ARYNews.tv | Urdu – Har Lamha Bakhabar

Tag: جنوبی پنجاب

  • تحریک انصاف اور صوبہ جنوبی پنجاب محاذ کے درمیان صوبے کے لیے معاہدہ طے

    تحریک انصاف اور صوبہ جنوبی پنجاب محاذ کے درمیان صوبے کے لیے معاہدہ طے

    اسلام آباد: تحریک انصاف اور صوبہ جنوبی پنجاب محاذ کے درمیان صوبے کے لیے معاہدہ طے پا گیا۔ مسلم لیگ ن کے منحرف رہنما خسرو بختیار کا کہنا ہے کہ عمران خان نے 100 روز میں عملی اقدام کرنے کا وعدہ کیا ہے۔

    تفصیلات کے مطابق پاکستان تحریک انصاف اور صوبہ جنوبی پنجاب محاذ کے درمیان معاہدہ طے ہوگیا۔ معاہدے پر چیئرمین تحریک انصاف عمران خان نے دستخط کیے جبکہ صوبہ جنوبی پنجاب محاذ کی جانب سے خسرو بختیار اور بلخ شیر مزاری نے دستخط کیے۔

    مشترکہ پریس کانفرنس سے خطاب کرتے ہوئے خسرو بختیار نے کہا کہ ہم پر کچھ تنقیدی وار بھی ہوئے ہیں۔ اپنا مقدمہ 9 اپریل کو عوام کے سامنے جدت کے ساتھ پیش کیا۔

    انہوں نے کہا کہ خوشی ہے ایک جماعت نے ہمارے مطالبے کو منشور میں شامل کیا۔ مینار پاکستان پر جنوبی پنجاب کے عوام سے صوبے کا وعدہ کیا گیا۔ ملک کو چیلنجز درپیش ہیں، اقتدارمیں توازن کی ضرورت ہے۔

    ان کا کہنا تھا کہ سب سے زیادہ اکائیوں میں توازن لانے کی ضرورت ہے۔ پاکستان میں پہلی بار نیا صوبہ بننے سے اکائیوں میں توازن آئے گا۔ ’پاکستان مضبوط ملک کے ساتھ مضبوط قوم بن کر بھی ابھرے گا‘۔

    خسرو بختیار نے کہا کہ جنوبی پنجاب کے عوام اب محکومی کی زندگی نہیں گزارنا چاہتے۔

    انہوں نے کہا کہ عمران خان 22 سال سے ملک کے لیے جدوجہد کر رہے ہیں۔ ’عمران خان اور تحریک انصاف کے ساتھ ایک ہونے کا فیصلہ کیا ہے، ہمارے پاس کوئی اور راستہ نہیں تھا، عمران خان نے 100 دن میں عملی اقدام کرنے کا وعدہ کیا ہے‘۔

    خسرو بختیار نے مزید کہا کہ پیپلز پارٹی نے جنوبی پنجاب کے لیے جھنڈا اٹھایا لیکن سنجیدگی نہیں دکھائی، ن لیگ براجمان رہی لیکن پنجاب کے عوام کو تقسیم کیا۔ ’پاکستان کو سب سے پہلے اندرونی اتحاد کی ضرورت ہے، جنوبی پنجاب کے حکمران بھی وہاں کے مسائل حل نہ کر سکے‘۔

    جنوبی پنجاب صوبے کا قیام ضروری ہے

    مشترکہ پریس کانفرنس سے خطاب کرتے ہوئے تحریک انصاف کے چیئرمین عمران خان نے کہا کہ پاکستان کے عوام کو ایک قوم بنانا ہے۔

    انہوں نے خسرو بختیار اور ان کی ٹیم کو شمولیت پر خوش آمدید کہتے ہوئے کہا کہ 3 بار وزیر اعظم بننے والے بھی کہتے ہیں کہ نیا پاکستان بنائیں گے۔ لوگوں کو زندگی کا فیصلہ کرنے کاحق نہیں ہوگا تو مطمئن نہیں ہوں گے۔

