ARYNews.tv | Urdu – Har Lamha Bakhabar

Tag: جنرل راحیل شریف

  • جنرل راحیل شریف نومبرمیں امریکہ کا سرکاری دورہ کرینگے

    جنرل راحیل شریف نومبرمیں امریکہ کا سرکاری دورہ کرینگے

    راولپنڈی :جنرل راحیل شریف نومبر میں امریکہ کا دورہ کریں گے۔تفصیلات کے مطابق چیف آف آرمی اسٹاف جنرل راحیل شریف آئندہ ماہ نومبر میں امریکہ سرکاری دورے پر جائیں گےجس میں وہ امریکی دفاعی اور عسکری قیادت سے ملاقاتیں کریں گے۔

    جنرل راحیل شریف کو دورہ امریکہ کی دعوت امریکی چیئرمین جوائنٹ چیفس آف اسٹاف کمیٹی جنرل مارٹن ڈملسی نے دی ہے ۔ سولہ نومبر سے شروع ہونے والے ایک ہفتے کے دورے میں جنرل راحیل امریکی وزیردفاع چک ہیگل،چیئرمین جوائنٹ چیفس آف اسٹاف کمیٹی جنرل مارٹن ڈملسی ، امریکی سینٹرل کمانڈ کے سربراہ جنرل لائڈ آسٹن سمیت امریکی دفاعی حکام سے ملاقاتیں کریں گے۔

    جنرل راحیل شریف فلوریڈا کے شہر ٹامپا میں سینٹ کام ہیڈکوارٹر بھی جائیں گے جہاں پاک امریکہ اور افغانستان سے متعلقہ امور زیر غور آئیں گے۔

  • کسی بھی جارحیت کا منہ توڑ جواب دیا جائیگا، جنرل راحیل شریف

    کسی بھی جارحیت کا منہ توڑ جواب دیا جائیگا، جنرل راحیل شریف

    راولپنڈی: چیف آرمی اسٹاف جنرل راحیل شریف کا کہنا ہے کہ کسی بھی جارحیت کا منہ توڑ جواب دیا جائیگااور مسئلہ کشمیر کے حل کے بغیر خطے میں امن کا قیام ممکن نہیں۔

    آرمی چیف جنرل راحیل شریف پاکستان ملٹری اکیڈمی کاکول میں کیڈٹس کی پاسنگ آؤٹ تقریب سے خطاب کررہے تھے۔ ان کا کہنا تھا کہ مسئلہ کشمیر کو اقوام متحدہ کی قراردادوں کے مطابق حل کیا جانا چاہیے۔

    شمالی وزیرستان میں دہشت گردوں کے خلاف جاری آپریشن ضرب عضب کے حوالے سے آرمی چیف جنرل راحیل شریف نے کہا کہ فوج کا مقصد پاکستان سے دہشت گردی کا مکمل خاتمہ کرنا ہے۔ انھوں نے کہا کہ شمالی وزیرستان میں آپریشن ضرب عضب کامیابی سے جاری ہے اور قانون نافذ کرنے والے ادارے خفیہ اداروں کے تعاون سے ملک میں دہشت گردوں کا نیٹ ورک تباہ کر رہے ہیں۔

    ان کا کہنا تھا کہ پاکستان آرمی اتحاد اور امید کی علامت ہے اور خطرات اور قدرتی آفات کے دوران فوج عوام کی امیدوں پر پورا اترے گی۔ آرمی چیف نے کامیاب ہونے والے کیڈٹس کو مبارکباد پیش کرتے ہوئے کہا کہ وہ ان تاریخی لمحات کا حصہ بننے پر فخر محسوس کر رہے ہیں۔

    تقریب میں جنرل راحیل شریف کو گارڈ آف آنر پیش کیا گیا اور پاک فوج کے دستے نے انہیں سلامی بھی دی۔تقریب میں بارہ سو کیڈٹس پاس آؤٹ ہورہے ہیں، جن میں تیس خواتین بھی شامل ہیں۔

