Tag: جنرل قمر جاوید باجوہ

راولپنڈی: آرمی چیف جنرل قمر جاوید باجوہ نے فرنٹیئر فورس رجمنٹل سینٹر ایبٹ آباد کا دورہ کیا، آرمی چیف نے یادگار شہدا پر حاضری دی، پھول چڑھائے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے فرنٹیئر فورس رجمنٹل سینٹر ایبٹ آباد کا دورہ کیا، لیفٹیننٹ جنرل عامر عباسی کرنل کمانڈنٹ فرنٹیئر فورس رجمنٹ مقرر ہوگئے۔

آرمی چیف نے لیفٹیننٹ جنرل عامر عباسی کو کرنل کمانڈنٹ کے بیچ لگائے، تقریب میں حاضر سروس، ریٹائرڈ افسران نے شرکت کی۔

آئی ایس پی آر کے مطابق سبکدوش کرنل کمانڈنٹ فرنٹیئر فورس رجمنٹ لیفٹیننٹ جنرل غیور محمود اعوان بھی موجود تھے۔

مزید پڑھیں: پاک فوج جواں مردی اور بہادری سے وطن عزیز کا دفاع یقینی بنائے گی، جنرل قمر باجوہ

آرمی چیف نے یادگار شہدا پر حاضری دی، پھول چڑھائے اور دفاع کے وطن کے لیے فرنٹیئر فورس رجمنٹ کی قربانیوں کی تعریف بھی کی۔

واضح رہے کہ گزشتہ روز آرمی چیف جنرل قمر جاوید باجوہ نے چونیاں اور قصور میں لاہور کور جبکہ ٹلا میں منگلا کور کا دورہ کیا تھا، منگلاکور کے جوانوں کی مشقیں دیکھیں اور جوانوں کے جذبے کی تعریف کی تھی۔

ان کا کہنا تھا کہ مسلح افواج جواں مردی، بہادری سے وطن عزیز کا دفاع یقینی بنائے گی۔

راولپنڈی: آرمی چیف جنرل قمر جاوید باجوہ نے آزاد کشمیر رجمنٹل سینٹر کا دورہ کیا، آرمی چیف نے لیفٹیننٹ جنرل شیر افگن کو اے کے رجمنٹ کا کرنل کمانڈنٹ مقرر کر دیا۔

آئی ایس پی آر کے جاری کردہ اعلامیے کے مطابق آرمی چیف نے آزاد کشمیر رجمنٹل سینٹر کا دورہ کر کے لیفٹیننٹ جنرل شیر افگن کو اے کے رجمنٹ کے کرنل کمانڈنٹ کے بیج لگائے۔

پاک فوج کے شعبہ تعلقات عامہ کے مطابق تقریب میں کور کمانڈر راولپنڈی لیفٹیننٹ جنرل بلال اکبر بھی موجود تھے، آزاد کشمیر رجمنٹ کے سبک دوش ہونے والے لیفٹننٹ جنرل ہدایت الرحمان اور بڑی تعداد میں ریٹائرڈ اور حاضر سروس افسران اور جوانوں نے تقریب میں شرکت کی۔

یہ بھی پڑھیں:  آرمی چیف نے نیشنل یونی ورسٹی آف ٹیکنالوجی کا افتتاح کر دیا

آئی ایس پی آر کا کہنا ہے کہ آرمی چیف جنرل باجوہ نے یاد گار شہدا پر پھول بھی چڑھائے۔

اس موقع پر جوانوں اور افسران سے خطاب کرتے ہوئے آرمی چیف نے مادر وطن کے دفاع کے لیے اے کے رجمنٹ کی قربانیوں کو سراہا۔

راولپنڈی: آرمی چیف جنرل قمر جاوید باجوہ سے سعودی نائب وزیر دفاع نے ملاقات کی، جس میں باہمی دل چسپی کے امور پر گفتگو کی گئی۔

پاک فوج کے شعبہ تعلقات عامہ (آئی ایس پی آر) کے مطابق سعودی نائب وزیرِ دفاع محمد بن عبداللہ العائش نے آرمی چیف جنرل قمر جاوید باجوہ سے ملاقات کی ہے۔

ملاقات میں دونوں ممالک کے درمیان باہمی دل چسپی کے امور، دفاعی اور سلامتی کے سلسلے میں تعاون پر تبادلہ خیال کیا گیا۔

آئی ایس پی آر اعلامیے کے مطابق ملاقات میں خطے کی مجموعی سیکورٹی صورتِ حال پر بھی بات چیت کی گئی۔

یہ بھی پڑھیں:  آرمی چیف سے تاجکستان کے وزیر دفاع کی ملاقات

یاد رہے کہ 11 اپریل کو تاجکستان کے وزیر دفاع جنرل شیر علی مروز نے آرمی چیف جنرل قمر جاوید باجوہ سے ملاقات کی تھی، ملاقات میں علاقائی سیکورٹی اور باہمی دل چسپی کے امور پر تبادلہ خیال کیا گیا تھا۔

