ARYNews.tv | Urdu – Har Lamha Bakhabar

Tag: جنرل راحیل شریف

  • دہشت گردی ناکام بنادیں گے، جنرل راحیل شریف

    دہشت گردی ناکام بنادیں گے، جنرل راحیل شریف

    پشاور: آرمی چیف جنرل راحیل شریف یومِ دفاع کے موقع پر میرعلی پہنچے اور جوانوں کے ساتھ دن گزارا، جس کے بعد وہ متاثرین کےکیمپوں کا دورہ کرنے بنوں پہنچے۔

    پاک فوج کے ترجمان ادارے آئی ایس پی آر کے مطابق آرمی چیف جنرل راحیل شریف شمالی وزیرستان کے علاقےمیرعلی پہنچے اور یومِ دفاع فوجی جوانوں کے ساتھ گزارا، سپہ سالارِاعلیٰ کی آمد نے دہشت گردوں کےخلاف برسرِپیکارجوانوں کے حوصلے مزید بلند کر دیئے۔

    جنرل راحیل شریف شمالی وزیرستان کے دورے کے بعدبنوں میں نقل مکانی کرنے والوں کے کیمپ پہنچے اوربکا خیل آئی ڈی پیز کیمپ میں متاثرین سے ملے، اس موقع پر آرمی چیف جنرل راحیل شریف کا کہنا تھا کہ متاثرین وزیرستان کو جلدازجلد ان کے مقام پر منتقل کیا جا ئے، پاک فوج متا ثرین شمالی وزیرستان کی ہرطرح سے خدمت اورخیال رکھ رہی ہے۔

  • یومِ دفاع، آرمی چیف جنرل راحیل شریف کا میرعلی اور بنوں کا دورہ

    یومِ دفاع، آرمی چیف جنرل راحیل شریف کا میرعلی اور بنوں کا دورہ

    میر علی : آرمی چیف جنرل راحیل شریف یومِ دفاع کے موقع پر میر علی پہنچے اور جوانوں کے ساتھ دن گزارا، جنرل راحیل شریف نے بنوں میں متاثرین کے کیمپوں کا دورہ بھی کیا اور متاثرین کی جلد از جلد بحالی کی ہدایات دیں۔

    آئی ایس پی آر کے مطابق آرمی چیف جنرل راحیل شریف میر علی پہنچے اور یومِ دفاع فوجی جوانوں کے ساتھ گزارا، دہشتگردوں کے خلاف بر سر پیکار جوانوں کے یومِ دفاع کی آمد اور سپہ سالار کی فرنٹ لائن پر موجودگی سے حوصلے مزید بلند ہوگئے۔

    آرمی چیف جنرل راحیل شریف نے بنوں میں شمالی وزیرستان سے نقل مکانی کرنے والوں کے کمپوں کا دورہ کیا، جنرل راحیل شریف بکا خیل آئی ڈی پیز کیمپ میں متاثرین سے ملنے کے لئے پہنچے، اس موقع پر آرمی چیف کا کہنا تھا کہ متاثرین وزیرستان کو جلد از جلد ان کے مقام پر منتقل کیا جائے گا، پاک فوج متا ثرین شمالی وزیرستان کی ہر طرح سے خدمت اور خیال رکھ رہی ہے۔

    دوسری جانب یومِ دفاع پر اپنے پیغام میں ایئر چیف مارشل طاہر رفیق بٹ کا کہنا تھا کہ مغربی سرحدوں پر دہشتگردوں کیخلاف آپریشن جاری ہے، جس میں پاک فضائیہ اپنا بھر پور کردار ادا کررہی ہے، آپریشن میں بے گناہ لوگوں کی جانوں کا خیال رکھتے ہوئے ملکی اور غیر ملکی دہشتگردوں کا خاتمہ کیا جا رہا ہے۔

  • اسلام آباد دھرنوں کے پیچھے فوج یا آئی ایس آئی کا ہاتھ نہیں، آئی ایس پی آر

    اسلام آباد دھرنوں کے پیچھے فوج یا آئی ایس آئی کا ہاتھ نہیں، آئی ایس پی آر

    راولپنڈی: پاک فوج کی جانب سے واضح کیا گیا ہے کہ پاک فوج میں اتحاد اور یکجہتی ہی اس کی قوت ہے، جو پاک فوج کے لئے باعث فخر ہے ۔

    آئی ایس پی آر کے ایک ترجمان نے پاک فوج اور آئی ایس آئی پر لگائے گئے ان الزامات کی سختی سے تردید کی جس میں الزام عائد کیا گیا ہے کہ موجودہ سیاسی بحران میں دونوں قومی ادارے پاکستان تحری انصاف اور پاکستان عوامی تحریک کی حمائیت اور مدد کررہے ہیں۔

