ARYNews.tv | Urdu – Har Lamha Bakhabar

Tag: جنرل قمر جاوید باجوہ

  • سی پیک کو ہر قیمت پر کامیاب بنائیں گے، جنرل قمر جاوید باجوہ

    سی پیک کو ہر قیمت پر کامیاب بنائیں گے، جنرل قمر جاوید باجوہ

    اسلام آباد : آرمی چیف جنرل قمر جاوید باجوہ نے کہا ہے کہ سی پیک کو ہر قیمت پر کامیاب بنائیں گے، سی پیک خطے میں ترقی اور خوشحالی لائے گا، چین نے ہمیشہ پاکستان کے حق میں سفارت کاری کی ہے۔

    ان خیالات کا اظہار انہوں نے اسلام آباد میں چائنیز پیپلز لبریشن آرمی کے 90ویں یوم تاسیس کی تقریب سے خطاب کرتے ہوئے کیا، آرمی چیف کا کہنا تھا کہ پاک چائنیز پیپلز لبریشن آرمی میں تعاون جاری رہے گا۔

    جنرل قمر جاوید باجوہ نے کہا کہ سی پیک کے مثبت اثرات خطے کے تمام ممالک پر ہوں گے، پاک چین دوستی لازوال ہے، سی پیک کو ہرقیمت پر کامیاب بنائیں گے، سی پیک خطے میں ترقی اور خوشحالی لائے گا۔

    اس موقع پر چینی سفیر نے سی پیک کی سیکیورٹی کیلئے پاک فوج کے تعاون کا خصوصی شکریہ ادا کیا۔

    قبل ازیں پاک فوج نے پیپلز لبریشن آرمی چائنہ کے 90 سال مکمل ہونے پرتہنیتی پیغام دیا ہے۔ پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے اپنے پیغام میں ’ پاک چین دوستی زندہ باد‘ کا نعرہ بھی دہرایا۔

  • بلوچستان کی ترقی وخوشحالی پرخصوصی توجہ ہے، آرمی چیف

    بلوچستان کی ترقی وخوشحالی پرخصوصی توجہ ہے، آرمی چیف

    کوئٹہ : آرمی چیف جنرل قمر جاوید باجوہ نے کہا ہے کہ موجودہ حالات میں بلوچستان اور بلوچ عوام پرخصوصی توجہ دی جارہی ہے، فراریوں کی قومی دھارے میں واپسی کا عمل بھی جاری ہے۔

    ان خیالات کا اظہار انہوں نے کوئٹہ گیریژن کے دورہ کے موقع پر افسران اور جوانوں سے گفتگو کرتے ہوئے کیا، پاک فوج کے شعبہ تعلقات عامہ (آئی ایس پی آر ) کے مطابق کوئٹہ آمد پر کمانڈر سدرن کمانڈ لیفٹیننٹ جنرل عامر ریاض نے چیف آف آرمی سٹاف کا استقبال کیا۔

    آرمی چیف کو کور کمانڈر کوئٹہ اورایف سی کی جانب سےتفصیلی بریفنگ بھی دی گئی۔ آرمی چیف نے افسروں اور جوانوں سے تبادلہ خیال کرتے ہوئے ان کے بلند عزم کوسراہا۔

    اس موقع پرگفتگو کرتے ہوئے آرمی چیف نے کہا کہ صوبے میں امن وامان کی صورتحال میں بہتری آئی ہے، فراریوں کی قومی دھارے میں واپسی کا عمل بدستورجاری ہے، فراریوں کے ہتھیارڈالنے میں اضافہ قانون نافذ کرنیوالے اداروں کی کوششوں کا نتیجہ ہے۔

     ان کا مزید کہنا تھا کہ کوئٹہ میں فرقہ وارانہ حملوں میں کمی واقع ہوئی ہے لیکن دہشت گرد اب آسان اہداف کو نشانہ بنا رہے ہیں ، دہشت گرد خوف کا شکار ہوکر قانون نافذ کرنے والے اداروں پر حملہ کر رہے ہیں۔

    انہوں نے کہا کہ یہ فوج پاکستان کےعوام کی ہے اور پاک فوج اپنی ذمہ داریاں بھرپور اندازمیں ادا کرتی رہےگی، آرمی چیف کا کہنا تھا کہ ملک میں جاری آپریشن ردالفساد کےنتیجے میں دہشت گردی کے واقعات میں نمایاں کمی آئی ہے۔

