Tag: جنوبی وزیرستان

پشاور: سوشل میڈیا پر ایک بچی کا فٹ بال کو کک لگانے والی ایک تصویر کئی دن سے گردش کر رہی ہے، ٹویٹر اور دیگر سماجی رابطوں کی ویب سائٹس پر مختلف شعبہ ہائے سے زندگی سے تعلق رکھنے والے لوگ اسکول یونی فارم پہنے بال کو ماہر فٹ بالر کی طرح کک لگاتی بچی کی تصویر شیئر کر رہے ہیں۔

اے آر وائی نیوز نے اس بچی کے بارے میں معلومات حاصل کر لی ہیں، معلوم ہوا ہے کہ فٹ بال کو کک لگاتی یہ بچی تیسری جماعت کی طالبہ عاصمہ حافظ ہے اور اس کا تعلق جنوبی وزیرستان کے ایک پس ماندہ علاقے وانا تنائی سے ہے۔

عاصمہ حافظ تعلیم حاصل کر کے ڈاکٹر بننے کی خواہش مند ہے لیکن ان کے علاقے میں اسکولوں کی کمی عاصمہ جیسے بچوں کی مستقبل کے لیے بڑا چیلنچ ہے۔

دہشت گردی سے سب سے زیادہ متاثر ہونے والا وزیرستان جہاں آئے روز دھماکوں اور دہشت گردی کے واقعات سے علاقہ مکین غیر یقینی کی کیفیت میں زندگی گزارنے پر مجبور تھے، سیکیورٹی فورسز کی جانب سے امن دشمنوں کے خلاف کارروائیوں سے اب وہاں حالات قدرے بہتر ہیں، یہی وجہ ہے کہ عاصمہ حافظ جیسی گڑیا اب کھیل کے میدان جا کر فٹ بال کو کک لگا کر دنیا کو پیغام دے رہی ہے کہ ہم بھی کسی سے کم نہیں۔

جنوبی وزیرستان :
کسی نے بلکل سچ ہی کہا ہے کہ کھبی کھبی ایک تصویر کا ہزار الفاظ مقابلہ نہیں کر سکھتے ـ#امن #زندگی pic.twitter.com/R2CItJx2L3

— Ajmal Khan Wazir (@ajmalkwazir) January 29, 2021

عاصمہ حافظ کے بھائی حمزہ حافظ جو ایبٹ آباد کامسیٹس یونی ورسٹی میں انجنیئرنگ کے طالب علم ہیں، نے اے آر وائی نیوز سے بات کرتے ہوئے کہا ہم بہت خوش ہیں کہ ہماری بہن کی وجہ سے علاقے کا بہتر امیج سامنے آ رہا ہے، ہماری خواہش ہے کہ بہن بھی اعلیٰ تعلیم حاصل کر لے لیکن علاقے میں اسکولوں کی کمی ایک بڑا مسئلہ ہے۔

حمزہ حافظ نے کہا جس علاقے سے ہم تعلق رکھتے ہیں وہاں پر بچوں کی تعلیم حاصل کرنے کے لیے اس وقت کوئی سرکاری اسکول نہیں ہے، ایک سرکاری اسکول تو موجود ہے لیکن وہ کئی سالوں سے بند پڑا ہے، اور جس اسکول میں عاصمہ اور دیگر بچے پڑھ رہے ہیں وہ بھی ہمارے گھر سے 2 کلومیٹر کے فاصلے پر واقع پرائیویٹ اسکول ہے۔

حمزہ نے بتایا کہ واحد نجی اسکول میں بچے اور بچیاں اکھٹے تعلیم حاصل کر رہے ہیں، جس کی وجہ سے علاقے کی بچیاں پانچویں تک تعلیم حاصل کرتی ہیں لیکن پھر اسکول نہ ہونے کی وجہ سے تعلیم چھوڑ دیتی ہیں۔

حمزہ حافظ نے حکومت سے مطالبہ کیا کہ ہمارے علاقے میں تعلیمی ترقی کے لیے جلد اقدامات کیے جائیں۔

