ARYNews.tv | Urdu – Har Lamha Bakhabar

Tag: جنرل راحیل شریف

  • پائیدارامن کیلئے مستقل اقدامات کی ضرورت ہے، جنرل راحیل شریف

    پائیدارامن کیلئے مستقل اقدامات کی ضرورت ہے، جنرل راحیل شریف

    پبی: آرمی چیف جنرل راحیل شریف نے پبی میں پاکستان،مالدیپ،سری لنکاکی مشترکہ جنگی مشقوں کا جائزہ لیا۔

    آئی ایس پی آر کے مطابق ایگل ون نامی فوجی مشق میں جوانوں نےدہشتگردوں سےنمٹنےکا عملی مظاہرہ کیا،تقریب میں آرمی چیف جنرل راحیل شریف کا کہنا تھا دہشت گردی پوری دنیا کا مسئلہ ہے۔

    آرمی چیف جنرل راحیل شریف کا کہنا تھا کہ مشقوں سے خطے سے دہشتگردی کے خاتمے میں مدد ملے گی، دہشت گردی کےخلاف جنگ میں پاکستان ایک دہائی سے قربانیاں دے رہاہے۔

    آرمی چیف نے کہا کہ دہشت گردی سے نمٹنے کےتجربات کے تبادلے کیلئے تیارہیں، پائیدارامن کیلئے مستقل اقدامات کی ضرورت ہے۔

  • آپریشن ضرب عضب کو منتقی انجام تک پہنچائیں گے، جنرل راحیل شریف

    آپریشن ضرب عضب کو منتقی انجام تک پہنچائیں گے، جنرل راحیل شریف

    کوئٹہ : چیف آف آرمی اسٹاف جنرل راحیل شریف نے کہا ہے کہ آپریشن ضرب عضب کو منطقی انجام تک پہنچائیں گے ،راہداری منصوبہ پاکستان کے لئے گیم چینجر ہے۔

    ان خیالات کا اظہار انہوں نے کوئٹہ میں بلوچستان میں امن اور خوشحالی کے امکانات کے موضوع پر دوروزہ سیمینارکے اختتامی سیشن سے خطاب کرتے ہوئے کیا۔

    انہوں نے کہا کہ دہشت گردوں کو فنڈنگ باہرسے اور سپورٹ اندر سے مل رہی ہے بیرونی مداخلت سے حالات مزید پیچیدہ ہوئے ہیں ،بیرونی عناصر ملک کو عدم استحکام سے دوچار کرنے کے لئے دہشت گردوں کو تربیت فراہم کرتے ہیں تاہم آپریشن ضرب عضب منطقی انجام تک پہنچایا جائے گا ۔

    انہوں نے کہا کہ گوادر کاشغر اقتصادی راہداری کا منصوبہ پاکستان کے لئے گیم چینجر ہے ،بلوچستان کا مستقبل انتہائی روشن ہے ۔

    ان کا کہنا تھا کہ بلوچستان کے نوجوان صوبے کا مستقبل ہیں،آرمی چیف نے پاک فوج کی کارکردگی کا ذکر کرتے ہوئے کہا کہ پاک افواج دنیا کی بہترین افواج میں ہوتا ہے۔

    پاک فوج اس وقت بلوچستان کے پچیس ہزار سے زائد طلباء کو زیور تعلیم سے آراستہ کررہی ہے جبکہ صوبے کے اٹھارہ ہزار نوجوان اس وقت آرمڈ فورسز میں خدمات انجام دے رہے ہیں جو حوصلہ افزاء امر ہے۔

    جنرل راحیل شریف نے کہا کہ وہ مجموعی طور پر بلوچستان میں نو سال تک خدمات انجام دیتے رہے ہیں اور ان کا بلوچستان سے خاص رشتہ ہے۔

  • جنرل راحیل شریف نے پنجاب رجمنٹل سینٹرمردان کا دورہ کیا

    جنرل راحیل شریف نے پنجاب رجمنٹل سینٹرمردان کا دورہ کیا

    مردان : آرمی چیف جنرل راحیل شریف نے پنجاب رجمنٹل سینٹر مردان کا دورہ کیا اور وہاں پر ایک تقریب کے دوران پاک فوج کے ملٹری سیکرٹری لیفٹیننٹ جنرل شاہد بیگ مرزا کو پبنجاب رجمنٹ کے کرنل کمانڈنٹ کے بیجز لگائے۔

