Tag: جنید اکبر

سیکریٹری جنرل پی ٹی آئی سلمان اکرم راجہ نے کہا ہے کہ جنید اکبر چیئرمین پبلک اکاؤنٹس کمیٹی کے عہدے پر برقرار رہیں گے۔

تفصیلات کے مطابق جنید اکبر کی جانب سے پبلک اکاؤنٹس کمیٹی کی چیئرمین شپ سے استعفیٰ دینے کے بعد سلمان اکرم راجہ کا اہم بیان سامنے آیا ہے جس میں پی ٹی آئی سیکریٹری جنرل نے کہا کہ چیئرمین پی اے سی کی حیثیت سے جنید اکبر کی خدمات جاری رہیں گی۔

سکمان اکرم راجہ نے کہا کہ بانی پی ٹی آئی کو جنید اکبر کی دیانتداری اور صلاحیت پر مکمل اعتماد ہے، جنید اکبر عوامی فنڈز کے حکومتی استعمال پر نگرانی جاری رکھیں گے، بانی نے جنید اکبر پر مکمل اعتماد کا اظہار کیا ہے۔

جنید اکبر نے پبلک اکاؤنٹس کمیٹی کی چیئرمین شپ سے استعفیٰ دے دیا

گزشتہ دنوں پاکستان تحریک انصاف کے رہنما جنید اکبر نے پبلک اکاؤنٹس کمیٹی کی چیئرمین شپ سے استعفیٰ دیدیا تھا، انھوں نے استعفیٰ چیئرمین پی ٹی آئی بیرسٹر گوہر کے حوالے کیا۔

ان کا کہنا تھا کہ عہدہ پارٹی کی امانت تھا، پارٹی قیادت کی ہدایت پر استعفیٰ جمع کرایا، بانی پی ٹی آئی کا فیصلہ دل سے قبول کرتا ہوں، بانی پی ٹی آئی چاہیں تو اسمبلی سے مستعفیٰ ہونے کو تیار ہوں۔

https://urdu.arynews.tv/imran-khan-directs-junaid-akbar-to-resign-as-pac-chairman/

اسلام آباد: جنید اکبر نے پبلک اکاؤنٹس کمیٹی کی چیئرمین شپ سےاستعفیٰ دے دیا اور کہا عہدہ پارٹی کی امانت تھا،پارٹی قیادت کی ہدایت پراستعفیٰ جمع کرایا۔

تفصیلات کے مطابق پاکستان تحریک انصاف کے رہنما جنید اکبر نے پبلک اکاؤنٹس کمیٹی کی چیئرمین شپ سے استعفیٰ دے دیا، انھوں نے استعفیٰ چیئرمین پی ٹی آئی بیرسٹر گوہر کے حوالے کردیا۔

رہنما نے کہا کہ عہدہ پارٹی کی امانت تھا، پارٹی قیادت کی ہدایت پر استعفیٰ جمع کرایا, بانی پی ٹی آئی کا فیصلہ دل سے قبول کرتا ہوں، بانی پی ٹی آئی چاہیں تو اسمبلی سے مستعفیٰ ہونے کو تیار ہوں۔

دوسری جانب پی ٹی آئی چیئرمین بیرسٹرگوہر نے کہا تھا کہ جنید اکبر سے متعلق مجھے گزشتہ رات ہدایات موصول ہوچکی ہیں، بانی پی ٹی آئی کی تمام ہدایات پر مکمل عملدرآمد کیا جاتا ہے، ان کا معاملہ ہماری پارٹی کا اندرونی معاملہ ہے۔

مزید پڑھیں : بانی پی ٹی آئی کی جنید اکبر کو چیئرمین پی اے سی کا عہدہ چھوڑنے کی ہدایت

یاد رہے بانی پی ٹی آئی کی جنید اکبر کو چیئرمین پی اے سی کا عہدہ چھوڑنے کی ہدایت کی تھی ، جس کے بعد رہنما پی ٹی آئی نے چیئرمین پی اے سی کا عہدہ چھوڑنے کی ہدایت کی تصدیق کرتے ہوئے کہا کہ وزیراعلیٰ خیبرپختونخوا کی جانب سے مجھے ہدایت مل چکی ہے، آفیشل چینل سے پیغام ملتے ہی عہدہ چھوڑ دوں گا۔

انھوں نے کہا تھا کہ مجھے ایسے پیغامات پہلے بھی مل رہے تھے، میں بانی پی ٹی آئی کی امانت انہیں لوٹانے کو تیار ہوں، مجھےحکم ہوا تو پارٹی عہدہ بھی چھوڑدوں گا۔

اسلام آباد : بانی پی ٹی آئی کی جنید اکبر کو چیئرمین پی اے سی کا عہدہ چھوڑنے کی ہدایت کردی۔