    انہوں نے کہا کہ چھوٹے صوبوں کے اندر احساس محرومی بڑھتی جا رہی ہے۔ ’بجٹ میں لاہور پر زیادہ خرچ ہو رہا ہے۔ تین صوبے مل بھی جائیں تو پنجاب پھر بھی بڑا ہے، مشرقی پاکستان کے لوگوں کو بھی احساس محرومی تھا۔ اختیارات نچلی سطح پر منتقل ہوں تو قومیں ترقی کرتی ہیں‘۔

    عمران خان کا کہنا تھا کہ جنوبی پنجاب صوبے کا قیام بے حد ضروری ہے۔ وفاق کے زیر انتظام قبائلی علاقے (فاٹا) کے خیبر پختونخواہ میں انضمام سے متعلق بھی جدوجہد کریں گے۔ امن و امان کی وجہ سے فاٹا کے عوام کو مشکلات رہیں۔ مقامی مسائل کو لوکل گورنمنٹ ہی سمجھتی ہے۔

    معاہدہ کیا ہے؟

    اے آر وائی نیوز نے معاہدے کی کاپی حاصل کرلی۔ عمران خان کے 11 نکات میں جنوبی پنجاب صوبے کا مطالبہ شامل ہے۔ 11 نکات میں شامل مطالبے کے تحت ایک کمیٹی بنائی جائے گی۔

    کمیٹی جنوبی پنجاب سے متعلق اپنی سفارشات عمران خان کو پیش کرے گی۔ کمیٹی میں محاذ کے چیئرمین اور دیگر اراکین شامل ہوں گے۔ معاہدے کے مطابق ترقی اور وسائل کی منصفانہ تقسیم کے لیے پنجاب کی تقسیم ناگزیر ہے۔

    صوبہ جنوبی پنجاب محاذ نے جنوبی پنجاب کے عوام کے لیے تحریک انصاف کے تحت جدوجہد کرنے کا عزم کیا ہے۔ معاہدے میں 100 دن میں صوبہ جنوبی پنجاب کے لیے عملی اقدامات کیے جانا شامل ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جنوبی پنجاب دل کے بہت قریب ہے، عوام سیاسی قلابازیاں کھانے والوں کو مسترد کردیں: شہباز شریف

    جنوبی پنجاب دل کے بہت قریب ہے، عوام سیاسی قلابازیاں کھانے والوں کو مسترد کردیں: شہباز شریف

    لاہور: وزیر اعلیٰ پنجاب شہباز شریف نے کہا ہے کہ جنوبی پنجاب کے عوام سیاسی قلابازیاں کھانے والوں کو مسترد کردیں گے۔

    تفصیلات کے مطابق جنوبی پنجاب کے اراکین اسمبلی نے شہباز شریف سے ملاقات کی، ملاقات کے دوران اراکین اسمبلی نے وزیر اعلیٰ پنجاب کی قیادت پر مکمل اعتماد کا اظہار کردیا۔

    شہباز شریف نے کہا کہ جنوبی پنجاب کے نام پر سیاست کرنے والوں نے ہمیشہ اس علاقے کو نظر انداز کیا ہے لیکن جنوبی پنجاب میرے دل کے بہت قریب ہے۔

    وزیر اعلیٰ پنجاب نے اراکین اسمبلی سے ملاقات کے دوران کہا کہ جنوبی پنجاب کے عوام کی خوش حالی میرا مشن ہے، ہم نے اس علاقے کی ترقی کے لیے جو کام کیے ہیں اس کی مثال نہیں ملتی۔

    ن لیگ کا بحران شدت اختیار کرگیا، جنوبی پنجاب سے تعلق رکھنے والے آٹھ ارکان مستعفی

    واضح رہے کہ ’جنوبی پنجاب صوبہ محاذ‘ کی تشکیل کے ساتھ ہی مسلم لیگ ن کے اندرونی بحران میں اضافہ ہوگیا ہے جس سے نمٹنے کے لیے ن لیگ کی اعلیٰ قیادت کو اس علاقے میں ہنگامی بنیادوں پر فعال ہونا پڑا۔

