Tag: جنرل قمر جاوید باجوہ

راولپنڈی: آرمی چیف جنرل قمر جاوید باجوہ نے کہا ہے کہ دہشت گردی کے خلاف کامیابیوں کے بعد مثبت راہ پر گامزن ہیں، ایسے اقدام کررہے ہیں جہاں ہتھیار کے استعمال کا حق صرف ریاست کو ہو۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف کی زیر صدارت 220ویں کور کمانڈر کانفرنس منعقد ہوئی جس میں ملکی سیکیورٹی، اندرونی و بیرونی چیلنجز پر غور کیا گیا۔

آئی ایس پی آر کے مطابق کور کمانڈر کانفرنس میں جیو اسٹریٹجک، مشرقی بارڈر کی صورت حال پر بھی تفصیلی غور کیا گیا۔

آرمی چیف جنرل قمر جاوید باجوہ نے کہا کہ سماجی و اقتصادی ترقی کے ثمرات سامنے آرہے ہیں، مادر وطن کے دفاع کے لیے ہر اقدام کیا جائے گا۔

CCC at GHQ. Geo-strat envmt & ongoing situation along Eastern Border reviewed. Forum expressed strong will, resolve and determination to defend the motherland against any misadventure or aggression. (1 of 2). pic.twitter.com/zkJxhzL8uc

— Maj Gen Asif Ghafoor (@OfficialDGISPR) April 2, 2019

کور کمانڈر کانفرنس میں شرکا نے اس عزم کا اعادہ کیا کہ کسی بھی مہم جوئی یا جارحیت کا بھرپور جواب دیں گے، نیشنل ایکشن پلان کے اطلاق کے لیے حکومت سے تعاون کیا جائے گا، علاقائی امن و استحکام کے لیے مثبت اقدام کی حمایت کی جائے گی۔

راولپنڈی: آرمی چیف جنرل قمر جاوید باجوہ نے کہا ہے کہ مادر وطن کی حفاظت سے مقدس کوئی چیز نہیں ہے۔

پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے سیالکوٹ بارڈر کا دورہ کیا، آرمی چیف نے جوانوں کے بلند حوصلے اور تیاریوں کو سراہا۔

آرمی چیف نے کہا کہ اپنی دھرتی کے دفاع سے بڑھ کر کوئی چیز مقدس نہیں ہے، اپنا فرض نبھانے کے لیے ہمیشہ تیار رہنے والی فوج کی قیادت پر فخر ہے۔

انہوں نے کہا کہ پاک فوج کی قیادت کرنے پر فخر ہے، پاک فوج مادر وطن کے دفاع کے لیے ہر دم تیار ہے۔

ڈی جی آئی ایس پی آر کے مطابق آرمی چیف نے جوانوں کے بلند حوصلے اور تیاریوں کو سراہا۔

COAS visited troops along working boundary near Sialkot. Appreciated state of high morale and readiness.
“There isn’t anything more sacred than defending the motherland. I take pride in leading an Army which is ever ready to perform this duty”, COAS. pic.twitter.com/Y7RKeJeIVj

— Maj Gen Asif Ghafoor (@OfficialDGISPR) February 24, 2019

مزید پڑھیں: امن دوست ہیں، مگر مجبور نہیں، ہر مہم جوئی کا بھرپورجواب دیا جائے گا: آرمی چیف

واضح رہے دو روز قبل آرمی چیف نے لائن آف کںٹرول کا دورہ کیا تھا، اس دورے میں آرمی چیف کو ایل او سی کی صورت حال پر بریفنگ دی گئی تھی۔

اس موقع پر آرمی چیف جنرل قمر جاوید باجوہ کا کہنا تھا کہ پاکستان امن دوست ریاست ہے، ہم نہ تو خوف زدہ ہیں اورنہ ہی مجبور ہیں۔

ایل او سی کے دورے کے موقع پر کور کمانڈر راولپنڈی لیفٹیننٹ جنرل بلال اکبر اور کمانڈرآرمی ایئرڈیفنس لیفٹیننٹ جنرل حمود الزمان بھی موجود تھے۔

راولپنڈی: پاک فوج کے ترجمان میجر جنرل آصف غفور نے بھارتی آرمی چیف کو مشورہ دیا ہے کہ ان کے لیے بہتر ہوگا کہ وہ پاک فوج کے سربراہ جنرل قمر جاوید باجوہ کے وژن کی تقلید کریں۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈائریکٹر جنرل نے کہا ہے کہ بھارتی آرمی چیف بپن راوت کے لیے بہتر ہوگا کہ وہ جنرل باجوہ کے وژن کو فالو کریں۔

Indian COAS says that he follows Pakistan Army Chief.
Even better would be if he follows General Bajwa’s vision for regional peace, stability and progress. For that India has to unfollow enmity with Pakistan. pic.twitter.com/P6KmdeafR9

— Maj Gen Asif Ghafoor (@OfficialDGISPR) February 23, 2019

ڈی جی آئی ایس پی آر نے سماجی رابطوں کی ویب سائٹ ٹویٹر پر کہا کہ بھارتی آرمی چیف کا کہنا ہے ہم پاکستانی آرمی چیف پر نظر رکھتے ہیں۔

بھارتی آرمی چیف کے بیان پر میجر جنرل آصف غفور نے کہا کہ بہتر ہوگا بھارتی آرمی چیف جنرل باجوہ کے وژن کو فالو کریں۔

ڈی جی آئی ایس پی آر نے ٹویٹ میں لکھا کہ بہتر ہوتا بھارتی آرمی چیف علاقائی امن، سلامتی اور ترقی میں بھی جنرل باجوہ کی پیروی کریں، مگر اس کے لیے ضروری ہے بھارت پاکستان سے دشمنی ترک کرے۔

یہ بھی پڑھیں:  ہمارا پیغام واضح ہے، بری نظر سے دیکھنےکا سوچو بھی نہیں ، ڈی جی آئی ایس پی آر

پاک فوج کے شعبہ تعلقات عامہ کے ڈی جی نے کہا کہ جنرل قمر جاوید باجوہ کا وژن علاقائی امن و استحکام اور ترقی سے عبارت ہے۔

یاد رہے کہ گزشتہ روز راولپنڈی میں ڈی جی آئی ایس پی آر میجر جنرل آصف غفور نے پریس کانفرنس میں کہا تھا کہ بھارت کے لیے ہمارا پیغام واضح ہے، وہ جان لے، پاکستان بدل رہا ہے جنگ ہوئی تو فوجی ردِ عمل بھی مختلف ہوگا، بھارت پاک فوج کوکوئی بھی سرپرائز نہیں دے سکتا، سرپرائز ہم دیں گے۔