  • افغانستان دھمکیوں کے بجائے اندرونی خلفشار دور کرے، کور کمانڈرز کانفرنس

    افغانستان دھمکیوں کے بجائے اندرونی خلفشار دور کرے، کور کمانڈرز کانفرنس

    راولپنڈی : آرمی چیف جنرل قمر جاوید باجوہ کی زیر صدارت خصوصی کور کمانڈرز کانفرنس کا انعقاد کیا گیا.اجلاس میں علاقائی سیکیورٹی اور افغانستان میں ہونیوالے حالیہ دہشت گردی کے بڑے واقعات کا جائزہ لیا گیا،شرکاء نے افغان عوام اور سیکیورٹی فورسز سے اظہاریکجہتی کیا۔

    پاک فوج کے شعبہ تعلقات عامہ آئی ایس پی آر کے ترجمان کے مطابق کانفرنس کےدوران افغانستان میں دہشت گردی میں انسانی جانوں کے ضیاع پر افسوس کا اظہا ر کیا گیا۔

    کانفرنس میں قیام امن اور دہشت گردوں کے خلاف تعاون جاری رکھنے کے عزم کا بھی اظہار کیا گیا۔ کورکمانڈرز نے پاکستان پر عائد کیے جانے والے دہشت گردی کے الزامات کو رد کر دیا۔

    کور کمانڈرز نے کہا کہ افغانستان ہمیں دھمکیاں دینے کی بجائے اپنے ملک کے اندر جاری خلفشار دور کرے ۔ کانفرنس کے دوران پاکستان کے خلاف کسی بھی قسم کی جارحیت کا منہ توڑ جواب دینے کے عزم کا اظہار کیا گیا۔

  • پاک فوج کی قربانیوں سے ریاست کی رٹ قائم ہوئی،آرمی چیف

    پاک فوج کی قربانیوں سے ریاست کی رٹ قائم ہوئی،آرمی چیف

    خیبر ایجنسی : آرمی چیف جنرل قمر جاوید باجوہ نے کہا ہے کہ ریاست کی رٹ بڑی حد تک قائم ہوچکی ہے اب ہم مستقل امن کی جانب گامزن ہیں۔ پاکستانی قوم پاک فوج کی لازوال قربانیوں کی بدولت مکمل حمایت کرتی ہے۔

    ان خیالات کا اظہار انہوں نے خیبر ایجنسی وادی تیرا میں جوانوں سے گفتگو کرتے ہوئے کیا، پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے خیبر ایجنسی کی وادی تیراہ میں پاک افغان سرحد پر تعینات جوانوں کے ساتھ دن گزارا۔

    پاک فوج کے سربراہ خیبر ایجنسی پہنچے تو کور کمانڈر پشاور اور آئی جی ایف سی نے ان کا استقبال کیا ۔آرمی چیف نے پاک افغان بارڈر کا دورہ کیا، انہیں فرنٹیئر کانسٹیبلری (ایف سی) خیبر پختونخوا کے نئے ونگ کے قیام کے بارے میں بھی بریفنگ دی گئی۔

    ڈی جی آئی ایس پی آر کے مطابق آرمی چیف نے وادی تیراہ میں افسروں اورجوانوں سےملاقات کی، ملاقات میں ان کا کہنا تھا کہ ریاست کی رٹ بڑی حد تک قائم ہوچکی ہے اور اب ہم مستقل امن کی جانب گامزن ہیں۔

    انہوں نےسرحدی علاقوں میں پٹرولنگ کے باعث دہشت گردی کے واقعات میں کمی کو سراہا، آرمی چیف نے دہشت گردی کے خلاف پاک فوج کے جوانوں کے عزم کو بھی قابل تحسین قرار دیا۔

  • پاکستان خطے میں قیام امن کیلئے کردارادا کرتا رہے گا، آرمی چیف

    پاکستان خطے میں قیام امن کیلئے کردارادا کرتا رہے گا، آرمی چیف

    راولپنڈی : چیف آف آرمی اسٹاف جنرل قمر جاوید باجوہ نے کہا ہے کہ پاکستان ایک امن دوست ریاست ہے اور خطے میں امن واستحکام کیلئے اپنا بھرپور کردارادا کرتا رہے گا۔

