منظور کرلیا ہے۔

    ذرائع کے مطابق امریکی متنازع فیصلے کے خلاف قرارداد کے حق میں 128 اور مخالفت میں 9 ووٹ ڈالے گئے جب کہ 35 ممالک نے جنرل اسمبلی اجلاس میں رائے دہی سے اجتناب کیا یوں کثرت رائے سے امریکی فیصلے کو مسترد کردیا گیا جب کہ امریکا کے اہم اتحادیوں نے بھی قرارداد کے حق میں ووٹ دیا۔

      اسی سے متعلق : امریکا جان لے ! دنیا برائے فروخت نہیں، ملیحہ لودھی

    یاد رہے امریکا کے متنازع فیصلے کے خلاف قرار داد ترکی اور یمن نے پیش کی تھی جس پر امریکا اور اسرائیل نے سخت موقف اپناتے ہوئے کہا تھا کہ امریکا اقوام متحدہ کو مقدم رکھتا ہے اور ہمیشہ دنیا کو مدد فراہم کرتا ہے اس لیے اقوام متحدہ کو امریکی فیصلے کا احترام کرنا چاہیے.

     

     

     

     خیال رہے کہ  اقوام متحدہ میں امریکا کی مستقل مندوب نکی ہیلی نے سماجی رابطے کی ویب سائٹ ٹویٹر پر اپنے ایک دھمکی آمیز پیغام میں امریکا کے خلاف ووٹ دینے والے رکن ممالک کی فہرست پر نظر رکھنے اور سخت ردعمل دینے کا عندیہ دیا تھا۔

     

     یہ بھی پڑھیں : امریکا نے یروشلم کو اسرائیلی دارالحکومت تسلیم کرلیا

    جس کے بعد امریکی صدر ٹرمپ نے بھی امریکا مخالف ووٹ دینے والے ممالک کی امداد میں کٹوتی یا مستقل طور پر امداد بند کردینے کی دھمکی دی تھی تاہم ان کی دھمکیاں کسی کام نہیں آئیں اور فیصلہ ٹرمپ کے مخالف آیا۔

  • بھارت نے رواں سال 1137 بارسرحدوں پربلا اشتعال فائرنگ کی‘ ملیحہ لودھی

    بھارت نے رواں سال 1137 بارسرحدوں پربلا اشتعال فائرنگ کی‘ ملیحہ لودھی

    نیویارک : اقوام متحدہ میں پاکستانی مندوب ملیحہ لودھی کا کہنا ہے کہ بھارت مسلسل سرحدوں کی خلاف ورزی کر رہا ہے، اقوام متحدہ عالمی امن اور سیکیورٹی کےلیے اپنا کردار ادا کرے۔

    تفصیلات کے مطابق اقوام متحدہ میں پاکستان کی سفیر ملیحہ لودھی نے جنرل اسمبلی کے صدررمیروسلولیک سے ملاقات کی جس میں انہوں نے جنرل اسمبلی کے صدر کو سرحدوں پر بھارتی جارحیت سے آگاہ کیا گیا۔

    ملیحہ لودھی نے کہا کہ بھارت نے رواں سال 1137 بارسرحدوں پربلا اشتعال فائرنگ کی جس کے نتیجے میں 47 شہری جاں بحق جبکہ 159 افراد زخمی ہوئے۔

    پاکستانی سفیر نے کہا کہ بھارت سیز فائر معاہدے پرعمل درآمد نہیں کررہا،بھارتی ملٹری کی جانب سے جارحانہ بیانات سامنےآرہے ہیں۔

    اقوام متحدہ میں پاکستان کی سفیر نے کہا کہ پاکستان بھارتی جارحیت کا بھرپورجواب دینےکی صلاحیت رکھتا ہے۔

    بھارت نےمقبوضہ کشمیرمیں ظلم اوربربریت کابازارگرم کررکھاہے‘ملیحہ لودھی

    انہوں نے کہا کہ سرحدوں کی خلاف ورزی پررپورٹ کے حوالے سے پاکستان تمام گروپس کے ساتھ تعاون کررہا ہے جبکہ بھارت نے اپنی طرف کی سرحد کی مانیٹرنگ کی اجازت نہیں دی۔

