Tag: جنوبی افریقہ

کرکٹ آسٹریلیا نے جنوبی افریقہ کے خلاف ٹیسٹ سیریز کے لئے پندرہ رکنی اسکواڈ کا اعلان کردیا۔

آسٹریلیا اور جنوبی افریقہ کے درمیان تین میچز کی ٹیسٹ سیریز کا آغاز آئندہ ماہ بارہ فروری سے سینچورین میں کھیلے جانے والے ٹیسٹ سے ہوگا، طویل دورانیئے کی سیریز کے لئے آسٹریلیا نے پندرہ رکنی اسکواڈ کا اعلان کردیا ہے۔

انگلینڈ کے خلاف ایشیز سیریز میں مایوس کن پرفارمنس کے باعث جارج بیلے کو ڈراپ کردیا گیا ہے، شان مارش اور ایلکس ڈولن پندرہ رکنی اسکواڈ میں جگہ بنانے میں کامیاب ہوگئے، ٹیم کی قیاد ت مائیکل کلارک کریں گے، بریڈ ہیڈن ان کے نائب ہوں گے۔

جنوبی افریقہ ویمنز ٹیم نے پاکستان کو چار وکٹوں سے ہرا کر ٹرائی نیشن ون ڈے سیریز جیت لی ہے۔ دوحہ میں ہونے والی ٹرائی نیشن ون ڈے سیریز کے فائنل مقابلے میں جنوبی افریقہ نے ٹاس جیت کر پاکستان ویمنز ٹیم کو بیٹنگ کی دعوت دی۔

خراب کارکردگی کی وجہ سے پاکستانی ٹیم چورانوے رنز پر ڈھیر ہوگئی۔ جویریہ خان تیس رنز بناکر نمایاں رہیں۔جنوبی افریقی ٹیم کیلئے شبنم اسمعیل نے تین وکٹیں حاصل کیں۔

مطلوبہ ہدف کے تعاقب میں جنوبی افریقی ویمنز ٹیم کو بھی مشکلات درپیش رہیں لیکن چھ وکٹ کے نقصان پر ہدف حاصل کرلیا گیا۔ سمیعہ صدیقی اور ندا ڈار نے دو، دو کھلاڑیوں کو آؤٹ کیا۔

پاکستان، جنوبی افریقہ اور آئرلینڈ ویمنز ٹیم کے درمیان ٹرائی نیشن ٹی ٹوئنٹی سیریز انیس جنوری سے شروع ہوگی

تین ملکی ویمنز ون ڈے ٹورنامنٹ کے آخری گروپ میں جنوبی افریقہ نے پاکستان ویمنز ٹیم کو تین وکٹوں سے شکست دے دی۔

دوحا میں کھیلے گئے تین ملکی ویمنز ٹورنامنٹ کے آخری گروپ میچ میں جنوبی افریقہ نے پاکستان کو سنسنی خیر مقابلے کے بعد تین وکٹوں سے ہرادیا۔

قومی ویمنز ٹیم نے ٹاس جیت کر بینگ کا فیصلہ کیا، قومی ٹیم مقررہ اوورز کھیلے بغیر ایک سو ایک رنز بنا کر آؤٹ ہوگئی، بسما معروف تیس رنز بناکر ٹاپ اسکورررہی۔

جنوبی افریقہ نے مطلوبہ ہدف با مشکل سات وکٹوں پر حاصل کیا۔ ایونٹ میں یہ قومی ویمنز ٹیم کی پہلی شکست ہے، ایونٹ کا فائنل پاکستان اور جنوبی افریقہ کی ٹیموں کے درمیان جمعہ کو کھیلا جائے گا۔

پاکستان اور جنوبی افریقہ ویمنز کرکٹ ٹیم کے درمیان ٹرائی نیشن ون ڈے سیریز کا آخری راؤنڈ میچ آج دوحہ میں کھیلا جائیگا۔

دوحہ میں جاری ویمنز ٹرائی نیشن ون ڈے سیریز میں پاکستان کرکٹ ٹیم ناقابل شکست ہے، پاکستان نے تین میچز کھیلتے ہوئے آئرلینڈ اور جنوبی افریقہ کو شکست دی ہے۔

جنوبی افریقی ٹیم کو ایک میں شکست اور ایک میچ میں کامیابی ملی، دونوں ٹیمیں پہلے ہی سیریز کے فائنل کیلئے کوالیفائی کرچکی ہیں جو سترہ جنوری کو کھیلا جائیگا۔

سہ ملکی ویمنز کرکٹ ٹورنامنٹ میں پاکستان نے جنوبی افریقہ کو چار وکٹوں سے شکست دے دی۔
دوحہ میں کھیلے جانے والے میچ میں جنوبی افریقی ویمنز ٹیم نے ٹاس جیت کر پہلے بیٹنگ کا فیصلہ کیا۔ پاکستان کی نپی تلی بولنگ کے سامنے حریف ٹیم بڑا اسکور کرنے میں کامیاب نہ ہوسکی۔

جنوبی افریقہ نے مقررہ اوورز میں آٹھ وکٹوں پر ایک سو پچیس رنزبنائے۔ ندا ڈار نے چارکھلاڑیوں کو آؤٹ کیا۔ جواب میں پاکستان ویمنز نے مطلوبہ ہدف آخری اوور میں چھ وکٹوں کے نقصان پر حاصل کرلیا۔ بسمعہ معروف ساٹھ رنز بناکر نمایاں رہیں۔ یہ ایونٹ میں پاکستان کی مسلسل دوسری کامیابی ہے۔

ڈربن ٹیسٹ کو جنوبی افریقی آل رانڈر جیک کیلس نے اپنی شاندار سینچری سے ناقابل فراموش بنادیا۔ میزبان ٹیم بھی کیلس کو جیت کا تحفہ دینے کے لئے پرعزم ہے۔ بھارت میچ بچانے کے لئے آج اپنی دوسری اننگز ارسٹھ رنز دو کھلاڑی پر دوبارہ شروع کرے گا۔

ڈربن ٹیسٹ کا آج آخری دن ہے۔ بھارت کو جنوبی افریقہ کی پہلی اننگز کی برتری ختم کرنے کے لئے ابھی مزید اٹھانوے رنز درکار ہیں اور اس کی آٹھ وکٹیں باقی ہیں۔ ٹیسٹ کے چوتھے روز کی خاص بات کیلس کی شاندار سینچری رہی۔

دنیا کے بہترین آل راؤنڈر کہلانے والے کیلس نے سینچری سے کیرئیر کے آخری ٹیسٹ کو ناقابل فراموش بنادیا۔ میزبان ٹیم بھی یہ ٹیسٹ جیت کر اس لمحے کو مزید یادگار بنانا چاہتے ہیں۔ بھارت نے چوتھے روز کے اختتام تک دوسری اننگز میں دو وکٹوں پر ارسٹھ رنز بنالئے تھے۔