تفصیلات کے مطابق جنید اکبر نے چیئرمین پی اے سی کا عہدہ چھوڑنے کی ہدایت کی تصدیق کرتے ہوئے کہا کہ وزیراعلیٰ خیبرپختونخوا کی جانب سے مجھے ہدایت مل چکی ہے، آفیشل چینل سے پیغام ملتے ہی عہدہ چھوڑ دوں گا۔

انھوں نے کہا کہ مجھے ایسے پیغامات پہلے بھی مل رہے تھے، میں بانی پی ٹی آئی کی امانت انہیں لوٹانے کو تیار ہوں، مجھےحکم ہوا تو پارٹی عہدہ بھی چھوڑدوں گا۔

گذشتہ روز بانی پی ٹی آئی کی ہمشیرہ علیمہ خان نے میڈیا سے گفتگو کرتے ہوئے کہا تھا کہ اے ٹی سی راولپنڈی میں پتہ چلاکہ 42کیسز میں نامزد ہوں، وہاں کہا گیا کہ آپ بانی پی ٹی آئی کاپیغام جیل سےباہرلاتی ہیں۔جنید اکبر

ان کا کہنا تھا کہ بانی پی ٹی آئی کا پیغام تو سارے جیل سےباہر لاتے ہیں، میں نےاپنےبھائی کو جیل سے باہر لانا ہے۔

علیمہ خان نے مزید کہا کہ جنید اکبر کو پی اے سی سے استعفیٰ دینے کا عمران خان نے پیغام دیا، انھوں نے کہا پی اے سی کی چیئرمین شپ عمر ایوب کو دیں اور جنید اکبر کو تحریک شروع کرنے کا پیغام دیا ہے۔

اسلام آباد : پاکستان تحریک انصاف خیبرپختونخوا کے صدر جنید اکبرنے بڑا انکشاف کرتے ہوئے کہا کہ الیکشن 2024 کے لیے کوئی نام بانی پی ٹی آئی نے فائنل نہیں کیا، ان کے نام پر کس نے لسٹیں فائنل کیں۔

تفصیلات کے مطابق پاکستان تحریک انصاف خیبرپختونخوا کے صدر جنید اکبر نے اے آر وائی نیوز کے پروگرام خبر میں گفتگو کرتے ہوئے کہا کہ ہوسکتا ہے کچھ لوگ چاہتے ہوں میرے اور گنڈاپور کے درمیان اختلافات ہوں لیکن علی امین گنڈا پور اور میں ایک پیج پر ہوں یا نہیں لوگ بانی کیساتھ ہیں، لوگ میرے لیے نہیں بانی پی ٹی آئی کیلئے جلسے میں آئیں گے۔

جنید اکبر نے بڑا انکشاف کرتے ہوئے کہا کہ الیکشن 2024 کے لیے کوئی نام بانی پی ٹی آئی نے فائنل نہیں کیا، ہمیں بتایا گیا تھا ایم این ایز اور ایم پی ایز کے لیے نام بانی نے فائنل کیے لیکن میں نے جب بانی سے پوچھا تو انھوں نے جواب دیا میرے پاس کوئی لسٹ نہیں آئی۔

ان کا کہنا تھا کہ بانی کے نام پر ایم این ایزاورایم پی ایزکی کس نے لسٹیں فائنل کیں، اس کی تحقیقات ہونی چاہئیں، بانی پی ٹی آئی کے پیغامات ملتے ہیں اور معلوم ہے کہ وہ کیا چاہتے ہیں، بیرسٹرگوہر یاکسی اورنےابھی تک احتجاج سے متعلق بریف نہیں کیا۔

بشریٰ بی بی سے متعلق سوال پر کے پی صدر نے کہا کہ بشریٰ بی بی سے ایک ہی ملاقات 25 نومبر کی رات ہوئی تھی، بشریٰ بی بی نے کہا کہ آپ نے میرے ساتھ ڈی چوک جانا ہے، جس پر بشریٰ بی بی کو میں نے کہا کہ کوئی جائے یا نہیں ہم ساتھ جائیں گے۔

رہنما پی ٹی آئی کا کہنا تھا کہ صوابی جلسہ کے پی کی تاریخ کا بڑا جلسہ ہوگا، بانی پی ٹی آئی سے ملاقات کر کے مستقبل کا لائحہ عمل لوں گا، مجھے بانی پی ٹی آئی کے آشیرباد کی ضرورت ہے،عوام بانی کیساتھ ہیں۔

مذاکرات کے حوالے سے سوال پر انھوں نے کہا کہ سیاسی لوگوں کیساتھ ہمیں بیٹھنا چاہیے، جن کے پاس اختیار ہو، سب کہتے تھے حکومت کیساتھ بیٹھیں جبکہ ہم کہتے تھے یہ بے اختیار ہیں، ہم نے شروع سے کہا ان کیساتھ بیٹھیں گے، جس کے پاس اختیار ہوگا، ہم چاہتے ہیں کہ مذاکرات کے ذریعےمسائل کاحل نکلے اور عوام اور اداروں کے درمیان فاصلے کم ہوں۔