  • فاٹا کے چودہ ہزارنوجوان پاک فوج میں بھرتی کئے جائیںگے،آرمی چیف

    فاٹا کے چودہ ہزارنوجوان پاک فوج میں بھرتی کئے جائیںگے،آرمی چیف

    شمالی وزیرستان : چیف آف آرمی اسٹاف جنرل راحیل شریف نے کہا ہے کہ آئندہ پانچ سال میں فاٹا سے چودہ ہزارنوجوانوں کوپاک فوج میں بھرتی کیا جائے گا۔ چیف آف آرمی اسٹاف جنرل راحیل شریف نے ان خیالات کااظہارعید کے روزشمالی وزیرستان کے دورے کے موقع پرکیا۔

    آرمی چیف نے عیدکادن آپریشن ضرب عضب میں مصروف فوجی جوانوں کے ساتھ اگلے مورچوں پرگزارا۔ انھوں نے نمازعید فوجیوں کے ہمراہ وانا میں اداکی، بعدازاں وہ شمالی وزیرستان پہنچے جہاں انھوں نے آپریشن میں مصروف فوجی جوانوں سے ملاقات کی۔

    انھوں نے جاری آپریشن پراپنے بھرپوراطمینان کااظہارکیا۔ اس موقع پرآرمی چیف نے کامیابی سے ہمکنارہونےوالے آپریشن ضرب عضب میں مصروف جوانوں کے حوصلے اور عزم کوسراہا اورکہا کہ عوام اوعر جوانوں کے اس عزم اورولولے کے تحت ملک کو ہمیشہ کیلئے دہشتگردی کے ناسورسے نجات دلاکرہی دم لیں گے۔

    انھوں نے آپریشن کے شہدا کوخراج عقیدت اورزخمیوں کوخراج تحسین پیش کرتے ہوئے کہا کہ انھوں نے ملک کے دفاع کیلئے قیمتی جانوں کی بے مثال قربانیاں دیں۔

    اس موقع پرآرمی چیف نے فاٹا کے نوجوانوں کے لئے پیکیج کااعلان کیا اورکہا کہ آئندہ پانچ سال کے دوران فاٹا سے چودہ ہزارنوجوانوں کوآرمی میں نوکریاں دی جائیں گی۔ پہلے مرحلے میں آئندہ چھ ماہ کے دوران فوری طورپرایک ہزارقبائلی نوجوانوں کوآرمی میں بھرتی کایا جارہا ہے۔

    پاک فوج کی چھائونیوں میں واقع سکولز اورکالجز میں پندرہ سو قبائلی بچوں کوفری تعلیم مہیا کی جائے گی۔ ہرسال ملٹری کیڈٹس کالجز میں بھی قبائلی بچوں کیلئے سیٹیں مختص کردی گئی ہیں آرمی چیف نے کہا کہ قبائیلی نوجوانوں کوتیکنیکی مہارتوں میں ماہربنانے کیلئے انھیں آرمی کے تحت باقاعدہ تعلیم دینے کااہتمام بھی کرلیاگیا ہے۔

  • جنرل راحیل شریف کی زیرصدارت کور کمانڈرز کانفرنس

    جنرل راحیل شریف کی زیرصدارت کور کمانڈرز کانفرنس

    راولپنڈی: پاک فوج کے سربراہ جنرل راحیل شریف کی زیرصدارت کور کمانڈرز کانفرنس میں آپریشن ضربِ عضب اور ملک کی اندرونی و بیرونی سیکیورٹی کے صورت حال کا جائزہ لیا گیا۔

    جی ایچ کیو راولپنڈی میں ہونے والے اجلاس میں آپریشن ضربِ عضب کی پیشرفت پر مکمل اطمینان کا اظہار کرتے ہو ئے آرمی چیف نے آپریشن میں شریک افسروں اور جوانوں کی قربانیوں کو زبردست خراج تحسین پیش کیا، اس موقع پر پیشہ وارانہ دلچسپی کے امور زیر بحث آئے۔

