تحریک انصاف کے سابق وفاقی وزیر فوادچوہدری نے کہا کہ جنرل باجوہ (ر) نے کہا آپ کو میرا شکریہ ادا کرنا چاہیے آپ مقبول ہوگئے۔
تحریک انصاف کے سابق وفاقی وزیر فواد چوہدری نے اے آر وائی نیوز کے ہیڈ آف انویسٹی گیٹو سیل نعیم اشرف بٹ سے گفتگو کی۔
گفتگو میں پی ٹی آئی کے رہنما فواد چوہدری نے کہا کہ پاکستان میں پہلے اسٹیبلشمنٹ تھی اب عمران خان بھی ایک حقیقت ہے جو اس حقیقت کو نظرانداز کرے گا وہ اپنا اور ملک کا نقصان کرے گا۔
فواد چوہدری نے کہا کہ حکومت جانے کے بعد بھی کہا گیا کوئی مسئلہ ہی نہیں الیکشنز ہو رہے ہیں، آخر تک ہمیں باجوہ صاحب نے یہی رکھا اور دوسری طرف سب کچھ ہوتا رہا، بعد میں قمر جاوید باجوہ نے کہا آپکو تو میرا شکریہ ادا کرنا چاہیے کہ آپ مقبول ہوگئے۔
فوار چوہدری کا کہنا تھا کہ جب سے جنرل عاصم منیر نے کمان سنبھالی ہے فرق پڑا ہے، اب نامعلوم کالز نہیں آرہیں اور میڈیا پر بھی عمران خان بلاک نہیں ہورہا۔
انکا کہنا تھا کہ کچھ منفی چیزیں بھی ہیں جس میں ایم پی ایز نے کہا انہیں کالز آرہی ہیں، ہوسکتا ہے ایم پی ایز اپنی اہمیت بتانے کیلئےایسی باتیں کررہے ہوں۔
فواد چوہدری نے انٹرویو میں کہا کہ ہم اسٹیبلشمنٹ سے بنا کر رکھنے کےخواہاں ہیں، 3 بار قمر باجوہ اور ڈی جی آئی ایس آئی کوکہا گیا عمران خان آپکو ڈٰی نوٹیفائی کرینگے، عمران خان نے ایسا کچھ سوچا تک نہ تھا کہ کسی کو ڈی نوٹیفائی کریں۔
فواد چوہدری نے کہا کہ صدر عارف علوی اور اسحاق ڈار کی ملاقاتوں میں بریک تھرو نہیں ہوا، ان کی حکمت عملی یہ ہے کہ عمران خان کو نا اہل کر کےکریمنل کیسز بنائیں
فواد چوہدری نے کہا کہ پھر ایک سال انتخابات ملتوی ہوئے، اس دوران یہ سیاسی طور پر دوبارہ کچھ حاصل کرلیں، لیکن یہ دوبارہ سیاسی پوزیشن نہیں لےسکیں گے ان سے معیشت نہیں سنبھلے گی، تھنک ٹینک پرحیران ہوں اسوقت زرداری نواز کیساتھ کھڑا ہونا مصیبت ہے۔
فواد چوہدری نے اے آروائی نیوز کو انٹرویو دیتے ہوئے کہا کہ ایک تو ہر وقت ریکارڈنگز ہوتی رہتی ہیں یہ بھی بڑا مسئلہ ہے، اصطلاح سے ہٹ کر بات بتائی جائے تو لگتا ہےجیسے سازش ہورہی ہو۔
نعیم اشرف بٹ نے سوال کیا کہ آپ نے قمرباجوہ کے بارے میں بات کی تو اب پرویزالہٰی کے غصے کے لیے تیار ہیں؟ جس پر فواد چوہدری نے کہا کہ اب عمران خان پرویزالٰہی سے تو گائید لائن نہیں لیں گے، پرویزالہٰی نے غصےمیں بات کردی ہوگی وہ کسی کوکچھ نہیں کہیں گے۔
فواد چوہدری نے کہا کہ جس طرح عدم اعتماد آئی، چیف سیکرٹری نے نوٹی فکیشن کیا اس سے تاثر بنتا ہے، اب کوئی ڈبل گیم کرے یا ٹرپل، اسمبلی تو توڑنی پڑےگی۔
پی ٹی آئی رہنما فواد چوہدری نے انٹرویو میں مزید کہا کہ چیف سیکرٹری نے کہا لوگ اسکے کمرے میں آئے لیکن لگتا ہے ایسا نہیں ہوا، چیف سیکرٹری نے اداروں پر ڈالنے کی کوشش کی اصل میں وہ راناثنااللہ تھے۔