    جنوبی پنجاب میں اپنی سیاسی ساکھ کو نقصان سے بچانے کے لیے شہباز شریف نے اراکین اسمبلی سے خصوصی ملاقات کی۔ وزیراعلیٰ سے ملاقات کرنے والوں میں رکن قومی اسمبلی محمد ارشد خان لغاری، رکن صوبائی اسمبلی محمد ممتاز احمد قیصرانی اور میر بادشاہ قیصرانی شامل تھے۔ اراکین اسمبلی نے اس عزم کا اظہار کیا کہ وہ شہباز شریف کی قیادت میں بھاری اکثریت کے ساتھ کامیاب ہوں گے۔

    اسی جماعت سے اتحاد کریں گے، جس کا ایجنڈا جنوبی پنجاب کا قیام ہو: خسرو بختیار

    دوسری طرف منحرف ارکان کا مؤقف ہے کہ پنجاب میں ترقی ہوئی، مگر جنوبی پنجاب میں ترقی نہیں‌ ہوئی، محرومیاں بڑھ رہی ہیں۔ ہمیں صرف ہمارا حق چاہیے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • اڈیالہ جیل میں صفائیاں ہورہی ہیں، انہیں کیسے پتہ چلا کوئی آرہا ہے‘ نوازشریف

    اڈیالہ جیل میں صفائیاں ہورہی ہیں، انہیں کیسے پتہ چلا کوئی آرہا ہے‘ نوازشریف

    اسلام آباد : سابق وزیراعظم نوازشریف کا کہنا ہے کہ چوہدری نثارکے بارے میں قوم جانتی ہے، مجھ سے نہیں سننا چاہتی، جو نسلوں سے مسلم لیگ کے ساتھ ہیں وہ وفاداری نہیں بدلیں گے۔

    تفصیلات کے مطابق وفاقی دارالحکومت اسلام آباد میں صحافیوں سے غیررسمی گفتگو کرتے ہوئے مسلم لیگ ن کے قائد نوازشریف کا کہنا تھا کہ 6 ماہ میں فیصلے کا نہیں سزا کا کہا گیا تھا۔

    نوازشریف کا کہنا تھا کہ چاہتے ہیں نیب الیکشن سے پہلےامیدوار وں پردباؤ نہ ڈالے، جنوبی پنجاب میں وفاداریاں تبدیل کرنے والے کیا ایسے ہی چلے گئے۔

    سابق وزیراعظم کا کہنا تھا کہ کچھ لوگ کہہ رہے ہیں کہ اڈیالہ جیل میں صفائیاں ہورہی ہیں، کیا اڈیالہ والوں کو پہلے ہی پتہ چل گیا کہ کوئی آرہا ہے؟۔

    مسلم لیگ ن کے قائد کا کہنا تھا کہ جونسلوں سے مسلم لیگ کے ساتھ ہیں وہ وفاداری نہیں بدلیں گے، وفاداریاں تبدیل کرنے والوں کوعوام نے ووٹ نہیں دینے۔

    سابق وزیراعظم نوازشریف کا کہنا تھا کہ جنوبی پنجاب میں شہباز شریف نے مثالی کام کیے، وزیراعلیٰ پنجاب شہبازشریف نے اسپتال، ٹرانسپورٹ اوردیگرشعبوں میں ریکارڈ کام کیے۔

    مسلم لیگ ن کے رہنما چوہدری نثارعلی خان سے متعلق صحافی کے سوال پر نوازشریف کا کہنا تھا کہ چوہدری نثارکے بارے میں قوم جانتی ہے، مجھ سے نہیں سننا چاہتی۔

    احتساب عدالت کی سماعت کا پوری قوم کوپتہ چلناچاہیے‘ نوازشریف

    خیال رہے کہ گزشتہ روز مسلم لیگ ن کے قائد نوازشریف نے عدالتی کارروائی کے لائیو ٹیلی کاسٹ کا مطالبہ کرتے ہوئے کہا تھا کہ سماعت کولائیوٹی وی پر دکھانا چاہیے تاکہ پوری قوم کو سماعت کا پتہ چلے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ملتان : جنوبی پنجاب کو الگ صوبہ بنائیں گے، بلاول بھٹو زرداری