    کانفرنس کے شرکا کو ملک کی اندرونی و بیرونی سیکیورٹی کی صورت حال پربریفننگ دی گئی، کانفرس میں رواں ماہ ریٹائرہونے والے پاک فوج کے چار کور کمانڈرز جن میں کور کمانڈر منگلا لیفٹینینٹ جنرل طارق خان ، کور کمانڈر گو جرانوالہ لیفٹینینٹ جنرل سلیم نواز ، کور کمانڈر پشاور لیفٹینینٹ جنرل خالد ربانی اور کور کمانڈر کراچی لیفٹینینٹ جنرل سجاد غنی کی خدمات کو سراہا گیا، ان کی جگہ متعین ہونے والے لیفٹینینٹ جنرل میاں ہلال حسین ، لیفٹینینٹ جنرل غیور محمد ، لیفٹینینٹ جنرل نوید مختار اور لیفٹینینٹ جنرل ہدایت الرحمان کو خوش آمدید کہا گیا۔

  • آرمی چیف جنرل راحیل شریف کا لائن آف کنٹرول کا دورہ

    آرمی چیف جنرل راحیل شریف کا لائن آف کنٹرول کا دورہ

    مظفرآباد: پاک فوج کے سربراہ جنر راحیل شریف کاکہناہے لائن آف کنٹرول پرکسی بھی اشتعال انگیزی کابھرپوجواب دیاجائےگا۔

    آرمی چیف جنرل راحیل شریف نے لائن آف کنٹرول کا دورہ کیا اور جوانوں سے ملاقات کی،آرمی چیف کاکہناتھا لائن آف کنٹرول پر کسی بھی جارحیت کاموثرجواب دیاجائے گا، پوری قوم کو مادر وطن کا دفاع کرنے والے جوانوں پرفخر ہے،پاک فوج کے شعبہ تعلقات عامہ کے مطابق آرمی چیف جنرل راحیل شریف نےایل او سی پرتعینات جوانوں کی آپریشنل تیاریوں کوسراہااوراطمینان کا اظہار کیا۔

  • آرمی چیف کاناردرن لائٹ انفنٹری گلگت کا دورہ

    آرمی چیف کاناردرن لائٹ انفنٹری گلگت کا دورہ

    گلگت: آرمی چیف جنرل راحیل شریف نے گلگت میں نادرن لائٹ انفنٹری رجمنٹل سینٹر کا دورہ کیا۔

    رجمنٹل سینٹر پہنچنے پر کور کمانڈر راولپنڈی لیفٹیننٹ جنرل قمر جاوید باجوا اور لیفٹیننٹ جنرل اکرام الحق نے آرمی چیف کا استقبال کیا۔ جنرل راحیل شریف نے اس موقع پر یادگار شہدا پر پھول چڑھائے اور مادر وطن کے لیے جان کی قربانی دینے والے جوانوں اور افسران کو خراج تحسین پیش کیا۔

    نادرن لائٹ انفنٹری رجمنٹ کے افسروں اور جوانوں سے خطاب کرتے ہوئے انہوں نے رجمنٹ کے بلند حوصلے اور ہمہ وقت تیاری کو سراہا ۔جنرل راحیل شریف نے افسروں اور جوانوں کو مشورہ دیا کہ وہ قوم کی خدمت کرتے ہوئے فوج کی درخشاں روایات کو مقدم رکھیں۔

  • چیلنجز سے نمٹنے کے لئے تیار ہیں، آرمی چیف جنرل راحیل شریف

    چیلنجز سے نمٹنے کے لئے تیار ہیں، آرمی چیف جنرل راحیل شریف

    شنکیاری: آرمی چیف جنرل راحیل شریف کاکہناہے پاک فوج مستقبل کے چیلنجز سے نمٹنے کی صلاحیت رکھتی ہے۔