    یہ بات انہوں نے لندن میں مختلف اعلیٰ شخصیات سے ملاقات کے موقع پر کہی، آرمی چیف جنرل قمر جاوید باجوہ جو ان دنوں لندن کے دورے پر ہیں، لندن پہنچنے پران کو گارڈ آف آنر پیش کیا گیا، انہوں نے لندن میں مصروف دن گزارا اوراعلیٰ حکام سے اہم ملاقاتیں کیں۔

    پاک فوج کے شعبہ تعلقات عامہ ( آئی ایس پی آر ) کے ڈی جی کے مطابق آرمی چیف نے برطانوی چیف آف ڈیفنس اسٹاف سےملاقات کی۔

    اس کے علاوہ آرمی چیف نے برطانوی خصوصی نمائندہ برائے پاکستان وافغانستان اور امریکی مشن کےکمانڈر سے بھی علیحدہ ملاقات کی ہے۔ ملاقات مین جیو پولیٹیکل صورتحال اورافغانستان سے متعلق امور پربات چیت کی گئی۔

    اس موقع پر گفتگو کرتے ہوئے آرمی چیف جنرل قمر جاوید باجوہ نے کہا کہ پاکستان ایک امن دوست ریاست ہے اور خطے میں امن واستحکام کیلئے اپنا بھرپور کردارادا کرتا رہے گا۔

    انہوں نے کہا کہ خصوصاً افغانستان میں امن کیلئے پاکستان اپنی تمام تر کوششیں جاری رکھے گا، افغانستان میں دیرپا امن پاکستان کےمفاد میں ہے۔

    ڈی جی آئی ایس پی آر کے مطابق آرمی چیف نے سی پیک اورخطے پراس کےثمرات پر بھی روشنی ڈالی، برطانوی رہنماؤں کا بھی اپنے خیالات کا اظہار کرتے ہوئے کہنا تھا کہ خطےمیں امن واستحکام کیلئے پاکستان کا کردار قابل قدر ہے۔

  • آرمی چیف کی چینی وزیر خارجہ سے ملاقات

    آرمی چیف کی چینی وزیر خارجہ سے ملاقات

    بیجنگ: آرمی چیف جنرل قمر جاوید باجوہ نے چینی دارالحکومت بیجنگ میں چینی وزیر خارجہ سے ملاقات کی۔ ملاقات میں جیو پولیٹیکل صورتحال اور خطے کے امن و سلامتی سے متعلق امور پر گفتگو کی گئی۔

    تفصیلات کے مطابق آرمی چیف جنرل قمر جاوید باجوہ چین کے 3 روزہ دورے پر ہیں۔ فوج کے شعبہ تعلقات عامہ آئی ایس پی آر کے مطابق آرمی چیف نے آج چینی وزیر خارجہ سے ملاقات کی۔

    ملاقات میں چینی وزیر خارجہ وانگ ای نے کہا کہ پاکستان سی پیک منصوبے میں بڑھ چڑھ کر کام کر رہا ہے۔

    انہوں نے پاکستان کی بھارت اور افغانستان سمیت ہمسائیوں کے ساتھ بہتر تعلقات کی کوششوں کی تعریف بھی کی۔

    دوسری جانب آرمی چیف نےچینی وزیر خارجہ کا شکریہ ادا کرتے ہوئے کہا کہ پاکستان چین کے ساتھ اپنے تعلقات کو قدر اور اہمیت کی نگاہ سے دیکھتا ہے۔ انہوں نے اہم ایشوز پر پاکستان کی حمایت کرنے پر چین کا شکریہ ادا کیا۔

    اس سے قبل آرمی چیف نے چین کی عسکری قیادت سے ملاقات کی تھی۔ ملاقات میں انہوں نے کہا تھا کہ پاک چین دوستی منفرد ہے اور اس کا کوئی ثانی نہیں۔ خطے میں امن و امان قائم کرنے کے لیے پاک فوج اپنا کردار ادا کرتی رہے گی۔

    مزید پڑھیں: آرمی چیف کی چینی عسکری قیادت سے ملاقات

    چینی عسکری قیادت نے پاک فوج کی تعریف کی اور سی پیک کی سیکیورٹی پر مکمل اعتماد کا اظہار کرتے ہوئے افغانستان کی صورتحال پر شدید تشویش کا اظہار کیا تھا۔

    دونوں ممالک کی عسکری قیادت کے درمیان ہونے والی ملاقاتوں میں باہمی اور فوجی تعاون بڑھانے پر بھی غور کیا گیا تھا۔