    ملتان : جنوبی پنجاب کو الگ صوبہ بنائیں گے، بلاول بھٹو زرداری

    ملتان : پیپلز پارٹی کے چیئرمین بلاول بھٹو زرداری نے کہا ہے کہ ملتان کو اپنا سیاسی مرکز قرار دیتا ہوں، جنوبی پنجاب کو الگ صوبہ بنائیں گے، ضیاءالحق نے یہاں پیپلزپارٹی کو توڑنے کی ناکام کوشش کی تھی۔

    ان خیالات کااظہار انہوں نے ملتان میں تقریب سے خطاب کرتے ہوئے کیا، بلاول بھٹو نے کہا کہ ملتان کے لوگوں نے ہمیشہ پیپلزپارٹی کا ساتھ دیا اورپی پی نے بھی ملتان کی ہمیشہ خدمت کی۔

    پچھلے دور حکومت میں ملتان فیصل آباد موٹروے، ایئرپورٹ تعمیر کیا گیا، پی پی دور میں آصف زرداری کی ہدایت پر گندم کی قیمت 1200روپے فی من تک کی گئی تھی۔

    بلاول بھٹو کا پیپلز پارٹی کے پچھلے دور حکومت کے اقدامات پر روشنی ڈالتے ہوئے کہنا تھا کہ پچھلے دس سال میں ہم نے سندھ میں 1800میل طویل کینالز کو پکا کیا، سندھ میں یوسی سطح پر غربت کے خاتمے کا پروگرام شروع کیا، سندھ میں غریب خواتین کو بلا سود قرضے دیئے گئے، اس پروگرام کی بدولت سندھ کے چھ لاکھ خاندان غربت سے نکل چکے ہیں۔

    بلاول بھٹو کا مزید کہنا تھا کہ کراچی میں ساؤتھ ایشیا کا سب سے بڑا دل کا اسپتال بنایا جہاں مفت علاج ہوسکتا ہے، پیپلزپارٹی کسی ایک شہر پر توجہ نہیں دیتی دیگر شہروں میں بھی اسپتال کھولے، ملتان اور رحیم یارخان میں بھی ایسے اسپتال کھولے جاسکتے ہیں۔

    انہوں نے کہا کہ ہم نے جنوبی پنجاب صوبے کی بات کی تو ن لیگ نے اس کی مخالف کی تھی، ملتان کے عوام پیپلز پارٹی کا ساتھ دیں تو علاقے کی پسماندگی دور کردیں گے اور جنوبی پنجاب کو الگ صوبہ بنائیں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • پاکستان کواپنے پاؤں پرکھڑاکرنےاورکشکول توڑنےکا وقت آگیاہے‘ شہبازشریف

    پاکستان کواپنے پاؤں پرکھڑاکرنےاورکشکول توڑنےکا وقت آگیاہے‘ شہبازشریف

    لاہور: وزیراعلیٰ پنجاب شہبازشریف کا کہنا ہے کہ جنوبی پنجاب کے عوام کی ترقی اور خوشحالی ہمیشہ ترجیح رہی ہے۔

    تفصیلات کے مطابق وزیراعلیٰ پنجاب شہبازشریف نے میڈیا سے گفتگو کرتے ہوئے کہا کہ ترقیاتی منصوبوں میں جنوبی پنجاب کا کوٹہ آبادی سے10 فیصد زائد ہے۔

    وزیراعلیٰ پنجاب نے کہا کہ ایک دوسرے کو چور، ڈاکو کہہ کرمعاشرے کو کھوکھلا کیا جا رہا ہے۔ انہوں نے کہا کہ جھوٹ بولنے والوں کومنفی سیاست ترک کر دینی چاہیے۔

    شہبازشریف نے کہا کہ چور، ڈاکو تو ان کے دائیں بائیں کھڑےہیں، وہ نوجوانوں کے ذہنوں میں زہر گھول رہے ہیں۔