    جونیئر لیڈرزاکیڈمی شنکیاری میں آرمی پیسز چیمپیئنز شپ کی اختتامی تقریب سے خطاب کرتے ہوئےآرمی چیف جنرل راحیل شریف کا کہنا تھا کہ آپریشن ضرب عضب میں پاک فوج کاکردارقابل تعریف ہے،فوج مستقبل کےچیلنجزسےموثراندازمیں نمٹنےکی صلاحیت رکھتی ہے ۔

    پاک فوج کے سربراہ کاکہناتھا زمانہ امن میں دی جانےوالی تربیت ہی دوران جنگ کامیابی کی ضمانت بنتی ہے،آرمی چیف نے جوانوں کی عسکری صلاحیت کے فروغ کیلئے منعقدہ چیمپئن شپ کے شرکاء اور تربیت دینے والوں کی غیرمعمولی کارکردگی کوسراہا،آرمی چیف نے بہترین کاکردگی دکھانے والےجوانوں میں میڈلز اور شیلڈز تقسیم کیں،آئی ایس پی آر کے مطابق آرمی پیسزچیمپئن شپ میں سپاہی گلفام،محمدزبیر اور بابر علی نےگولڈمیڈلز جیتے۔

  • طالبان کےحملوں کی صلاحیت ختم کردی، آئی ایس پی آر

    طالبان کےحملوں کی صلاحیت ختم کردی، آئی ایس پی آر

    راولپنڈی: ڈی جی آئی ایس پی آرکاکہناہے کہ شدت پسندوں کی پاکستان میں منظم حملے کرنے کی صلاحیت ختم کردی ہے۔

    طالبان کی پاکستان میں منظم حملوں کی صلاحیت ختم کردی،طالبان کی دوسرے درجے کی قیادت ماری گئی یاگرفتارہوگئی۔ یہ کہناتھا ڈی جی آئی ایس پی آر میجرجنرل عاصم باجوہ کا، برطانوی خبررساں ایجنسی سے انٹرویو کے دوران پاک فوج کے ترجمان نے اس تاثر کوبھی غلط قراردیاکہ شدت پسند دوبارہ سر اٹھا رہے ہیں، طالبان بکھر جانے کے بعد ادھر ادھر حملے کر رہے ہیں۔

    میجرجنرل عاصم باجوہ نے بتایا کہ ملا فضل اللہ اپنے ساتھیوں سمیت آپریشن ضربِ عضب شروع ہونے سے پہلے ہی فرار ہوچکا ہے اور وہ کنڑ میں موجود ہے، ہم نے افغان حکومت سے اس کی حوالگی کی بارہا درخواست کی ہے۔

    ڈی جی آئی ایس ایس پی آرکاکہناتھا کہ فوج سیاسی بحران میں کسی فریق کی حمایت نہیں کر رہی نہ فوج سیاست میں ملوث ہے،شروع سےیہی مؤقف ہےکہ یہ سیاسی مسئلہ ہےسیاسی طورپر ہی حل ہوناچاہئے،انہوں نے یہ بھی کہا کہ فوج کسی فریق کا ساتھ دینے کی متحمل نہیں ہو سکتی کیونکہ یہ پوری قوم کی فوج ہے، پہلے کسی فریق کی حمایت کی نہ آئندہ کریں گے۔

  • پاک فوج کوسیاست میں ملوث کرنے پرافسوس ہوا، ڈی جی آئی ایس پی آر

    پاک فوج کوسیاست میں ملوث کرنے پرافسوس ہوا، ڈی جی آئی ایس پی آر

    راولپنڈی: ڈی جی آئی ایس پی آرکا کہنا ہے کہ ملالہ پرحملے کرنے والے دہشت گردوں کے گروہ کوگرفتارکرلیا گیا ہے۔

