Tag: جنوبی ایشیا

اسلام آباد: بھارتی وزیر اعظم نریندر مودی کی جانب سے وزیر اعظم عمران خان کو لکھے گئے خط کےمزید مندرجات سامنے آ گئے۔

تفصیلات کے مطابق بھارتی میڈیا کا پراپیگنڈا ایک بار پھر جھوٹا نکلا ہے، حکومتی سطح پر تصدیق کی گئی ہے کہ نریندر مودی نے وزیر اعظم عمران خان کو خط بھیجا ہے۔

ذرایع وزیر اعظم آفس کا کہنا ہے کہ خط پر نریندر مودی کے دستخط ہیں، دستخط شدہ خط میں حوصلہ افزا باتیں کی گئی ہیں۔

بھارتی وزیر اعظم کی جانب سے بھیجے گئے خط کے مزید مندرجات بھی سامنے آ گئے ہیں، خط میں کرتارپور راہ داری جلد مکمل کرنے کی یقین دہانی کرائی گئی ہے۔

خط میں نریندر مودی نے کہا ہے کہ کرتارپور راہ داری پر کام ترجیحی بنیادوں پر مکمل کیا جائے گا۔

یہ بھی پڑھیں:  وزیراعظم عمران خان کی بڑی کامیابی ، بھارت پاکستان سے مذاکرات پر آمادہ

ادھر وزیر اعظم آفس کے ذرایع نے بتایا ہے کہ وزیر اعظم عمران خان خط کے مندرجات کا جائزہ لے رہے ہیں، پاکستان خط کا مثبت جواب دے گا۔

واضح رہے کہ وزیر اعظم عمران خان اور شاہ محمود قریشی کی جانب سے بھارتی وزیر اعظم اور وزیر خارجہ کو تہنیتی خطوط بھجوائے گئے تھے، جن کے جواب میں انھوں نے خطوط لکھے ہیں، جن میں کہا گیا ہے کہ بھارت امن اور ترقی کے لیے پاکستان سمیت تمام ممالک سے جامع مذاکرات کے لیے تیار ہے۔

خط کے متن میں کہا گیا پورے خطے میں امن اور ترقی کے لیے بھارت پاکستان سمیت تمام ممالک سے جامع مذاکرات کے لیے تیار ہے، مذاکرات میں دہشت گردی کے موضوع پر خصوصی توجہ ہو۔

جہلم: وفاقی وزیرِ اطلاعات فواد چوہدری نے کہا ہے کہ وزیر اعظم سیاحت کے فروغ میں گہری دل چسپی رکھتے ہیں، پاکستان کو جنوبی ایشیا کا سیاحتی مرکز بنانے کے لیے پُر امید ہیں۔

تفصیلات کے مطابق پنجاب کے شہر جہلم میں وزیرِ اطلاعات فواد چوہدری نے تقریب سے خطاب کرتے ہوئے کہا کہ ہم پاکستان کو جنوبی ایشیا کا سیاحتی مرکز بنانے کے لیے پر امید ہیں۔

فواد چوہدری کا کہنا تھا کہ جہلم میں خوب صورت سیاحتی مقامات موجود ہیں، قلعہ روہتاس جنوبی ایشیا میں تاریخی حیثیت رکھتا ہے۔

وزیرِ اطلاعات نے کہا کہ جہلم ایک تاریخی حیثیت کا حامل شہر ہے، ہماری حکومت کے تحت سیاحت کے فروغ کے لیے اقدامات کیے جا رہے ہیں۔

یہ بھی پڑھیں:  پاکستان کا مستقبل سیاحت میں ہے: وزیر اعظم

یاد رہے کہ 3 اپریل کو وزیر اعظم عمران خان نے ٹور اِزم سمٹ سے خطاب کرتے ہوئے کہا تھا کہ پاکستان کا مستقبل سیاحت میں ہے، پاکستان کے سیاحتی مقامات کو سامنے لانے کی ضرورت ہے۔

ان کا کہنا تھا کہ وہ پوری دنیا میں سیاحتی مقامات دیکھ چکے ہیں، جو خوب صورتی پاکستان میں پائی ہے وہ دنیا میں کہیں اور نہیں پائی، شمالی علاقے دنیا میں سب سے زیادہ پرکشش ہیں۔

عمران خان نے کہا ’دہشت گردی کی وجہ سے کچھ سال پہلے سیاحت ختم ہوچکی تھی، اب حالات بہتر ہیں، پاکستان میں نتھیا گلی جیسے 100 مقامات ہیں، کسی کو اندازہ ہی نہیں۔‘