Tag: جنوبی افریقہ

جنوبی افریقہ کے لیجنڈری بیٹسمین جیک کیلس نے بھارت کیخلاف کیرئیر کے آخری ٹیسٹ میچ کو شاندار سنچری اسکور کرکے یادگار بنا دیا ہے۔ جنوبی افریقہ کے تجربہ کار بیٹسمین جیک کیلس بھارت کیخلاف کیرئیر کا آخری ٹیسٹ کھیل رہے ہیں۔ ٹیسٹ کرکٹ سے ریٹائرمنٹ کو بھی انھوں نے یادگار بنایا ہے۔

ڈربن ٹیسٹ کے چوتھے روز جیک کیلس نے شاندار سنچری اسکور کی ۔یہ انکےکیرئیر کی پینتالیسویں اور بھارت کیخلاف اب تک وہ سات سنچری اسکور کرچکے ہیں۔ شاندار کارکردگی اور آخری ٹیسٹ میچ کی وجہ سے بھارتی ٹیم کیساتھ شائقین نے بھی ان کی بھرپور حوصلہ افزائی کی ہے۔

ڈربن ٹیسٹ کا پہلا دن بھارتی بلے بازوں کے نام رہا۔ جنوبی افریقہ کے خلاف بھارت آج اپنی پہلی نامکمل اننگز ایک سو اکیاسی رنز ایک کھلاڑی آؤٹ پر دوبارہ شروع کرے گا۔ جنوبی افریقی آل راؤنڈر جاک کیلس کیرئیر کا آخری ٹیسٹ کھیل رہے ہیں۔

ڈربن میں کھیلے جانے والے میچ کا ٹاس بھارت نے جیت کر پہلے بیٹنگ کا فیصلہ کیا۔ بھارت نے اننگز کا آغاز کیا تو اکتالیس کے مجموعی اسکور پر شیکھر دھون انتیس رنز بناکر پویلین لوٹ گئے۔

جس کے بعد جنوبی افریقی بولرز کوئی کامیابی حاصل نہیں کرسکے۔ مرلی وجے اور چتیشور پجارا نے میزبان بولرز کی جم کر دھرگت بنائی اور دوسری وکٹ کے لئے ایک سو چالیس رنز کی ناقابل شکست شراکت قائم کردی۔

بھارت آج دوسرے روز اپنی پہلی نامکمل اننگز ایک سو اکیاسی رنز ایک کھلاڑی آؤٹ پر دوبارہ شروع کرے گا۔

بھارت کے خلاف کل سے ڈربن میں شروع ہونے والا میچ جاک کیلس کے کیرئیر کا آخری ٹیسٹ ہوگا، لیکن وہ ون ڈے کے لئے دستیاب ہوں گے، کیلس ہمیشہ سے جنوبی افریقہ کے سب سے پراعتماد کھلاڑی رہے ہیں۔

کیلس نے انیس سو پچانوے میں انگلینڈ کے خلاف ڈربن میں ٹیسٹ کیرئیر کا آغاز کیا،  اٹھارہ سالہ ٹیسٹ کیرئیر میں کیلس نے کئی میچز میں ٹیم کی کامیابی میں کلیدی کردار ادا کیا، بیٹنگ، بولنگ ہو یا فیلڈنگ کھیل کے تینوں شعبوں میں کلیس نے اپنی صلاحیتوں کا لوہا منوایا۔

کیلس کو جنوبی افریقی ٹیم کی ریڑھ کی ہڈی بھی سمجھا جاتا ہے، ان کا چلنا ہمیشہ ہی جیت کی ضمانت رہا ہے،  کیلس نے ایک سو پینسٹھ ٹیسٹ میچز میں جنوبی افریقہ کی نمائندگی کی اور پچپن کی اوسط سے تیرہ ہزار ایک سو چوہتر رنز بنائے، جو طویل دورانیئے کی کرکٹ میں چوتھا بہترین اسکور ہے۔

ٹنڈولکرکے بعد ٹیسٹ کرکٹ میں سب سے زیادہ چوالیس سینچریاں بنانے کا اعزاز بھی کیلس کو ہی حاصل ہے، کیلس کا کہنا ہے کہ ٹیسٹ کرکٹ چھوڑنا آسان فیصلہ نہیں لیکن یہ بہترین وقت ہے، اگر فٹ رہا تو دوہزار پندرہ کا ورلڈ کپ ضرور کھیلوں گا۔