اسلام آباد : چیئرمین پبلک اکاؤنٹس کمیٹی جنید اکبر کا کہنا ہے کہ اداروں نے رویہ نہ بدلا تو دیگر آپشن موجود ہیں، ہمارے پاس آپشن ہے کہ صوبے کے چار پانچ علاقوں پر دھرنا دیں۔

تفصیلات کے مطابق پاکستان تحریک انصاف کے رہنما اور چیئرمین پبلک اکاؤنٹس کمیٹی جنید اکبر نے اے آر وائی نیوز کے پروگرام الیونتھ آور میں گفتگو کرتے ہوئے کہا کہ علی امین گنڈاپور وزیراعلیٰ خیبرپختونخوا ہیں، ان کی بات کی تصدیق یا تردید نہیں کروں گا۔

چیئرمین پبلک اکاؤنٹس کمیٹی کا کہنا تھا کہ خواہش ہے ادارے بیٹھ کر درمیان کا راستہ نکالیں، سیاسی لوگوں کے ساتھ اس لئے نہیں بیٹھتے تھے کہ ان کے پاس اختیار نہیں تھا، بات اسی سے ہونی چاہیے جس سے پاس اختیار ہو۔

انھوں نے کہا کہ میں ایسا نہیں کہ غلط بیانی کروں، مجھے سیاسی کمیٹی کا حصہ بنایا گیا تھا مگر ابھی تک اجلاس میں شرکت نہیں کی ، مذاکرات کرنے ہیں تو مخالفین بھی لچک کا مظاہرہ کریں، ہماری خواہش کو کمزوری سمجھیں تو ایسا نہیں ہونا چاہیے۔

رہنما پی ٹی آئی کا کہنا تھا کہ 8 فروری کو مینڈیٹ چوری کے خلاف احتجاج کررہے ہیں، 8 فروری کو صوابی میں جلسہ کریں گے، جلسے کے بعد گھروں کو چلے جائیں گے، بعد میں لائحہ عمل کا اعلان کریں گے۔

انھوں نے کہا کہ اداروں نے رویہ نہ بدلا تو دیگر آپشن موجود ہیں، ہمارے پاس آپشن ہے کہ صوبے کے چار پانچ علاقوں پر دھرنا دیں۔

عمران خان کے خط سے متعلق چیئرمین پبلک اکاؤنٹس کمیٹی کا کہنا تھا کہ بانی نے آرمی چیف کو خط لکھا ہے تو پارٹی کو اون کرنا چاہیے، بانی پی ٹی آئی نے خواہش ظاہر کی کہ فاصلے کم ہوں ، مجھے نہیں لگتا کہ بانی کی خواہش غیر ضروری ہے۔

جنید اکبر نے کہا کہ میں کسی کو یہ نہیں کہوں گا کہ اتنے بندے لیکر آئیں، کسی نےپارٹی کو وقت نہیں دیا تو اسے ٹکٹ بھی نہیں ملے، پارٹی میں سزااورجزا کا نظام شروع ہوچکاہے، پارٹی کےلئے جو کام کرے گا وہ آگےبڑھے گا۔

بشریٰ بی بی کے حوالے سے ان کا کہنا تھا کہ بشریٰ بی بی سیاسی معاملات میں نہیں،بانی فیصلے کرتے ہیں، بشریٰ بی بی کا نہ پہلے کسی معاملے میں رول تھا نہ اب رول ہے۔

عمران خان سے ملاقات سے متعلق انھوں نے بتایا کہ بانی پی ٹی آئی تک رسائی صرف فیملی کی تھی ،سیاسی ورکرزکی نہیں، بانی صرف بشریٰ بی بی اور علیمہ خانم سے ملاقات کرتے تھے تو مجبوری تھی کہ فیملی کے ذریعے ہی پیغام رسانی ہوتی تھی۔

چیئرمین پبلک اکاؤنٹس کمیٹی کا کہنا تھا کہ بانی پی ٹی آئی کومشکل وقت میں صحیح مشورےنہیں دیےگئے کیونکہ مشورے دینے والوں کو اپنا اور بچوں کامستقبل عزیز تھا، بدقسمتی سے سیاسی ورکرز کی جگہ مفادپرست لوگ مشورے دیتے ہیں، اقتدارمیں آکربدقسمتی سےمفادپرست ٹولہ جمع ہوجاتا ہے۔

