Tag: جنگ گروپ

  • خیر پور :میر شکیل اور 7 ملزمان کی گرفتاری کیلئے پولیس کراچی روانہ

    خیر پور :میر شکیل اور 7 ملزمان کی گرفتاری کیلئے پولیس کراچی روانہ

    خیر پور : پولیس نے جیو نیوز کے مالک میر شکیل الرحمان اور دیگر سات ملزمان کی گرفتاری کیلئے پولیس پارٹی کراچی روانہ کر دی۔

    خیر پور کی انسداد دہشتگردی کی خصوصی عدالت میں مقدمے کی سماعت جسٹس کوثر علی بخاری نے کی اور ملزمان کے پیش نہ ہونے پر اظہار ناراضگی کرتےہوئے انکے چوتھی دفعہ وارنٹ گرفتاری جاری کئے ۔ عدالت نے ایس ایس پی خیر پور کو حکم دیا کہ میر شکیل الرحمان کو گرفتار کرکےچودہ نومبر کو عدالت میں پیش کیا جائے۔ عدالت کو بتایا گیا کہ ملزمان کی گرفتاری کیلئے پولیس پارٹی کراچی روانہ کر دی گئی ہے، جن ملزمان کی گرفتاری کیلئے پولیس پارٹی روانہ کی گئی ان میں جیو نیوز کے مالک میر شکیل الرحمٰن ،ڈاکٹر عامر لیاقت حسین،شائستہ لودہی،نجمہ سیٹھی،انصار عباسی،ویناملک اور اسد ملک شامل ہیں۔

  • میرشکیل 6 نومبر کو لازمی پیش ہوں ، مٹھی کی عدالت کا حکم

    میرشکیل 6 نومبر کو لازمی پیش ہوں ، مٹھی کی عدالت کا حکم

    مٹھی :مقامی عدالت نے میر شکیل الرحمان کو چھہ نومبرکو عدالت میں حاضر ہونےکا حکم دے دیا ہے ۔

    مٹھی کی مقامی عدالت نے میر شکیل الرحمان کے وکلا کی درخواستیں مسترد کردیں، سرکاری وکیل کا کہنا ہے عدالت نے درخواستیں مسترد کرتے ہوئے میر شکیل الرحمن کو چھہ نومبر کو عدالت کے روبرو لازمی ہیش ہونے کا حکم دیا ہے۔

    سرکاری وکیل کا کہنا ہے میر شکیل الرحمن متعدد بارعدالت میں طلب کیے جانے کے باوجود حاضر نہیں ہوئے۔ میر شکیل کے وکلا نے عدالت کو بتایا کہ میر شکیل الرحمان جیو کے مالک نہیں ہیں، عدالت نےمیر شکیل کے وکلا کا موقف مسترد کردیا۔

    سرکاری وکیل کے مطابق عدالت نے میر شکیل الرحمان کیخلاف دائر مقدمہ کراچی منتقل کرانے کی درخواست بھی مسترد کردی ہے، مقامی شہری نے توہین رسالت ﷺپر مبنی پروگرام نشر کرنے پر میر شکیل الرحمان،شائستہ لودھی،اسدخٹک اور وینا ملک کیخلاف درخواست دائر کی تھی۔

  • نوازشریف، میرشکیل ودیگرکیخلاف غداری کے مقدمے کی درخواست

    نوازشریف، میرشکیل ودیگرکیخلاف غداری کے مقدمے کی درخواست

    کراچی: وزیراعظم نوازشریف، میرشکیل ودیگرکیخلاف غداری کے مقدمے کیلئے درخواست دائرکردی گئی، تفصیلات کے مطابق کراچی کے ایک سماجی کارکن کی جانب سے وزیرِاعظم میاں نوازشریف، جیو اورجنگ گروپ کے سربراہ میرشکیل الرحمٰن، وجاہت علی ودیگر کے خلاف سپریم کورٹ کراچی رجسٹری میں درخواست دائرکی ہے۔

    درخواست میں مؤقف اختیار کیا گیا ہے کہ جیو/جنگ گروپ پاک فوج اورآئی ایس آئی کو بدنام کررہاہے اوروزیراعظم میاں نواز شریف کی حکومت اس گروپ کی مسلسل حمایت کر رہی ہے۔

    انہوں نے کہا کہ جنگ  جیو کی خبروں میں یہ تاثر دیا جا رہا ہے کہ اسلام آباد میں جاری دھرنے آئی ایس آئی اور پاک فوج کا اسکرپٹ ہیں، درخواست میں کہا گیا ہے کہ سرحدوں کے محافظوں کیخلاف پروپیگنڈا کسی غیر ملکی ایجنڈے کا حصہ تو نہیں؟؟

  • حامد میر، میر شکیل اور میر ابراہیم کے ناقابل ضمانت وارنٹ جاری

    حامد میر، میر شکیل اور میر ابراہیم کے ناقابل ضمانت وارنٹ جاری

    لاہور: سیشن کورٹ نے پاک فوج کے خلاف کالم لکھنے پر حامد میر ، میر شکیل اور میر ابراہیم کے ناقابل ضمانت وارنٹ گرفتاری جاری کر دیئے ہیں ۔

