Tag: جنگی جنون

  • مودی کے جنگی جنون کے دوران کروڑوں بھارتی انٹرنیٹ پر ’’سیز فائر‘‘ کا مطلب ڈھونڈتے رہے!

    مودی کے جنگی جنون کے دوران کروڑوں بھارتی انٹرنیٹ پر ’’سیز فائر‘‘ کا مطلب ڈھونڈتے رہے!

    جنگی جنون میں مودی نے ڈیڑھ ارب بھارتیوں کی زندگیوں کو خطرے سے جھونک دیا لیکن ان کے دیس کے بھولے باسی سیز فائر کے مطلب سے بے خبر نکلے۔

    پہلگام فالس فلیگ آپریشن کی آڑ میں بھارت نے 7 مئی کو رات کی تاریکی میں پاکستان پر حملہ کرکے جنگ مسلط کرنے کی کوشش کی۔ لیکن پاک فوج کے آپریشن بنیان مرصوص کے ذریعہ شکست کی خاک چاٹنے کے بعد بھارتی حکومت سیز فائر پر مجبور ہوئی۔

    تاہم قابل ذکر بات یہ ہے کہ ایک ارب سے زائد آبادی والے کی بڑی آبادی جو مودی کے جنگی جنون کی نذر ہونے جا رہی تھی۔ وہ سیز فائر کے مطلب سے ہی بے خبر نکلی۔

    غیر ملکی میڈیا نے پاکستان اور بھارت کے درمیان چار روزہ جنگی صورتحال میں دونوں ممالک کی جانب سے انٹرنیٹ پر سب سے زیادہ سرچ کیا جانے والا مواد شیئر کیا ہے۔

    رپورٹ کے مطابق گوگل ٹرینڈز کی حالیہ ہفتے کی رپورٹ میں 7 سے 12 مئی کے دوران بھارتیوں نے جو سب سے زیادہ سرچ کیا وہ لفظ ’’سیز فائر‘‘ (جنگ بندی) کا مطلب تھا۔

    ایک کروڑ سے زائد بھارتیوں نے انٹرنیٹ پر سیز فائر کا مطلب سرچ کیا گیا۔ دوسرے نمبر پر بھارت میں آئی پی ایل کے نئے شیڈول سے متعلق سرچ کیا گیا اور ان کی تعداد 50 لاکھ کے لگ بھگ رہی۔

    بھارتیوں نے تیسرے نمبر پر جو چیز سرچ کی وہ آپریشن سندور تھا۔ اس کے بعد ’’پاک بھارت خبریں اور آئی ایم ایف بالترتیب سرچنگ کے حساب سے چوتھے اور پانچویں نمبر پر رہیں۔

     

  • جنگی جنون میں مبتلا اسرائیلی صدر نے دو ریاستی حل کی مخالفت کر دی

    جنگی جنون میں مبتلا اسرائیلی صدر نے دو ریاستی حل کی مخالفت کر دی

    یروشلم: اسرائیل کے صدر  اسحاق ہرزوگ نے غزہ میں جنگ کے بعد دو ریاستی حل کی مخالفت کردی۔

    غیر ملکی میڈیا رپورٹ کے مطابق اسرائیل کے صدر اسحاق ہرزوگ نے ایک انٹر ویو میں کہا کہ یہ وقت نہیں ہے کہ جس میں ایک آزاد فلسطینی ریاست کے قیام کی بات کی جائے۔

    اسرائیلی صدر کا کہنا ہے کہ موجودہ حالات میں آزاد فلسطینی ریاست پر بات نہیں ہو سکتی دو ریاستی حل کے لیے امریکی تجویز سے اتفاق نہیں کرتے ہیں۔

    اسرائیلی صدر کا کہنا تھا کہ امن مزاکرات کی بات چیت سے پہلے اس جذباتی صدمے سے نمٹنا ہوگا جس سے ہم گزر رہے ہیں میری قوم صدمے میں ہے، اس لیے میں دو ریاستی حل کے خلاف ہوں۔