    بعد ازاں آرمی چیف نے پنجاب رجمنٹَ میں خدمات سر انجام دینے والے سابق فوجی افسران اور جوانوں سمیت موجودہ کمانڈروں اور جوانوں سے ملاقات بھی کی جبکہ آرمی چیف نے وطن عزیز کے لئے اپنی جانوں کی قربانی دینے والے شہداء کے لواحقین سے ملاقات بھی کی۔

    آئی ایس پی آر ترجمان کے مطابق دورہ مردان کے دوران آرمی چیف جنرل راحیل شریف نے لانس نائیک ریٹائرڈ پرویز خان کے بڑے صاحبزادے تیمور خان سے ملاقات کی۔

    انہوں نے پرویز خان شہید کی جرات و بہادری کو سراہتے ہوئے یقین دہانی کرائی کہ شہید کے اہلخانہ کی بھرپور مد کی جائے گی۔ جس میں 29 دسمبرکو مردان میں نادرا دفتر پر خود کش حملہ آور کو للکارا اورسینٹر میں داخل ہونے سے روکا اور اپنی جان قربان کر کے کئی قیمتی جانیں بچائیں۔

  • جنرل راحیل شریف اورعدلیہ کے ہوتے ہوئے محفوظ ہوں، وینا ملک

    جنرل راحیل شریف اورعدلیہ کے ہوتے ہوئے محفوظ ہوں، وینا ملک

    اسلام آباد : معروف ماڈل اور اداکارہ وینا ملک نے کہا ہے کہ جنرل راحیل شریف نے پاکستانیوں کو نیا پاکستان دیا ہے۔

    دبئی سے تین سال بعد وطن واپسی کے موقع پر اسلام آباد ائرپورٹ پر میڈیا سے گفتگو کرتے ہوئے ان کا کہنا تھا کہ ان پر بے بنیاد مقدمات بنائے گئے تاہم جنرل راحیل شریف اورعدلیہ کے ہوتے ہوئے وہ اپنے آپ کو محفوظ سمجھتی ہیں۔

    ان کا کہنا تھا کہ جنرل راحیل شریف نے پاکستانیوں کو نیا پاکستان دیا ہے، انہوں نے  مزید کہا کہ میرا جینا مرنا پاکستان کے ساتھ ہے، تین سال بعد وطن واپس آکر بہت خوشی ہورہی ہے۔

    وینا ملک نے کہا کہ وہ کمرشل فلموں میں کام نہیں کریں گی ٹی وی سے تعلق برقرار رہے گا۔ انہوں نے بتایا کہ شہداء اے پی ایس اور آپریشن ضرب کے لئے نیا گانا بنایا ہے۔ جکو بہت جلد آن ایئر ہوگا۔

    ایک سوال کے جواب میں ان کا کہناتھا کہ میرا سیاست میں آنے کا کوئی ارادہ نہیں۔

  • دہشت گردوں کے خوف کی فضا آہستہ آہستہ زائل ہورہی ہے، جنرل راحیل شریف

    دہشت گردوں کے خوف کی فضا آہستہ آہستہ زائل ہورہی ہے، جنرل راحیل شریف

    اسلام آباد : پاک فوج کے سربراہ جنرل راحیل شریف نے کہا ہے کہ ملک میں دہشت گردوں اور مجرموں کی پیدا کردہ خوف کی فضا آہستہ آہستہ زائل ہورہی ہے۔

    ان خیالات کا اظہار انہوں نے اسلام آباد میں کالج آف فزیشنز اینڈ سرجنز پاکستان کے سالانہ کنوکیشن سے خطاب کرتے ہوئے کیا، جنرل راحیل شریف کا کہنا تھا کہ قوم کے تعاون سے ملک میں امن و استحکام کو مستحکم کیا جارہا ہے۔اس جدوجہد کو منطقی انجام تک پہنچایا جائے گا۔

    جنرل راحیل شریف نے ملک میں دہشت گردی کے خاتمے اور امن و استحکام کے حصول کی خاطر جانیں قربان کرنے والے فوجیوں اور شہریوں کو زبردست خراج تحسین پیش کیا اور کہا کہ آئندہ نسلوں کے بہتر مستقبل کے لئے تعلیم کے شعبے میں خصوصی طور پر سرمایہ کاری کرنی ہوگی تاکہ بہتر اور ہنر مند افرادی قوت پیدا کی جاسکے۔

    انہوں نے اس موقع پر کامیاب طلباء کو اسناد اور انعامات تقسیم کئے۔ کالج کے صدر پروفیسر ظفراللہ چوہدری نے ملک میں دیرپا امن و استحکام میں آرمی چیف کے کردارکو سراہا۔