    وزیراعلیٰ پنجاب نے کہا کہ الزامات پرعدالتوں میں لےکرگیا، وہاں سے بھی بھاگتے ہیں، یہ لیڈرشپ کا کردار نہیں، وہ نوجوانوں کوغلط راہ پرڈال رہے ہیں۔ انہوں نے کہا کہ پاکستان کواپنے پاؤں پرکھڑا کرنے اورکشکول توڑنے کا وقت آگیا ہے۔

    خیبرپختونخواہ میں ہماری حکومت ہوتی تو11ماہ میں میٹروبس بنادیتے‘شہبازشریف

    واضح رہے کہ چار روز قبل ملتان میں وزیراعلیٰ پنجاب شہبازشریف کا کہنا تھا کہ پشاورمیں 2014 میں میٹرو بس کا اعلان ہوا جو اب تک شروع نہیں ہوئی، خیبرپختونخواہ میں ہماری حکومت ہوتی تو11ماہ میں میٹرو بس بنا دیتے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ہمارے مطالبات نہ مانے گئے تو شیر کا شکار کریں، بلاول بھٹو

    ہمارے مطالبات نہ مانے گئے تو شیر کا شکار کریں، بلاول بھٹو

    رحیم یارخان : پاکستان پیپلز پارٹی کے چیئرمین بلاول بھٹو زرداری نے کہا ہے کہ اگر عوام میرا ساتھ دیں تو ہم مل کر پاکستان میں تبدیلی لے آئیں گے۔

    جمال دین میں پارٹی کارکنان کی ریلی سے خطاب کرتے ہوئے بلاول بھٹو کا کہنا تھا کہ پیپلز پارٹی کی حکومت آئی تو ہم شیر کو بھاگھنے نہیں دیں گے، نواز شریف ہمارے 4 مطالبات مان لیں اگر نہیں مانے گئے تو شیر کا شکار کریں گے۔

    انہوں نے کہا کہ ہمارے مطالبات ملک و قوم کےمفاد میں ہیں جس سے پیچھے نہیں ہٹیں گے اگر ہمارے مطالبات نہیں مانیں گے تو پاکستان پیپلز پارٹی کی تیار کردہ پیپلز پارٹی شیر کو پکڑ کر بند کرے گی۔

    قبل ازیں رحیم یار خان میں کارکنان سے خطاب کرتے ہوئے بلاول بھٹو زرداری کا کہنا تھا کہ میں جانتا ہوں کہ رحیم یار خان کے عوام بہت مایوس ہیں کیوں کہ ان علاقوں کی تعمیر اور ترقی کی جانب توجہ نہیں دی گئی لیکن اب بی بی بیٹا آگیا ہے اس لیے اب کسی نے مایوس نہیں ہونا ہے۔

    انہوں نے کہا کہ آپ کے پاس بی بی کا بیٹا آگیا ہے،تخت رائے ونڈ کو رحیم یار خان کے غریب عوام کا خیال نہیں ہے، میں سندھ میں اور پارٹی میں تبدیلی لے آیا ہوں اور اب آپ ساتھ دیں توپاکستان میں تبدیلی لے آﺅں گا۔

    واضح رہے کہ پاکستان پیپلز پارٹی کے سربراہ بلاول بھٹو زرداری جنوبی پنجاب کے دورے پر ہیں اور کل گھوٹکی میں ایک بڑے جلسہ عام سے بھی خطاب کریں گے۔ اس حوالے سے عوامی رابطہ مہم پر نکلے بلاول بھٹو کا رحیم یار خان اور جمال دین کے مقام پر شاندار استقبال کیا گیا اور پھولوں کی پتیاں بھی نچھاور کی گئیں۔

    اس موقع پر رحیم یار خان اور جمال دین میں کارکنان سے خطاب کے دوران بلاول بھٹو نے کارکنان سے نعرے لگوائے اور اجتماع میں موجود کارکنان کے جوش اور جذبے کو بڑھایا۔