     دوسری جانب اسرائیلی وزیرِ دفاع نے کہا کہ حماس کے ساتھ جنگ کئی ماہ تک جاری رہے گی،  زمین کے اوپر اور نیچے حماس کے بنیادی ڈھانچے کو تباہ کرنا آسان نہیں ہے۔

    اسرائیلی وزیرِ دفاع نے مزید کہا کہ جنگ جیتنے میں وقت لگے گا، لیکن حماس کو تباہ کر دیں گے۔

    خیال رہے کہ بدھ کو وائٹ ہاؤس میں اپنی انتخابی مہم کیلئے چندہ جمع کرنے کی ایک تقریب میں امریکی صدر نے کہا تھا کہ نیتن یاہو کو سمجھنا ہو گا کہ عالمی دباؤ کے بعد مستقبل میں فلسطینی ریاست کے قیام سے انکار نہیں کرسکتے کیونکہ یہ بہت مشکل ہوگا۔

  • بھارت کا جنگی جنون، دفاعی بجٹ میں کھربوں روپے کا اضافہ

    بھارت کا جنگی جنون، دفاعی بجٹ میں کھربوں روپے کا اضافہ

    نئی دہلی: مقبوضہ کشمیر میں خون کی ہولی کھیلنے والا بھارت اپنے جنگی جنون سے باز نہ آیا، ملک کا دفاعی بجٹ 6 فیصد اضافے کے بعد لگ بھگ 34 کھرب بھارتی روپے ہوگیا۔

    آئے روز لائن آف کنٹرول کی خلاف ورزی کرنے والے بھارت نے اپنی روش نہ بدلی، جنگ کا جنون تاحال سر پر سوار ہے، بھارت نے دفاعی بجٹ میں اضافے کے ساتھ 34 کھرب بھارتی روپے ( 70 کھرب پاکستانی روپے) مختص کر دیئے۔

    یہ دفاعی بجٹ بھارت کے آئندہ مالی سال کے لیے ہے۔ بھارت کے ہٹلر مودی نے دفاعی بجٹ میں 6 فیصد تک اضافہ کرکے اپنی جنگی ترجیحات کا اظہار کر دیا ہے۔ اس بجٹ کو بھارت کے وزیر خزانہ نرملا سیتا رمن نے تقریبا تین گھنٹے کے طویل خطاب میں پیش کیا۔

    واضح رہے کہ بھارت میں دفاعی بجٹ میں اس سے قبل بھی اضافہ ہوا تاہم بجٹ کی رقم میں کرپشن کے بھی خدشات سامنے آئے ہیں۔ ماضی میں بھارتی فوجی اہلکار تیج بہادر یادیو نے سوشل میڈیا پر ایک ویڈیو جاری کی تھی جس میں اس نے بھارتی فوجی اہلکاروں کے ساتھ ہونے والے ناروا سلوک کا پردہ فاش کیا تھا، اپنی ویڈیو میں اس کا کہنا تھا کہ ہمیں ملنے والا کھانا افسران کھا جاتے ہیں یا پھر بازار میں بیچ دیا جاتا ہے۔

  • جنگی جنون میں مبتلا بھارت باز نہ آیا، اسرائیل سے بم خریدنے کے لیے تیار

    جنگی جنون میں مبتلا بھارت باز نہ آیا، اسرائیل سے بم خریدنے کے لیے تیار

    نئی دہلی: جنگی جنون میں مبتلا بھارت باز نہ آیا، بھارت نے اسرائیل سے بنکر بسٹر بم خریدنے کا معاہدہ طے کرلیا۔

    تفصیلات کے مطابق تین سو کروڑ روپے کی لاگت سے اسرائیل سے خریدے جانے والے اسپائیس بم بھارتی فضائیہ کو دئے جائیں گی۔

    بھارت کا جنگی جنون سر چڑھ کر بول رہا ہے، بھارتی اور اسرائیلی حکام کے درمیان ایک سو بنکر بسٹر بم خریدنے کا معاہدہ ہوگیا ہے۔

    جدید بنکر بسٹر بم بھارتی فضائیہ کو دئیے جائیں گے، بھارتی میڈیا کا کہنا ہے کہ 300 کروڑ روپے کی لاگت سے اسرائیل سے خریدے جانے والے اسپائیس بم بھارتی فضائیہ کو دئے جائیں گے۔