    ملیحہ لودھی نے کہا کہ جنرل اسمبلی کو کشمیرمیں انسانی حقوق کی سنگین خلاف ورزیوں کومعاملہ اٹھانا چاہیے۔ انہوں نے کہا کہ کشمیر کے معاملے سےتوجہ ہٹانےکے لیے بھارت ایل اوسی پر جارحیت کر رہا ہے۔

    اقوام متحدہ کی جنرل اسمبلی کے صدررمیروسلولیک نے ملیحہ لودھی سے گفتگو کرتے ہوئے کہا کہ بات چیت سےتمام مسائل حل کیے جاسکتے ہیں، مذاکرات کی طاقت پریقین رکھتاہوں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایٹمی جنگ کسی بھی وقت چھڑسکتی ہے‘ شمالی کوریا

    ایٹمی جنگ کسی بھی وقت چھڑسکتی ہے‘ شمالی کوریا

    نیویارک : شمالی کوریا نے امریکہ اور جنوبی کوریا کی فوجی مشقوں کو اشتعال انگیزقرار دیتے ہوئے وارننگ دی ہے کہ ایٹمی جنگ کسی بھی وقت چھڑ سکتی ہے۔

    تفصیلات کے مطابق اقوام متحدہ کی جنرل اسمبلی میں شمالی کوریا کے نائب سفیر کم ان ریونگ نے کہا کہ 1970 سے لے کر اب تک شمالی کوریا کو امریکی کی جانب سے براہ راست خطرات کا سامنا رہا ہے۔

    شمالی کوریا کےسفیر نے کہا کہ ان کے ملک کو قومی اور ملکی دفاع کے لیے ایٹمی ہتھیار رکھنے کا حق ہے۔

    کم ان ریونگ نے کہا کہ امریکی صدر ڈونلڈ ٹرمپ اقوام متحدہ کی جنرل اسمبلی میں اپنے خطاب میں شمالی کوریا کو تباہ کرنے کی دھمکی دے چکے ہیں لہذا امریکہ کی جانب سے خطرات کے پیش نظر شمالی کوریا کواپنے دفاع کے لیے ایٹمی ہتھیاروں سے مسلح ہونا ضروری ہے۔

    شمالی کوریا کے سفیر نے اقوام متحدہ کی جنرل اسمبلی میں امریکہ اور جنوبی کوریا کی فوجی مشقوں کو اشتعال انگیزقرار دیتے ہوئے وارننگ دی ہے کہ ایٹمی جنگ کسی بھی وقت چھڑ سکتی ہے۔

    یاد رہے کہ 29 ستمبر کو برطانوی تھنک ٹینک نے اپنی رپورٹ جاری کی تھی جس میں کہا گیا تھا کہ شمالی کوریااورامریکا کی جنگ کاامکان بہت زیادہ ہے۔

    جاپان کوغرق امریکا کو راکھ اور تاریکی میں بدل دیں گے،شمالی کوریا

    واضح رہے کہ گزشتہ ماہ شمالی کوریا نے دھمکی دیتے ہوئے کہا تھا کہ جاپان کو غرق اور امریکا کو راکھ و تاریکی میں بدل دیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاکستان کوسرحد پارسے دہشت گردی کےخطرےکا سامنا ہے‘ ملیحہ لودھی

    پاکستان کوسرحد پارسے دہشت گردی کےخطرےکا سامنا ہے‘ ملیحہ لودھی

    نیویارک : اقوام متحدہ میں پاکستان کی سفیر ملیحہ لودھی کا کہنا ہے کہ پاکستان کوسرحد پارسے دہشت گردی کےخطرےکا سامنا ہے ان دہشت گردی کرنے والی قوتوں کو پاکستان شکست دے گا۔

    تفصیلات کے مطابق پاکستان کی سفیر ملیحہ لودھی نے اقوام متحدہ کی جنرل اسمبلی سے خطاب کرتے ہوئےکہا کہ پاکستان کی سرزمین پر دہشت گردی کی کارروائیوں کی منصوبہ بندی اور مالی معاونت سرحد پار سے کی جاتی ہے۔