آرمی چیف جنرل قمر جاوید باجوہ کا کہنا تھا کہ تاجکستان پاکستان کا دوست ملک ہے، باہمی تعاون سے خطے میں امن و استحکام کو تقویت ملے گی۔

راولپنڈی: آرمی چیف جنرل قمر جاوید باجوہ سے امریکی نمائندہ خصوصی زلمے خلیل زاد کی ملاقات ہوئی جس میں علاقائی سیکیورٹی اور افغان مفاہمتی عمل پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق امریکی نمائندہ خصوصی برائے افغانستان زلمے خلیل زاد نے جی ایچ کیو کا دورہ کیا اور آرمی چیف جنرل قمر جاوید باجوہ سے ملاقات کی، جس میں علاقائی سیکیورٹی اور افغان مفاہمتی عمل پر گفتگو کی گئی۔

امریکی نمائندہ خصوصی زلمے خلیل زاد نے کہا کہ فروغ امن کے لیے پاکستان کی کوششیں قابل قدر ہیں۔

واضح رہے کہ اس سے قبل امریکی نمائندہ خصوصی زلمے خلیل زاد نے وزیر خارجہ شاہ محمود قریشی سے ملاقات کی تھی، جس میں افغان مفاہمتی عمل میں ہونیوالی پیش رفت سمیت، باہمی دلچسپی کے اہم دوطرفہ امور پر تبادلہ خیال کیا گیا تھا۔

مزید پڑھیں: امریکی نمائندہ خصوصی زلمے خلیل زاد کی وزیر خارجہ اور سیکرٹری خارجہ سے ملاقات

خلیل زاد نے وزیر خارجہ کو دوحہ مذاکرات میں ہونے والی پیش رفت اور افغان امن عمل کے سلسلے میں اپنی حالیہ مصروفیات کی تفصیلات سے آگاہ کیا اور افغانستان میں اپنی اہم ملاقاتوں کا احوال گوش گزار کیا۔

وزیر خارجہ مخدوم شاہ محمود قریشی نے انٹرا افغان مذاکرات کے حوالے سے، پیش رفت کو سراہتے ہوئے کہا تھا کہ افغانیوں کے مابین مذاکرات کا انعقاد افغان مفاہمتی عمل کا اہم جزو ہے۔

شاہ محمود قریشی کا کہنا تھا کہ پاکستان افغانستان میں سیاسی مصالحت کیلئے نیک نیتی سے اپنا تعاون جاری رکھے گا، پاکستان، دیرپا تعمیر و ترقی کے ایجنڈے پر گامزن ہے، افغانستان میں امن و استحکام پاکستان سمیت پورے خطے کے بہترین مفاد میں ہے۔

اسلام آباد: وزیرِ اعظم عمران خان سے آرمی چیف جنرل قمر جاوید باجوہ نے ملاقات کی، جس میں اہم سکیورٹی معاملات پر تبادلہ خیال کیا گیا۔

وزیر اعظم آفس کے مطابق جمعرات کو پاک فوج کے سربراہ جنرل قمر جاوید باجوہ نے وزیر اعظم عمران خان سے ملاقات کی۔

ملاقات میں عمران خان اور آرمی چیف کے درمیان ملکی سیکورٹی کے معاملات پر تفصیلی گفتگو کی گئی۔

یاد رہے کہ دو دن قبل 220 ویں کور کمانڈر کانفرنس میں آرمی چیف جنرل قمر جاوید باجوہ نے کہا تھا کہ ملک میں ایسے اقدامات کیے جا رہے ہیں جس کے تحت ہتھیار کے استعمال کا حق صرف ریاست کے پاس ہوگا۔

آرمی چیف نے کہا کہ سماجی و اقتصادی ترقی کے ثمرات اب سامنے آنے لگے ہیں، نیشنل ایکشن پلان کے اطلاق کے لیے حکومت سے تعاون کیا جائے گا اور علاقائی امن و استحکام کے لیے مثبت اقدام کی حمایت کی جائے گی۔

یہ بھی پڑھیں:  وزیراعظم اور آرمی چیف کی ملاقات، بھارتی جارحیت کے جواب میں مسلح افواج کے کردار کی تعریف

11 مارچ کو بھی وزیر اعظم عمران خان سے آرمی چیف جنرل قمر جاوید باجوہ نے ملاقات کی تھی،جس میں پاک بھارت کشیدگی اور ملک کی داخلی و خارجی سیکورٹی کی صورت حال سمیت پاک فوج کے پیشہ ورانہ امور کا جائزہ لیا گیا تھا۔

وزیر اعظم عمران خان نے بھارتی جارحیت کے جواب میں مسلح افواج کے کردار کو بھرپور انداز میں سراہتے ہوئے کہا تھا کہ پاکستان کسی کے خلاف جارحانہ عزائم نہیں رکھتا، تاہم اپنے دفاع کا حق استعمال کرتے رہیں گے۔