    ترجمان نے ان الزامات کی سختی سے تردید کرتے ہوئے واضح کیا کہ پاک فوج ایک غیر سیاسی ادارہ ہے اور پاک فوج نے ہمیشہ جمہوریت کے فروغ اور استحکام کیلئے غیر مشروط حمائیت کی ہے، یہ نہائیت افسوسناک ہے کہ پاک فوج کو ان تمام تنازعات میں گھسیٹا جا رہا ہے ، پاک فوج میں اتحاد اور یکجہتی ہی اس کی قوت ہے، جو پاک فوج کے لئے باعث فخر ہے ۔

  • کورکمانڈرزکانفرنس : مزید طاقت کا استعمال نہ کیا جائے، آئی ایس پی آر

    کورکمانڈرزکانفرنس : مزید طاقت کا استعمال نہ کیا جائے، آئی ایس پی آر

    راولپنڈی: پاک فوج کے سربراہ جنرل راحیل شریف کی سربراہی میں کور کمانڈرز کانفرنس میں جمہوریت کیلئے مکمل حمایت کے عزم کا اعادہ کرتے ہوئے حکومت پر زور دیا ہے کہ موجودہ سیاسی بحران کے حل کیلئے مزید طاقت کا استعمال نہ کیا جائے اور وقت ضائع کئے بغیر اس مسئلے کو سیاسی طور پر حل کیا جائے۔

    جنرل ہیڈ کوارٹرز راولپنڈی میں منعقد ہونے والے غیر معمولی کور کمانڈرز اجلاس میں موجودہ سیاسی بحران پر شدید تشویش کا اظہار کیا گیا ، جس میں صورتحال پرتشدد ہونے کے بعد کئی قیمتی جانوں کے نقصان کا باعث بنی اور اس میں کئی لوگ زخمی ہوئے ۔

    کانفرنس میں زور دیا گیا کہ اس صورتحال میں طاقت کا مزید استعمال صورتحال کو مزید سنگین کردے گا ، اس لئے ضرورت اس امر کی ہے کہ مزید وقت ضائع کئے بغیر بحران کے حل کئے سیاسی راہ اپنائی جائے ، کانفرنس میں اس عزم کا اعادہ کیا گیا کہ پاک فوج ریاست میں سکیورٹی کے حوالے سے اپنا کردار ادا کرتی رہے گی اور قومی امنگوں کو پورا کرنے میں کوئی کسر نہیں چھوڑے گی۔

  • کورکمانڈرزکانفرنس کل کے بجائے آج شام طلب

    کورکمانڈرزکانفرنس کل کے بجائے آج شام طلب

    آرمی چیف جنرل راحیل شریف نے غیرمعمولی کورکمانڈرزکانفرنس کل کے بجائے آج شام طلب کرلی، آئی ایس پی آر کے مطابق کورکمانڈرزکانفرنس میں ملک کی موجودہ سیاسی صورتحال پر غور کیا جائے گا۔

    مذکورہ کانفرنس کل ہونا تھی، جو اسلام آباد کی کشیدہ صورتحال کو مد نظر رکھتے ہوئے آج شام ہی طلب کر لی گئی،آئی ایس پی آر کے مطابق کور کمانڈرز کانفرنس جی ایچ کیو راولپنڈی میں چیف آف آرمی اسٹاف جنرل راحیل شریف کی صدارت میں ہوگی۔

  • وزیراعظم سے آرمی چیف کی ملاقات، فوج کوتصادم سےدور رکھنے پراتفاق

    وزیراعظم سے آرمی چیف کی ملاقات، فوج کوتصادم سےدور رکھنے پراتفاق

    اسلام آباد: وزیراعظم نوازشریف سےآرمی چیف جنرل راحیل شریف نے ملاقات کی جس میں سیاسی تعطل پرتبادلہ خیال سمیت مذاکرات کی بحالی کیلئے اقدامات اورمعاملہ جلدحل کرنےپراتفاق کیا گیا، ذرائع کا کہنا ہے عسکری قیادت نے پیغام دیا ہے کہ فوج کوتصادم سے دور رکھا جائے۔

    آرمی چیف جنرل راحیل شریف کی وزیر اعظم نواز شریف سے ایک اور ملاقات نے سیاست کے دریا میں آنے والی طغیانی کا اثر بظاہر زائل کردیا، ذرائع کے مطابق عسکری قیادت نے پیغام دیا ہے کہ سیاسی معاملے کو سیاسی طور پر حل کیا جائے،فوج کو تصادم سے دور اور عوام کے مد مقابل نہ لایا جائے طاقت کااستعمال آخری آپشن بھی نہیں ہونا چاہئے۔

    وزیر اعظم ہاؤس کے ترجمان کا کہناہے کہ آرمی چیف جنرل راحیل شریف کی وزیراعظم نوازشریف سے ملاقات میں موجودہ سیاسی تعطل پرتبادلہ خیال ہوا، وزیر اعظم اور آرمی چیف کے درمیان مذاکرات کی بحالی کے لئے ضروری اقدامات پر اتفاق کیا گیا ہے دونوں نےمذاکرات کےذریعے قومی مفاد میں معاملات کے جلد حل پر بھی اتفاق کیا۔