    اقوام متحدہ میں پاکستانی مندوب ملیحہ لودھی نے کہا کہ دہشت گردی کے خلاف دنیا کا سب سے بڑا آپریشن پاکستان نے کیا اور اس کی کامیابیوں کا اندازہ اس بات سے لگایا جا سکتا ہے کہ گزشتہ 2 سال کے دوران ملک میں دہشت گردی کے واقعات میں کمی آئی ہے۔

    ملیحہ لودھی نے کہا کہ پاکستان میں دہشت گردی 2006 کے بعد کم ترین سطح پرہے۔ انہوں نے کہا کہ داعش جیسی قوتوں سےنمٹنےکے لیے مشترکہ لائحہ عمل کی ضرورت ہے۔

    ملیحہ لودھی نے کہا کہ دہشت گردی کے خلاف جنگ میں پاکستان نے 27 ہزار سے زائد شہریوں اور سیکورٹی فورسز کی جانوں کا نذرانہ پیش کیا اور 120 ارب ڈالر سے زائد کا مالی نقصان ہوا۔

    بھارت جنوبی ایشیا میں دہشت گردی کی ماں ہے‘ ملیحہ لودھی

    واضح رہے کہ 24 ستمبر کو اقوام متحدہ میں پاکستان کی مستقل مندوب ملیحہ لودھی نے اقوام متحدہ کی جنرل اسمبلی میں بھارتی وزیرخارجہ کی تقریرکا جواب دیتے ہوئے کہا تھا کہ بھارت جنوبی ایشیا میں دہشت گردی کی ماں ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • طالبان پاکستان میں نہیں افغانستان میں ہیں‘ وزیراعظم شاہد خاقان عباسی

    طالبان پاکستان میں نہیں افغانستان میں ہیں‘ وزیراعظم شاہد خاقان عباسی

    نیویارک : وزیراعظم شاہد خاقان عباسی کا کہنا ہے کہ افغانستان میں جنگ کے ذریعے امن ممکن نہیں ہے، ہم سے زیادہ امن افغانستان میں کوئی نہیں چاہتا۔

    تفصیلات کے مطابق وزیراعظم شاہد خاقان عباسی نے جنرل اسمبلی سے خطاب کے بعد میڈیا سے گفتگوکرتے ہوئے کہا کہ مقبوضہ کشمیرمیں بھارتی مظالم پر250 صفحات کا ڈوزیئرپیش کیا۔

    وزیراعظم پاکستان کا کہنا تھا کہ دہشت گردی کے خلاف دلائل کے ساتھ حقیقت بیان کی،انہوں نے کہا کہ دہشت گردی یا کسی دہشت گردی کے حامی نہیں بلکہ اس کے خلاف جنگ میں شراکت دار ہیں۔

    انہوں نے کہا کہ اگرکوئی دہشت گردی کےخلاف لڑرہا ہےتو وہ پاکستان ہے،انہوں نے کہا کہ ہم نے کہیں سے ڈومور کی آوازنہیں سنی۔

    بھارت نےمحدود جنگ کی پالیسی نہ بدلی تومنہ توڑ جواب ملےگا‘ وزیراعظم

    وزیراعظم شاہد خاقان عباسی نے کہا امریکہ کو کہا ہے کہ افغان مسئلے کا فوجی حل نہیں ہے جبکہ پاکستان افغانستان میں امن چاہتا ہے اورافغان عوام کو مسئلےکا حل خود ہی نکالنا ہے۔ انہوں نے کہا افغانستان میں بھارتی مداخلت قبول نہیں ہے۔

    وزیراعظم شاہد خاقان عباسی نے کہا کہ سول وعسکری قیادت ایک پیج پر ہے اور اس میں کوئی اختلاف نہیں ہے۔

    واضح رے کہ وزیراعظم شاہد خاقان عباسی نے جنرل اسمبلی میں خطاب کرتے ہوئے کہا کہ اگر بھارت نے ایل او سی کو پارکرنے کی کوشش کی یا پاکستان کے خلاف محدود جنگ کی پالیسی پرعمل درآمد کیا تو اس کا بھرپور جواب دیا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