    یہ بم ہدف کو نشانہ بناتے ہیں اور بنکر کو بھی تباہ کرسکتے ہیں، بھارتی وزیراعظم نریندرا مودی نے دوسری مدت کیلئے وزیراعظم بننے کے بعد اسرائیل سے پہلا دفاعی معاہدہ کیا ہے۔

    بھارت کا دعویٰ ہے کہ اسپائیس بم اسپائیس دو ہزار سے جدید ہوں گے، پاکستان میں بالا کوٹ کے مقام پر یہ اسرائیلی بنکر بسٹر بم اسپائیس دو ہزار استعمال کئے گئے تھے۔

    نریندر مودی کو دوسری بار وزیر اعظم کا عہدہ سنبھالنے کے بعد بڑا جھٹکا

    دوسری جانب بھارتی وزیر اعظم نریندر مودی کو دوسری بار وزارت عظمیٰ کا عہدہ سنبھالنے کے بعد بڑا جھٹکا لگا ہے، امریکا نے بھارت کو دیا جانے والا جی ایس پی کا درجہ ختم کر دیا۔

    یاد رہے کہ 2017 میں بھارت کو جی ایس پی درجے سے سب سے زیادہ فائدہ ملا تھا، 2017 میں بھارت کو اس کی وجہ سے 5 ارب 70 کروڑ ڈالر کی ٹیکس چھوٹ ملی۔

  • جنگی جنون میں مبتلا بھارت کا دفاعی بجٹ 66 ارب ڈالر تک پہنچ گیا

    جنگی جنون میں مبتلا بھارت کا دفاعی بجٹ 66 ارب ڈالر تک پہنچ گیا

    نئی دہلی: بھارت عسکری طاقت بڑھانے والا دنیا کا چوتھا بڑا ملک بن گیا ہے جس کا دفاعی بجٹ 66 ارب ڈالر تک پہنچ گیا ہے۔

    اسٹاک ہوم ریسرچ انسٹیٹیوٹ کے مطابق بھارت نے اپنے دفاعی بجٹ میں 3.1 فیصد اضافہ کیا ہے جس کے بعد اس کا دفاعی بجٹ 66 ارب ڈالر تک ہوگیا ہے۔

    انسٹیٹیوٹ کے مطابق بھارت عسکری طاقت بڑھانے والا دنیا کا چوتھا بڑا ملک بن گیا ہے۔ بھارت لڑاکا طیاروں، جنگی بحری جہازوں، ہیلی کاپٹرز، آلٹری گنز اور بھاری ہتھیاروں پر بڑی رقم خرچ کر رہا ہے۔

    دوسری جانب سب سے بڑی جمہوریت کا دعویٰ کرنے والے بھارت میں کروڑوں افراد 24 گھنٹوں میں صرف ایک بار کھانا کھا پاتے ہیں لیکن بھارت غربت کے خاتمے کے بجائے مسلسل دفاعی بجٹ میں اضافہ کیے جا رہا ہے۔

    اسٹاک ہوم ریسرچ انسٹیٹیوٹ کی حالیہ رپورٹ کے مطابق دنیا کے کل دفاعی بجٹ میں بھارت کا حصہ 3.7 فیصد ہے۔ دفاعی ماہرین کے مطابق بھارت کے دفاعی بجٹ میں اضافہ خطے میں عدم توازن پیدا کر رہا ہے۔

    بھارت کے دفاعی بجٹ میں اس اضافے کے باوجود بھارتی فوج نہایت کسمپرسی کی حالت میں اپنی ذمہ داریاں انجام دے رہی ہے۔

    دو سال قبل بھارتی فوجی اہلکار تیج بہادر یادیو نے سوشل میڈیا پر ایک ویڈیو جاری کی تھی جس میں اس نے بھارتی فوجی اہلکاروں کے ساتھ ہونے والے ناروا سلوک کا پردہ فاش کیا تھا، اپنی ویڈیو میں اس کا کہنا تھا کہ ہمیں ملنے والا کھانا افسران کھا جاتے ہیں یا پھر بازار میں بیچ دیا جاتا ہے۔