حمزہ حافظ کا کہنا تھا کہ والدین کی خواہش ہے عاصمہ حافظ تعلیم حاصل کر کے ڈاکٹر بنے کیوں کہ ہمارے علاقے میں کوئی خاتون ڈاکٹر نہیں ہے، ہم چاہتے ہیں کہ عاصمہ ڈاکٹر بن کر علاقے کی خدمت کرے، عاصمہ کو تعلیم حاصل کرنے کا بہت شوق ہے، جب اسکول میں اسپورٹ گالا ہوتا ہے تو اس میں بھی حصہ لیتی ہے۔

واضح رہے کہ عاصمہ کی فٹبال کو کک مارتی تصویر سوشل میڈیا صارفین نے بھی حوصلہ افزا اور تعریفی کلمات کے ساتھ شیئر کی، ایک صحافی نے لکھا کہ یہ آج کی سب سے بہترین تصویر ہے، وزیرستان سے تعلق رکھنے والے سابق ترجمان خیبر پختون خوا حکومت اجمل وزیر نے تصویر پوسٹ کرتے ہوئے لکھا کہ کسی نے بالکل سچ ہی کہا ہے کہ کبھی کبھی ایک تصویر کا ہزار الفاظ مقابلہ نہیں کر سکتے۔

اسلام آباد: بی بی سی کی گم راہ کن خبر پر پاکستان نے اپنا ردِ عمل ظاہر کرتے ہوئے برطانوی میڈیا ریگولیٹر آفس آف کمیونی کیشن میں احتجاجی مراسلہ جمع کرا دیا۔

تفصیلات کے مطابق برطانوی براڈ کاسٹ ادارے کی گمراہ کن خبر پر پاکستان نے کہا ہے بی بی سی نے پاکستان میں انسانی حقوق کی خلاف ورزیوں پر بے بنیاد خبر دی ہے، برطانوی ادارہ خبر میں کیے دعوؤں پر کوئی ٹھوس ثبوت پیش نہیں کر سکا ہے۔

پاکستان کی جانب سے مراسلے میں کہا گیا ہے کہ خبر کے سلسلے میں تعصب کا مظاہرہ کرتے ہوئے پاکستانی مؤقف کو نظر انداز کیا گیا، آئی ایس پی آر کے مؤقف دینے کی پیش کش کو بھی نظر انداز کیا گیا، بی بی سی کوتاہی تسلیم کر کے خبر ہٹائے، ورنہ قانونی کارروائی کا حق رکھتے ہیں۔

دریں اثنا، وزارتِ اطلاعات نے 2 جون کی بی بی سی کی خبر پر انیس صفحات پر مشتمل ڈوزیئر بی بی سی کے حوالے کر دیا، ڈوزیئرمیں کہا گیا کہ دو جون کوشایع خبر صحافتی اقدار کے خلاف اور من گھڑت تھی، فریقین کا مؤقف نہیں لیا گیا جو ادارتی پالیسی کے خلاف ہے، بغیر ثبوت خبر شایع کر کے پاکستان کے خلاف سنگین الزام تراشی کی گئی، جانب داری کا مظاہرہ کیا گیا اور حقایق توڑ مروڑ کر پیش کیے گئے۔

ڈوزیئر میں کہا گیا کہ ریاستی اداروں کے آپریشن کو دہشت گردی کے مساوی قرار دینا گم راہ کن ہے، برطانیہ میں پریس اتاشی یہ معاملہ آفس آف کمیونیکیشن اور بی بی سی سے اٹھائیں گے۔

ڈوزئیر میں مزید کہا گیا کہ پاک فوج نے کبھی بھی عدنان رشید کے قتل کو تسلیم نہیں کیا، صحافی کی جانب داری اس کے سوشل میڈیا اکاؤنٹ سے واضح ہے، صحافی نے پاکستان کے فضائی حملوں کا ذکر کیا، ڈرون حملوں کا نہیں، ٹونی بلیئر ماضی میں غلط خفیہ معلومات پر معافی مانگ چکے ہیں۔

ڈوزئیر میں یہ بھی کہا گیا کہ بی بی سی کی جانب سے وزیرستان کے دورے کی خواہش تک نہیں کی گئی، بی بی سی نے ایسی ہی خبر یوکرائنی صدر کے خلاف بھی شایع کی تھی اور کرپشن کے سنگین الزام لگائے تھے جس پر اس کو معافی مانگنا اور ہر جانہ ادا کرنا پڑا تھا۔