  • سانحہ کراچی کے ذمہ داران کو ہرقیمت پر کٹہرے میں لایا جائیگا، آرمی چیف

    سانحہ کراچی کے ذمہ داران کو ہرقیمت پر کٹہرے میں لایا جائیگا، آرمی چیف

    کراچی : ملٹری پولیس اہلکاروں کی شہادت پر آرمی چیف نے خراج عقیدت پیش کرتے ہوئے واقعے میں ملوث ملزمان کی گرفتاری کے لیے خفیہ ایجنسیز اور سیکیورٹی اداروں کو ہر حد تک جانے کی ہدایت کر دی۔

    آرمی چیف نے کراچی میں ملٹری پولیس کی گاڑی پر فائرنگ کے نتیجے میں شہید ہونے والے دو سیکیورٹی اہلکاروں کی شہادت پر خراج عقیدت پیش کرتے ہوئے فائرنگ کے واقعے میں ملوث ملزمان کو ہر صورت گرفتار کرنے کی ہدایت کر دی۔

    آرمی چیف جنرل راحیل شریف نے کہا کہ دہشتگردانہ حملے ضرب عضب آپریشن کی کامیابیوں کو متاثر نہیں کر سکتے،انہوں نے کہا کہ دہشتگردی کو جڑ سے اکھاڑ پھینکنے کے ہمارے قومی عزم کو یہ حملے متزلزل نہیں کر سکتے۔

    آرمی چیف نے ملٹری پولیس کے اہلکاروں پر حملے میں ملوث ملزمان کو گرفتار کرنے کے لیے سیکیورٹی اور انٹیلی جنس اداروں کو ہر حد تک جانے کی ہدایت کر دی۔

  • آرمی چیف دوروزہ سرکاری دورے پرسعودی عرب پہنچ گئے

    آرمی چیف دوروزہ سرکاری دورے پرسعودی عرب پہنچ گئے

    ریاض: آرمی چیف جنرل راحیل شریف دو روزہ سرکاری دورے پر سعودی عرب پہنچ گئے ہیں۔

    آئی ایس پی آر کے مطابق سعودی نائب وزیر دفاع اور بری فوج کے نائب کمانڈر نےآرمی چیف جنرل راحیل شریف کا پرتپاک استقبال کیا۔

    رائل سعودی فورسز کے چیف آف سٹاف جنرل ریحان بن صالح نے جنرل راحیل شریف سے ملاقات ہوئی جس میں خطے میں امن وامان، سیکیورٹی صورتحال اور دفاعی شعبے میں تعاون کے امور پر تبادلہ خیال کیا ۔

  • آرمی چیف جنرل راحیل شریف کا زلزلے سے متاثرہ علاقوں کا دورہ

    آرمی چیف جنرل راحیل شریف کا زلزلے سے متاثرہ علاقوں کا دورہ

    پشاور: پاک فوج کے سربراہ جنرل راحیل شریف کا زلزلے سے متاثرہ علاقوں کا دورہ۔ آرمی چیف نے زلزلہ متاثرہ علاقوں میں امدادی کاموں کی نگرانی شروع کردی۔

    آئی ایس پی آر کے مطابق آرمی چیف جنرل راحیل شریف نے زلزلے سے متاثرہ علاقوں کا دورہ کیا، کور کمانڈر پشاور نے آرمی چیف کو زلزلے سےہونےوالے نقصانات اورپاک آرمی کی امدادی کارروائیوں سے آگاہ کیا، ملک میں آنے والے بد ترین زلزلے کے فورا بعد آرمی چیف جنرل راحیل شریف نے اعلی سطح کے ہنگامی اجلاس کی صدارت کی۔

     اجلاس میں آرمی چیف نے ہدایات جاری کیں کہ پاک فوج کی تمام فارمیشنز کو فوری طور پر متاثرہ علاقوں میں امدادی کارروائیاں شروع کر دیں۔

    انہوں نے کہا خاص طور پر دور دراز کے دیہی علاقوں تک پہنچا جائے، اجلاس میں کئے گئے فیصلوں کے مطابق پاک فوج کے تمام ہیلی کاپٹرز کو ممکنہ متاثرہ علاقوں کی جانب روانہ کر دیا گیا ہے تاکہ نقصانات کا فوری ابتدائی تخمینہ لگا کر اس کی روشنی میں امدادی کارروائیوں کا آغاز کیا جا سکے۔