    بعدا زاں بی ایس ایف اہلکار تیج بہادر کو نوکری سے فارغ کردیا گیا تھا جبکہ تیج بہادر نے فیصلے کے خلاف عدالت جانے کا اعلان کیا تھا۔

  • پاکستان کے خلاف جنگی جنون بھڑکانے والے مودی کا اصل مقصد بے نقاب

    پاکستان کے خلاف جنگی جنون بھڑکانے والے مودی کا اصل مقصد بے نقاب

    نئی دہلی: پاکستان کے خلاف جنگی جنون بھڑکانے والے بھارتی وزیر اعظم نریندر مودی کا اصل مقصد بے نقاب ہو گیا۔

    تفصیلات کے مطابق مودی کا اصل چہرہ بے نقاب ہو گیا، پاکستان کے خلاف جنگی جنون بھڑکانے کا اصل مقصد مہاراشٹر میں ایک ریلی میں خطاب کے دوران سامنے آ گیا۔

    نریندر مودی نے مہاراشٹر میں انتخابی ریلی سے خطاب میں نوجوانوں سے پلواما اور بالاکوٹ واقعے کا نام لے کر ووٹ مانگ لیے۔

    دوسری طرف بلی تھیلے سے باہر آنے پر اپوزیشن جماعتوں نے انڈیا کے الیکشن کمیشن سے نوٹس لینے کا مطالبہ کر دیا ہے۔

    یہ بھی پڑھیں:  انڈین ائیرفورس نریندر مودی کی ترجمان نہ بنے، بھارتی تجزیہ کار برس پڑے

    خیال رہے کہ بھارتی نژاد امریکی شہری نے نریندر مودی کی سازش کا بھانڈا پھوڑا تھا کہ مودی نے ووٹ کے لیے خون خرابے کی سازش کی ہے۔

    واضح رہے کہ آج معروف بھارتی تجزیہ کار اشوک سوین بھی پاکستان کے خلاف بھارتی فضائیہ کے بے بنیاد دعوؤں پر برس پڑے اور کہا کہ یہ دعوے مضحکہ خیز ہیں، بھارتی فضائیہ مودی کی ترجمان نہ بنے، ایئر فورس کو مودی کی الیکشن مہم کے لیے تذلیل سے گزارا جا رہا ہے۔

    یہ بھی پڑھیں:  بھارت: ہندو انتہا پسندوں کا مسلمان بزرگ پر گوشت فروخت کرنے کا الزام، بدترین تشدد

    انھوں نے بھارتی فضائیہ کی پریس کانفرنس اور پاکستان ایف 16 گرانے کے دعوے پر تنقید کرتے ہوئے کہا کہ بھارتی فضائیہ کو یاد رکھنا چاہیے کہ مودی چلا جائے گا، مگر بھارت کو یہیں رہنا ہے۔

  • بھارت کا جنگی جنون، روس سے کرائے پر ایٹمی آبدوز حاصل کر لی

    بھارت کا جنگی جنون، روس سے کرائے پر ایٹمی آبدوز حاصل کر لی

    نئی دہلی: جنگی جنون میں مبتلا بھارت  روس کے ساتھ ایک نئے معاہدے کے تحت کرائے پر ایٹمی آب دوز حاصل کر لیا۔

    تفصیلات کے مطابق بھارت نے روس کے ساتھ ایک نئی آب دوز  کرائے پر لینے کا معاہدہ کیا ہے، ایٹمی آبدوز کے حصول کا یہ معاہدہ 3 بلین ڈالرز پر مبنی ہے۔

    معاہدے کے مطابق روسی ایٹمی آب دوز 10 سال کے لیے لیز پر بھارت کے سمندروں میں خدمات انجام دے گی۔

    غیر ملکی خبر رساں ایجنسی کے مطابق روس کی ایٹمی طاقت کی حامل یہ تیسری آب دوز 2025 تک بھارت کو فراہم کی جائے گی۔

