کابل : آرمی چیف جنرل راحیل شریف کا کہنا ہے کہ افغانستان کےدشمن پاکستان کےدشمن ہیں۔ یہ بات انہوں نے وزیر اعظم نواز شریف کے ہمراہ افغانستان کے دورے کے موقع پر کہی۔
آئی ایس پی آر کے بیان کے مطابق جنرل راحیل شریف نےا یف ڈبلیو او کو طور خم جلال آباد کیرج وے منصوبے پرایک ہفتے کے اندر کام شروع کرنے کی ہدایت دی ہے۔
آرمی چیف نےا یف ڈبلیو او سے کہا ہےکہ منصوبے کو جلد مکمل کیا جائے۔منصوبہ کئی برس سے تعطل کا شکارہے۔واضح رہے کہ پاک فوج کے سپہ سالار وزیر اعظم کے ہمراہ کابل کے دورے پر ہیں۔
کراچی : آرمی چیف جنرل راحیل شریف کا کراچی کے قریب ایئر ڈیفنس فائرنگ رینج کا دورہ ایف ایم 90 کروز میزائل سمیت ہر ٹارگٹ کو نشانہ بنا سکتاہےْ
آئی ایس پی آر کی جانب سے اعلامیے کے مطابق آرمی چیف نے ایف ایم 90ایئرڈ یفنس میزائل سسٹم سے فائرنگ کا مشاہدہ کیا ہےْ
ایف ایم 90ایئرڈ یفنس میزائل سسٹم کو حال ہی میں فوج میں شامل کیا گیا ہے، ایف ایم 90 ایئرڈیفنس سسٹم، ڈرونز اور گائیڈڈ میزائل سمیت کئی اہداف کو نشانہ بنا سکتاہے۔
آئی ایس پی آر کے مطابق تجربے کےساتھ ہی نئے میزائل دفاعی سسٹم کی تربیت مکمل ہوگئی۔
گلگت : وزیراعظم نواز شریف اور آرمی چیف جنرل راحیل شریف نے نلتر ہیلی کاپٹرحادثےمیں قیمتی جانوں کی ضیاع پرافسوس کااظہارکیاہے۔حادثے پروزیراعظم نے ایک روزہ سوگ کا بھی اعلان کیا۔
تفصیلات کے مطابق وزیر اعظم میاں نواز شریف نے گلگت کی وادی نلتر میں ہیلی کاپٹرکےاندوہناک حادثے میں شہید پائلٹس اور دوست ممالک کے سفرا کےسوگواران سےاظہارِ تعزیت کیا۔ انھوں نے حادثےکےزخمیوں کے بہترین علاج کی ہدایت بھی دی ۔
ترجمان وزیراعظم کا کہنا ہے کہ افسوسناک حادثے کی اطلاع ملتے ہی وزیراعظم نے دورہ نلتر منسوخ کردیا اورواپس اسلام آباد آگئے۔
دوسری جانب پاک فوج کے سربراہ جنرل راحیل شریف نے ہیلی کاپٹر حادثے پر دکھ اور افسوس کا اظہار کیا ہے۔ پاک فوج کے سربراہ جنرل راحیل شریف کا کہنا ہے کہ ہیلی کاپٹر حادثہ الم ناک اور افسوس ناک ہے جس سے انہیں دکھ پہنچا ہے۔
انہوں نے کہا کہ وہ حادثے میں ہلاک و زخمی ہونے والوں کے ورثاء کے غم میں برابر کے شریک ہیں۔اور دکھ کی اس گھڑی میں ورثاء کے ساتھ ہیں۔
ترجمان دفتر خارجہ کے مطابق تیس سے زائد ممالک کےسفیروں اور ان کی بیگمات کو سی ون تھرٹی طیارے سے گلگت پہنچایا گیا، جہاں سے چار ہیلی کاپٹرز کے ذریعے انہیں نلتر لے جایا جارہا تھا جہاں لینڈنگ کے دوران ایم آئی سترہ ہیلی کاپٹر حادثے کا شکار ہوا۔
راولپنڈی: امریکی فوج کے سربراہ جنرل جان کیمبل نے پاک فوج کے سربراہ جنرل راحیل شریف سے ملاقات کی۔
آئی ایس پی آر اعلامیے کے مطابق جنرل ہیڈکوارٹرز راولپنڈی میں ہونے والی اس ملاقات میں خطے بالخصوص افغانستان کی سیکورٹی صورتحال پر بات چیت کی گئی۔
جنرل جان کیمبل نے آپریشن ضرب عضب کے نتائج کو سراہا۔ ملاقات میں دوطرفہ تعلقات اور باہمی دلچسپی کے امور پر بھی تبادلہ خیال کیا گیا۔