  • فٹبال ورلڈ کپ کے لیے افرادی قوت چاہتے ہیں،قطری وزیراعظم

    فٹبال ورلڈ کپ کے لیے افرادی قوت چاہتے ہیں،قطری وزیراعظم

    راولپنڈی: آرمی چیف جنرل قمر جاوید باجوہ نے قطری وزیر اعظم شیخ عبداللہ بن نصر بن خلیفہ الثانی سے ملاقات کی جس میں سیکیورٹی اور دفاع سمیت دیگر اہم امور پر تبادلہ خیال کیا گیا، قطری وزیراعظم نے کہا کہ فٹ بال ورلڈ کپ کے لیے پاکستانی کے سیکیورٹی تجربات سے استفادہ اور افراد قوت چاہتے ہیں۔ 

    پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے قطری وزیر اعظم شیخ عبداللہ بن نصر بن خلیفہ الثانی سے دوحا میں ملاقات کی جس میں دفاعی تعاون سمیت علاقائی سیکیورٹی کےامورپربات چیت کی گئی۔

    قطری وزیر اعظم نے قطر کی ترقی میں پاکستان کے کردار کو سراہا، قطری وزیر اعظم نے علاقائی امن کے لیے پاک فوج کے کردار کی بھی تعریف کی۔

    قطری وزیر اعظم کا کہنا تھا کہ پاکستان قطر کا قابل اعتبار دوست ملک ہے، قطر کے عوام پاکستان کے عوام کو بہت اہمیت دیتے ہیں اور ہر مشکل میں ان کی قطر کے لیے مدد پر اعتماد کرتے ہیں۔

    مزید پڑھیں : قطر کے ساتھ دفاعی تعاون کو خصوصی اہمیت دیتے ہیں، آرمی چیف

    شیخ عبداللہ بن نصر بن خلیفہ الثانی نے مزید کہا کہ قطرپاکستان کو ہر سطح پرخصوصی اہمیت دیتا ہے، انہوں نے پاکستان آرمی سے سیکیورٹی کے حوالے سے تجربات سے استفادہ کرنے اور قطر میں آئندہ فٹ بال ورلڈ کپ کے حوالے سے افرادی قوت کی خواہش کا اظہارکیا۔

    آرمی چیف جنرل قمر جاوید باجوہ نے قطری وزیراعظم کے اظہار خیال پر ان کا شکریہ ادا کیا اور انہیں تمام شعبوں میں تعاون کی یقین دہانی کرائی۔

    واضح رہے کہ فٹ بال ورلڈ کپ 2022ء قطر میں منعقد ہونا ہے جس کے لیے قطری حکومت نے کئی برس سے انتظامات شروع کررکھے ہیں، یہ کپ 21 نومبر تا 18 دسمبر قطر میں منعقد ہوا جس کے لیے دنیا کا پہلا منفرد اسٹیڈیم تیار کیا جارہا ہے جو اوپر سے بند اور مکمل ایئرکنڈیشنڈ ہوگا۔

  • آرمی چیف کا حملہ آوروں کا بھر پور مقابلہ کرنے پر خراج تحسین

    آرمی چیف کا حملہ آوروں کا بھر پور مقابلہ کرنے پر خراج تحسین

    راولپنڈی: پاک فوج کے سربراہ جنرل قمر جاوید باجوہ نے مہمند ایجنسی میں دہشت گردوں کا حملہ ناکام بنانے پر پاک فوج کے جوانوں اور شہیدوں کو زبردست انداز میں خراج تحسین پیش کیا۔

    آئی ایس پی آر کے ایک ترجمان کے مطابق پاک فوج کے سربراہ جنرل قمر جاوید باجوہ نے گزشتہ رات شہید ہونے والے پاک فوج کے جوانوں کو خراج عقیدت پیش کرتے ہوئے ان کے اہلخانہ سے اظہار تعزیت کیا ہے۔

    آرمی چیف نے پاک افغان بارڈر پر چوکنے ہو کر نگرانی کرنے اور اسی کے نتیجے میں دہشت گردوں کا حملہ ناکام بنانے پر پاک فوج کے جوانوں کی تعریف کی۔