    لاہور کی سیشن عدالت میں پاک فوج کے خلاف کالم لکھنے پر حامد میر ، میر شکیل الرحمان اور میر ابراہیم کے خلاف دائر مقدمے کی سماعت کی، درخواست گزار کے وکیل نے موقف اختیا ر کیا کہ ملزمان پاکستان میں موجود ہیں لیکن پولیس انہیں گرفتار نہیں کر رہی ہے عدالت سے استدعا ہے کہ ان کے وارنٹ گرفتاری جاری کیے جائیں۔

    سماعت کے بعد عدالت نے میر شکیل الرحمان ،میر ابراہیم اور حامد میر کے ناقابل ضمانت وارنٹ گرفتاری جاری کرتے ہوئے انہیں 25ستمبر کو پیش کر نے کا حکم دے دیا،عدالت کا مزید کہنا تھا کہ اگر ملزمان کو پیش نہ کیا گیا تو متعلقہ ایس ایچ او کے خلاف کارروائی کی جائے گی ۔ یاد رہے کہ حامد میر نے تین ماہ قبل پاک فوج کے خلاف کالم لکھا تھا ۔

  • آئی ایس آئی کےخلاف دھرنےکااعلان،جنگ گروپ پرمقدمہ چلے گا

    آئی ایس آئی کےخلاف دھرنےکااعلان،جنگ گروپ پرمقدمہ چلے گا

    لاہور: ہائیکورٹ نے جنگ اور جیو کی جانب سے آئی ایس آئی کے دفتر کے سامنے دھرنا دینے کے اعلان کے خلاف درخواست سماعت کیلئے منظور کرلی ہے۔

    لاہور ہائیکورٹ کے جسٹس مامون الرشید نے جنگ اور جیو گروپ کے خلاف درخواست کی سماعت کی، درخواست گزار آفتاب ورک ایڈووکیٹ نے مؤقف اپنایا کہ قانون کسی حساس ادارے کے خلاف اس طرح کے احتجاج کی اجازت نہیں دیتا، جنگ اور جیو گروپ کو آئی ایس آئی کے دفتر کے باہر دھرنا دینے سے روکا جائے۔

    عدالت نے دلائل سننے کے بعد درخواست باقاعدہ سماعت کیلئے منظور کرلی ہے، درخواست کی مزید سماعت سترہ ستمبر کو ہوگی۔

    چندروز پہلے جنگ گروپ نے مختلف الزامات لگاتے ہوئے آئی ایس آئی کے خلاف احتجاج کا اعلان کیا تھا۔

  • گلگت: جنگ گروپ میرشکیل الرحمان اوردیگر پرفرد ِجرم عائد

    گلگت: جنگ گروپ میرشکیل الرحمان اوردیگر پرفرد ِجرم عائد

    گلگت:  انسداد دہشتگردی عدالت نے جنگ اور جیو گروپ کے مالک میر شکیل الرحمان اور دیگر پر فردِ جرم عائد کردی ہے۔

    توہین اہلِ بیت کیس کی سماعت گلگت کی انسداد دہشت گردی عدالت نمبرایک کے جج راجا شہباز نے کی، عدالت نے جنگ اورجیو گروپ کے مالک میر شکیل اور دیگر ملزمان پر فرد جرم عائد کردی۔

    جیو نیوز کے پروگرام میں توہین اہلِ بیت کے خلاف شہری نے درخواست دی تھی، انسداد دہشتگردی عدالت گلگت بلتستان نے میر شکیل اور دیگرکے خلاف نوٹسز اورتصاویر کے ساتھ بھی نوٹسز جاری کئے لیکن ملزمان حاضر نہیں ہوئے، جس پرعدالت نے ملزمان کی جائیداد کی ضبطگی کا حکم جاری کیا تھا۔

    میرشکیل سمیت دیگرملزمان نے چیف کورٹ گلگت بلتستان میں فیصلے کے خلاف درخواست دائرکی تھی لیکن اُن کی درخواست مسترد کردی گئی تھی، اس کے باوجود ملزمان عدالت میں پیش نہ ہوئے، جس کے بعد انسداددہشتگردی عدالت نے فردِ جرم عائد کردی۔

  • میر شکیل کا نام ای سی ایل میں ڈالنے کے لئے درخواست دائر

    میر شکیل کا نام ای سی ایل میں ڈالنے کے لئے درخواست دائر

    اسلام آباد : جیو نیوز کے مالک میر شکیل الرحمان کے خلاف اسلام آباد کے تھانہ مارگلہ میں درخواست دائر کردی گئی۔

    تھانہ مارگلہ میں ارشد بٹ نامی شخص کی جانب سے جیو نیوز کے مالک میر شکیل الرحمان کے خلاف درخواست دی گئی، جیو نیوز کے مالک میر شکیل الرحمان کو پاکستان کی مختلف عدالتوں نے اشتہاری قرار دیا جاچکا ہے اور جیو کا مالک پولیس کو مختلف مقدمات میں بھی مطلوب ہے۔

    ارشد بٹ نامی شخص نے درخواست میں موقف اختیار کیا ہے کہ میر شکیل الرحمان ان دنوں اسلام آباد میں مقیم ہےاور عدالت نے میر شکیل الرحمان کے گرفتاری کے وارنٹ بھی جاری کیئے ہوئے ہیں، درخواست میں موقف اختیار کیا گیا ہے کہ میر شکیل الرحمان کا نام ای سی ایل میں ڈالا جائے۔