    خیال رہے کہ روس سرد جنگ کے زمانے میں بھی بھارت کو اسلحہ فراہم کرنے والا بڑا ملک تھا، اس سے قبل بھی بھارت کو ایک آب دوز کرائے پر دے چکا ہے، جس کے کرائے کی مدت میں اضافے کے لیے بھی مذاکرات کیے گئے ہیں۔

    یہ بھی پڑھیں:  پاک بحریہ نے سمندری حدود میں موجود بھارتی آبدوز کاسراغ لگا کر داخلے کی کوشش ناکام بنادی

    غیر ملکی میڈیا رپورٹس کے مطابق حالیہ معاہدے کے تحت روسی ایٹمی آب دوز کم از کم دس سال تک بھارت کے پاس رہے گی۔

    یاد رہے کہ بھارت کی جانب سے فضائی دراندازی اور بد ترین شکست کے بعد دشمن نے پاکستانی سمندری حدود میں بھی داخل ہونے کی کوشش کی لیکن مستعد پاک بحریہ نے اپنے سمندری زون میں موجود بھارتی آب دوز کا سراغ لگا کر اس کی دراندازی کی کوشش ناکام بنا دی۔

  • کرکٹ میں جنگی جنون، فواد چوہدری نے بھارتی ٹیم پر پابندی کا مطالبہ کر دیا

    کرکٹ میں جنگی جنون، فواد چوہدری نے بھارتی ٹیم پر پابندی کا مطالبہ کر دیا

    اسلام آباد: کرکٹ کے حسن کو گہنانے کے افسوس ناک اقدام پر وزیر اطلاعات فواد چوہدری نے بھارتی ٹیم پر پابندی کا مطالبہ کر دیا.

    ان خیالات کا اظہار انھوں نے میڈیا سے گفتگو کرتے ہوئے کیا. فواد چوہدری کا کہنا تھا کہ بھارتی کھلاڑیوں کا فوجی ٹوپی پہن کرمیچ کھیلنا آئی سی سی قوانین کے خلاف ہے.

    فودا چوہدری کے مطابق احسان مانی نے بتایا ہے کہ معاملہ آئی سی سی میں اٹھائیں گے، اگر آئی سی سی نوٹس نہیں لیتی، تو اس کامطلب ہے کہ وہ اپنے ہی قانون پرعمل درآمد نہیں کرا سکتی.

    انھوں نے کہا کہ پلواماواقعے کے بعد بغیر تحقیق پاکستان پر الزام لگایا گیا، مودی نے ہرطبقے کو جنگ میں ڈال دیا، پلوامے کے بعد منٹ نہیں لگا، فیک ویڈیوپرالزامات دھر دیے گئے.

    ہم توسمجھتے ہیں کہ حالیہ اقدام پربھارتی کرکٹ ٹیم پرپابندی لگا دینی چاہیے، آئی سی سی کوبھارت کی جانب سےکرکٹ کوسیاست زدہ کرنے پرنوٹس لیناچاہیے، فلسطین سے اظہار یکجہتی کرنے پرایک کھلاڑی پرپابندی لگائی گئی تھی.

    معاملہ نواز شریف کا

    فواد چوہدری نے کہا کہ کسی کی بیماری کو سیاست کے لئے استعمال نہیں کرنا چاہیے، نوازشریف کی بیماری پر ن لیگ کے رہنما سیاست کر رہے ہیں، نواز شریف صاحب کوجوبہترین سہولت ہوں گی، ہر صورت دیں گے.

    فواد چوہدری نے کہا کہ وزیراعظم واضح طور پر کہہ چکے ہیں کہ نوازشریف کوتمام طبی سہولتیں فراہم کی جائیں گی.

    امن کا امکان

    وزیر اطلاعات کا کہنا تھا کہ بھارتی سفیرآج پاکستان آرہے ہیں، ہمارے سفیر بھی نئی دہلی جائیں گے، حالات امن کی طرف بڑھ رہے ہیں، جواچھی بات ہے.

    وزیر اطلاعات نے کہا کہ بھارت ہمیں تنہا کرنا چاہتا تھا، عالمی سطح پرخود تنہا ہوگیا، ہمارےامن کے بیانیےکو پوری دنیا نے سراہا.