اس سے قبل آرمی چیف جنرل راحیل شریف نے آسٹریلین وزیر خارجہ جولی بشپ سے ملاقات کی ہے، ملاقات میں باہمی اور پیشہ ورانہ دلچسپی سمیت دفاعی تعاون کے امور پر گفتگو کی گئی۔
افواج پاکستان کے سربراہ سے ملاقات کے موقع پر آسٹریلوی وزیر خارجہ جولی بشپ نے کہا کہ آپریشن ضرب عضب میں کامیابیاں قابل قدر ہیں جولی بشپ کا کہنا تھا کہ علاقائی استحکام کے لیے پاکستانی سیکیورٹی اداروں کا کردار قابل قدر ہے ۔
راولپنڈی: آرمی چیف جنرل راحیل شریف کا کہنا ہے کہ دہشتگردوں کا خاتمہ یقینی بنایا جائے گا۔
پاک فوج کے سربراہ راحیل شریف کا کہنا ہے کہ دہشتگردوں کو کسی بھی قسم کی رعایت نہیں دی جائے گی، ان کا کہنا تھا کہ قوم کو گمراہ کرنے والوں پر کڑی نظر رکھنی ہوگی۔
آئی ایس پی آر کے مطابق کرم ایجنسی میں ہونے والے دو دھماکوں میں لیویز اہلکاروں نے قربانی دے کر بڑے نقصان سے بچالیا۔
آئی ایس پی آر کا کہنا تھا کہ خودکش حملہ آوروں نے میچ کے شائقین کو نشانہ بنانے کی کوشش کی تھی، روکے جانے پر خود کو دھماکے سے اڑا لیا، دوسرے خودکش حملہ آور کو لیویز اہلکاروں نے تعاقب کرنے کے بعد نشانہ بنایا۔
آئی ایس پی آر کے مطابق لیویز اہلکاروں نے اپنے اردگرد کے ماحول پر نظر رکھی ہوئی تھی۔
راولپنڈی : آرمی چیف جنرل راحیل شریف نے کہا ہےکہ آخری دہشت گرد کے خاتمے تک پاک فوج کا آپریشن جاری رہےگا۔
یہ بات انہوں نے وادی تیراہ میں شہید ہونےوالے کیپٹن قاسم کی تدفین کے موقع پر کہی۔ آرمی چیف جنرل راحیل شریف نےشہید کیپٹن کی نماز جنازہ میں شرکت کی اور شہید کیپٹن کو خراج عقیدت پیش کیا۔
انہوں نے شہید کیپٹن کی قبر پر پھول چڑھائے اور فاتحہ پڑھی، اس موقع پر مسلح افوا ج کے چاق و چوبند دستے نے شہید کیپٹن کو سلامی پیش کی۔
نماز جنازہ میں، پاک بحریہ کے سربراہ ایڈمرل محمد ذکا اللہ سمیت اعلی فوجی حکام اور شہید کے عزیزواقارب نے شرکت کی۔
کراچی : متحدہ قومی موومنٹ کی رابطہ کمیٹی نے وضاحت کی ہے کہ الطاف حسین نےعسکری قیادت پرکوئی تنقید نہیں کی بلکہ جنرل راحیل شریف کی تعریف کی ہے۔
تفصیلات کے مطابق ترجمان پاک فوج کےسخت ردعمل کے بعد ایم کیوایم کی رابطہ کمیٹی نےاپنےقائد کی تقریرپروضاحتی بیان جاری کیاہے۔
رابطہ کمیٹی کا کہناہے کہ الطاف حسین نےپاک آرمی پرتنقید نہیں کی بلکہ سپہ سالارپراعتماد کا اظہار کرتےہوئےان سےمداخلت کی اپیل کی ہے۔
رابطہ کمیٹی کے مطابق الطاف حسین نےآرمی چیف جنرل راحیل شریف کومخاطب کر تےہوئےکہا تھا کہ وہ ایم کیو ایم کے ساتھ انصاف کریں اور آپریشن ضرب عضب جاری رکھنے کے ساتھ ملکی دولت لوٹنے والوں کیخلاف بھی کارروائی کریں۔
رابطہ کمیٹی نے کہا کہ الطاف حسین نے ہمیشہ اپنےخطابات میں پاک فوج کےکردارکوسراہاہے۔رابطہ کمیٹی نےکہاکہ ایم کیو ایم نے پاک فوج کی حمایت میں نہ صرف ملین مارچ کیابلکہ اپنےلاکھوں کارکنان کو فوج کےلئےوقف کرنےکا اعلان بھی کیا۔جوعوام میں فوج کا مورال بڑھانےکا سبب توہو سکتا ہےنفرت پھیلانےکا نہیں۔