  • دہشت گرد آپریشن ضرب عضب کے بعد بھاگ رہے ہیں، راحیل شریف

    دہشت گرد آپریشن ضرب عضب کے بعد بھاگ رہے ہیں، راحیل شریف

    راولپنڈی:  پاک فوج کے سربراہ جنرل رحیل شریف نے کہا ہے دہشت گرد آپریشن ضرب عضب کے بعد بھاگ رہے ہیں۔

    آرمی چیف نے اپنے ایک بیان میں کوئٹہ میں سیکورٹی فورسز کی کامیاب کارروائی پر ،مبارک بعد پیش کرتے ہوئے کہا ہے دہشت گرد آپریشن ضرب عضب کے بعد بھاگ رہے ہیں ، مگر دہشتگردوں کو کہیں بھی چھپنے کی جگہ نہیں ملے گی ،آرمی چیف کا کہنا ہے کہ قوم کی دعاؤں سے دہشتگردی کا خا تمہ کر کے دم لیں گے، سیکیورٹی فورسز ہر طرح کے حالات سے نمٹنے کے لیے تیار ہیں ۔

  • دہشت گردوں کو دوبارہ منظم نہیں ہونے دیا جائے گا، راحیل شریف

    دہشت گردوں کو دوبارہ منظم نہیں ہونے دیا جائے گا، راحیل شریف

    راولپنڈی:  پاک فوج کے سربراہ جنرل راحیل شریف کی زیرصدارت کور کمانڈرز کانفرنس میں آپریشن ضرب عضب اور سیکیورٹی کی صورتحال پر بریفنگ دی گئی۔

    جی ایچ کیو راولپنڈی میں ہونیوالی کانفرنس میں اس عزم کا اعادہ کیا گیا کہ دہشت گردوں کو دوبارہ منظم نہیں ہونے دیا جائے گا اور نہ ہی انہیں واپس آنے دیا جائے گا۔ اس کے علاوہ انھیں بیرون ملک بھی پناہ لینے دی جائے گی، پاک فوج کے سربراہ جنرل راحیل شریف نے آپریشن ضرب عضب کی کامیابیوں پر اعتماد کا اظہار کیااور جوانوں کے عزم اور قربانیوں کو خراج تحسین پیش کیا۔

    جنرل راحیل شریف نے زور دیا کہ طویل المدتی انسداد دہشت گردی کی حکمت عملی کے تحت آپریشن زدہ علاقوں میں سیکیورٹی فورسز کی پوزیشن مستحکم کی جائے اور ان علاقوں میں تعمیر و ترقی کی سرگرمیوں کو تیز کیا جائے،انہوں نے آپریشن میں قبائلیوں کے تعاون کو سراہا اور توقع ظاہر کی کہ اللہ کی مدد اور عوام کی حمایت سے آپریشن ضرب عضب کامیابی سے ہمکنار ہوگا۔

  • سربراہ پاک فوج راحیل شریف چار روزہ سرکاری دورے پر آسٹریلیا روانہ

    سربراہ پاک فوج راحیل شریف چار روزہ سرکاری دورے پر آسٹریلیا روانہ

    راولپنڈی:  پاک فوج کے سربراہ جنرل راحیل شریف چار روزہ سرکاری دورے پر آسٹریلیا روانہ ہوگئے ہیں ، جہاں وہ آسٹریلوی عسکری قیادت سے ملاقاتیں کریں گے۔

    آئی ایس پی آر کے ایک ترجمان کے مطابق پاک فوج کے سربراہ جنرل راحیل شریف آسٹریلوی چیف آف ڈیفنس سٹاف کی خصوصی دعوت پر آسڑیلیا روانہ ہوئے، جہاں وہ آسٹریلوی عسکری اور دفاعی قیادت سے ملاقاتیں کرکے باہمی دفاعی تعلقات پر تبادلہ خیال کریں گے، آرمی چیف جنرل راحیل شریف سکیورٹی اینڈ ڈیفنس کے موضوع پر گول میز کانفرنس کی مشترکہ سربراہی بھی کریں گے، جس میں پاک آسٹریلیا دفاعی تعلقات اور تعاون کو بڑھانے پر بات چیت ہوگی جبکہ خطے میں سکیورٹی کی صورتحال پر بھی زیر غور آئے گی۔

  • جنرل راحیل شریف شمالی وزیرستان میں فوجی جوانوں کے ساتھ منائیں گے

    جنرل راحیل شریف شمالی وزیرستان میں فوجی جوانوں کے ساتھ منائیں گے

    راولپنڈی:  چیف آف آرمی اسٹاف جنرل راحیل شریف شمالی وزیرستان پہنچ گئے، وہ عید جوانوں کے ساتھ منائیں گے۔

    آرمی چیف جنرل راحیل شریف آپریشن ضرب عضب میں دہشتگردوں سے برسرپیکار پاک فوج کے جوانوں کے ساتھ عید الفطر منائیں گے، آئی ایس پی آر کے مطابق جنرل راحیل شریف میران شاہ پہنچ گئے ہیں جہاں وہ رات گزاریں گے اور عید الفطر کا تمام دن بھی وہ فوج کے جوانوں کے ساتھ گزاریں گے۔