  • بھارتی کرکٹ ٹیم کا جنگی جنون، فواد چوہدری نے آئی سی سی سے ایکشن لینے کا مطالبہ کر دیا

    بھارتی کرکٹ ٹیم کا جنگی جنون، فواد چوہدری نے آئی سی سی سے ایکشن لینے کا مطالبہ کر دیا

    اسلام آباد: پاکستان کے وزیر اطلاعات فواد چوہدری نے بھارتی کرکٹ ٹیم کے غیر پیشہ ورانہ طرز عمل پر اعتراض‌ اٹھا دیا.

    تفصیلات کے مطابق فواد چوہدری کی جانب سے بھارتی کرکٹ ٹیم کے جنگی جنون پر کڑی تنقید کی گئی، وزیر اطلاعات نے آئی سی سی سے ایکشن لینے کا مطالبہ کیا ہے.

    خیال رہے کہ آج شہر رانچی میں آسٹریلیا کے خلاف تیسرے ون ڈے سے پہلے بھارتی ٹیم نے ایک بچگانہ حرکت کی. تمام کھلاڑیوں میں‌بھارتی فوج کے کیپ تقسیم کیے گئے.

    فواد چوہدری کا کہنا ہے کہ امیدہےآئی سی سی کھیل کوسیاست کی نذر کرنے پر ایکشن لے گی.

    وزیر اطلاعات نے کہا کہ بھارتی کرکٹ ٹیم کو روکا نہ گیا تو پاکستانی ٹیم سیاہ پٹیاں استعمال کرے، پاکستانی ٹیم بھارتی مظالم یاددلانےکے لئےسیاہ پٹیاں باندھے.

    وزیر اطلاعات فوادچوہدری کا کہنا تھا کہ پی سی بی کوبھارتی ٹیم کے رویے پر باقاعدہ احتجاج کرناچاہیے.

  • بھارتی کرکٹ ٹیم بھی مودی کے جنگی جنون میں‌ مبتلا ہوگئی

    بھارتی کرکٹ ٹیم بھی مودی کے جنگی جنون میں‌ مبتلا ہوگئی

    رانچی: بھارتی کرکٹ ٹیم بھی مودی کے جنگی جنون میں‌ رنگ گئی، کرکٹ‌کا حسن گہنا دیا.

    تفصیلات کے مطابق بھارت اور آسٹریلیا کے درمیان جاری ون ڈے سیریز میں‌ایک ایسا افسوس ناک منظر سامنے آیا، جس نے کرکٹ کے حسن کو شدید متاثر کیا.

    بھارتی ٹیم بھی نریندی مودی کے پروپیگنڈے کا شکار نظر آئی. سابق بھارتی کپتان دھونی نے تمام کھلاڑی میں آرمی کیپ تقسیم کیے.

    آخر میں ویرات کوہلی نے دھونی کو آرمی کیپ دیا، تمام کھلاڑی ان ہی کیپس کو پہن کے پریکٹس کرتے رہے.

    پاکستان کے خلاف نفرت انگیز پروپیگنڈا کرنے والے بھارت کے بورڈ نے اعلان کیا ہے کہ تمام کھلاڑیوں کی میچ فیس پلوامہ حملے کے متاثر کو جائے گا.

    گو بھارت میں‌کو سراہا گیا، مگر سنجیدہ حلقوں کی جانب سے اس پر شدید تنقید کی گئی اور مطالبہ کیا گیا ہے کہ کرکٹ کو اس نوع کی سرگرمیوں سے پاک رکھا جائے.

    بھارتی کرکٹ ٹیم کو فوجی کیپ لےڈوبی


    بھارتی فوجی کیپ بھارتی کرکٹ ٹیم کے کسی کام نہیں آئی۔ آسٹریلیا نے بھارتیوں پر سرجیکل اسٹرائیک کر دی،  32 رنز  سے ہرا دیا۔

    ویرات کوہلی نےہیلمٹ پہن کرسنچری بنائی،فوجی ٹوپی پہن کروکٹ گنوائی، باقی کھلاڑی بھی جادو نہیں جگا سکے۔