کراچی : آرمی چیف جنرل راحیل شریف نے کورہیڈ کوارٹرکراچی کا دورہ کیا، اس موقع پرآرمی چیف کوکراچی میں امن و امان کی صورتحال سے آگاہ کیا گیا۔ کورکمانڈرکراچی اورڈی جی رینجرز نےآرمی چیف کوبریفنگ دی۔
آرمی چیف جنرل راحیل شریف نے کراچی آپریشن پراطمینان کا اظہار کیا۔ انہوں نے این اے دو سو چھیالیس میں پرامن ضمنی الیکشن پربھی اطمینان کا اظہار کیا۔
آرمی چیف نے سبین محمود کی ٹارگٹ کلنگ کی تفتیش کو تیز کرنےکی ہدایات دیں،آرمی چیف کا کہنا تھا کہ حالیہ ٹارگٹ کلنگ کےواقعات میں انٹیلی جنس ادارے اپنا کردارادا کریں۔
ان کا کہنا تھا کہ کراچی میں حالیہ ٹارگٹ کلنگ کے پیچھے مخصوص عزائم ہیں،اقتصادی ترقی کیلئے کراچی میں امن و امان کا قیام اوّلین ترجیح ہے۔ ۔
آرمی چیف کا کہنا تھا کہ کراچی آپریشن سےٹارگٹ کلنگ اور بھتہ خوری میں کمی آئی ہے،آرمی چیف نے حکومت اورعوام کی مدد سے کراچی میں مافیا کے خاتمے کے عزم کا بھی اظہار کیا اور کہا کہ کراچی آپریشن کومنطقی انجام تک پہنچایاجائےگا۔
راولپنڈی:آرمی چیف جنرل راحیل شریف نے کابہاولپورکادورہ کیا آرمی چیف نے وہاں پاک فوج کےجوانوں سے ملاقات کی، آرمی چیف نے دہشت گردی کے خلاف جوانوں کےحوصلے کی تعریف کی ۔
تفصیلات کے مطابق آرمی چیف جنرل راحیل شریف نے کہا ہے کہ آپریشن ضرب عضب کے باعث ملک میں استحکام لوٹ آیا ہے۔ فاٹا میں دہشت گردوں کا تعاقب کرتے رہیں گے۔
ان خیالات کا اظہارآرمی چیف جنرل راحیل شریف نے بہاولپورکےدورے کے موقع پر کیا۔ آرمی چیف نے بہاولپور میں پاک فوج کےجوانوں سے ملاقات کی۔
اس موقع پر جنرل راحیل شریف نےدہشت گردی کے خلاف جوانوں کے بلند حوصلے کی تعریف کی۔ آرمی چیف نے جوانوں سے خطاب کرتے ہوئے کہا کہ آپریشن ضرب عضب کے باعث ملک میں استحکام لوٹ آیا ہے۔
ان کا کہنا تھا کہ دہشت گردی کے خلاف کوششیں کامیابی سےہمکنارہوں گی۔ جنرل راحیل شریف نے واضح کیا فاٹامیں دہشت گردوں کاتعاقب کرتےرہیں گے۔ آرمی چیف نے کہا دہشت گردی کا خاتمہ ہمیشہ کے لئے یقینی بنایا جائے گا۔
پشاور:بارش سے متاثرہ علاقوں میں پاک فوج کی ٹیموں نے امدادی کام شروع کردیا ہے، ڈی جی آئی ایس پی آر کا کہنا ہےکہ پاک فوج کی ٹیمیں بحالی کےکاموں میں انتظامیہ کی مدد کریں گی۔
پشاورمیں بارشوں سے ہونیوالی تباہی پر ٹوئٹر پر پیغام میں پاک فوج کے ترجمان کا کہنا ہے کہ سی ایم ایچ میں ہنگامی حالت نافذ کردی گئی ہے جہاں ڈاکٹرزعلاج کیلئےموجودرہیں گے۔
In wake of Psr rain/storm,rescue teams despatched to affected areas to assist civ admin.CMH put on alert,Drs present to treat the injured
— AsimBajwaISPR (@AsimBajwaISPR) April 26, 2015
بحریہ ٹاؤن کے ترجمان کا کہنا ہے کہ بحریہ ٹاؤن نے متاثرہ افراد کے لئے امدادی ٹیمیں روانہ کردی ہیں، جس میں موبائل اسپتال اور اسٹاف شامل ہے۔
قائمقام صدر رضا ربانی اور وزیر اعظم نواز شریف نے پشاور میں بارشوں سے ہونیوالے جانی نقصان پر گہرے افسوس کا اظہار کیا ہے،وزیراعظم نےصوبائی حکومت کومشکلات حل کرنے کیلئے فوری اقدامات کی ہدایت کی ہے۔