  • جنوبی پنجاب سمیت جہاں ضرورت ہو آپریشن کیا جائے، جنرل ( ر) احسان الحق

    جنوبی پنجاب سمیت جہاں ضرورت ہو آپریشن کیا جائے، جنرل ( ر) احسان الحق

    اسلام آباد : سابق چئیرمین جوائنٹ چیف آف اسٹاف کمیٹی جنرل ریٹائرڈ احسان الحق نے کہا ہے کہ ملک میں جہاں آپریشن کی ضرورت ہو آپریشن کیا جائے۔ آپریشن جنوبی پنجاب میں بھی ہونا چاہئیے۔


    Former DG ISI calls for operation in South Punjab by arynews

    تفصیلات کے مطابق پاک فوج میں چئیرمین جوائنٹ چیف آف اسٹاف کمیٹی، ڈی جی ایم آئی اورڈی جی آئی ایس آئی کے عہدوں پر کام کرنے والے جنرل ریٹائرڈ جنرل احسان الحق نے اے آر وائی نیوز کے پروگرام پاور پلے میں خصوصی انٹرویو دیتے ہوئے کہا کہ جنوبی پنجاب میں مسائل موجود ہیں۔ آپریشن کی جہاں ضرورت ہو کیا جائے۔


    How were Nawaz’s relations with former army… by arynews

    جنرل ریٹائرڈ احسان الحق نے کہا کہ کوئی نوگو ایریا نہیں ہونا چاہیئے آپریشن میں سیاسی رہنماؤں کو بھی شامل ہونا چاہیئے۔

    ان کا کہنا تھا کہ دہشت گردی کیخلاف سب سے اہم کردار آرمی چیف کا ہے۔ دو سال میں دہشت گردی کیخلاف جنگ میں تیزی آئی ہے۔ پاکستان میں ہر سطح پر کرپشن ہے۔ کرپشن کا خاتمہ سب سے پہلی ترجیح ہونی چاہئے۔


    What factors one looks into before appointing… by arynews

    انہوں نے کہا کہ کراچی میں امن کیلئے سب کو کردار ادا کرنا ہوگا۔ اختیارات کے معاملے سب کو مل کر فیصلہ کرنا ہوگا۔ ایسے معاملات پر جھگڑے سے منفی اثر پرتا ہے۔


    Former DG ISI on democracy in Pakistan by arynews

    ان کا کہنا تھا کہ سول ملٹری تعلقات میں کئی بار مشکلات پیدا ہو جاتی ہیں۔ جنرل احسان الحق نے کہا کہ ملک کے سیاسی نظام میں بہت سی کمزویاں موجود ہیں، کہنے کو تو ہم جمہوری ہیں لیکن جمہوری معیار پر پورے نہیں اترتے ہیں۔

     

  • سیلاب کا رخ جنوبی پنجاب کی طرف، چنیوٹ اور جھنگ میں تباہی کا خدشہ

    سیلاب کا رخ جنوبی پنجاب کی طرف، چنیوٹ اور جھنگ میں تباہی کا خدشہ

    پنجاب : آزاد کشمیر اور پنجاب میں بارش اور سیلاب نے شدید تباہی مچا رکھی ہے اور اب یہ سیلابی ریلے جنوبی پنجاب کی جانب بڑھ رہے ہیں۔

    حافظ آباد روڈ کے ساتھ دریائے چناب کا حفاظتی بند ٹوٹ گیا ہے، ہیڈ قادر آباد پراس وقت پانی کا بہاؤ آٹھ لاکھ ساٹھ ہزار کیوسک ہے، بالائی پنجاب میں تباہی مچانے کے بعد چناب اورجہلم میں بھارت کی جانب سے چھوڑا گیا سیلابی ریلا جنوبی پنجاب کی طرف بڑھ رہا ہے۔ حافظ آباد روڈ کے ساتھ دریائے چناب کا حفاظتی بند ٹوٹ گیا، جس کے باعث سیلابی پانی نواحی گاؤں ٹای گورایا میں داخل ہوگیا جبکہ  پنڈی بھٹیاں حافظ آباد روڈ ٹریفک کیلئے بند کردیا گیا ہے۔