    آرمی چیف نے افغان حکام پر بھی زور دیا کہ وہ اپنی طرف سرحد کی نگرانی کا مؤثر نظام وضع کریں تاکہ مربوط سیکیورٹی کے ساتھ ساتھ بارڈر پر دہشت گردوں کی آزادانہ نقل و حرکت روکی جاسکے۔ ان کا کہنا تھا کہ دہشت گرد مشترکہ دشمن ہیں جس کے خلاف مل کر لڑنا ہوگا اور ان کی آزادانہ نقل و حرکت روکنی ہوگی۔

    واضح رہے کہ گزشتہ رات قبائلی علاقے مہمند ایجنسی میں افغانستان سے دہشت گردوں نے 3 پاکستانی چیک پوسٹوں پر حملہ کیا جس میں 5 اہلکار شہید جبکہ 10 دہشت گرد مارے گئے تھے۔

  • آرمی چیف سے ایرانی سفیر کی ملاقات

    آرمی چیف سے ایرانی سفیر کی ملاقات

    اسلام آباد: آرمی چیف جنرل قمر جاوید باجوہ سے پاکستان میں ایرانی سفیر مہدی ہنر دوست نے ملاقات کی۔ ملاقات میں علاقائی سیکیورٹی امور پر خاص طور پر تبادلہ خیال کیا گیا۔

    پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ سے پاکستان میں ایرانی سفیر مہدی ہنر دوست نے ملاقات کی۔ جی ایچ کیو میں ہونے والی اس ملاقات میں باہمی دلچسپی اور علاقائی سیکیورٹی کے امور پر تبادلہ خیال ہوا۔

    اس موقع پر آرمی چیف جنرل قمر جاوید باجوہ کا کہنا تھا کہ پاک فوج ایران کے ساتھ تعلقات پر کوئی سمجھوتہ نہیں کرے گی۔ پاک ایران فوجی تعاون سے علاقے میں امن کو فروغ ملے گا۔

    ایرانی سفیر نے کہا کہ خطے میں امن و استحکام کے لیے پاک فوج کا کردار قابل قدر ہے۔ مہدی ہنر دوست نے کہا کہ دہشت گردی کے خاتمے کے لیے آپریشن رد الفساد قابل تعریف اقدام ہے۔

    مزید پڑھیں:سندھپاک ایران دفاعی شعبوں میں تعاون بڑھایا جائے، ایرانی سفیر

    یاد رہے کہ گذشتہ سال ایرانی سفیر مہدی ہنر دوست نے کہا تھا کہ ایران نے کہا ہے کہ امید ہے کہ پاک ایران فوجی شعبوں میں تعاون بڑھایا جائے گا، دونوں ممالک میں فوجی تعاون کے فروغ کیلیے بات چیت بے حد ضروری ہے۔

  • پی ایس ایل فائنل: آرمی چیف اور وزیر اعلیٰ پنجاب کا ٹیلی فونک رابطہ

    پی ایس ایل فائنل: آرمی چیف اور وزیر اعلیٰ پنجاب کا ٹیلی فونک رابطہ

    راولپنڈی: آرمی چیف جنرل قمر جاوید باجوہ اور وزیر اعلیٰ پنجاب شہباز شریف کے درمیان ٹیلی فونک گفتگو ہوئی۔ پاک فوج کی جانب سے پاکستان سپر لیگ کے فائنل کے لیے بھرپور تعاون کی یقین دہانی کروائی گئی۔

    تفصیلات کے مطابق آرمی چیف اور وزیر اعلیٰ پنجاب کے درمیان ٹیلی فونک گفتگو ہوئی۔ گفتگو کا موضوع پاکستان سپر لیگ کا فائنل رہا۔

    پاک فوج کی جانب سے پی ایس ایل کے فائنل کے لیے بھرپور تعاون کی یقین دہانی کروائی گئی۔

    مزید پڑھیں: پی ایس ایل فائنل کے ٹکٹوں کی فروخت

    ذرائع کے مطابق آرمی چیف جنرل قمر جاوید باجوہ نے کہا کہ پاک فوج اور انٹیلی جنس ادارے پنجاب پولیس کی مدد کے لیے تیار ہیں۔ وزیر اعلیٰ پنجاب نے بھرپور حمایت اور تعاون پر آرمی چیف کا شکریہ ادا کیا۔

    واضح رہے کہ پاکستان سپر لیگ کا فائنل 5 مارچ کو لاہور میں کھیلا جارہا ہے جس کے لیے سخت سیکیورٹی انتظامات کیے جارہے ہیں۔ میچ کے لیے قذافی اسٹیڈیم کی تزئین و آرائش کا کام بھی جاری ہے۔