9 مئی کے حوالے سے انھوں نے کہا کہ 9 مئی کا الزام ہم پر ہے تو ہم چاہتےہیں جوڈیشل انکوائری کی جائے، حکومت 9مئی واقعات کی جوڈیشل انکوائری کیوں نہیں کراتی، اداروں پر حملے نہیں ہونے چاہئیں،مذمت کرتا ہوں، غلط کام کرنے والے کو سزا ملنی چاہیے مگر ثابت کیا جائے ، 9مئی واقعات میں گرفتار تمام لوگوں کو سزائیں ہوئی ہیں، دنیا کی تاریخ میں کہیں نہیں ہے کہ 100فیصد لوگوں کو سزا ملی ہوں۔

اسلام آباد : چیئرمین پبلک اکاؤنٹس کمیٹی جنید اکبر خان نے آگے کا لائحہ عمل بتاتے ہوئے کہا کہ ہمارے پاس احتجاج سے متعلق3 آپشنز ہیں۔

تفصیلات کے مطابق چیئرمین پبلک اکاؤنٹس کمیٹی جنید اکبر خان نے اے آر وائی نیوز کے پروگرام ‘سوال یہ ہے’ میں گفتگو کرتے ہوئے کہا حکومت کا رویہ نہ بدلا تو دوبارہ احتجاج کریں گے۔

انھوں نے عمران خان کی جانب سے 8 فروری کو احتجاج کی کال پر بتایا کہ ہمارے پاس احتجاج سےمتعلق3آپشنزہیں، صوابی، دوسرا آپشن اضلاع میں احتجاج کا ہے، تیسراآپشن یہ ہےکہ ہم تیاری کے ساتھ احتجاج کیلئے نکلیں گے۔

چیئرمین پبلک اکاؤنٹس کمیٹی کا کہنا تھا کہ تینوں آپشن پر پارٹی قیادت مشاورت کر رہی ہے، پارٹی جوٹاسک دے گی پورا کرنے کی کوشش کروں گا۔

انھوں نے مزید کہا کہ پہلے دن سے کہہ رہے ہیں اداروں اورعوام میں فاصلے بڑھ رہے ہیں، ہمارامؤقف تھا جن کے پاس اختیارات ہیں ان سے بات کریں گے، یہ کسی کو وزیر نہیں بنا سکتے ان کے پاس کیا اختیارات ہوں گے۔

جنید اکبر خان کا کہنا تھا کہ ڈیلور نہ کر سکا تو چیئرمین پی اے سی سے استعفیٰ دیدوں گا، وسائل لوٹنے والے کا تعلق اپنی پارٹی سے ہی کیوں نہ ہو کارروائی کروں گا۔

انھوں نے بتایا کہ پی ڈبلیوڈی میں حکومتی شکایات کیخلاف میں کھڑا ہوا اور کچھ لوگ ناراض ہوئے تھے۔

راولپنڈی : بانی پی ٹی آئی نےعلی امین گنڈا پور کی جگہ کِسے بطور صدر پی ٹی آئی کے پی نامزد کیا؟ نام سامنے آگیا۔

تفصیلات کے مطابق بانی پی ٹی آئی عمران خان نے علی امین گنڈا پور کی جگہ جنید اکبر کو پی ٹی آئی کے پی کا صدر نامزد کر دیا۔

سلمان اکرم راجہ نے جنیداکبر کی بطور صدر پی ٹی آئی کے پی نامزدگی کی تصدیق کر دی، جنید اکبراور عاطف خان کی آج اڈیالہ جیل میں بانی پی ٹی آئی سے ملاقات بھی ہوئی۔

ان کا کہنا تھا کہ جنیداکبرکابطورصدرپی ٹی آئی کےپی تعیناتی کانوٹیفکیشن جلدجاری ہوگا۔

مزید پڑھیں : پی ٹی آئی رہنما جنید اکبر خان چیئرمین پی اے سی منتخب

گذشتہ روز پاکستان تحریک انصاف (پی ٹی آئی) کے رکن قومی اسمبلی جنید اکبر خان کو چیئرمین پبلک اکاؤنٹس کمیٹی (پی اے سی) منتخب کیا گیا تھا۔

طارق فضل چوہدری کی جانب سے جنید اکبر خان کا نام تجویز کیا گیا تھا، سینیٹر افنان اللہ، نارا قاسم، ریاض فتیانہ، وجیہہ قمر، جنید انوار اور سردار یوسف نے نام کی تائید کی جبکہ عمر ایوب، شبلی فراز، ڈاکٹر شاہ منصب علی نے بھی رضامندی ظاہر کی تھی۔

پی ٹی آئی رہنما عامر ڈوگر نے بتایا تھا کہ چیئرمین پی اے سی کے انتخاب میں ایک سال لگا اس کی ذمہ دار حکومت ہے، وزیر اعظم شہباز شریف کو چیئرمین بنایا گیا تو کوئی پینل نہیں مانگا گیا تھا۔