    اجلاس میں ملک بھر کے سی ایم ایچ اسپتالوں میں ہنگامی صورتحال کی ہدایات جاری کی گئیں اور انجینئر نگ کے شعبے کو متعلقہ مشینری ہائی الرٹ رکھنے کی ہدایت جا ری کی گئیں۔

  • آرمی چیف جنرل راحیل شریف کا پشاور میں ایف سی ہیڈ کوارٹرز کا دورہ

    آرمی چیف جنرل راحیل شریف کا پشاور میں ایف سی ہیڈ کوارٹرز کا دورہ

    راولپنڈی: آرمی چیف جنرل راحیل شریف کہتے ہیں قوم کاپاک فوج پراعتماد غیرمتزلزل ہے، انہوں نے دہشت گردی کیخلاف جوانوں کی قربانیوں کو سراہا۔

    ڈی جی آئی ایس پی آر لیفٹیننٹ جنرل عاصم سلیم باجوہ کے ٹویٹ کےمطابق آرمی چیف جنرل راحیل شریف نے دہشتگردوں کے خلاف ایف سی کے جوانوں کیجد وجہد اور قربانیوں کو سراہا۔

    ایف سی ہیڈ کوارٹر دورے کے دوران آرمی چیف نے کہا کہ پاک فوج کے جوان جرات اور بہادری کی نئی دستانیں رقم کررہے ہیں پاکستانی قوم کا مسلح افواج پر غیر متنزل اعتماد ہے۔

    آرمی چیف نے ایف سی کو حال ہی میں فراہم کیے گئے جدید ہتھیاروں اور جدید خطوط پر تربیت کی فراہمی کے عمل کو سراہا۔

    آرمی چیف جنرل راحیل شریف نے پولیس سیکیورٹی ایجنسیز اور دیگر وقانون نافذ کرنے والے اداروں کی دہشتگردی کے خلاف قربانیوں کو بھی خراج تحسین پیش کیا اور زور دیا کہ سیکیورٹی کی صورتحال بہتر بنانے کے لیے سب کو بامعنی اور مشترکہ حکمت عملی اپنانی ہو گی اور مستقبل میں دہشتگردی سے نمٹنے کے لیے ہو شیار رہنا ہو گا۔

    انہوں نے پاک افگان بارڈر کے دونوں جانب بارڈر منیجمنٹ کی ضرورت پر زور دیتے ہوئے کہا کہ خطے میں دیرپا امن کے لیے موثر منیجمنٹ ضروری ہے۔

  • جنرل راحیل شریف کی امریکی فوج کے کمانڈر جان کیمبل سے ملاقات

    جنرل راحیل شریف کی امریکی فوج کے کمانڈر جان کیمبل سے ملاقات

    روالپنڈی: چیف آف آرمی اسٹاف جنرل راحیل شریف سے امریکی فوج کے کمانڈر جان کیمبل نے ملاقات کی ہے۔

    آئی ایس پی آر کے مطابق جی ایچ کیو روالپنڈی میں ہونے والی اس ملاقات میں پاک افغان سرحد میں سیکیورٹی کی صورتحال میں بہتری لانے اورمفاہمت کے عمل پر بات چیت ہوئی۔

    بیان میں کہا گیا ہے کہ ملاقات میں خطے کی سیکیورٹی کی صورتحال اور باہمی دلچسپی کے پیشہ وارانہ امور پر بھی بات ہوئی ہے۔

    ملاقات میں امریکہ کے قائم مقام نمائندہ خصوصی برائے پاکستان اور افغانستان جیرٹ بلینک بھی موجود تھے۔

    دوسری جانب آئی ایس پی آر نے ایک بیان میں کہا ہے کہ بھارتی بارڈرفورس نے نکیال سیکٹر پر شدید فائرنگ اور گولہ باری کی ہے۔ پاک فوج نے بھارتی جارحیت کا منہ توڑ جواب دے کر دشمن کی توپیں خاموش کرا دیں ۔

    اس سے قبل ڈی جی رینجرزپنجاب کی سربراہی میں ایک وفد نے بھارت کا دورہ کرکے ورکنگ باونڈری اور لائن آف کنٹرول پر بھارتی جارحیت کا اٹھایا تھا۔

    دونوں ممالک میں اتفاق ہوا تھا کہ سرحدوں پر فائر بندی کی جائے گی اور بھارتی فورسز پہلی گولی نہیں چلائیں گی، آئی ایس پی آر کے مطابق بھارت نے فائر بندی کے معاہدے خلاف ورزی کی ہے ۔