Tag: جنوبی افریقا

جنوبی افریقا 2023 میں چھکا مار کر گلاس شیلڈ توڑنے والے بھارتی کھلاڑی رنکو سنگھ کا منتظر ہے۔

دورہ جنوبی افریقا کے دوران دسمبر 2023 میں بھارت کے جارح مزاج بیٹر رنکو سنگھ نے 38 گیندوں پر 68 رنز کی دلکش اننگز کھیلی تھی اور چھکا مار کر پریس باکس کا شیشہ بھی توڑ دیا تھا۔

رنکو سنگھ پانچویں نمبر پر بیٹنگ کرنے آئئے اور اپنی اننگز میں نو چوکے اور دو بلند و بالا چھکے لگائے تھے۔

سینٹ جارج پارک انتظامیہ نے کہا کہ گراؤنڈ پاور ہٹر کے مقام پر پہنچنے کا انتظار کررہا ہے تاکہ شیشے کی ٹوٹی ہوئی شیلڈ کے لیے آٹو گراف لیا جاسکے۔

انتظامیہ کا کہنا ہے یہ پریس باکس مخصوص اونچائی پر واقع ہے اور اسے تبدیل کرنا مشکل کام ہوگا کسی کو کرین کی مدد سے یہ مرمت کا کام کرنا ہوگا۔

واضح رہے کہ رنکو سنگھ ٹریولنگ ریزرو کے طور پر ٹی 20 ورلڈ کپ 2024 کے لیے بھارتی اسکواڈ کا حصہ تھے لیکن 15 رکنی اسکواڈ میں شامل نہیں تھے۔

انہیں نومبر 2023 میں ٹی 20 سیریز کے لیے پلیئنگ الیون میں شامل کیا گیا جہاں انہوں نے چھکا مار کر گلاس شیلڈ توڑ دی اور انتظامیہ ان کا آٹو گراف لینے سے محروم رہی تھی۔

جنوبی افریقا کے سابق فاسٹ بولر ڈیل اسٹین نے بھی رنکو سنگھ کی شاندار اننگز کی تعریف کی تھی۔

کیپ ٹاؤن ٹیسٹ میں جنوبی افریقا نے پاکستان کے خلاف رنز کا پہاڑ کھڑا کردیا، پاکستان نے پہلی اننگز میں تین وکٹیں گنوا کر 64 رنز بنالیے۔

پاکستان اور جنوبی افریقا کے درمیان جاری کیپ ٹاؤن ٹیسٹ کے دوسرے روز کا کھیل ختم ہوگیا، پاکستان نے پہلی اننگز میں 3 وکٹیں گنوا کر 64 رنز بنالیے اور جنوبی افریقا کی برتری ختم کرنے کے لیے مزید 551 رنز درکار ہیں۔

بابر اعظم 31 اور محمد رضوان 9 رنز بنا کر ناٹ آؤٹ ہیں، کامران غلام 12، شان مسعود 2، سعود شکیل بغیر کوئی رن بنائے پویلین لوٹ گئے۔

جنوبی افریقا کی جانب سے کاگیسو ربادا نے دو اور مارکو ینسن نے ایک کھلاڑی کو آؤٹ کیا ہے۔

اس سے قبل جنوبی افریقا کی ٹیم پہلی اننگز میں 615 رنز بنا کر آؤٹ ہوئی، رائن ریکلٹن نے ریکارڈ 259 رنز کی اننگز کھیلی، ٹیمبا باووما نے 106 او رکائل ویرینا نے 100 رنز بنائے۔

View this post on Instagram

A post shared by Pakistan Cricket (@therealpcb)

مارکو ینسن 62 اور کیشو مہاراج 40 رنز کے ساتھ نمایاں رہے، مارکرم 17، ربادا 6، ویان ملڈر اور بیڈنگھم 5، 5 رنز بناسکے، ٹرسٹن اسٹبس اور کوینا ماپھاکا بغیر کوئی رن بنائے آؤٹ ہوئے۔

پاکستان کی جانب سے محمد عباس اور سلمان علی آغا نے تین، تین کھلاڑی آؤٹ کیے، خرم شہزاد اور میر حمزہ نے دو، دو وکٹیں حاصل کیں۔

واضح رہے کہ جنوبی افریقا کو دو ٹیسٹ میچز کی سیریز میں 1-0 کی برتری حاصل ہے، میزبان ٹیم نے پاکستان کو پہلے ٹیسٹ میچ میں سنسنی خیز مقابلے کے بعد 2 وکٹوں سے شکست دی تھی۔

پاکستان کے خلاف دوسرے ٹی 20 سے قبل جنوبی افریقا کو دھچکا لگ گیا ہے۔

پاکستان کے خلاف دوسرے ٹی 20 سے قبل جنوبی افریقا کے اہم فاسٹ بولر اینرک نورکیانے انجرڈ ہونے کے سبب ٹی 20 اور ون ڈے سیریز سے باہر ہوگئے۔

31 سالہ فاسٹ بولر کے بائیں پیر کے انگوٹھے میں چوٹ لگی تھی، اسکینز کے بعد فریکچر کی تصدیق ہوئی ہے۔

نورکیانے کی جگہ آل راؤنڈر دیان گلیم کو اسکواڈ میں شامل کیا گیا ہے۔

27 سالہ دیان گلیم نے ڈومیسٹک کے 60 میچوں میں 46 وکٹیں حاصل کررکھی ہیں وہ بین الاقوامی سطح پر شاندار کارکردگی کے لیے پرعزم ہیں۔

نورکیانے نے جون میں آئی سی سی ٹی 20 ورلڈ کپ فائنل کے بعد سے جنوبی افریقہ کی نمائندگی نہیں کی تھی، ورلڈ کپ میں انہوں نے 15وکٹیں حاصل کی تھیں۔

ان کے علاوہ فاسٹ بولر جیرالڈ کوٹیزی، گروئن، ناندرے برگر، کمر کے نچلے حصے میں اسٹریس فریکچر اور لونگی نگیدی ہپ کی انجری سے دوچار ہیں۔

ڈربن میں کھیلے گئے پہلے ٹی 20 میچ میں جنوبی افریقا نے پاکستان کو 11 رنز سے شکست دی تھی، دونوں ٹیموں کے درمیان دوسرا ٹی 20 کل سنچورین میں کھیلا جائے گا۔

پہلے ٹی 20 میں جنوبی افریقا نے مقررہ اوورز میں 9 وکٹوں کے نقصان پر183 رنز بنائے تھے ہدف کے تعاقب میں پاکستان کی ٹیم 8 وکٹوں کے نقصان پر 172 رنز بناسکی تھی۔