    آٹھ لاکھ کیوسک کا سیلابی ریلا حافظ آباد میں ہیڈ قادر آباد کے مقام سے گزر رہا ہے، جو چنیوٹ سے ہوتا ہوا تریموں بیراج پہنچے گا، دریائے جہلم کا سیلابی ریلا منڈی بہاؤالدین ،سرگودھا،خوشاب سے ہوتا ہواجھنگ کے متعدد دیہات کو اپنی لپیٹ میں لے چکا ہے لیکن جہلم کا بڑا ریلہ تریموں بیراج پہنچے گا۔

    آٹھ سے نو لاکھ کیوسک کے سیلابی ریلوں کے باعث جھنگ اور اس کی نواحی آبادیوں کو شدید خطرات لاحق ہیں، تریموں بیراج سے پانی کے بہاؤ کی گنجائش چھ لاکھ چالیس ہزار کیوسک ہے، بیراج بچانے کیلئے اٹھارہ ہزاری کے مقام پر حفاظتی پشتے میں تین مقامات پر شگاف ڈالا جا سکتا ہے۔

    تریموں بیراج سے نکلنے کے بعد یہ سیلابی ریلا شورکوٹ ،گڑھ مہاراجہ ،احمدپور سیال، ملتان، مظفرگڑھ اور ڈی جی خان سے ہوتا ہوا پنجند پہنچے گا، سیلاب کے پیش نظر دریا کے قریب واقع آبادیوں میں فلڈ وارننگ جاری کردی گئی ہے۔ سیلابی ریلا چنیوٹ سے گزرا تو تئیس دیہات صفحہ ہستی سے مٹا گیا ۔

    مو ضع حسین، موضع ابہلو سمیت تحصیل بھوانہ کے گاؤں ڈوب گئے، جس کے باعث اہل علاقہ پھنس گئے، دریائے راوی میں شاہدرہ اور ہیڈ بلوکی کے مقام پر درمیانے درجے کا سیلاب ہے، سیالکوٹ کے نالوں میں آنے والے سیلابی ریلے تباہی مچاتے ہوئے آگے بڑھ گئے لیکن تباہی و بربادی کے آثارچھوڑ گئے۔

    سیلاب کے باعث سیالکوٹ کے بیشتر علاقوں میں نظام زندگی تاحال مفلوج ہے، سیلاب کے باعث لینڈ سلائیڈنگ ہوئی اور شاہراہ سری نگر کا بڑا حصہ سیلاب میں بہہ گیا۔

  • ملتان سمیت جنوبی پنجاب کی مرکزی شاہراہوں پر کنٹینرز پہنچ گئے

    ملتان سمیت جنوبی پنجاب کی مرکزی شاہراہوں پر کنٹینرز پہنچ گئے

    پنجاب : ملتان سمیت جنوبی پنجاب کی مرکزی شاہراہوں پر کنٹینرز پہنچ گئے، مسافر گاڑیوں سے پوچھ گچھ کی جارہی ہے جبکہ شہر میں دفعہ 144 نافذ کر دی گئی۔

    ملتان مظفر گڑھ مرکزی شاہراہ پر چناب پل دونوں اطراف ، رحیم یار خان کوٹ سبزل جبکہ کشمور روڈ پر چوک ماہی کے قریب سڑکوں پر کنٹینرز پہنچا دیئےگئے ہیں۔ پولیس کی بھاری نفری بھی موقع پر موجود ہے، مرکزی شاہراہوں پر مسافر گاڑیوں کی جانچ پڑتال جبکہ مسافروں سے پوچھ گچھ جاری ہے۔

    شاہراہوں پر کھڑی رکاوٹوں سے کوٹ سبزل کے مقام پر سندھ اور کشمور روڈ پر بلوچستان سے آنے والی ٹریفک کو مشکلات کا سامنا ہے جبکہ ملتان شہر میں ضلعی انتظامیہ کی جانب سے دفعہ 144 نافذ کر دی گئی ہے، جس کے تحت اسلحہ کی نمائش اور ڈبل سواری پر پابندی عائد ہے۔