    ڈی جی آئی ایس پی آرمیجرجنرل عاصم سلیم باجوہ نےکہا کہ ملالہ پرحملہ کرنےوالاشوریٰ نامی گروہ مولوی فضل اللہ کی ہدایت پرعمل کرتاتھاجنہیں گرفتارکرلیاگیاہے، انہوں نے بتایا کہ مولوی فضل اللہ پاکستان میں ہونے والے حملوں میں بھی ملوث ہے۔

    ڈی جی آئی ایس پی آر نے بتایا کہ نہ صرف زیارت ریذیڈنسی پرحملہ کرنے والے ملزمان کوگرفتارکیا گیا ہےبلکہ کوئٹہ اورڈاکیارڈ پرحملے بھی ناکام بنائےگئے ہیں، پاک فوج کے ترجمان نے حملے ناکام بنانے کوانٹیلی جنس کی اہم کاوش قرار دیا۔

    ڈی جی آئی ایس پی آر کا یہ بھی کہنا تھا کہ پاک فوج واضح طورپرملک میں جمہوریت کی حمایت کرچکی ہے،پاک فوج کوسیاست میں ملوث کرنے پرافسوس ہوا،جبکہ مسلح افواج سیلاب زدگان کی مدد کیلئے متاثرہ علاقوں میں موجود ہے اورریلیف کی ہرممکن کاوشیں جاری ہیں۔

    جنرل عاصم باجوہ کاکہناتھا کہ آپریشن ضرب ِعضب کامیابی سے جاری ہے، آپریشن دو محاذوں پر چل رہا ہے اوراب تک دتہ خیل اور میران شاہ کلیئر ہو چکے ہیں، شمالی وزیرستان کو غیر ملکی دہشتگردوں نے یرغمال بنایا ہواتھا، جبکہ آپریشن ضربِ عضب کے ساتھ ساتھ پورے ملک میں دہشت گردوں کے خلاف کارروائی کے لئے ایک میکینزم بنایا گیا تھا اوراب تک 134خطرناک دہشتگردپکڑے جاچکے ہیں۔

    فوج ہر جگہ الرٹ ہے، آخری دہشتگرد کے خاتمے یا پکڑے جانے تک آپریشن جاری رہے گا، ابھی تک 2200 سے زائد آپریشن کئے جا چکے ہیں اور یہ انٹیلیجنس کی کامیابی ہے کہ بعد میں کئے گئے آپریشن میں تخریب پسن عناصر  بہت بڑی تعداد میں پکڑے گئے ہیں۔

  • آرمی چیف جنرل راحیل شریف کا سیلاب سے متاثرہ علاقوں کا دورہ

    آرمی چیف جنرل راحیل شریف کا سیلاب سے متاثرہ علاقوں کا دورہ

    گجرانوالہ: آرمی چیف نے سیلاب سے متاثرہ علاقوں کا دورہ کیا اور اور امدادی کارروائیوں کا جائزہ لیا۔

    آرمی چیف جنرل راحیل شریف نے گوجرانوالہ اور منڈی بہاوالدین کے اضلاع میں سیلاب سے متاثرہ علاقوں میں امدادی کارروائیوں کا جائزہ لیا، آرمی چیف نے آرمی ایوی ایشن اور فیلڈ فارمیشنز کی امدادی کارروائیوں کو سراہتے ہوئے مقامی کمانڈرز کو ہدایت کی وہ تمام وسائل بروئے کار لائیں۔

    جنرل راحیل شریف کا کہنا تھا کہ مصیبت کی اس گھڑی میں سیلاب زردگان کو تنہا نہیں چھوڑیں گے اور سیلا ب متاثرین کو ہرممکن سہولیات فراہم کی جائیں، آئی ایس پی آر کا کہنا ہے کہ جنرل راحیل شریف نے سیلاب سے متاثرہ قادر آباد کے قریبی علاقوں کا بھی دورہ کیا اور علاقے میں فوج کی جانب سے کی جانیوالی امدادی کارروائیاں کا جائزہ لیا۔